39 Hanoyu mpinji mwanta wakuBabiloni, Merodaki Baladani mwana kaBaladani, watemesheli nyikanda nichawaana kudi Hezekiya,+ muloña watiyili nawu wadiña wakata nawa nakoli.+ 2 Hezekiya wayitambwilili* namuzañalu nawa wayilejeli itala dindi mwahembeleleñayi maheta,+ dikwila nawu siliva, wuru, manji abalisamu nimanji amakwawu alema wuseya, yitwa yindi yejima yanjita niyuma yejima yadiña muyisweku yindi yayuma yalema. Kwosi chuma nichimu chabulili kuyilejayi Hezekiya mwitala* dindi nimuwanta windi wejimaku.