3 Mulambu wejima wakashalahu hamulambu wambutu, wakekalaña waAroni nianyanindi awamayala+ nakwikala chuma chajila chikupu+ chakufuma hanyilambu yaYehova yakwocha hakesi.

8 Yehova wamulejeli cheñi Aroni nindi: “Yeyi innenki mudimu wakutambula yawaana yikunletelañawu.+ Nakwinki eyi nianyaneyi awamayala chibalu chayuma yejima yajila yikuhanañawu aIsarela kwikala iseka deyi dahaya nyaaka.+ 9 Dikwikalaña deyi kufuma hanyilambu yajila yakwocha hakesi: dikwila nawu, kufuma hamulambu wejima wukulambulañawu, kushilahu ninyilambu yawu yambutu,+ nyilambu yawu yahanshidi+ ninyilambu yawu yanyiloña+ yikunlambulañawu. Hichuma chajila chikupu kudi eyi nikudi anyaneyi awamayala.