Maku
16 Dichi, chelili Sabata yinahiti dehi, Mariya Mandaleni, niMariya mama yaYakoba niSalomi alandili yuma yevumba dadiwahi kulonda amuwayishi Yesu hamujimba. 2 Hefuku datachi* mumulungu nabudidi yayeni, ayili kwijamu* henohu itena* dinaseli dehi. 3 Atachikili kudihula mulwawu nawu: “Hinyi wukutulañumwinaku ilola nakudifumisha kuchiisu chejamu?” 4 Ilaña chataliliwu kuchiisu chejamu, amweni ilola anadilañumuniku dehi hela chakwila dadiña deneni nankashi. 5 Cheñililiwu mwijamu, amweni kansi weyala nashakami kukabadi kakuchidiilu iku navwali munkukumba wutooka nawa ahayamini. 6 Wayilejeli nindi: “Bayi muhayamaku. Munakukeña Yesu wakuNazareta ajahililiwu hamutondu. Anamusañuli dehi. Munu mwosiyi. Talenu mwiluña mwamukaamikawu. 7 Dichi, yenu mwakaleji atumbanji twindi niPetulu nenu, ‘Wukuyañahu dehi kuÑaliliya. Kwenoku dikumukumumwena neyi chochayilejeliyi.’” 8 Chedikiliwu hanji, atemukili lufuchi nakufuma kwijamu iku anakuzaala nikuhayama nankashi. Nawa hiyalejeliku muntu hela wumuku, muloña atiyili woma.*