Leja muudi ne dikima padibu bakusaka bua kuenza bualu bubi

Bala Yelemiya 38:1-13 bua kumanya muvua muprofete Yelemiya ne muntu mutungu Ebede-meleke baleje muvuabu ne dikima.

Keba bua kumanya muvua malu menzeke tshikondo atshi. Mmunyi muvua Yelemiya muleje ne: uvua ne dikima pavuaye wambila bantu mukenji wa Yehowa? (Yel. 27:12-14; 28:15-17; 37:6-10) Ntshinyi tshiakenzabu pavuabu bumvue malu avua Yelemiya mubambile?​—Yel. 37:15, 16.

Buela mu buondoke. Bantu bavua basaka Yelemiya bua kuenza tshinyi? (jr 26-27 §20-22) Keba bua kumanya mudimu uvua nawu bina bia mâyi tshikondo tshia kale ne mushindu uvuabi. (it-1-F 483-484) Mmunyi muvua Yelemiya mua kuikala mumvue pavuaye mu tshina tshia mâyi wenda udina mu lunteke? Ntshinyi tshivua mua kuikala tshienze bua Ebede-meleke umvue buôwa?​—w12-F 1/5 31 §2-3.

Keba malongesha. Diebeja ne:

• ‘Ntshinyi tshidi bualu ebu bundongesha bua mutu Yehowa ukuba batendeledi bende ba lulamatu?’ (Mis. 97:10; Yel. 39:15-18)

• ‘Nnsombelu kayi idi mua kundomba bua ndeje dikima?’

• ‘Ntshinyi tshindi mua kuenza bua ngikale anu ne dikima dia bungi padibu bansaka bua kuenza malu mabi?’ (w11-F 1/3 30)a