Tshidi mua kukuambuluisha bua kuikala kubala Bible dituku dionso

Bu mutudi tuetu bonso ne bia bungi bia kuenza, bitu bitukolela imue misangu bua kubala Bible dituku dionso. (Yosh. 1:8) Biobi bikale nanku, anji tetabi kuenza nunku:

• Ikala ne tshintu tshidi tshikuvuluija dituku dionso. Teka dîba mu telefone webe didi ngonga mua kuikala udila bua uvuluke bua kubala Bible.

• Teka Bible muaba uudi mua kumumona. Wewe ubala Bible pa mabeji, muteke muaba udi mua kumumona pa lukasa dituku dionso.​—Dut. 11:18.

• Teleja dibala dia Bible dia mêyi makuata. Ikala uteleja dibala dia Bible dia mêyi makuata paudi wenza malu ebe makuabu. Tara, mamu wa lubanza udi bampanda-njila ne utu wenza mudimu anu butuku, udi wamba ne: “Kuteleja dibala dia Bible dia mêyi makuata pantu ngenza midimu ya kumbelu kutu kungambuluisha bua kuikala anu ne tshibidilu tshia kubala Bible dituku dionso.”

• Kuteketshi to. Bualu bua tshimpitshimpi bobu bukukuate ne bukupangeshe bua kubala Bible dîba diudi muteke, bala mvese nansha mikese kumpala kua kuya kulala. Nansha wewe ubala anu mvese mikese dituku dionso nebikuambuluishe.​—1 Pet. 2:2.