MASAMU
MUKANDA WATACHI
(Masamu 1-41)
1 Wudi namuzañalu yowu muntu wabulaña kwenda kwesekeja namwamulejañawu antu atama
Nawa hemanaña munjila yawakanshidiku+
Nawa hashakamaña nawakakudiwulaku.+
2 Ilaña watiyaña kuwaha nanshimbi jaYehova,+
Nawa watañaña nshimbi Jindi nezu damwishina* mwaana niwufuku.+
3 Wukwikala neyi mutondu watumbawu kutuloña,
Mutondu wasoñaña nyikaabu hachilaaka chawu,
Mafu awu hiyalepañaku.
Nawa yuma yejima yikwilañayi yikulumbulukaña.+
4 Antu atama hidichiyekalaku;
Ekala neyi muzuñu walelulañawu kudi mpepela.
5 Dichakakojeja antu atama akayifwishi namuloña neyi anayisompeshi;+
Nawa akanshidi hiyakatwalekahu kwikala hakachi kawantu aloñaku.+
2 Anyanta ahamaseki anadiloñeshi
3 Ahoshaña nawu: “Twayenu tuketoli maleñi awu
Nikunata nyonji yawu!”
4 Owu washakama hetanda mumawulu wakaseha;
Yehova wakayisupisha.
5 Hanoyu mpinji wakahosha nawena mukuzuwa
Nawa wakayitiyisha woma nakuzuwa kwindi kwasweja,
6 Nakuhosha nindi: “Ami aweni namuswanyiki mwanta wami+
HaZiyona,+ mpidi yami yajila.”
7 Lekenu nishimuni chinahoshiyi Yehova;
Nanleji nindi: “Eyi wudi mwanami;+
Dalelu ami nekali tata yeyi.+
8 Nlombi, nawa nukukwinka nyuza yiikali wuswana weyi
Niinsa jeseki jiikali iheta deyi.+
10 Ichi dinu, enu anyanta, mwekeshenu kashinshi;
Itejenu kufumba,* enu ansompeshi ahamaseki.
11 Mukalakelenu Yehova nawoma,
Nawa zañalalenu nakuzaala.
12 Mulemeshenu* mwana,+ neyi nehi Nzambi* wukuzuwa
Nawa mukujilumukila munjila,+
Muloña kuzuwa Kwindi kwabutukaña swayi.
Adi namuzañalu wowu antu ejima anabatami mudi Yena.
Isamu daDavidi hatemukileñayi mwanindi Abisalomi.+
3 Eyi Yehova, muloñadi akankunyi nami chinavuliliwu ñana?+
Muloñadi antu amavulu chinakuñimakenawu?+
2 Antu amavulu anakuhosha nawu:
“Nzambi wukumwamwina wanyi.”+ (Sela)*
5 Nukukaama heseki nakulezumukila mutulu;
Nawa nukuhinduka mukuwunda,
Muloña Yehova watwalekañahu kunkwasha.+
7 Nyamukaku, eyi Yehova! Ñamwini,+ eyi Nzambi yami!
Muloña wukweta ayilumbu jami ejima kumbaña;
Wukukotola mazewu awantu atama.+
8 Wamwinu wekala kudi Yehova.+
Nkisu yeyi yidi hadi antu jeyi. (Sela)
Kudi mukulumpi wawañimbi; kwimbila hamu nachisanji chanyonji. Isamu daDavidi.
4 Neyi nitambika, ñaakuli, eyi Nzambi yami waloña.+
Mbuzili njila yakutemukilamu* neyi nidi muyihuñu
Ntiyili luwi nawa tiyaku kulomba kwami.
2 Enu anyana kawantu, mwakaleka mpinjinyi kusawula kulema kwami?
Mwakaleka mpinjinyi kukeña yuma yamukunkulwayi nikukeñakeña yuma yakutwamba? (Sela)
4 Zuwaku, ilaña bayi wuvulumunaku.+
Dihosheshi mumuchima weyi, hakadidi keyi nawa mwenaku nzo-o. (Sela)
6 Kudi antu amavulu anakuhosha nawu: “Hinyi wukutumwekeshela chuma chachiwahi?”
Eyi Yehova, chejeji chakumesu eyi chitoñekeli hadi etu.+
7 Wunenzeshi muchima wami namuzañalu wasweja
Kubadika antu anaañuli mbutu jajivulu nivinyu yayiha.
8 Nukukaama heseki nakulezumukila mutulu mukuwunda,+
Muloña eyi nkaweyi hohu, eyi Yehova, yeyi wanleteshaña niikali wakiñewa.+
Kudi mukulumpi wawañimbi, kamina kahaNehiloti.* Isamu daDavidi.
5 Tiyililaku kumazu ami, eyi Yehova;+
Shaku maana kumwaabu wami.
2 Shaku maana kukudila kwami kwakulomba wukwashu,
Eyi Mwanta wami nawa Nzambi yami, muloña inakulomba kudi eyi.
3 Eyi Yehova, wukutiya izu dami nantetemena;+
Nantetemena nukukuleja kwakama kwami nawa nukutwalekahu kuhembelela.+
4 Muloña hiwudi Nzambi watiyaña kuwaha nayuma yatamaku;+
Kwosi muntu watama wunateli kushakama naneyiku.+
5 Muntu wadivwimba hanateli kwimana kumesu eyiku.
Yehova wahela chikupu akamadombu niantu atwambaña.*+
7 Ilaña ami nakeñila mwitala deyi+ muloña wakukeña kweyi kwakashinshi kwabadika;+
Nakadibuka nakutalisha kutembeli* yeyi yajila nakukulemesha chikupu.+
8 Eyi Yehova, nlomboli mukuloña kweyi muloña wawayilumbu jami;
Nwahishili njila yeyi.+
9 Muloña ahoshaña mwakutwamba mpinji yejima;
Mudi wena mudi kuhelañana hohu;
Mudiwu wawu hiijamu dachashi;
10 Ilaña Nzambi wakayifwisha namuloña;
Tufuta twawu aweni twakayijiyisha.+
Ayitemuni muloña wanshidi jawu jinasweji,
Muloña anadikañi naneyi.
11 Ilaña ejima abatamaña mudi eyi akazañalala;+
Akadikuwaña namuzañalu mpinji yejima.
Wakayikiñaña
Nawa antu akeña ijina deyi akazañalela mudi eyi.
12 Muloña wakakiswila muntu wejima waloña, eyi Yehova;
Wakayimwekeshela wuselewa. Wakayikiña neyi nkebu yeneni.+
Kudi mukulumpi wawañimbi; kwimba nayisanji yanyonji yakwimbila muSheminiti.* Isamu daDavidi.
6 Eyi Yehova, bayi wunhoshola iku wunazuwiku,
Nawa bayi wuñolola iku wunazuwiku.+
2 Ntiyili luwi, eyi Yehova, muloña inakuzeya.
Ñuuki, eyi Yehova,+ muloña mafwaha ami anakuzaala.
6 Nazeyi muloña wakwaaba kwami;+
Wufuku wejima nazoweshaña kadidi kami namadilu;*
Nenzeshaña kadidi kami namadilu.+
7 Mesu ami anazeyi muloña wachineñi;+
Anapuuti muloña wawantu ejima anakunkabisha.
8 Fumenu kudi ami, ejima wenu mwakoñaña yatama,
Muloña Yehova wakatiya kudila kwami.+
9 Yehova wakatiya chinakalomba wukwashu;+
Yehova waketeja kulomba kwami.
10 Ayilumbu jami ejima akatiya nsonyi nawa akaneña;
Akafumaku swayi-swayi muloña wansonyi.+
Mukeña* waDavidi wamwimbililiyi Yehova kutalisha hadi Kushi mwini Benjamini.
7 Eyi Yehova Nzambi yami, nabatami mudi eyi.+
Ñamwini kudi antu anakunkabisha nawa mpulwishi.+
3 Eyi Yehova Nzambi yami, neyi naluwañeshi,
Neyi nakoñi chuma chatama,
4 Neyi neli katama kudi muntu wunakuñilila yuma yayiwahi,+
Indi kwiji napuupi yuma yachilumbu chami chakadi muloña,*
5 Komana chilumbu chami anhañishi nakunkwata;*
Wumi wami awudatoli heseki
Nikuletesha kulema kwami kukisikili mulunkuñu. (Sela)
6 Nyamukaku nakuzuwa kweyi, eyi Yehova;
Yinyamukili ayilumbu jami nanochu chinazuwiwu;+
Hindukaku muloña wanami, nawa yileji amwekeshi wuñanji.+
7 Lekaku nyuza yikunyeñumuki;
Nawa wukuyibabesha iku wudi mwiwulu.
Nsompeshi, eyi Yehova, kwesekeja nakuloña kwami
Nawa kwesekeja nakashinshi kami.+
9 Mwani kumishaku nyidimu yatama yakoñañawu antu atama.
Ilaña kiñaku antu aloña,+
Chineli wudi Nzambi waloña+ washinshikaña nyichima yawantu+ niyitoñojoka yayeni yamukachi.*+
10 Nzambi hinkebu yami,+ Chamwinu chawantu oloka mumuchima.+
12 Neyi muntu kubalumuka mumuchima nehi,+ Yena walolaña mpoku yindi yakabali;+
Walemaña wuta windi wamukunji nakuwevula.+
13 Waloñeshaña yitwa yindi yafwana;
Waloñeshelaña chadimu nyivu yindi yabutukaña kesi.+
14 Talenu muntu wunemiti yatama;
Wabaabaña kukala nawa wasemaña makudi.+
15 Wapundaña ibuku nawa wadikunamishaña,
Ilaña waholokelaña mwibuku dapundiliyi yomweni.+
16 Kukala kwaletañayi kwakamufuntila hamutu windi yomweni;+
Ndombu yindi yakaholokela hachibañula chakumutu windi.
17 Nukumushimeka Yehova hawuñanji windi;+
Nukwimba tumina twakushimeka ijina daYehova+ Mukakubadika Chikupu.+
Kudi mukulumpi wawañimbi; kwimbila haGititi.* Isamu daDavidi.
8 Eyi Yehova Mwanta wetu, ijina deyi ochidabadika kulema heseki dejima;
2 Muloña wawakankunyi neyi
Wunamwekeshi ñovu jeyi mumazu afumaña mutunwa twanyana yanyanya ninyikeki,+
Kulonda wuyimweneshi ayilumbu niakakutenda.
3 Chinamona mawulu eyi, nyidimu yanyinu yeyi,
Kakweji nitutumbwa tuwaloñesha,+
4 Indi muntu wafwaña diyinyi mwaka wumwanukeña,
Nawa mwana kamutu diyinyi mwaka wumwakameneña?+
5 Wamwilishili kwikala wakehelamu chanti hadi añelu,*
Nawa wamuvwikili chibañula chakulema niwukeleñi.
6 Wamwinkeli wuswa hanyidimu yejima yakumakasa eyi;+
Wunashi yuma yejima mwishina danyendu yindi:
7 Nyikanka yejima yanyikoku, ampembi niañombi
Kushilahu nianyama amwisaña,*+
8 Atuda amuluzwizu niinshi jamukaluñalwiji,
Yuma yejima yahitaña mumajila amutuluñalwiji.
9 Eyi Yehova Mwanta wetu, ijina deyi ochidabadika kulema heseki dejima!
Kudi mukulumpi wawañimbi; kwimbila haMutalabeni.* Isamu daDavidi.
א [Alefu]
9 Nukukushimeka, eyi Yehova, namuchima wami wejima;
Nukushimuna nyidimu yeyi yakuhayamisha yejima.+
2 Nukuzañalala nawa nukuluñila mudi eyi;
Nukwimba tumina twakushimeka ijina deyi, eyi Mukakubadika Chikupu.+
ב [Beti]
3 Neyi ayilumbu jami atemuka nakufuntamu,+
Akuhukana nakujilumukila hamesu eyi.
4 Muloña wanhakwilañaku mwawuñanji;
Washakamaña hetanda deyi nakusompesha mwaloña.+
ג [Gimeli]
5 Wunahosholi nyuza+ nikujilumuna antu atama,
Nakujima ijina dawu haya nyaaka nanyaaka.
ה [Hi]
7 Ilaña Yehova washakama hetanda haya nyaaka;+
Washimatisha chikupu itanda dindi hasompeshelañayi mwawuñanji.+
ו [Wawu]
9 Yehova wakekala chiswamu chakiñewa* kudi antu anakabishiwu,+
Chiswamu chakiñewa mumpinji yayihuñu.+
ז [Zayini]
11 Mwimbilenu Yehova tumina twakumushimeka, yena washakamaña muZiyona;
Tiyakeshenu nyidimu yindi hakachi kawantu.+
ח [Heti]
13 Ntiyili luwi, eyi Yehova; talaku chinakunkabishawu antu anhela,
Eyi wanyamunaña nakunfumisha kuyiisu yakufwa,+
14 Kulonda nishimuni nyidimu yeyi yatelela kuhamekewa muyiisu yamwana kaZiyona wamumbanda,+
Nikuzañalela munyidimu yeyi yawamwinu.+
ט [Teti]
15 Nyuza yinaholokeli mwibuku dapundiliwu awenawu;
Nyendu yawu yinafwi mukaleñi kaswekeliwu awenawu.+
16 Yehova amwilukilaña kuchasompeshañayi.+
Muntu watama anamulawuli mumudimu wakumakasa indi yomweni.+
Higayoni.* (Sela)
י [Yodi]
17 Muntu watama wakatemuka nakuya Mwijamu,*
Nyuza yejima yakamuvulamena Nzambi.
כ [Kafu]
19 Nyamukaku, eyi Yehova! Bayi witeja muntu wafwaña emiki mushinduku.
Nyuza ayisompeshi hamesu eyi.+
20 Yitiyishi woma, eyi Yehova,+
Lekaku nyuza yiluki nawu hiyantu hohu afwaña. (Sela)
ל [Lamedi]
10 Muloñadi, eyi Yehova, chiwemenaña hahalehi?
Muloñadi chiwaswaminaña mumpinji yayihuñu?+
2 Muloña wakudivwimba, muntu watama wakumpishaña muntu wabula akumukwasha,+
Ilaña wakafwa mutufuta twadikasilañayi yomweni.+
3 Muloña muntu watama wadinkaña wanta hayuma yatama yafwilañayi*+
Nawa wakiswilaña mukalwisu;*
נ [Nuni]
Wamusawulaña Yehova.
4 Muloña wakudivwimba kwindi, muntu watama hakeñakeñaña wunsahuku;
Yena watoñojokaña hohu nindi: “Nzambi wekalaku wanyi.”+
5 Njila jindi jinatwalekihu kulumbulukilaku,+
Ilaña wunsompeshi weyi wabadika chikupu maana indi;+
Wasehaña* akankunyi nindi ejima.
6 Wadihosheshaña mumuchima windi nindi: “Hiyamba kanyinkeshaku;*
Kufuma kwikiñu dimu nakushika kwikiñu dikwawu
Hinamba kamonahu kukalaku.”+
פ [Pi]
7 Kanwa kindi kanenzali namashiñu, kutwamba, nimazu akutiyisha woma;+
Kwishina dedimi dindi kudi kukala nikukatishana.+
8 Wabelamenaña kwakwihi nakwashakamañawu antu;
Wafumaña heluña dindi haswamañayi nakujaha muntu wakadi muloña.+
ע [Ayini]
Mesu indi anakutalatala muntu wunahalwi.+
9 Wabelaminaña mwiluña dindi mwaswamañayi neyi mutupa wudi muwina windi.*+
Wahembelelaña kulonda akwati muntu wakadi akumukwasha.
Wakwataña muntu wakadi akumukwasha mukaleñi kindi neyi akikoka.+
10 Muntu wunakwatiyi wamuchikaña nakumunata heseki;
Ahalwa aholokelaña mumakasa indi.*
11 Wahoshaña mumuchima windi nindi: “Nzambi navulameniku.+
Nafutaleliku.
Wamonaña wanyi.”+
ק [Kofu]
12 Nyamukaku, eyi Yehova.+ Eyi Nzambi, nyamunaku chikasa cheyi.+
Bayi wuvulamena antu abula wakuyikwashakuku.+
13 Muloñadi muntu watama chinamusupishiliyi Nzambi?
Wahoshaña mumuchima windi nindi: “Wakansompesha wanyi.”
ר [Reshi]
14 Ilaña eyi wamonaña kukala niyihuñu.
Watalaña nawa wamanishaña kukala.+
ש [Shini]
15 Kotolaku chikasa chamuntu watama niwelaña yatama,+
Kulonda neyi eyi wukukeñakeña kutama kwindi,
Hiwukukwiwana nawa cheñiku.
16 Yehova hiMwanta haya nyaaka nanyaaka.+
Nyuza yinajiyi hamaseki.+
ת [Tawu]
17 Ilaña wakatiya mwakakulombawu amwovu, eyi Yehova.+
Wakakolesha nyichima yawu+ nawa wakayitiyilila nakanañachima.+
18 Mwana wabula tata yindi niantu anachikiki nyichima wakayisompelaku mwawuñanji,+
Kulonda muntu wafwaña wekala heseki akabuli kuyitiyisha cheñi woma.+
Kudi mukulumpi wawañimbi. DaDavidi.
11 Mudi Yehova dimu mwinnabatami.+
Hanu dinu wukunleja ñahi neyi:
“Tuukaku neyi kada wuyi hampidi yeyi!
2 Talenu antu atama chinakulemawu wuta wamukunji;
Anashi nsewu hamukunji,
Kulonda asowi antu oloka mumuchima iku adi mumwidima.
3 Neyi yikuku* anayihumoni dehi,
Antu aloña anateli kwiladi?”
4 Yehova wudi mutembeli yindi yajila.+
Itanda daYehova didi mumawulu.+
Mesu indi amonaña, mesu indi atonaña* chikupu ashinshikaña anyana kawantu.+
7 Muloña Yehova waloña;+ wakeña yilwilu yakuloña.+
Antu oloka akamona kumesu indi.*+
Kudi mukulumpi wawañimbi; kwimbila musheminiti.* Isamu daDavidi.
12 Ñamwini, eyi Yehova, muloña kwosi cheñi muntu washinshikaku;
Antu ashinshika ananooñi hakachi kawantu.
3 Yehova wakaketula nyivumbu yejima yatwambaña
Niidimi dadivwimbaña chikupu,+
4 Ana ahoshaña nawu: “Twakashinda namadimi etu.
Twazatishaña nyivumbu yetu kwesekeja nachitunakeñi;
Hinyi wunateli kwikala mwanta wetu?”+
5 “Muloña antu anakukabakana anakuyikabisha,
Muloña wakwaaba kwawatuzweñi,+
Nakanyamuka nakukoñahu chuma,” dichinahoshiyi Yehova.
“Nakayamwina kudi antu ayisawulaña.”*
7 Wakayihemba, eyi Yehova;+
Wakakiña muntu-himuntu hakachi kawu kufuma hanidi ikiñu haya nyaaka.
8 Antu atama endaña chakadi wakuyikañesha
Muloña anyana kawantu atiyakeshaña yuma yatama.+
Kudi mukulumpi wawañimbi. Isamu daDavidi.
13 Eyi Yehova, wakanvulamena kushika mpinjinyi? Haya nyaaka tahindi?
Wakasweka chamesu eyi kudi ami kushika mpinjinyi?+
2 Mpinjinyi yinakaleka* kwakama,
Nikwikala nachineñi mumuchima wami ifuku niifuku?
Ayilumbu jami akanshinda kushika mpinjinyi?+
3 Ntali nawa wuñakuli, eyi Yehova Nzambi yami.
Toñeshelaku chejeji hamesu ami, kulonda nibuli kukaama tulu twakufwa,
4 Kulonda chilumbu chami abuli kuhosha nindi: “Namushindi!”
Bayi witeja ayilumbu jami azañalali muloña wakudimbuka kwamiku.+
5 Hakwila ami kwami, nakuhwelela mukukeña kweyi kwakashinshi;+
Muchima wami wakazañalala nanyidimu yeyi yawamwinu.+
6 Nukumwimbila Yehova, muloña nankiswili chikupu.+
Kudi mukulumpi wawañimbi. DaDavidi.
14 Chisupi* wahoshaña mumuchima windi nindi:
“Yehova wekalaku wanyi.”+
Yilwilu yawu yatama, nawa yuma yelañawu yawuzondu;
Kwosi niwumu wunakwila chachiwahiku.+
2 Ilaña Yehova watalaña heseki hadi anyana kawantu iku wudi mwiwulu
Kulonda amoni neyi hadihu wudi nakashinshi, neyi hadihu wunakumukeñakeña Yehova.+
3 Ejima wawu anasenuki dehi;+
Ejima wawu adi nayilwilu yatama.
Kwosi niwumu wunakwila chachiwahiku,
Kwosi niwumuku.
4 Komana antu atama eluka wanyi?
Adaña antu jami neyi kwiji anakuda dinkendi.
Hiyamutambikaña Yehovaku.
5 Ilaña akatiya woma chikupu,+
Muloña Yehova wudi hamu nekiñu dawantu aloña.
6 Enu mwelaña yuma yatama mwakeñaña kuluwañesha munafuukuliyi kazweñi,
Ilaña Yehova diyi chiswamu chindi.+
7 Yayo-o, wamwinu waIsarela wadi kufuma muZiyona!+
Neyi Yehova napompeshi dehi antu jindi kufuma muwunkoli,
Yakoba atiyi kuwaha, Isarela azañalali.
Isamu daDavidi.
15 Eyi Yehova, hinyi wunateli kwikala mwenyi mwitenti deyi?
Hinyi wunateli kushakama mumpidi yeyi yajila?+
2 Muntu wunakwenda chakadi hakumwinkela muloña,*+
Wunakwila yuma yaloña+
Nawa wunakuhosha chalala mumuchima windi.+
3 Hatwambilaña akwawu nedimi dindiku,+
Hamwilaña ntuñi nindi katamaku,+
Nawa hasawulaña amabwambu jindiku.+
Welaña mwashiikañayi,* hela chakwila munakali ñahi.+
5 Hakongweshaña mali indi kulonda atambwilihu mali amakwawuku,+
Nawa hatambulaña majika kanwa akufwisha nachu muntu wakadi muloñaku.+
Muntu wejima welaña yumiyi wakanyinkeshewa wanyi.*+
Mikitami* yaDavidi.
16 Eyi Nzambi, nkiñi, muloña ami nabatami mudi eyi.+
2 Namuleji Yehova nami: “Yeyi Yehova, nsulu yami yakuwaha.
4 Ana afwilaña chikupu kukalakela anzambi acheñi adivulishilaña chineñi.+
Hinamba kahuñununa nyilambu yawu yamashiku,
Hela nyivumbu yami hiyakatena majina awuku.+
5 Yehova diyi iseka dami, iseka dami dinañambwiliwu,+ nawa kaapu* kami.+
Wakiñaña wuswana wami.
6 Anampimini maluña amawahi.
Eña, inakuzañalala nawuswana wami.+
7 Nukumushimeka Yehova, wunanfumbi.+
Nimumpinji yawufuku, yitoñojoka yami yayeni yamukachi* yañololaña.+
8 Natoñojokaña hadi Yehova mpinji yejima.+
Chineli wudi kuchikasa chami chachidiilu, hinamba kanyinkeshewaku.*+
9 Dichi muchima wami wunazañalali, wumi wami* wunatiyi kuwaha.
Nawa inakushakama* mukukiñewa.
10 Muloña hiwakanshiya* Mwijamuku.*+
Hiwaketeja weyi washinshika kumona ibukuku.*+
11 Wanlejaña njila yawumi.+
Kulomba kwaDavidi.
17 Tiyaku kulemba kwami kwakulomba wuñanji, eyi Yehova;
Shaku maana kukudila kwami kwakulomba wukwashu;
Tiyaku kulomba kwami kwakadi makasu.+
2 Nhakwiliku mwawuñanji;+
Mesu eyi amoni chuma chaloña.
3 Wunanshinshiki mumuchima wami, wunantalatali nawufuku;+
Wunantookeshi;+
Wukwiluka neyi hinafuukulihu kukoña chuma chatamaku,
Nawa kanwa kami kanavulumunihu wanyi.
4 Hichikweti muloña nayuma yelañawu antu amakwawuku,
Natondolweli njila jawatupondu, kwesekeja nezu dakunyivumbu yeyi.+
5 Madatilu ami alamati munjila jeyi
Kulonda nyendu yami yibuli kuhukana.+
6 Nakutambiki, muloña wukuñakula,+ eyi Nzambi.
Teñelekaku itu deyi* kudi ami. Tiyaku mazu ami.+
7 Mwekeshaku kukeña kweyi kwakashinshi munjila yayiwahi,+
Eyi Chamwinu chawantu akeñaña nawu wuyikiñi nachikasa cheyi chachidiilu
Kudi antu adikañaña naneyi.
10 Anachinchiki;*
Ahoshaña nakudivwimba nakanwa kawu;
11 Ichi dinu atunyeñumukaña nakutwisha mukachi;+
Atalatalaña kulonda amoni hatela kutudimbwishilawu.*
12 Wudi neyi mutupa wunakufwila kutabola kanyama,
Neyi mwenzi wamutupa wunakweba kulonda akwati.
13 Nyamukaku, eyi Yehova, wumuwani+ nawa wumudimbwishi heseki;
Ñamwini* kudi muntu watama nampoku yeyi yakabali;
14 Mpulwishi nachikasa cheyi, eyi Yehova,
Kudi antu amukanu kaayi,* akweti iseka dawu muwumi wunu,+
Ana iwenzeshaña nayuma yayiwahi yiwahanaña+
Nawa ana ashiyaña wuswana wawu kudi anyanawu amavulu.
15 Ilaña ami kwami, nakamona kumesu eyi mukuloña;
Kudi mukulumpi wawañimbi. Kamina kakambuña aYehova Davidi, kamwimbililiyi Yehova hefuku damupulwishiliwu kudi Yehova mumakasa awayilumbu jindi ejima kushilahu niSawulu. Wahosheli nindi:+
18 Nakukeña, eyi Yehova, ñovu yami.+
2 Yehova diyi ilola dami, diyi mpwembu yami nawa diyi wampulwishaña.+
Nzambi yami diyi ilola dami,+ mudi yena dimunabatamaña,
Diyi nkebu yami nawa luseñu* lwami lwawamwinu,* chiswamu chami chakiñewa.*+
3 Namutambiki Yehova, watela kushimekewa,
Nawa wukuñamwina kudi ayilumbu jami.+
4 Nyonji yakufwa yannyeñumukili kwi-i ndo-o;+
Dibaji deneni dawantu amukunkulwayi dantiyishili woma.+
6 Hinadiña muyihuñu namutambikili Yehova,
Natwalekelihu kumudilila Nzambi yami nami ankwashi.
Kufumahu, yena watiyili izu dami mutembeli yindi,+
Nawa kudila kwami kwakukeña nami ankwashi kwashikili kumatu indi.+
7 Kuhiñahu iseki datachikili kukanka nikunyinkesha;+
Yikuku yamapidi yazaalili
Nawa yakankili iku niniku muloña wakumuzuwisha.+
8 Wishi wakakumukili nakufuma mumazulu indi,
Nawa kesi kajilumunaña kafumini mukanwa kindi;+
Makala abutukileña kesi afumini kudi yena.
9 Wazembeli mawulu chakunkumukileñayi,+
Nawa mwishina danyendu yindi mwadiña mwidima wasweja chikupu.+
10 Wakandamini hakerubi nakwinza iku nakutuuka.+
Wakunkumukili heseki iku wudi hampuula jaspiritu.*+
11 Kufumahu, wadibutili mwidima,+
Wamunyeñumukili kwi-i ndo-o neyi kapundu,
Mumenji eyila bwi-i nimavu eyila bwi-i.+
12 Muchejeji chadiña hambidi yindi
Nvula yamalola nimakala abutukileña kesi afumini mumavu.
13 Kuhiñahu, Yehova watachikili kudidima mumawulu;+
Mukakubadika Chikupu welishili izu dindi kutiyakana+
Nanvula yamalola nimakala abutukileña kesi.
15 Kwishina datuloña* kwamwekeni;+
Yikuku yetuña yashalili hatooka nakuzuwa kweyi, eyi Yehova,
Namuuya wakuzuwa wafumini mumazulu eyi.+
16 Wolweli chikasa chindi kufuma mwiwulu;
Wankwatili nakunzambula mwinyiñi.+
18 Añimakeneni hefuku dalukadi lwami,+
Ilaña Yehova diyi wadiña nkwashi yami.
21 Muloña natwalekihu kwenda munjila jaYehova,
Nawa hinnakoñihu chuma chatama nakumushiya Nzambi yamiku.
22 Natoñojokaña hawunsompeshi windi wejima;
Hinamba kadiwula nshimbi jindiku.
24 Yehova anfweti kwesekeja nakuloña kwami,+
Kwesekeja nanochu chinabuli makasa ami ihuji kumesu indi.+
25 Kudi muntu washinshika, eyi wekalaña washinshika;+
Kudi muntu wakadi ihuji, eyi wekalaña wakadi ihuji;+
26 Kudi wakadi majilu, eyi wadimwekeshaña wakadi majilu,+
Ilaña kudi mukakudimbana, eyi wekalaña wababala.+
28 Muloña yeyi wabutulaña inoñu dami, eyi Yehova,
Nzambi yami wabalumunaña mwidima munidi kwikala chejeji.+
29 Nawukwashu weyi nateli kwimika mushindu chendu chawatupondu;+
Nañovu yaNzambi, ami nateli kukiluka mpwembu.+
Hinkebu yawantu ejima aswamaña mudi yena.+
31 Kudihu Nzambi mukwawu wabadika Yehova?+
Nawa hinyi ilola wabadika Nzambi yetu?+
33 Welishaña nyendu yami kwikala neyi yambaala;
Wañilishaña kwimana hayinañanaña.+
34 Wadizishaña makasa ami kuzuña njita;
Makasa ami anateli kuzemba wuta wamukunji wawuneñu.
35 Wanyinkaña nkebu yeyi yawamwinu,+
Chikasa cheyi chachidiilu chankwashaña,*
Nawa kudizoza kweyi kwanleteshaña kwikala walema.+
37 Nakakumpisha ayilumbu jami nakuyikwata;
Nakafunta wanyi sampu anajiyi ejima.
38 Nakayichika kulonda akabuli kunyamuka cheñi;+
Akadimbukila kunyendu yami.
39 Wakanyinka ñovu yakuzuña njita;
Wakelisha ayilumbu jami kudimbukila kumesu ami.+
41 Alombaña nawu ayikwashi, ilaña kwosi niwumu wayamwinaña;
Amudililaña niYehova, ilaña hayakulañaku.
42 Nakayitwa nakuyibalumuna neyi lunkuñu mumpepela;
Nakayinata neyi malowa munyikwakwa.
43 Eyi wakampulwisha kudi antu akeñakeñaña nyiloña mudi ami.+
Wakantonda kwikala nlomboli wanyuza;+
Antu inabula kwiluka akankalakela.+
44 Chakatiyawu hohu nsañu yidi yejima akañovwahila;
Añiinza akenza nakudibuka kudi ami.+
45 Añiinza akaleka kuhamuka;*
Akenza iku anakuzaala kufuma kumaluña awu akiñewa.
46 Yehova wamumi! Ilola dami dishimekewi!+
Nzambi yawamwinu wami amutuumbakeshi.+
47 Nzambi walala wantendaña;+
Wovwahishaña antu kulonda añovwahileña.
48 Wampulwishaña kudi ayilumbu jami azuwa;
Wannyamunaña hewulu kubadika antu anlukukaña;+
Wañamwinaña kudi mukamadombu.
49 Dichakaletesha nakakulemeshi hakachi kanyuza, eyi Yehova,+
Nawa nakemba tumina twakushimeka ijina deyi.+
50 Wamwililaña mwanta windi nyidimu yamaneni yawamwinu;*+
Wamwekeshaña kukeña kwakashinshi kudi windi wawayishewa,+
Kudi mukulumpi wawañimbi. Isamu daDavidi.
2 Ifuku niifuku ahoshaña,
Nawa wufuku niwufuku amwekeshaña maana.
3 Hiyahoshañaku nawa hiyakweti mazuku;
Izu dawu hidatiyakanañaku.
4 Ilaña lushindu lwawu lunatiyakani mwahita iseki dejima,
Nawa mazu awu anatiyakani kwakumina iseki dejima mwashakamawu antu.+
Mwiwulu nalemimu itenti mwakushakama itena;
5 Didi neyi kalemba wunakwidika mukapeka kindi;
Dazañalalaña neyi iyala mukañovu wunakutemuka lufuchi lwakudibecha.
6 Daselaña kufuma kunsa yimu yewulu,
Nawa danyeñumukaña nakushika kunsa yikwawu yewulu;+
Kwosi chuma chabulaña kutiya iyena daduku.
7 Nshimbi jaYehova jalala,+ jahanaña cheñi ñovu.*+
Yanukishu yaYehova yalala,+ yakwashaña muntu wabula maana kwikala namaana.+
8 Kuleja kwafumaña kudi Yehova kwaloña, kwaleteshaña muchima kuzañalala;+
Nshimbi jaYehova hosi hijataminaku, jaleñelaña mesu kutoñeka.+
9 Kumutiya Yehova woma+ kwakuwahi, kwatwalekañahu haya nyaaka
Wunsompeshi waYehova walala, wejima waloña.+
10 Wawuwahi nankashi kubadika wuru,
Kubadika wuru yinatookeshiwu chikupu,+
Nawa watowala nankashi kubadika wuchi,+ wuchi wavwaña kwipuma.
12 Hinyi wunateli kumona yiluwa?+
Ñanakeni hanshidi jinabula kwiluka nami najikoña.
14 Mazu akufumaña mukanwa kami niyuma yinukutoñojokañahu chikupu mumuchima wami
Jikutiyisheña kuwaha,+ eyi Yehova, Ilola dami+ nawa Nkuuli yami.+
Kudi mukulumpi wawañimbi. Isamu daDavidi.
20 Yehova akwakuli mumpinji yayihuñu.
Ijina daNzambi yaYakoba dikukiñi.+
3 Anukeña nyilambu yeyi yejima;
Atambwili mulambu weyi wakushita namuchima wumu.* (Sela)
4 Akwinki yuma yejima yafwilaña muchima weyi+
Nawa elishi yuma yejima yiwukufwilaña kwila* yilumbulukeña.
5 Twakadikuwa namuzañalu hanyidimu yeyi yawamwinu;+
Twakanyamuna mpandela jetu mwijina daNzambi yetu.+
Yehova akwinki yuma yejima yiwunalombi.
6 Ichi dinu neluki nami Yehova wamupulwishaña windi wawayishewa.+
7 Amakwawu ashindamenaña mumakalu nawa amakwawu mutuwalu,+
Ilaña etu twatambikaña hejina daYehova Nzambi yetu.+
8 Anahinuki nawa anadimbuki,
Ilaña etu tunanyamuki nawa tunemani cheñi zululu-u.+
9 Eyi Yehova, mwamwini mwanta!+
Wakatwakula mwifuku ditwakakeña wukwashu.+
Kudi mukulumpi wawañimbi. Isamu daDavidi.
2 Wunamwinki yuma yafwilaña muchima windi,+
Nawa hiwunamukiishi yuma yalombaña nyivumbu yindiku. (Sela)
3 Muloña eyi wayaña nakudibulakana nindi nankisu jasweja chikupu;
5 Nyidimu yeyi yawamwinu yamuleteshaña kwikala walema chikupu.+
Wamwinkeli kulema niwukeleñi.
6 Wamwilishaña kwikala wakiswilewa haya nyaaka;+
7 Muloña mwanta wakuhwelela mudi Yehova;+
Muloña wakukeña kwakashinshi kwaMukakubadika Chikupu, hiyamba kamunyinkeshaku.*+
8 Chikasa cheyi chakawana ayilumbu jeyi ejima;
Chikasa cheyi chachidiilu chakawana antu akuhela.
9 Wakayilisha kwikala neyi luteñu lwakesi hampinji yakutoñola dehi hiwakayisha maana.
Yehova wakayiminya mukuzuwa kwindi, nawa kesi kakayinoñesha.+
10 Akunyitaña yawu,* eyi wakayijilumuna heseki,
Nikujilumuna anyanawu nakuyifumisha hakachi kawanyana kawantu.
13 Nyamukaku, eyi Yehova, nañovu jeyi.
Tukwimba tumina twakushimeka ñovu jeyi.
Kudi mukulumpi wawañimbi; kwimbila “Mbaala wamukaji wakula dehi wakuMacha.”* Isamu daDavidi.
22 Nzambi yami, Nzambi yami, wunanshiyilidi nkawami?+
Muloñadi chiwunakubulila kwinza nakuñamwina?
Wabulilañadi kutiya kudila kwami kwakwaaba?+
2 Nzambi yami, nakutambikaña namwaana, ilaña hiwañakulañaku;+
Nawa nawufuku hinamwenañahuku.
5 Akudililili, nawa wayamwinini;
Akuhweleleli mudi eyi, nawa hiwayitiyishili nsonyiku.+
6 Ilaña ami nidi muzambu, bayi muntuku,
Ansehaña kudi antu nawa antiyaña wuzondu kudi antu.+
8 “Wadihanini yomweni kudi Yehova. Mulekenu Yena amwamwini!
Mulekenu Yena amwamwini, muloña wadikunda chikupu naYena!”+
9 Yeyi wanfumishili mwivumu,+
Yeyi wanletesheli niikali wakiñewa hinadiñi kumayeli amama yami.
10 Anhanini* kudi eyi kulonda wuñakameneña kufuma hefuku dinavwalikili;
Wunatwalekihu kwikala Nzambi yami, kufuma tuhu hinafumini mwivumu damama yami.
12 Anyana kañombi ayizamba amavulu anannyeñumuki;+
Ayizamba akuBashani akweti ñovu anañushi mukachi.+
14 Ananhuñununi neyi menji;
Mafwaha ami ejima anasopoki mumanuñi.
15 Ñovu yami yinoomi neyi chizanda;+
Idimi dami dinalamati kuwushinshinya wami;+
Wunanleti kulunkuñu lwakufwa.+
16 Muloña atuwa ananyeñumuki;+
Anannyeñumuki neyi izanvu dawantu akoñaña yatama,+
Adi kunyendu nikumakasa ami neyi mutupa.+
17 Natweshi kuchinda mafwaha ami ejima.+
Antalaña nikunshinshika.
19 Ilaña eyi, eyi Yehova, bayi wimena hahalehiku.+
Yeyi ñovu yami; nyakalaku kunkwasha.+
20 Ñamwini* kumpoku yakabali,
Amwinaku wumi wami walema kumakabu* awatuwa;+
21 Ñamwini kukanwa kamutupa+ nikunseñu jamaboñu;
Akulaku nawa wuñamwini.
23 Enu mwamutiyaña Yehova woma, mushimekenu!
Enu anyana* kaYakoba ejima, mulemeshenu!+
Imanenu nakumuzaala, enu anyana* kaIsarela ejima.
24 Muloña hanatiyi kutama hela kutiya wuzondu makabi amuntu anakukabishawuku;+
Yena hanamusweki chamesu indiku.+
Chamudilililiyi nindi amukwashi, yena watiyili.+
25 Nukukushimeka muchipompelu cheneni;+
Nukwila munakanini hamesu awantu amutiyaña woma.
Diluñishi nawumi* haya nyaaka.
27 Antu ejima ahamaseki akanuka nawa akafunta kudi Yehova.
Yisaka yejima yanyuza yakadibuka kumesu eyi.+
28 Muloña wanta wambala waYehova;+
Wayuulaña nyuza.
29 Antu ejima aheseki ashakamaña chiwahi* akada nawa akadibuka hamaseki;
Ejima anakuya kulunkuñu akafukama kumesu indi;
Kwosi niwumu hakachi kawu wunateli kuhandisha mawumi awuku.
30 Akunyitaña* yawu akamukalakela;
Ikiñu dakenza akadileja hadi Yehova.
31 Akenza nawa akashimuna kuloña kwindi.
Akaleja antu achidi kanda avwaliki yuma yineliyi.
Isamu daDavidi.
Hinukukaankila chumaku.+
Wanlombolaña mumajila akuloña muloña wejina dindi.+
4 Hela chakwila inakwenda muchinekineki chamwidima wasweja,+
Hinachinaña nami akunkatishaku,+
Muloña eyi wudi nanami;+
Mbwechi yeyi nimukombu weyi jankoleshaña.*
5 Wanloñeshelaña yakuda kumesa hamesu awayilumbu jami.+
6 Mwamweni, kuwaha nikukeña kwakashinshi kwakanlondelaña mafuku ejima awumi wami,+
Nawa nakashakama mwitala daYehova mafuku ami ejima.+
Isamu daDavidi.
24 Iseki niyuma yejima yekalahu yaYehova,+
Iseki dawushi niantu ashakamañahu.
2 Muloña wadishimatisha chikupu hatuluñalwiji+
Nawa wadishimatisha hatuloña.
3 Hinyi wunateli kukanduka kumpidi yaYehova,+
Nawa hinyi wunateli kwimana mwiluña dindi dajila?
4 Wejima wukweti makasa akadi muloña nawa wutooka mumuchima,+
Wabulahu dehi kusanyika mwakutwamba kuzatisha wumi Wami,*
Hela wabulahu dehi kusanyika mwakutwamba.+
6 Idi hiikiñu danowu amukeñakeñaña,
Danowu akeñakeñaña kumesu eyi, eyi Nzambi yaYakoba. (Sela)
7 Enu yenzelu, inunenu nyitu yenu;+
Enu yiisu yakushankulu, enzunukenu,*
Kulonda Mwanta wakulema eñili!+
8 Hinyi yenowu Mwanta wakulema?
9 Enu yenzelu,+ inunenu nyitu yenu;
Enu yiisu yakushankulu, enzunukenu,
Kulonda Mwanta wakulema eñili!
10 Hinyi yenowu, Mwanta wakulema?
Yehova wamazaza—diyi Mwanta wakulema.+ (Sela)
DaDavidi.
א [Alefu]
25 Kudi eyi, eyi Yehova, dikwinnabalumukili.*
ב [Beti]
Bayi wuleka ayilumbu jami azañalaleña muloña wanamiku.+
ג [Gimeli]
3 Mwamweni, kwosi muntu wakuchiñejaña akatiyishawu nsonyiku,+
Ilaña antu afukejelaña akwawu hakadi muloña akatiya nsonyi.+
ד [Daleti]
ה [Hi]
5 Ñendeshi muchalala cheyi nawa ndizishi,+
Muloña yeyi Nzambi yawamwinu wami.
ו [Wawu]
Mafuku ejima nakuhwelelaña mudi eyi.
ז [Zayini]
ח [Heti]
7 Bayi wanuka nshidi jakuwukwenzi wami nikuluwa kwamiku.
ט [Teti]
8 Yehova wamuwahi nawa woloka.+
Dichadizishilañayi akanshidi chatela kushakamawu.+
י [Yodi]
כ [Kafu]
10 Njila jaYehova jejima jamwekeshaña kukeña kwindi kwakashinshi nikushinshika
ל [Lamedi]
11 Hamuloña wejina deyi, eyi Yehova,+
Anakenaku kuluwa kwami, hela chakwila kweneni.
מ [Memu]
12 Muntwinyi wamutiyaña Yehova woma?+
Wakamuleja njila yatela kutondayi.+
נ [Nuni]
ס [Sameki]
ע [Ayini]
פ [Pi]
16 Talishaku chamesu eyi kudi ami nawa mmwekesheli wuselewa,
Muloña ami nidi nkawami nawa kwosi wakunkwasha.
צ [Tisadi]
17 Chineñi chamumuchima wami chinaswejeliku;+
Nsubuli kuyihuñu yami.
ר [Reshi]
19 Talaña ayilumbu jami chinavuliwu
Nichiyanhelawu chikupu.
ש [Shini]
20 Hembaku wumi nawa ñamwini.+
Bayi wuntiyisha nsonyiku, muloña ami nabatami mudi eyi.
ת [Tawu]
22 Eyi Nzambi mupulwishi* Isarela kuyihuñu yindi yejima.
DaDavidi.
26 Nsompeshi, eyi Yehova, muloña natwalekihu kwenda mukashinshi kami;+
Natwalekuhu kukuhwelela mudi Yehova chakadi kutedañila.+
3 Muloña mpinji yejima kukeña kweyi kwakashinshi kwekalaña hambidi yami,
Nawa nendaña muchalala cheyi.+
6 Nukwisuka kumakasa ami mukubula muloña,
Nawa nukwendujola nakunyeñumoka kameña keyi, eyi Yehova,
7 Kulonda kuletesha chivumina chakulomba kwakusakilila chitiyakani+
Nikushimuna nyidimu yeyi yejima yakuhayamisha.
9 Bayi wunkombela* hamu nawakanshidi+
Hela kujahila wumi wami hamu nawakamadombuku,*
10 Owu akweti makasa akoñaña yuma yansonyi,
Nawa muchikasa chawu chachidiilu munenzali maseleka.
11 Ilaña ami kwami, nukwenda mukashinshi kami.
Mpulwishi* nawa ntiyili luwi.
DaDavidi.
27 Yehova diyi chejeji chami+ nawa wamwinu wami.
Hinyi inukutiya woma?+
Yehova diyi iluña dakiñewa dawumi wami.+
Hinyi inukuchiina?
2 Antu atama hanlukukiliwu kulonda adii mujimba wami,+
Antu anhela niakankunyi nami diwu ahukeni nakudimbuka.
Hela chakwila njita yikuñimakena,
Hohamu, nukutwalekahu kukuhwelela.
4 Chuma chimu chinnamulombi Yehova
—dichinukutalila—
Nami nishakami mwitala daYehova mafuku ejima awumi wami,+
Kulonda nibanjileña hakuwaha kwaYehova
5 Muloña wakansweka muchiswamu chindi hefuku dayihuñu;+
Wakambutila mwiluña dakujinda damwitenti dindi;+
Wakañusha hewulu delola.+
6 Ichi dinu mutu wami wudi hewulu kubadika ayilumbu jami anannyeñumuki;
Nukuhana nyilambu hetenti dindi nakudikuwa namuzañalu;
Nukwimba tumina twakumushimeka Yehova.
8 Muchima wami wunahoshi hadi eyi nawu:
“Keñakeñaku kulonda wumoni kumesu ami.”
Eyi Yehova, nukukeñakeña kulonda nimoni kumesu eyi.+
9 Bayi wusweka chamesu eyi kudi amiku.+
Bayi wumuhaña kambuñeyi muloña wakuzuwaku.
Yeyi nkwashi yami;+
Bayi wuñuumba hela kunshiya nkawamiku, Nzambi yawamwinu wami.
12 Bayi wunhana kudi akankunyi namiku,*+
Ayinsahu akutwamba anañimakeni,+
Nawa antiyishaña woma namadombu.
13 Nadi kwikala kudihi neyi nadiñi nachikuhwelelu wanyi
Eña, muchiñeji Yehova.
DaDavidi.
28 Yeyi inatambikaña, eyi Yehova ilola dami;+
Bayi wundiwulaku.
2 Tiyaku kulemba kwami neyi nikulomba wukwashu
Hampinji yinnanyamuni makasa ami nakutalisha kukapeka kamukachi chikupu kamwiluña deyi dajila.+
3 Bayi wuntulumwina hamu nawantu atamaku, nanowu elaña yuma yafwana,+
Owu ahoshaña mazu akuwunda nawakwawu antu henohu munyichima yawu mudi jatama.+
4 Yifweti hanyidimu yawu,+
Kwesekeja nanyidimu yatama yakoñañawu.
Yifweti hamudimu wakumakasa awu,
Kwesekeja nayuma yinakoñiwu.+
Wakayihumuna nawa hakayituñaku.
6 Yehova ashimekewi,
Muloña natiyi kulemba kwami kwakulomba wukwashu.
Nankwashi, nawa muchima wami wunazañalali,
Dichi nukumushimeka nakamina kami.
8 Yehova diyi ñovu yawantu jindi;
Diyi iluña dakiñewa, waletaña wamwinu wabadika kudi windi wawayishewa.+
9 Amwinaku antu jeyi nawa kiswilaku wuswana weyi.+
Yibiñi nakuyisenda mumakasa eyi haya nyaaka.+
Isamu daDavidi.
29 Mwinkenu Yehova kalemesha kamutelela, enu anyana kawantu añovu,
Mwinkenu Yehova kalemesha kamutelela muloña wakulema niñovu jindi.+
2 Mwinkenu Yehova kalemesha katelela ijina dindi.
Dibukenu* kudi Yehova iku munavwali yakuvwala yajila yalubanji.*
3 Izu daYehova datiyakanaña hewulu damenji;
Nzambi wakulema wadidimaña.+
Yehova wudi hewulu damenji amavulu.+
4 Izu daYehova dikweti ñovu;+
Izu daYehova dasweja kulema.
5 Izu daYehova dakotolaña nyisida;
Eña, Yehova wachikaña nyisida yakuLebanoni.+
6 Welishaña Lebanoni* kukiloka neyi mwana kañombi,
NiSiriyoni+ kukiloka neyi mwana kañombi wampata wachizamba.
7 Izu daYehova detanaña nanyizuzu yakesi;+
8 Izu daYehova daleteshaña isaña kufwa mutentu;+
Yehova welishaña isaña daKadeshi+ kufwa mutentu.
Nawa ejima mutembeli yindi ahoshaña nawu: “Kulema!”
11 Yehova wakayinka antu jindi ñovu.+
Yehova wakakiswila antu jindi nakuyinka kuwunda.+
Kamina kakuhana nachu itala. Isamu daDavidi.
30 Nukukutuumbakesha, eyi Yehova, muloña wunannyamuni* hewulu.
Hiwetejeli ayilumbu jami kuzañalela hadi amiku.+
2 Eyi Yehova Nzambi yami, nakudililili nami wunkwashi, nawa wañuukili.+
3 Eyi Yehova, wunannyamuni nakunfumisha Mwijamu.*+
Wakiñili wumi wami; nawa wampulwishili kulonda nibuli kuholokela mwibuku.*+
4 Mwimbilenu Yehova tumina twakumushimeka, enu indi ashinshika,+
Sakililenu ijina* dindi dajila;+
5 Muloña kushakama mukuzuwa kwindi kwakapinji kantesha hohu,+
Kudila kunateli kwinza namelela, ilaña nantetemena, kudi kudila kwamuzañalu.+
6 Hinadiña mukuwunda, nahosheli nami:
“Hiyamba kanyikeshaku.”*
7 Eyi Yehova, hinadiñi mukuwaha kweyi, wankolesheli neyi mpidi.+
Ilaña chiwaswekeli chamesu eyi, nafwili mutentu.+
8 Yeyi inatwalekelihu kutambika,+ eyi Yehova;
Nawa natwalekelihu kumulembelela Yehova nami antiyi kuwaha.
9 Yumanyi yayiwahi yikafuma mukufwa kwami,* yikafumamu neyi nikunkumukila mwibuku?*+
Komana lunkuñu lukakushimeka?+ Komana lukashimuna kushinshika kweyi?+
10 Tiyaku, eyi Yehova, nawa ntiyi kuwaha.+
Eyi Yehova, ikalaku nkwashi yami.+
11 Kudila kwami wunakubalumuni kuhañana;
Wunasubuli yisasa yami, nawa wunanvwiki kuzañalala,
12 Kulonda niimbi tumina tweyi twakushimeka nawa nibuli kumwenahu.
Eyi Yehova Nzambi yami, nukukushimekaña haya nyaaka.
Kudi mukulumpi wawañimbi. Isamu daDavidi.
31 Eyi Yehova, ami nabatami mudi eyi.+
Bayi wuntiyisha nsonyiku.+
Mpulwishi muloña wakuloña kweyi.+
2 Teñelekaku itu deyi* kudi ami.
Inzaku swayi-swayi kulonda wumpulwishi.+
Ikalaku mpidi yami yakiñewa,
Iluña dakiñewa dakuñamwina.+
5 Nashi spiritu yami muchikasa cheyi.+
Wunankuuli, eyi Yehova, Nzambi yachalala.*+
6 Nahela antu adifukulaña kudi ankishi amukunkulwayi,
Ilaña ami kwami, namukuhwelela Yehova.
7 Nukuzañalela chikupu mukukeña kweyi kwakashinshi.
Muloña wunamoni makabi ami;+
Wuneluki yihuñu yami yamaneni.*
8 Hiwunanhani kudi ayilumbuku,
Ilaña wañimikaña mwiluña dakiñewa.*
9 Ntiyili luwi, eyi Yehova, muloña nidi nayihuñu.
Kuyeña kunazeyeshi mesu ami,+ kushilahu nimujimba wami wejima.*+
Ñovu yami yinakumana muloña wakuluwa kwami;
Mafwaha ami azeyaña.+
11 Ansehaña kudi akankunyi nami ejima,+
Sweje-e antuñi nami.
Nawa anchiinaña kudi amabwambu jami;
Neyi ammona hadi antu amavulu, antemukaña.+
12 Anfumisha dehi munyichima* yawu nawa anvulamenaku, neyi kwiji nafwa dehi;
Nidi neyi nsaba yabaluka.
13 Natiyi mbonji jajivulu jatama;
Natiyi woma muloña anchiinishaña kutubadi twejima.+
Neyi apompa hamu nakuñimakena,
Akasaña kafuta kulonda akisañani wumi wami.+
14 Ilaña nakukuhwelela, eyi Yehova.+
Nahoshi nami: “Yeyi Nzambi yami.”+
15 Mafuku ami adi muchikasa cheyi.
Mpulwishi kumakasa awayilumbu jami ninowu anakunkabisha.+
16 Toñekeshelaku chamesu eyi hadi kambuñeyi.+
Ñamwini muloña wakukeña kweyi kwakashinshi.
17 Eyi Yehova, bayi wuntiyisha nsonyi neyi nikutambikaku.+
18 Nyivumbu yatwambaña yileki kuhosha,+
Nyivumbu yamuhoshaña muntu waloña nakudivwimba, nakudinyamuna nikasawuntu.
19 Kuwaha kweyi ochikwavula!+
Antu akutiyaña woma wayihembela kuwaha kweyi,+
Nawa wakwimwekeshaña kudi antu ejima, muloña wanowu anakubatama mudi eyi.+
21 Yehova ashimekewi,
Muloña namwekeshi kukeña kwindi kwakashinshi kudi ami munjila yayiwahi+ mumusumba wunakuchikiwu.+
22 Hakwila ami kwami, nalulutili nakuhosha nami;
“Nukujilumukila kumesu eyi.”+
Ilaña watiyili kulemba kwami kwakulomba wukwashu hinakudililili.+
23 Mukeñenu Yehova, enu ejima ashinshika kudi yena!+
DaDavidi. Masikilu.*
32 Wudi namuzañalu yowu muntu ananakeniwu yiluwa yindi, anabutiliwu* hanshidi jindi.+
2 Wudi namuzañalu yowu muntu abulaña kufwishawu namuloña kudi Yehova,+
Wukweti spiritu mwabula makudi.
3 Chinamweneni, mafwaha ami azeyeli muloña wakwaaba kunaabileña mwaana wejima.+
4 Muloña mwaana niwufuku chikasa cheyi* chanlemeneni.+
Ñovu yami yoomini* neyi chomaña menji munkanza. (Sela)
Nahosheli nami: “Nukumulejamu Yehova yiluwa yami.”+
Nawa wañanakeneni nshidi jami jinakoñeli.+ (Sela)
Kuhiñahu hela dibaji damenji hidikatwesha kumuwanaku.
Wakanyeñumuka nakudikuwa kwamuzañalu wawamwinu.+ (Sela)
8 “Nakakwinka kashinshi nikukulombola njila muwatela kuya.+
Nakakuleja maana iku disu dami didi hadi eyi.+
9 Bayi wikala neyi kawalu hela chingongavalu, wabula maanaku,+
Owu atela kuyuulawu hohu chiña namubulu hela namwonji
Henohu kanda enzi kwakwihi naneyi.”
10 Antu atama amonaña yihuñu yayivulu;
Ilaña muntu wamukuhwelelaña Yehova amunyeñumuka nakukeña Kwindi kwakashinshi.+
11 Zañalelenu mudi Yehova nawa tiyenu kuwaha, enu antu aloña;
Bidikenu namuzañalu, enu ejima mwoloka mumuchima.
33 Dikuwenu namuzañalu, enu aloña, muloña waYehova.+
Chatelela antu aloña kumushimeka.
2 Muhamekenu Yehova nakadada;
Mwimbilenu tumina twakumushimeka nachisanji chanyonji 10.
3 Mwimbilenu kamina kakaha;+
Imbenu chiwahi nanyonji, ninyiñula yamuzañalu.
4 Muloña izu daYehova doloka,+
Nawa yuma yejima yelañayi yalala.
5 Wakeña kuloña niwuñanji.+
Iseki denzala nakukeña kwaYehova kwakashinshi.+
7 Wapompeshaña menji amutuluñalwiji neyi ijiya;+
Washaña menji ampupa mumatala akuhembela yuma.
8 Iseki dejima dimutiyi Yehova woma.+
Antu ashakamaña heseki dawushi amutiyi woma.
11 Ilaña mwafuukulañayi* Yehova mwakakola haya nyaaka;+
Yitoñojoka yamumuchima windi yatwalekañahu kumakiñu ejima.
13 Yehova watalaña hamaseki iku wudi mwiwulu;
Wamonaña anyana kawantu ejima.+
14 Iku wudi mwiluña mwashakamañayi,
Washinshikaña antu ashakama hamaseki.
15 Yena diyi watuñaña nyichima yawantu ejima;
Washinshikaña nyidimu yawu yejima.+
16 Kwosi mwanta apulwishañawu kudi amashidika amavuluku;+
Muntu mukañovu hapulukaña nañovu jindi jaswejaku.+
17 Kawalu kwila kamwamwina nehi;+
Ñovu jaku jabadika kwila jimukwasha kutemuka nehi.
18 Talenu! Disu daYehova datalaña antu ejima amutiyaña woma,+
Antu achiñililaña kukeña kwindi kwakashinshi,
19 Kulonda ayamwini* kukufwa
Nikuyihemba amomi mumpinji yanzala.+
20 Etu* tunakumuchiñilila Yehova.
Yena diyi nkwashi yetu nawa nkebu yetu.+
21 Nyichima yetu yazañalelaña mudi yena,
Muloña twakuhwelela ijina dindi dajila.+
DaDavidi, hadibalumwiniyi nakwikala neyi chizaluki+ hamesu aAbimeleki, owu wamuhañili nawa wafuminiku.
א [Alefu]
34 Nukumushimekaña Yehova mpinji yonsu;
Mazu akumushimeka akwikalaña kunyivumbu yami mpinji yejima.
ב [Beti]
ג [Gimeli]
ד [Daleti]
4 Namwihwili Yehova, nawa wañakwili.+
Wampulwishili kuyuma yejima yantiyishileña woma.+
ה [Hi]
5 Ejima atalili kudi yena azañaleli;
Hiyatiyishili nsonyi kumesu awuku.
ז [Zayini]
6 Iwu wakehelamu watambikili, nawa Yehova watiyili.
Wamwamwinini kuyihuñu yindi yejima.+
ח [Heti]
ט [Teti]
י [Yodi]
כ [Kafu]
10 Ninyenzi yanyitupa yakola* yinafwi nzala,
Ilaña antu amukeñakeñaña Yehova hiyakakaankila chuma chachiwahiku.+
ל [Lamedi]
מ [Memu]
נ [Nuni]
ס [Sameki]
ע [Ayini]
פ [Pi]
16 Ilaña kumesu aYehova kwahela antu anakwila yatama,
Wakayijilumuna ejima kulonda akabuli kuyanuka cheñi heseki.+
צ [Tisadi]
ק [Kofu]
ר [Reshi]
ש [Shini]
ת [Tawu]
21 Yihuñu yakamujaha muntu watama;
Antu ahela waloña akayifwisha namuloña.
22 Yehova nakukuula wumi wawambuñindi;
Kwosi niwumu hakachi kanowu anakubatama mudi yena akawanawu namuloñaku.+
DaDavidi.
3 Anakunhaña, yinyamwini iyoña deyi nichizembi chakunjita.*+
Nleji neyi:* “Ami yami wamwinu weyi.”+
4 Owu anakuzomba wumi wami ayitiyishi nsonyi nawa asawuki.+
Owu anakukasa kafuta nawu ankisañani afuntimu iku anatiyi nsonyi.
5 Ekali neyi muzuñu mumpepela;
Kañelu kaYehova kayikumpishi.+
6 Munjila yawu mwiikali mwidima nawa museneni
Hakuyikumpishañawu kudi kañelu kaYehova.
7 Muloña anasweki kaleñi kulonda ankwati chakadi muloña;
Anampundili ibuku chakadi muloña.
8 Kukala kumushikeni mukukasumwisha;
Kaleñi kanaswekiyi kamukwati yomwenindi;
Afwimu yomweni nawa ajilumuki.+
9 Ilaña ami* nukuzañalela mudi Yehova;
Nukuzañalela chikupu munyidimu yindi yawamwinu.
10 Mafwaha ami ejima akahosha nawu:
“Eyi Yehova, hinyi wudi neyi eyi?
Wapulwishaña antu abula wakuyikwasha kudi antu akweti ñovu,+
Abula wakuyikwasha niatuzweñi kudi owu ayibuwaña.”+
12 Anfwetaña yuma yatama chatela anfweti yuma yayiwahi,+
Nakunletesha nitiyi chineñi.
13 Ilaña hakatiliwu, navwalili yisasa;
Nadikabishili* nakushakama chakadi kuda,
Nawa habuliliwu kwakula kulomba kwami,*
14 Nendeleña nakudila neyi kwiji inakudila ibwambu dami hela manakwami;
Nafukamini iku naneñi, neyi kwiji muntu wunakudila mama yindi.
15 Ilaña hinahukeni, azañaleli nawa adipompesheli hamu;
Adipompesheli hamu nakumbelamena kulonda anjahi;
Antaboleli nawa amwenenihu wanyi.
16 Antu abulaña kumwakama Nzambi ansehaña nakunsupisha,
Ansumonenaña kumazewu awu.+
17 Eyi Yehova, wukutalañaku hohu kushika mpinjinyi?+
18 Kuhiñahu nukukusakilila muchipompelu cheneni;+
Nukukushimeka hakachi kawantu.
19 Bayi witeja owu anekali ayilumbu jami hakadi muloña azañalali muloña wanamiku;
Bayi witeja owu anhela chakadi muloña+ annyachili mesu awu chatamaku.+
20 Muloña hiyahoshaña mazu akuwundaku,
Ilaña akwatilaña antu awunda amwituña tufuta twakudimbana.+
21 Asamaña mutunwa twawu kulonda anfwishi namuloña,
Nakuhosha nawu: “Anha! Anha! Tunadimweni namesu etu.”
22 Wunadimweni chumichi, eyi Yehova. Bayi wumwenahuku.+
Eyi Yehova, bayi wikala kwakulehi nanamiku.+
23 Nyamukaku kulonda wunkiñi,
Nzambi yami, Yehova, nhakwiliku muloña wami.
24 Nsompeshi kwesekeja nakuloña kweyi,+ eyi Yehova Nzambi yami;
Bayi wuyiteji azañalali muloña wanamiku.
25 Bayi adihoshesha awenawu nawu: “Anha! Tunekali nayuma yitwakeñeleñaku.”
Bayi ahosha nawu: “Tunamuminyiku.”+
26 Lekenu ejima wawu ayitiyishi nsonyi nikuyisawula,
Owu azañalalaña nayihuñu yami.
Lekenu antu adinyamunaña hadi ami ayitiyishi nsonyi nikuyisawula.
27 Ilaña lekaku antu atiyaña kuwaha kuloña kweyi adikuwi namuzañalu;
Atwalekihu kuhosha nawu:
“Yehova amutuumbakeshi, wazañalelaña mukuwunda kwakambuñindi.”+
Kudi mukulumpi wawañimbi. Dakambuña aYehova, Davidi.
36 Nshidi yahoshaña namuntu watama mukachi kamuchima windi;
Hamutiyaña Nzambi womaku.+
2 Muloña wadidimbaña chikupu kumesu indi yomweni
Sampu neluki nikuhela chiluwa chindi.+
3 Mazu amukanwa kindi akatishaña nawa adimbanaña;
Hamwekeshaña kashinshi kakwila yuma yayiwahiku.
4 Nihampinji yidiyi hakadidi kindi wakasaña tufuta twatama.
Nemani munjila yatama;
Hakaanaña yuma yatamaku.
5 Eyi Yehova, kukeña kweyi kwakashinshi kwashika mumawulu,+
Kushinshika kweyi kwashika mumavu.
Wahembaña* muntu nikanyama, eyi Yehova.+
7 Kukeña kweyi kwakashinshi ochikwawaha, eyi Nzambi!+
Muwulelu wampuula jeyi, dimwabatamaña anyana kawantu.+
8 Anwaña nakwikuta yuma yayiwahi* yamwitala deyi,+
Nawa wayileteshaña anwi kuwaha kweyi kwahitaña neyi kaloña.+
10 Twalekakuhu kumwekesha kukeña kweyi kwakashinshi kudi antu akwiluka,+
Nikuloña kweyi, kudi antu oloka mumuchima.+
11 Bayi witeja mwendu wamuntu waditiyaña wundatoli
Hela chikasa chamuntu watama chinhañiku.
12 Kwenoku dikunadimbukili antu elaña yatama;
Anayidimbwishi heseki nawa hiyakutwesha kunyamukaku.+
DaDavidi.
א [Alefu]
2 Akalepa swayi-swayi neyi matahu+
Nikuuma neyi chomaña matahu atuuta.
ב [Beti]
4 Zañalelaku chikupu mudi Yehova,
Nawa wakakwinka yuma yafwilaña muchima weyi.
ג [Gimeli]
6 Wukwilisha kuloña kweyi kutoñeka neyi chatoñekaña itena nantetemena,
Niwuñanji weyi neyi chatoñekaña itena neyi dinashiki hakachi kamutu.
ד [Daleti]
Bayi akuhilisha kudi muntu
Owu watweshaña kuzatisha tufuta twindiku.+
ה [Hi]
ו [Wawu]
10 Hakushimbula hohu chanti, antu atama hiyakekalaku nawa cheñiku;+
Wakatalatala hashakamineñawu,
Akekalahu wanyi.+
ז [Zayini]
12 Muntu watama wamukasilaña muntu waloña tufuta;+
Wamusumonenaña kumazewu indi.
13 Ilaña Yehova wakamuseha,
Muloña Yena weluka nindi ifuku dindi dakenza.+
ח [Heti]
14 Antu atama asomonaña mpoku jawu jatubali muyindalu nikwevula* mata awu anyikunji
Kulonda adimbwishi antu anakukabishawu niatuzweñi,
Kulonda ajahi antu elaña yuma yaloña.
15 Ilaña mpoku yawu yakabali yakapwika muchima wawu aweni+
Mata awu anyikunji akayikotola.
ט [Teti]
16 Yuma yantesha yamuntu waloña yayiwahi
Kubadika yuma yayivulu yawantu atama amavulu.+
17 Muloña makasa awantu atama akayikotola,
Ilaña Yehova wakakwasha antu aloña.
י [Yodi]
19 Hiyamba kayitiyisha nsonyi mumpinji yakukalaku;
Mumpinji yanzala yakapwelendendi akekala nayakuda yayivulu.
כ [Kafu]
20 Ilaña antu atama akanoña;+
Ayilumbu jaYehova akajimañana neyi munyenvu walubanji;
Akajimañana neyi wishi.
ל [Lamedi]
21 Muntu watama wakongolaña, ilaña hafuntishañaku,
22 Antu akiswilañayi Yena akaswana iseki,
Ilaña antu ashiñañayi Yena akayijilumuna.+
מ [Memu]
24 Hela chakwila wukudimbuka, hakutwalekahu kwikala hamasekiku,+
Muloña Yehova wamukwashaña nachikasa Chindi.+
נ [Nuni]
26 Mpinji yejima wakongweshaña namuchima wumu,+
Nawa anyanindi akatambwila nkisu.
ס [Sameki]
27 Lekaku kwila yuma yatama, ilaña ilaku yayiwahi,+
Nawa wakashakama haya nayaaka.
28 Muloña Yehova wakeña wuñanji,
Nawa hamba kashiya indi ashinshikaku.+
ע [Ayini]
פ [Pi]
צ [Tisadi]
32 Muntu watama wamukeñakeñaña waloña,
Kulonda amujahi.
33 Ilaña Yehova hamba kamulekela muchikasa chanowu muntu+
Hela kumuwana namuloña neyi anamusompeshiku.+
ק [Kofu]
34 Muchiñeji Yehova nakulondela njila yindi,
Nawa wakakunyamuna kulonda wakaswani iseki.
Neyi antu atama anayijilumuni,+ wakadimwena chumichi.+
ר [Reshi]
35 Namoni muntu wakadi luwi, watama
Nakutaanda neyi mutondu wawuwahi weneni wunameni mwiseki dawushi.+
36 Ilaña wanyakeli kufwa nawa hamwekenihu cheñiku;+
Natwalekelihu kumukeñakeña, ilaña namuwanini wanyi.+
ש [Shini]
37 Mwiluki muntu wakadi muloña,*
Nawa twalekakuhu kumutala muntu woloka,+
Muloña mbidi yanowu muntu yakekala yawunda.+
38 Ilaña akakufumpa nshimbi ejima akayijilumuna;
Mbidi yawantu atama akayiketwisha.+
ת [Tawu]
40 Yehova wakayikwasha nawa wakayipulwisha.+
Wakayipulwisha kudi antu atama nikuyamwina,
Muloña abatamaña mudi yena.+
Isamu daDavidi, dakumwanukisha nachu.
38 Eyi Yehova, bayi wunhoshola iku wunazuwi,
Hela kuñolola iku wunazuwiku.+
2 Muloña nyivu yeyi yinampwiki mukachi chikupu,
Nawa chikasa cheyi chinanchichimiki heseki.+
3 Mujimba wami wejima wunakati* muloña wakuzuwa kweyi.
Mumafwaha ami mwosi kuwunda muloña wanshidi jami.+
4 Muloña yiluwa yami yinabuti mutu wami;+
Yinambadiki ñovu chikupu neyi chiteli chalema.
5 Yilonda yami yinatoki nawa yinakununka chikupu
Muloña wakusupa kwami.
6 Naneñi nawa natiyi chikela chikupu;
Nendaña hohu nachineñi mwaana wejima.
8 Natiyi wujinji nawa nachikeki chikupu;
Muchima wami wunakukata wunaleteshi naabeña nankashi.*
9 Eyi Yehova, yuma yinafwilaña yejima yidi kumesu eyi,
Nawa kwaaba kwami hikunaswami kumesu eyiku.
10 Muchima wami wunakweta, ñovu jami jinamani,
Nawa chejeji chamesu ami chinaleki kutoñeka.+
11 Amabwambu jami niantu inadikunda nawu antondolwelaña muloña wayihuñu yami,
Nawa antu inadiluka nawu chikupu emenaña hahalehi.
12 Antu akeñaña wumi wami antilaña nyihetu;
Owu akeñaña kunkatisha ahoshaña hakujilumuna;+
Adishawutilaña jamakudi mpinji yejima.
14 Nekali neyi njika matu,
Wukweti kanwa kanabuli jakuhosha hakudihakwilaku.
16 Muloña nahosheli nami: “Bayi azañalala muloña wanami
Hela kuditohesha hadi ami neyi nyendu yami yinaselumukiku.”
17 Muloña kwashalili hohu hanti nakudimbuka,
Nawa natiyileña kukata mpinji yejima.+
20 Anfweteli yuma yatama chatela anfweti yayiwahi;
Ankañesheleña kufwila yuma yayiwahi.
21 Bayi wunshiya chisayikilaku, eyi Yehova.
Eyi Nzambi, bayi wimena hahalehi nanamiku.+
22 Nyakalaku kunkwasha,
Eyi Yehova, wamwinu wami.+
Kudi mukulumpi wawañimbi; daYedutuni.*+ Isamu daDavidi.
39 Nahosheli nami: “Nukuhemba nyendu yami
Kulonda nibuleña kuvulumuna nedimi dami.+
Nukukasa kanwa kami namwonji wakasañawu nachu kanwa kakanyama+
Chakala hohu muntu watama wudi hinidi ami.”
2 Nakañenyi kuhosha nawa namwenenihu;+
Namwenenihu nihayuma yineluka nami yayiwahi,
Ilaña kuyeña kwami kwaswejeli chikupu.*
3 Muchima wami wahileña* mukachi kami.
Hinadiñi nakutoñojokahu chikupu, kesi katwalekelihu kubutuka.
Kuhiñahu idimi dami dahosheli nawu:
4 “Eyi Yehova, nkwashi niiluki chakekala insa yami,
Nikuvula kwamafuku ami.+
Kulonda niiluki wumi wami chiwehiha.
Chalala, hela chakwila muntu wejima wadimonaña nindi wakiñewa, kwosi chadiyi ilaña himuuya hohu.+ (Sela)
6 Chalala muntu wejima wendujolaña hohu neyi mwevulu.
Wakimbokaña* chamukunkulu.
Walumbikaña maheta, kwiluka wakayida nehi.+
7 Hanu dinu, chumanyi chinukuchiñeja, eyi Yehova?
Yeyi hohu inachiñejaña.
8 Ñamwini kunshidi jami jejima.+
Bayi witeja chisupi yankojeji kwikala chuma chakusawulaku.
10 Fumishaku chipupu cheyi hadi ami.
Nazeyi dehi muloña chikasa cheyi chinañeti.
11 Wamwololaña muntu nakumubabesha muloña wachiluwa chindi;+
Wamudiilaña yuma yejima yalemeshayi hama neyi chelaña kanzwanzwa.
Mwalala muntu wejima wekala himuuya hohu.+ (Sela)
12 Tiyaku kulomba kwami, eyi Yehova,
Tiyililaku kukudila kwami kwakulomba wukwashu.+
Bayi wudiwula madilu amiku.
13 Lekaku kuntala chatama kulonda nizañalalihu
Henohu kanda nifwi nawa kanda niyi.”
Kudi mukulumpi wawañimbi. Isamu daDavidi.
40 Namuchiñejeli* Yehova chikupu,
Nawa wateñelekeli itu dindi* kudi ami nawa watiyili kudila kwami kwakulomba wukwashu.+
2 Wanfumishili mwibuku mwadiña nakupoota menji,
Mumalowa achakata.
Nawa washili nyendu yami helola;
Wakiñili nyendu yami.
3 Kuhiñahu washili kamina kakaha mukanwa kami,+
Nzambi yetu ashimekewi.
Antu amavulu akatala nakuhayama
Nawa akamukuhwelela Yehova.
4 Wudi namuzañalu yowu muntu wamukuhwelela Yehova
Nawa wabulaña kushindamena hadi akakudikaña hela hadi akakutwamba.
5 Yuma yiwunakoñi okuvula,
Eyi Yehova Nzambi yami,
Nyidimu yeyi yakuhayamisha niyitoñojoka yeyi yiwunatumwekesheli;+
Kwosi wunateli kwesekana naneyiku;+
Neyi chakwila nesekeli nami niyihoshi nikuyishimuna,
Yadi kunvulila chakwila hinadi kutwesha kuyichindaku!+
Hiwalombeli nyilambu yakushita ninyilambu yahanshidiku.+
7 Dichi nahosheli nami: “Talaña, ami nenzi.
Mumuvuñilu* asonekamu nsañu yahosha hadi ami.+
8 Natiyaña kuwaha kwila nkeñelu yeyi, eyi Nzambi yami,+
Nawa nshimbi jeyi jidi mukachi kamuchima wami.+
9 Nashimwinaña nsañu yayiwahi yakuloña muchipompelu cheneni.+
Talaña! Hinalekeshaña nyivumbu yamiku,+
Eyi Yehova, neyi chiweluka chiwahi.
10 Hinabutaña hakuloña kweyi mumuchima wamiku.
Nashimunaña kushinshika kweyi niwamwinu weyi.
Hinaswekaña kukeña kweyi kwakashinshi nichalala cheyi muchipompelu cheneniku.”+
11 Eyi Yehova, bayi wuleka kummwekeshela kukeña kweyiku.
Mwani kukeña kweyi kwakashinshi nichalala cheyi jinkiñeña mpinji yejima.+
12 Makabi anannyeñumuki anasweji kuvula chakwila hinukutwesha kuyichindaku.+
Yiluwa yami yayivulu chikupu chakwila inakukañanya kumona kwinnakuya;+
Yinasweji kuvula nankashi kubadika nsuki jakumutu wami,
Nawa jinankumi.
13 Ñamwini chakufuma hamuchima weyi, eyi Yehova.+
Eyi Yehova, nyakalaku kunkwasha.+
14 Ejima anakukeña kunjaha*
Ayitiyishi nsonyi nawa asawuki.
Owu azañalalaña nayihuñu yami
Afuntimu iku anatiyi nsonyi.
15 Owu anakuñila nawu: “Anha! Anha!”
Ahayami muloña wansonyi jawu aweni.
Akeña nyidimu yeyi yawamwinu ahosheña mpinji yejima nawu:
“Yehova atuumbakani.”+
17 Ilaña hinikweti wakunkwashaku nawa nidi kazweñi;
Yehova añushi maana.
Kudi mukulumpi wawañimbi. Isamu daDavidi.
41 Wudi namuzañalu yowu muntu watoñojokelañaku muntu wakehelamu;+
Yehova wakamupulwisha mwifuku dayihuñu.
2 Yehova wakamukiña nawa wakamuhemba wamumi.
3 Yehova wakamukwashaña neyi nakati mukadidi kindi;+
Hakakatañayi eyi wakamwilisha akatiyi kuwaha hakadidi kindi.
4 Muloña nahosheli nami: “Eyi Yehova, ntiyili luwi.+
Ñuuki,*+ muloña nakuvulumuni.”+
5 Ilaña ayilumbu jami ahoshaña yuma yatama hadi ami nawu:
“Mpinjinyi yakafwayi kulonda ijina dindi dakajiyi?”
6 Neyi wumu hakachi kawu nenzi nakuntala, muchima windi wahoshaña makudi.
Wasendañahu hohu nsañu yamakudi yinateli kuhoshayi;
Kuhiñahu wayaña nawa wayitaandishaña kumaluña akwakulehi.
7 Ejima anhela adishawutilaña wumu namukwawu;
Anakunkwatila tufuta twatama nawu:
9 Nimuntu wadiña mukuwunda nanami, owu inakuhweleleli,+
Muntu wadaña dinkendi dami, nannyamwini dehi katutu kindi.*+
10 Ilaña eyi, eyi Yehova, ntiyili luwi nawa wunnyamuni,
Kulonda niyifweti.
11 Dihu hinukwiluka dinu nami wantiyaña kuwaha:
Neyi chilumbu chami abula kuzañalala muloña wakuñimika mushindu.+
12 Hakwila ami kwami, wankwashaña muloña wakashinshi kami;+
Wukutwalekahu kunhembela kumesu eyi haya nyaaka.+
Ameni, Ameni.
MUKANDA WAMUCHIYEDI
(Masamu 42-72)
Kudi mukulumpi wawañimbi. Masikilu* awanyana kaKora awamayala.+
42 Neyi mbaala chakeñeshayi chikupu tuloña twamenji,
Ninami dichinakukeñesha,* eyi Nzambi.
2 Natiyaña mpwila* yaNzambi, yaNzambi wamumi.+
Mpinjinyi yinatela kwinza nakumwekena kumesu aNzambi?+
3 Madilu ami diyi yakuda yami mwaana niwufuku;
Mpinji yejima antu ansupishaña nawu: “Nzambi yeyi wudi kudihi?”+
4 Yumiyi nayanukaña, nawa nahuñununaña wumi* wami,
Muloña mpinji yimu nendelihu nawantu amavulu;
Nendeleña chovu-chovu hambidi yawu nakuya kwitala daNzambi,
Nanyiñula yamuzañalu nikusakilila,
Nezaza dadiña nakwanakana chidika.+
5 Muloñadi ami* chinnatiyili woma?+
Muloñadi muchima wami chiwunaakamini?
7 Manyiñi atambikaña manyiñi
Chatiyawu chivumina champola jeyi.
Mankanda eyi ejima ampupa ananfwishi mutentu.+
8 Namwaana Yehova wukummwekeshelaña kukeña kwindi kwakashinshi,
Nawa nawufuku kamina kindi kakwikalaña nanami, kulomba kudi Nzambi yawumi wami.+
9 Nukumuleja Nzambi, ilola dami nami:
“Muloñadi chiwunanvulameni?+
Muloñadi chinukwendelaña nachineñi muloña wamakabi anakunletelayi chilumbu chami?”+
10 Ayilumbu jami ankatishaña namazu atama;*
Mpinji yejima ansupishaña nawu: “Nzambi yeyi wudi kudihi?”+
11 Muloñadi ami* chinnatiyili woma?
Muloñadi muchima wami chiwunaakamini?
Mpulwishi kudi muntu wamakudi nawa wabula kuloña.
2 Muloña yeyi Nzambi yami, mpwembu yami.+
Muloñadi chiwunañuumbili?
Muloñadi chinukwendelaña nachineñi muloña wamakabi anakunletela chilumbu chami?+
3 Temeshaku chejeji cheyi nichalala cheyi.+
4 Kuhiñahu nakenza kukameña kaNzambi,+
Kudi Nzambi, muzañalu wami wabadika.
Nawa nakakushimeka nakadada,+ eyi Nzambi, Nzambi yami.
5 Muloñadi ami* chinnatiyili woma?
Muloñadi muchima wami chiwunaakamini?
Kudi mukulumpi wawañimbi. Dawanyana kaKora awamayala.+ Masikilu.*
44 Eyi Nzambi, tunaditiyili namatu etu,
Atata jetu atulejeli,+
Nyidimu yiwakoñeli mumafuku awu,
Mumafuku akunyaaka oko-o.
Wachikili nyuza nawa wayihañilimu.+
3 Bayi neyi atambwili ituña nampoku yawu yakabaliku,+
Nawa chikasa chawu hidichi chayikwashili kushindaku.+
Ilaña, ashindili nachikasa cheyi chachidiilu nañovu jeyi+ nichejeji chakumesu eyi,
Muloña wayitiyili kuwaha.+
4 Yeyi Mwanta wami, eyi Nzambi;+
Mukwashi Yakoba ashindi chikupu.
6 Muloña hinakuhwelela muwuta wami wamukunjiku,
Nawa mpoku yami yakabali kwila yiñamwina nehi.+
7 Eyi yeyi watwamwinini kudi akankunyi netu,+
Yeyi wayisawili antu atuhela.
8 Tukumushimekaña Nzambi mpinji yejima,
Nawa tukushimekaña ijina deyi haya nyaaka. (Sela)
9 Ilaña ichi wunatuumbi nikutusawula,
Nawa hiwayaña hamu nawamashidika etuku.
10 Waleteshaña tutemukeña mukankunyi netu;+
Ana atuhela asendaña yuma yejima yinakeñiwu.
11 Wunatuhani kulonda atwidi neyi anyikoku;
Wunatupalañesheli hakachi kanyuza.+
13 Watwilishaña kwikala chuma chakuseha kudi antuñi netu,
Chuma chakusupisha nikuyiñila kudi ejima atunyeñumuka.
14 Watwilishaña kwikala chuma chakuseha* hakachi kanyuza,+
Chuma chatela kupukumwinahu antu nyitu yawu.
15 Natiyaña nsonyi mpinji yejima,
Nawa nsonyi yinambuti kumesu,
16 Muloña wamazu awantu ansawulaña nikuntuka,
Hamuloña wachilumbu chetu wunakufuntisha katama nakatama.
17 Yuma yejimiyi yinatushikeni, ilaña tunakuvulameni wanyi,
Nawa hitunafumpi chitiyañenu cheyiku.+
18 Nyichima yetu hiyinasenukiku;
Nyendu yetu yafumaña munjila yeyi wanyi.
19 Ilaña wunatuchikili kwashakamaña anyumbu;
Wunatubuti mwidima wasweja.
20 Neyi tunavulameni ijina daNzambi yetu
Hela neyi twolola makasa etu nakulomba kudi anzambi acheñi,
21 Komana Nzambi hakwiluka chumichiku?
Weluka yuma yakujinda yamumuchima.+
22 Anakutujaha mpinji yejima muloña waneyi;
Anakutumona neyi anyikoku anakukeña kujahawu.+
23 Hindukaku. Muloñadi chiwunatwalekelihu kukaama, eyi Yehova?+
Tonaku! Bayi wutwalekahu kutuumba haya nyaakaku.+
24 Muloñadi chiwaswekelaña chamesu eyi?
Muloñadi chiwavulamenaña yihuñu niikabisha detu?
26 Nyamukaku hamu neyi nkwashi yetu!+
Tupulwishi* muloña wakukeña kweyi kwakashinshi.+
Kudi mukulumpi wawañimbi; kwimbila “Nkenu.”* Dawanyana kaKora awamayala.+ Masikilu.* Kamina kakukeña.
45 Muchima wami wunasañumuki nayuma yayiwahi.
Nahoshi nami: “Kamina kami* kanakuhosha hadi mwanta.”+
Idimi dami diikali nsonekeshu*+ yamukakukopolola* welukisha chikupu.+
2 Wudi iyala walubanji chikupu hakachi kawanyana kawantu.
Kunyivumbu yeyi kwafumaña nhoshelu yayiwahi hama.+
Dichinaleteshi Nzambi akukiswili haya nyaaka.+
4 Nawa muwukeleñi weyi yaña nakushinda;+
Endeshaku kawalu keyi muloña wachalala, kudizoza nikuloña,+
Nawa chikasa cheyi chachidiilu chikukoña* yuma yakuhayamisha.
7 Wakeñeli kuloña+ nawa waheleli kutama.+
Dichinaleteshi Nzambi, Nzambi yeyi, akuwayishi+ namanji akuzañalesha+ kubadika akwenu.
8 Yakuvwala yeyi yejima yepukaña ivumba damora, dashilambwe nidakasiya;
Yisanji yanyonji yakuzañaleshaña muchipañu chakuwahisha namazewu anzovu.
9 Anyana kamwanta awambanda adi hakachi kawambanda eyi alemeshawu.
Mwadi* nemani kuchikasa cheyi chachidiilu, navwali yakuvwala yawuru yakuOfiri.+
10 Tiyaku, eyi mwana wamumbanda, shakuku maana nawa teñelekaku itu deyi;
Vulamenaku antu jeyi niitala datata yeyi.
13 Mwana kamwanta wamumbanda nakumwekana lubanji chikupu muchipañu;*
Yakuvwala yindi yakuwahisha* nawuru.
14 Akamuleta kumesu amwanta iku navwali yakuvwala yakupikula yayiwahi nankashi.*
Amabwambu jindi ajiki* anakumulondela akayileta mukachi kumesu eyi.
15 Akayileta iku anakudikuwa nikuzañalala;
Akeñila muchipañu chamwanta.
16 Anyaneyi awamayala akahiña hachifulu chawankakulula jeyi.
Wakayitonda kwikala atulamba heseki dejima.+
17 Nakelisha ijina deyi akadiluki mwakahita makiñu ejima akenza.+
Dichikaletesha antu akakushimekeña haya nyaaka nanyaaka.
Kudi mukulumpi wawañimbi. Dawanyana kaKora awamayala.+ Kwesekeja namutapu waAlamoti.* Kamina.
2 Dichakaletesha tukabuli kutiya woma, hela chakwila iseki dikukanka ñahi,
Hela chakwila mpidi jikushiwukila mwinyiñi dakaluñalwiji,+
3 Hela chakwila menji aku akupoota nakwidisha ifulolu,+
Hela chakwila mpidi jikunyinkesha muloña wampupa yachu. (Sela)
4 Kudi kaloña kakweti tupila twazañaleshaña musumba waNzambi,+
Tabanaka yeneni yajila yaMukakubadika Chikupu.
5 Nzambi wudi mumusumba;+ hiyanateli kuwushindaku.
Nzambi wakawukwasha hankunku yakucha.+
6 Nyuza yadiña nepumba, mawanta ayishindili;
Yena wanyamwini izu dindi nawa iseki dasuñunukili.+
8 Twayenu mumoni nyidimu yaYehova,
Yuma yakuhayamisha yinakoñiyi hamaseki.
9 Nakumanisha majita heseki dejima.+
Wakotolaña wuta wamukunji nikuchika iyoña;
Wochaña makalu anjita* nakesi.
10 “Ovwahilenu mwiluki nenu yami Nzambi.
Kudi mukulumpi wawañimbi. Isamu dawanyana kaKora awamayala.+
47 Enu antu ejima, sakililenu.
Dikuwenu kudi Nzambi nakudila kwamuzañalu muloña wakushinda.
3 Wovwahishaña antu kulonda atwovwahileña;
Washaña nyuza mwishina danyendu yetu.+
5 Nzambi nakandami iku antu anakudikuwa namuzañalu;
Yehova nakandami iku chivumina chanseñu* chinakuvuma.
6 Imbenu tumina twakumushimeka Nzambi, imbenu tumina twakushimeka.
Imbenu tumina twakumushimeka Mwanta wetu, imbenu tumina twakushimeka.
7 Muloña Nzambi hiMwanta heseki dejima;+
Imbenu tumina twakushimeka, nawa mwekeshenu kashinshi.
8 Nzambi nekali Mwanta wanyuza.+
Nzambi nashakami hetanda dindi dajila.
9 Anlomboli jawantu anapompi hamu
Nawantu jaNzambi yaAbarahama.
Muloña anyuuli* ahamaseki ambala aNzambi.
Natuumbakani chikupu.+
Kamina. Isamu dawanyana kaKora awamayala.+
48 Yehova himuneni nawa watela kushimekewa chikupu
Mumusumba waNzambi yetu, mumpidi yindi yajila.
2 Mpidi yaZiyona kukabeta kachimunswa,
Yalubanji mukunyuña kwayu, nawa himuzañalu weseki dejima,+
Musumba waMwanta Wabadika.+
4 Talenu! anyanta anadipompeshi;*
Wejima wawu anashiki dehi kwakwihi.
5 Chawumweniwu musumba, ahayamini.
Aluwankeni nawa atemukili iku anatiyi woma.
6 Atachikili kuzaala kwenoku,
Atiyili nyisoñu neyi yamumbanda wunakuvwala.
7 Wakisañanaña mbopolu jakuTashishi nampepela yakumusela.
8 Yuma yitwatiyili, ichi tunadimweni etu aweni
Mumusumba waYehova wamazaza, mumusumba waNzambi yetu.
Nzambi wakawukolesha chikupu haya nyaaka.+ (Sela)
9 Twatoñojokaña chikupu hakukeña kweyi kwakashinshi, eyi Nzambi,+
Mukachi katembeli yeyi.
10 Kufwana ijina deyi, eyi Nzambi, kushimekewa kweyi
Kwashikaña kwakumina iseki.+
Chikasa cheyi chachidiilu chenzala nakuloña.+
13 Shenu nyichima yenu hampwembu jindi.*+
Talatalenu tuposhi twindi twakola,
Kulonda mwakalejiku makiñu akenza.
14 Muloña iwu Nzambi diyi Nzambi yetu+ haya nyaaka nanyaaka.
Wakatulombolaña haya nyaaka nanyaaka.*+
Kudi mukulumpi wawañimbi. Isamu dawanyana kaKora awamayala.+
49 Tiyenu awa mazu, enu antu ejima.
3 Kanwa kami kakuhosha maana,
Nawa yuma yinatoñojokañahu chikupu mumuchima wami+ yikumwekesha kwiluka.
4 Nukusha maana kuchishimu;
Nukulumbulula chiwahi chishimu chami nakadada.
5 Muloñadi chinukutiyila woma mumpinji yakukala,+
Neyi kutama* kwawantu akeñaña kuñimika mushindu kunannyeñumuki?
6 Owu anakukuhwelela mumaheta awu+
Nawa anakuditiya muloña wamaheta awu amavulu,+
7 Kwosi niwumu hakachi kawu wunateli kukuula manakwindi
Hela kumwinka Nzambi ifutu danyiloña kukoola yenaku,+
8 (Ifutu danyiloña dakukuula nachu wumi wawu dawuseya chikupu
Chakwila hiyakutwesha kudihanaku);
9 Kulonda akashakami haya nyaaka nawa akabuli kumona ibuku.*+
10 Weluka nindi niantu amaana afwaña;
Ayisupi niabulaña kutoñojoka ajilumukilaña hamu,+
Nawa maheta awu ayishiyaña kudi antu acheñi.+
11 Munyichima yawu afwilaña nawu matala awu akashakami haya nyaaka,
Matenti awu akashiki kumakiñu ejima.
Maluña awu ayituumba majina awu aweni.
13 Iyi diyi njila yawayisupi+
Ninana ayilondelaña, atiyaña kuwaha mazu awu amukunkulwayi. (Sela)
14 Adi neyi anyikoku anakutwalawu Mwijamu.*
Kufwa kwakayibiñaña;
Muntu woloka wakayiyuula+ nantetemena.
16 Bayi wutiya woma nachinahetiyi muntu,
Hela nachidinasweji itala dindi kumwekana lubanjiku,
17 Muloña neyi nafwi kwosi chuma chasendañayiku;+
Kulema kwindi hikwakakunkumuka hamu nayenaku.+
18 Muloña mumafuku akuhanda kwindi wadihamekaña yomweni.*+
(Antu akulemeshaña neyi wuheta.)+
19 Ilaña nkumininaku walondelaña ikiñu dawankakulula jindi.
Hiyamba kamona cheñi chejejiku.
20 Muntu wabula kwiluka yumiyi, hela chakwila walema,+
Halema kubadika anyama afwañaku.
Isamu daAsafi.+
50 Nzambi yawanzambi, Yehova,*+ nahoshi;
Watambikaña iseki
Kufuma kwatuntukilaña itena kushika nikudahuminaña.*
2 Nzambi watoñekelaña chejeji muZiyona, musumba wasweja lubanji.+
3 Nzambi yetu wakenza nawa kwila amwenahu nehi.+
5 “Mpompesheli antu jami ashinshika,
Owu anakukwata chitiyañenu nanami kutalisha hamulambu.”+
6 Mawulu ashimunaña kuloña kwindi,
Muloña Nzambi yomweni hiNsompeshi.+ (Sela)
7 “Tiyenu, enu antu jami, nawa nukuhosha;
Isarela, nukushimuna wunsahu hadi eyi.+
Yami Nzambi, Nzambi yeyi.+
8 Hinakuzuwilaña muloña wanyilambu yeyi,
Hela muloña wanyilambu yeyi yamukuma yakushita yiwanlambulaña mpinji yejimaku.+
10 Muloña kanyama wejima wamwisaña wekala mwivunda wamami,+
Kushilahu nianyama ekala hamapidi ikombakaji.
11 Neluka tuda twejima twekala hamapidi;+
Anyama akadi kutwesha kuchinda amwisaña amami.
12 Neyi nadiñi nanzala, nadi kukuleja wanyi,
Muloña iseki dawushi niyuma yejima yekalahu yami.+
13 Komana nukuda mbiji yawayizamba añombi
Nikunwa mashi ampembi?+
14 Kusakilila kwenu kwiikali neyi mulambu wenu kudi Nzambi,+
Nawa shikijenu yikaninu yenu kudi Mukakubadika Chikupu;+
15 Ntambiki mumpinji yayihuñu.+
Nakakupulwisha, nawa wakanlemesha.”+
16 Ilaña Nzambi wakaleja muntu watama nindi:
19 Wazatishaña kanwa keyi kutaandisha yuma yatama,
Nawa makudi analamati kwidimi deyi.+
20 Washakamaña nakuhosha chatama hadi manakweyi;+
Wasololaña yiluwa* yamanakweyi iwasemuka nindi ivumu dimu.
21 Hiwelili yumiyi, namwenenihu kwami,
Dichi watoñojokeli neyi nukwikala neyi eyi.
Ilaña ichi nukukuzuwila,
Nawa nukushimuna muloña wuwukweti nanami.+
22 Mwani ilukenu chumichi, enu mwamuvulamenaña Nzambi,+
Kulonda nibuli kuyitabola chakwila kubuli niwakuyipulwisha.
23 Muntu wahanaña kusakilila kwindi kwikala mulambu, wanlemeshaña,+
Hakwila muntu walondelaña chikupu njila yaloña,
Ami nakamukojeja akamoni wamwinu waNzambi.”+
Kudi mukulumpi wawañimbi. Isamu daDavidi, hamuwaniniwu kudi kaprofwetu Natani hanyima yakwila Davidi nakaami dehi naBatisheba.+
51 Ntiyili luwi, eyi Nzambi, kwesekeja nakukeña kweyi kwakashinshi.+
Jimaku yiluwa yami kwesekeja naluwi lweyi lwasweja.+
Kulonda akumoni nawu waloña neyi wunakuhosha
Nawa wusompeña mwoloka.+
5 Talaña! Navwalikili nanshidi,
Nawa mama yami wambaabili munshidi.+
6 Talaña! Watiyaña kuwaha muchalala chawuntu wamukachi;+
Dizishaku wuntu wami wamukachi* maana alala.
7 Ntookeshi kunshidi jami nahisopi, kulonda niikali wakadi majilu;+
8 Nleki nitiyi nyiñula yakuzañajala niyamuzañalu,
Kulonda mafwaha ami iwachikili azañalali.+
10 Mukachi kami leñelakumu muchima wakadi majilu, eyi Nzambi,+
Nawa shaku spiritu yayiha mukachi kami, yakola mbe-e.+
11 Bayi wunhaña nakunfumisha kumesu eyiku;
Nawa bayi wufumisha spiritu yeyi yajila hadi amiku.
12 Nfuntishili cheñi muzañalu wawamwinu weyi;+
Nsañumuni mukachi kami kulonda mwiikali muchima wakukwovwahila.*
13 Akakuvulumuna nukuyidizisha njila jeyi,+
Kulonda akanshidi afunti kudi eyi.
14 Ñamwini nibuli kwikala namuloña wamashi,+ eyi Nzambi, Nzambi yawamwinu wami,+
Kulonda idimi dami dizañalali nakushimuna kuloña kweyi.+
15 Eyi Yehova, enzununaku nyivumbu yami,
Kulonda kanwa kami kashimuni kushimekewa kweyi.+
16 Muloña hiwakeñaña mulambuku—neyi nehi nadi kukwinka;+
Muloña hiwatiyaña kuwaha namulambu wamukuma wakushitaku.+
17 Nyilambu yamutiyishaña Nzambi kuwaha hispiritu yachikeka;
Muchima wabaluka nawa wachikeka, eyi Nzambi, wakawukaana wanyi.*+
18 Mukoñeli Ziyona chuma chachiwahi;
Tuñaku mbañu jaYerusalema.
19 Dihu dinu hiwakatiya kuwaha nanyilambu yakuloña,
Nyilambu yakushita ninyilambu yamukuma;
Kuhiñahu añombi ayizamba akayilambula hakameña keyi.+
Kudi mukulumpi wawañimbi. Masikilu.* DaDavidi, helili Dowegi mwini Edomi enzi nakuleja Sawulu nindi Davidi wenza kwitala daAhimeleki.+
52 Muloñadi chiwadivwimbilaña hayilwilu yeyi yatama, eyi mukañovu?+
Kukeña kwaNzambi kwakashinshi kwekalañaku mpinji yejima.+
3 Eyi wakeña yatama kubadika yayiwahi,
Wakeña kutwamba chatela wuhosheña yuma yalala. (Sela)
4 Wakeña izu dejima datama,
Eyi idimi dadimbanaña!
5 Dichakaletesha Nzambi akakunati heseki lwejima;+
Wakakuhukula nakukutabolela hahalehi netenti deyi;+
Wakakubwita nakukufumisha mwituña mwashakamaña antu.+ (Sela)
7 “Talenu iwu muntu wabulili kumwilisha Nzambi kwikala chiswamu chindi,*+
Ilaña wakuhweleleli mumaheta indi amavulu+
8 Ilaña ami nakekala neyi mutondu wamuolivi wawuwahi mwitala daNzambi;
Nakuhwelela mukukeña kwaNzambi kwakashinshi,+ haya nyaaka nanyaaka.
9 Nukukushimekaña haya nyaaka muloña wunakoñihu chuma;+
Hamesu awantu jeyi ashinshika,
Nukuchiñejaña mwijina deyi,+ muloña dadiwahi.
Kudi mukulumpi wawañimbi; mumutapu waMahalati.* Masikilu.* DaDavidi.
53 Chisupi* wahoshaña mumuchima windi nindi:
“Yehova wekalaku wanyi.”+
Yilwilu yawu yabula kuloña yatama nawa yawuzondu;
Kwosi niwumu wunakwila chachiwahiku.+
2 Ilaña Nzambi watalaña heseki hadi anyana kawantu iku wudi mwiwulu+
Kulonda amoni neyi hadihu wudi nakashinshi, neyi hadihu wunakumukeñakeña Yehova.+
3 Ejima wawu anasenuki dehi;
Ejima wawu adi nayilwilu yatama.
Kwosi niwumu wunakwila chachiwahiku,
Kwosi niwumuku.+
4 Komana antu atama eluka wanyi?
Adaña antu jami neyi kwiji anakuda dinkendi.
Hiyamutambikaña Yehovaku.+
5 Ilaña akatiya woma chikupu,
Woma wakwila kanda awutiyeñahu dehi,*
Muloña Nzambi wakapalañesha mafwaha anowu anakukulukuka.*
Eyi wakayitiyisha nsonyi, muloña Yehova nayikaani.
6 Yayo-o, wamwinu waIsarela wadi kufuma muZiyona!+
Neyi Yehova napompeshi dehi antu jindi kufuma muwunkoli,
Yakoba atiyi kuwaha, Isarela azañalali.
Kudi mukulumpi wawañimbi; kwimba nayisanji yanyonji. Masikilu.* DaDavidi, henjiliwu eni Zifi nakumuleja Sawulu nawu: “Davidi naswami mukachi ketu.”+
2 Eyi Nzambi, tiyaku kulomba kwami;+
Shaku maana kumazu amukanwa kami.
3 Muloña antu inabula kwiluka añimakenaña,
Nawa antu abula luwi akeñaña wumi wami.+
Hiyamwakamaña Nzambiku.*+ (Sela)
4 Talaña! Nzambi diyi nkwashi yami;+
Yehova wudi nanowu anakunkwasha.
6 Nukukulambula+ chakufuma hamuchima.
Nukushimeka ijina deyi, eyi Yehova, muloña dadiwahi.+
7 Muloña yena wañamwinaña kuyihuñu yejima,+
Nawa nakatala nakuzañalala hakayishindawu ayilumbu jami.+
Kudi mukulumpi wawañimbi; kwimba nayisanji yanyonji. Masikilu.* DaDavidi.
2 Ñushi maana nawa ñaakuli.+
Kwakama kwami kwaleteshaña niluluteña,+
Nawa naluwankani chikupu
3 Muloña wayuma yinakuhoshayi chilumbu
Nikukala kunakuletayi muntu watama.
Muloña alumbikaña mulumba wakukala hadi ami,
Nawa anhembelaña nkunyi iku anazuwi.+
5 Woma nikuzaala jinanshikeni,
Nawa mutentu wunankwati chikupu.
6 Nahoshaña nami: “Neyi nadiñi nampuula neyi kapompa!*
Mutenowu nadi kutuuka nakuya nakushakama mwakiñewa.
7 Tiyaña! Nadi kutemukila kwakulehi nankashi.+
Nadi kushakamaña mwisaña.+ (Sela)
8 Nadi kutemukila swayi kwiluña dakwiyamamu
Kwakulehi nampepela yañovu, kwakulehi nanvula yampepela.”
9 Yiluwañeshi, eyi Yehova, nawa kañeshaku tufuta twawu,*+
Muloña namoni madombu niwufwinda mumusumba.
10 Anyeñumokaña hambañu jawu mwaana niwufuku;
Mukachi kawu mudi kuhelañana niikabisha.+
11 Mukachi kawu mudi kujilumuka;
Makabisha nimakudi hijafumaña mulubanza lwawuku.+
12 Bayi neyi chilumbu diyi wansupishañaku;+
Muloña nadi kuumika.
Bayi neyi chilumbu diyi wunañimakeniku;
Muloña nadi kumuswama.
14 Twadiña nakudiluñisha wubwambu hamu;
Mwitala daNzambi twadiña nakwendela hamu nezaza.
15 Kujilumuka kuyishikeni!+
Akunkumukili Mwijamu* iku amomi;
Muloña kutama kudi mudi wena nawa kwashakamaña mukachi kawu.
16 Hakwila ami kwami, nukumutambika Nzambi,
Nawa Yehova wukuñamwina.+
18 Wakañamwina kudi antu anakunzuñisha nawa wakanyinka kuwunda,
Muloña mazaza enzaña nakuñimakena.+
Akakaana kuhimpa,
Owu anabuli kumutiya Nzambi woma.+
Mazu indi amwovu kubadika manji,
Ilaña himpoku jatubali jakusomona dehi.+
Yena hamba keteja muntu waloña kudimbukaku.*+
23 Ilaña eyi, eyi Nzambi, wakayikunkumwishila mwibuku dasweja kukunama.+
Antu adi namuloña wamashi niwamakudi hiyamba kashakama nakushika muchikunku chamafuku awuku.+
Ilaña ami kwami, nukukukuhwelela eyi.
Kudi mukulumpi wawañimbi; kwimbila “Kapompa* Kamwena Kadi Kwakulehi.” DaDavidi. Mikitami.* Hamukwatiliwu kudi aFilisitinu muGati.+
56 Ntiyili luwi, eyi Nzambi, muloña muntu wafwaña nakunlukuka.*
Mpinji yejima anzuñishaña nikunkabisha.
2 Ayilumbu jami ansumonaña mpinji yejima;
Amavulu azuñaña nanami nakudivwimba.
3 Neyi natiyi woma,+ nakuhwelelaña mudi eyi.+
4 Mudi Nzambi—wukweti izu dinashimekaña—
Mudi Nzambi dimunakuhwelela; hinnakutiya womaku
5 Mpinji yejima anletelaña kukala;
Atoñojokaña hohu hakunkatisha.+
7 Yikaani muloña wakutama kwawu.
Babeshaku nyuza nakuzuwa kweyi, eyi Nzambi.+
Nonaku madilu ami wuyishi mwipakumuna deyi dachitembi.+
Komana hiyayisoneka mumukanda weyiku?+
9 Hefuku dinakatambika nakulomba wukwashu, ayilumbu jami akafuntamu.+
Hachumichi neluki nami: Nzambi wudi kukabadi kami.+
10 Mudi Nzambi—wukweti izu dinashimekaña—
Mudi Yehova—wukweti izu dinashimekaña—
11 Mudi Nzambi dimunakuhwelela; hinnakutiya womaku.+
Chumanyi chikuñilayi muntu?+
13 Muloña wunampulwishi ami* kukufwa+
Nawa wunakañeshi nyendu yami kubula kuhukana,+
Kulonda nitweshi kwenda kumesu aneyi Nzambi muchejeji chawantu amomi.+
Kudi mukulumpi wawañimbi; kamina kakwila nawu “Bayi Wujilumunaku.” DaDavidi. Mikitami.* Hamutemukileñayi Sawulu nakuya nakuswama mwiyeñu.+
57 Ntiyili luwi, eyi Nzambi, ntiyili luwi,
Nawa nabatamaña muwulelu wampuula jeyi sampu kukala kunahiti.+
2 Namutambikaña Nzambi Mukakubadika Chikupu,
Nzambi walala, wanjilumwinañawu.
3 Wakatemesha wukwashu kufuma mwiwulu nakuñamwina.+
Wakamukañesha muntu wansumonaña. (Sela)
Nzambi wakatemesha kukeña kwindi kwakashinshi nikashinshi kindi.+
4 Anannyeñumuki* kudi anyitupa;+
Natela hohu kukaama hakachi kawantu anakukeña kuñuda,
Adi namazewu neyi mayoña ninyivu
Nawa akweti idimi didi neyi mpoku yakabali.+
5 Tuumbakanaku mumawulu, eyi Nzambi;
Kulema kweyi kwiikali heseki dejima.+
Anapundi ibuku hambidi yami,
Ilaña aholokelañamu awenawu.+ (Sela)
7 Muchima wami wakola chikupu, eyi Nzambi,+
Muchima wami wakola chikupu.
Nukwimba nikuvumisha tumina.
8 Hindukaku, eyi kulema kwami.
Hindukaku, eyi chisanji chanyonji; nineyi kadada.
Nukuhindwisha nkunku yakucha.+
10 Muloña kukeña kweyi kwakashinshi kwatoha neyi chaleha mawulu,+
Nawa kushinshika kweyi kwashika muluzwizu.
11 Tuumbakanaku mumawulu, eyi Nzambi;
Kulema kweyi kwiikali heseki dejima.+
Kudi mukulumpi wawañimbi; kamina kakwila nawu “Bayi Wujilumunaku.” DaDavidi. Mikitami.*
58 Komana munateli kuhosha hakuloña henohu munamwenihu?+
Komana munateli kusompesha mwaloña, enu anyana kawantu?+
2 Ilaña enu kwenu munyichima yenu mwatoñojokaña yuma yabula kuloña,+
Nawa makasenu akuwaña madombu mwituña.+
3 Antu atama asenukaña* kufuma havwalikañawu;*
Ayuulewaña wanyi, atwambaña kufuma hampinji yavwalikañawu.
5 Hanateli kutiyilila kwizu dawakakudimbeka tupelaku,
Hela chakwila akuzatisha waña wawu chamuchidinyi.
6 Eyi Nzambi, zokolaku mazewu mukanwa kawu!
Kotolaku nyibaña yanawa anyitupa,* eyi Yehova!
7 Ajimañani neyi menji anakuuma.
Yena evuli wuta windi wamukunji nawa ayidimbwishi nanyivu yindi.
8 Ekali neyi ñooñi wanowaña hanakwendayi;
Neyi mwana kamumbanda wuchidi kanda avwaliki wabulaña kumona itena.
9 Henohu ndehu jeyi jakutelekelamu kanda jitachiki kutiya kutaata kwanyitondu yanyiña,
Yena wakakomba luuya ninsonsu jinakubutuka, neyi nampepela yasweja.+
11 Kuhiñahu antu akahosha nawu: “Chalala kudi wufwetu wawantu aloña.+
Chalala kudi Nzambi wasompeshaña heseki.”+
Kudi mukulumpi wawañimbi; kamina kakwila nawu “Bayi Wujilumunaku.” DaDavidi. Mikitami.* Hatemesheliyi Sawulu amayala kuya nakutala itala daDavidi kulonda amujahi.+
2 Mpulwishi kudi owu akoñaña yatama,
Nawa ñamwini kudi antu amadombu.*
3 Talaña! Ambelaminaña kulonda anlukuki;+
Antu akweti ñovu anlukukaña
Ilaña bayi neyi muloña wakwila nadikañili hela navulumwiniku,+ eyi Yehova.
4 Hela chakwila hinakoñelihu chuma chatamaku, atemukaña nikudiloñesha kulonda alukuki.
Neyi nikutambika, nyamukaku kulonda wumoni.
5 Muloña eyi, eyi Yehova Nzambi wamazaza, yeyi Nzambi yaIsarela.+
Hindukaku kulonda wubalumukilimu nyuza yejima.
Bayi wutiyila antu ejima atama akufukejelaña luwiku.+ (Sela)
7 Talaña yuma yahuñunukaña mukanwa kawu;
Nyivumbu yawu yidi neyi mpoku jatubali,+
Muloña ahoshaña nawu: “Hinyi wunakutiyilila?”+
10 Nzambi wammwekeshelaña kukeña kwakashinshi wakenza nakunkwasha;+
Nzambi wakankojeja nakamoni chakayishindawu ayilumbu jami.+
11 Kuyijaha nehi, kulonda antu jami akabuli kuvulamena.
Nañovu jeyi, yikojeji aluluti;
Yidimbwishi, eyi Yehova, nkebu yetu.+
12 Muloña wanshidi yakukanwa kawu, izu dakunyivumbu yawu,
Kudivwimba kwawu kuyikwati awenawu,+
Muloña wamashiñu nimakudi ahoshañawu.
13 Yinuñululi nakuzuwa kweyi;+
Yinuñululi, kulonda ajiyi;
Yilishi eluki nawu Nzambi nakuyuula mudi Yakoba nikwakumina insa jeseki.+ (Sela)
14 Yileki afunti namelela;
Yileki aboli neyi atuwa nawa ebeña mumusumba wejima.+
15 Yileki akimboki nakukeñakeña yakuda;+
Bayi witeja ekuti hela kuwana iluña dakukaamaku.
16 Ilaña ami kwami, nukwimba hañovu jeyi;+
Nantetemena nukuzañalala nakushimuna hakukeña kweyi kwakashinshi.
17 Eyi Ñovu jami, nukukwimbila tumina twakukushimeka,+
Muloña Nzambi diyi chiswamu chami chakiñewa, Nzambi wammwekeshelaña kukeña kwakashinshi.+
Kudi mukulumpi wawañimbi; kamina kakwila nawu “Nkenu yaChanukishu.” Mikitami.* DaDavidi. Dakudizisha nachu. Hazuñiliyi naArama-naharayimi niArama-Zoba, nawa Yowabi wafuntili nakutapa eni Edomi 12,000 muChinekineki chaMuñwa.+
60 Eyi Nzambi; wapalañesheli mazaza etu anjita.+
Wazuwili nanetu; ilaña ichi tutambwili cheñi!
2 Wakankishili iseki; wadibalwili.
Loñeshaku nyaji yadu, muloña dinakuhumuka.
3 Waletesheli antu jeyi akabakani nankashi.
Watunwishili vinyu yaletesha tutedañileña.+
4 Yisoñamishi* antu akutiyaña woma
Atemuki nikuleya wuta wamukunji. (Sela)
5 Kulonda antu jeyi iwakeña ayipulwishi,
Twamwini nachikasa cheyi chachidiilu nawa twaakuli.+
6 Nzambi nahosheli mukujila kwindi nindi:*
7 Giliyadi wamami, neyi chekalayi Manasi,+
Nawa Efuremu hiitepa dakumutu wami;*
Yuda himukombu wanyuuli yami.+
8 Mowabi hicheña chami chakuwelelahu.+
Hadi Edomi nakanatilahu nkwabilu yami.+
Hadi Filisitiya nakadikuwilahu namuzañalu wakushinda.”+
9 Hinyi wukuntwala kumusumba wakuchikawu?*
Hinyi wukunlombola nakushika kuEdomi?+
10 Komana eyi Nzambi, hiyeyi wunatukaani,
Nzambi yetu, wabulaña kuya hamu nawamashidika etuku?+
11 Tukwashi muyihuñu yetu,
Muloña kwamwinewa kudi antu, kwamukunkulwayi.+
Kudi mukulumpi wawañimbi; kwimba nayisanji yanyonji. DaDavidi.
61 Eyi Nzambi, tiyaku kudila kwami kwakulomba wukwashu.
Shaku maana kukulomba kwami.+
Nlomboli helola dadilehi kubadika ami.+
3 Muloña yeyi chiswamu chami,
Kaposhi kakola kankiñaña kudi chilumbu.+
5 Muloña eyi, eyi Nzambi wunatiyi kusanyika kwami.
Wunanyinki wuswana wawantu atiyaña woma ijina deyi.+
6 Kuwumi wamwanta,* wakabombelaku mafuku,+
Nawa yaaka yindi yakafuma kwikiñu dimu nakushika kwikiñu dikwawu.
7 Wakatentama* hetanda dawanta haya nyaaka kumesu aNzambi;+
Mwinki kukeña kwakashinshi nikushinshika, kulonda yumiyi yimukiñeña.+
8 Kuhiñahu, nakemba tumina twakushimeka ijina deyi haya nyaaka+
Chinakashikijaña kusanyika kwami hefuku-hefuku.+
Kudi mukulumpi wawañimbi; daYedutuni.* Isamu daDavidi.
62 Mwalala, namuhembelelaña* Nzambi nakudiwunjika.
Wamwinu wami wafumaña kudi yena.+
2 Mwalala, diyi ilola dami nawa wamwinu wami, chiswamu chami chakiñewa;*+
Hiyamba kanyinkesha nankashiku.+
3 Mukutwalekahu kumukatisha muntu kushika mwakanyi kulonda mumujahi?+
Ejima wenu mudi neyi mbañu yinaheñi, neyi mbañu yakutuña namalola yinakukeña kuhumuka.*
4 Muloña atiyañanaña hamu kulonda amufumishi hachifulu chindi cheneni;*
Atiyaña kuwaha kutwamba.
Akiswilaña nakanwa kawu, ilaña munyichima yawu anakushiñana.+ (Sela)
6 Mwalala, diyi ilola dami nawa wamwinu wami, chiswamu chami chakiñewa;
Hiyamba kanyinkeshaku.+
7 Hadi Nzambi dihashindamena wamwinu wami nikulema kwami.
Ilola dami dakola, chiswamu chami, diyi Nzambi.+
8 Mukuhwelelenu mpinji yejima, enu antu.
Huñununenu nyichima yenu kudi yena.+
Nzambi diyi chiswamu chetu.+ (Sela)
9 Anyana kawantu himuuya hohu,
Anyana kawantu hichilota hohu.+
Neyi ejima wawu ayisha hamasikelu, apeela kubadika muuya.+
10 Bayi mukuhwelela mukubuwa
Hela kusha kuchiñeja kwamukunkulwayi mukwiyaku.
Neyi maheta enu avula, bayi mushahu muchima wenuku.+
11 Natiyi kapampa kayedi nami Nzambi nahoshi nindi:
Ñovu yambala yaNzambi.+
12 Cheñi nawa kukeña kwakashinshi kweyi, eyi Yehova,+
Muloña wafwetaña muntu wejima kwesekeja nanyidimu yindi.+
Isamu daDavidi, hadiñayi mwisaña daYuda.+
63 Eyi Nzambi, yeyi Nzambi yami, nakukeñakeñaña.+
2 Dichi natali kudi eyi mwiluña dajila;
Namoni ñovu jeyi nikulema kweyi.+
4 Dichi nukukushimekaña muwumi wami wejima;
Mwijina deyi dimu munukunyamwina makasa ami.
5 Nekuti iseka dabadika nawa dadiwahi chikupu,
Dichi kanwa kami kakukushimekaña namuzañalu kunyivumbu yami.+
9 Ilaña antu akeñaña kujilumuna wumi wami*
Akakunkumukila kwishina deseki.
10 Akayihana kuñovu yampoku yakabali;
Akekala yakuda yawanyumbu.
11 Ilaña mwanta wakazañalela mudi Nzambi.
Muntu wejima wunakusanyikila mudi Yena wakazañalala,*
Muloña tunwa twawantu anakutwamba akatumwenesha.
Kudi mukulumpi wawañimbi. Isamu daDavidi.
64 Eyi Nzambi, tiyaku izu dami chinukulembaña.+
Hembaku wumi wami nibuleña kutiya woma wachilumbu.
2 Nkiñi kutufuta twakujinda twawantu atama,+
Nkiñi kwizaza dawantu elaña yatama.
3 Alolaña idimi dawu neyi mpoku yakabali
Enyikaña mazu awu atama neyi nyivu,
4 Kulonda asowi muntu wakadi muloña iku adi mumaluña awu akuswama;
Amusowaña mukukasumwisha, chakadi woma.
5 Akakelaña kuyitoñojoka yawu yatama;*
Ahanjekaña chakusweka nyihetu yawu.
Ahoshaña nawu: “Hinyi wukuyimona?”+
6 Akeñakeñaña njila mwakwilila yuma yatama;
Akasaña kafuta kawu mukuswamujoka;+
Yitoñojoka yamumuchima wamuntu-himuntu yakala kwiluka.
7 Ilaña Nzambi wakayisowa;+
Akayikatisha namuvu mukukasumwisha.
8 Idimi dawu aweni dakayidimbwisha;+
Ejima akatalañaku akapukumuna nyitu yawu.
9 Kuhiñahu, antu ejima akatiya woma,
Nawa akashimuna yuma yinakoñiyi Nzambi,
Nawa akeluka nyidimu yindi.+
10 Aloña akazañalela mudi Yehova nawa akabatama mudi yena;+
Ejima oloka mumuchima akazañalala chikupu.*
Kudi mukulumpi wawañimbi. Isamu daDavidi. Kamina.
2 Eyi Mukakutiya kulomba, antu ejima akenza* kudi eyi.+
4 Wudi namuzañalu yowu muntu iwunatondi nikumuleta
Kulonda ashakami mumalubanza eyi.+
5 Wakatwakula nanyidimu yakuhayamisha+ yakuloña,
Eyi Nzambi yawamwinu wetu;
Yeyi Ashindamenawu kudi antu aheseki dejima+
Niadi kwakulehi kwishinadi dakaluñalwiji.
7 Eyi* wawundishaña tuluñalwiji tunakubwankañila,+
Wawundishaña mankanda atu anakudihuma nimapumba anyuza.+
8 Antu ashakamaña kumaluña akwakulehi akahayama nayinjikijilu yeyi;+
Wakakojeja antu ashakamaña kwaselelaña itena nikwahuminaña itena kudikuwa namuzañalu.
10 Wazoweshaña nyindoñolu yadu nikwesekeja nyihaña yadu;
Wadovwahishaña nanvula yanokaña; nawa wakiswilaña yuma yamenañahu.+
13 Maluña akudiishilamu yimuna enzala nayimuna,
Nawa yinekineki ayaala nambutu.+
Jadikuwaña namuzañalu, eña, jembaña.+
Kudi mukulumpi wawañimbi. Kamina. Isamu.
66 Dikuwenu kudi Nzambi namuzañalu, heseki dejima.+
2 Imbenu tumina twakushimeka ijina dindi dalema.
Mulemeshenu nikumushimeka.+
3 Mulejenu Nzambi nenu: “Nyidimu yeyi ochiyekala yakuhayamisha!+
Muloña wañovu jeyi jasweja,
Ayilumbu jeyi akadihomba kumesu eyi.+
4 Iseki dejima dakadibuka kudi eyi;+
Akemba tumina twakukushimeka;
Akemba tumina twakushimeka ijina deyi.”+ (Sela)
5 Twayenu mutali nyidimu yaNzambi.
Nyidimu yindi yakoñelañayi anyana kawantu yakuhayamisha.+
Kwenoku twazañaleleli mudi yena.+
7 Wayuulaña haya nyaaka+ nañovu jindi.
Mesu indi atalaña hadi nyuza.+
Achinchika nyichima hiyatela kudinyamuna awenawuku.+ (Sela)
8 Mushimekenu Nzambi, enu antu,+
Nawa mazu akumushimeka atiyakani.
10 Muloña wunatushinshiki chikupu, eyi Nzambi;+
Neyi cheñununañawu siliva, dichiwunatweñununi ninetu.
11 Watuleteli mukaleñi;
Washili chiteli chachikaña hadi etu.*
12 Wetejeli muntu wafwaña kutudatola;*
Twenjilili mukesi nimumenji;
Kuhiñahu watuleteli kwiluña dakunookela.
13 Nakenza kwitala deyi nanyilambu yamukuma yakushita;+
Nakela munasanyikili kudi eyi+
14 Kusanyika kwakanini nyivumbu yami+
Nawa kwahosheli kanwa kami hinadiñi muyihuñu.
15 Nakakulambula nyilambu yakushita yawanyama anuna
Hamu nawishi wanyilambu yawanyikoku ayizamba.
Nakalambula añombi ayizamba hamu nawampembi ayizamba. (Sela)
17 Namutambikili nakanwa kami
Nawa namulemesheli nedimi dami.
18 Neyi nahembeli chuma chidi chejima chatama mumuchima wami,
Yehova hadi kuntiyaku.+
20 Nzambi amushimeki, owu wabulili kukaana kulomba kwami
Hela kunkiisha kukeña kwindi kwakashinshi.
Kudi mukulumpi wawañimbi; kwimba nayisanji yanyonji. Isamu. Kamina.
67 Nzambi wakatutiya kuwaha nawa wakatukiswila;
Wakatoñekeshela chamesu indi hadi etu+ (Sela)
2 Kulonda njila yeyi ayiluki kunyeñumuka iseki dejima,+
Nyidimu yeyi yawamwinu hakachi kanyuza yejima.+
3 Antu akushimeki, eyi Nzambi;
Antu ejima akushimeki.
Wakalombola nyuza yaheseki. (Sela)
5 Antu akushimeki, eyi Nzambi;
Antu ejima akushimeki.
Kudi mukulumpi wawañimbi. Isamu daDavidi. Kamina.
68 Nzambi anyamuki, ayilumbu jindi apalañani,
Nawa ana amuhela amutemoki.+
2 Yitemuni neyi chalelulañawu wishi;
Neyi chasuñunukaña nsela yidi kukesi,
Antu atama niwena ajilumukili kumesu aNzambi.+
4 Mwimbilenu Nzambi; imbenu tumina twakushimeka ijina dindi.+
Mwimbilenu Owu wunakwenda muyana yachinkalampata.*
Ya* didu ijina dindi!+ Zañalelenu kumesu indi!
5 Tata yawanyana abula atata jawu nawa mukakukiña* antuluwa+
HiNzambi mwiluña dindi dajila mwakushakama.+
Ilaña achinchika nyichima* atela kushakama mwisaña dooma.+
8 Iseki dakankili;+
Iwulu danokesheli nvula* muloña waNzambi;
Iyi Sinayi yakankili muloña waNzambi, Nzambi yaIsarela.+
9 Wanokesheli nvula chikupu, eyi Nzambi;
Wakolesheli antu* jeyi azeyeli.
10 Ashakamini mwitenti deyi damuchilombu;+
Muloña wakuwaha kweyi, eyi Nzambi, wakwashili atuzweñi.
12 Anyanta akweti nyikanka yawamashidika atemukaña,+ atemukaña!
Mumbanda washalaña hetala watambulañaku yuma yakupuupa.+
13 Hela chakwila enu amayala mwadiña nakukaama kutwesi twamuchilombu,
Kwakekala mpuula jakapompa jakubuta nasiliva,
Nambandu jawuru yayiwahi.*
15 Mpidi yaBashani+ himpidi yaNzambi;
Mpidi yaBashani himpidi yikweti maluña amavulu anyuña.
16 Eyi mpidi wukweti maluña amavulu anyuña, muloñadi chiwatalilaña nechima,
Mpidi yinatondiyi Nzambi kwikala iluña dindi dakushakama?+
Mwalala, Yehova wakashakama kwenoku haya nyaaka.+
17 Makalu aNzambi anjita ekala makumi amakombakaji, makombakaji namakombakaji.+
Yehova nenzi kufuma kuSinayi nakwiñila mwiluña dajila.+
Wasendeli ankoli,
Wasendeli amayala ekali yawaana,+
Eña, kushilahu niantu adikañaña,+ kulonda wushakami hakachi kawu, eyi Ya Nzambi.
19 Yehova amushimeki, wasendaña chiteli chetu ifuku niifuku,+
Nzambi walala wawamwinu wetu. (Sela)
20 Nzambi walala hiNzambi yetu wamwinaña;+
Nawa Yehova Mwanta Wabadika wabuzaña njila yakutemukilamu kufwa.+
21 Chalala, Nzambi wakachika nyitu yawayilumbu jindi,
Lubwidi lwamuntu wejima watwalekañahu munshidi jindi.+
22 Yehova nahoshi nindi: “Nakayifuntisha kufuma kuBashani;+
Nakayifuntisha kufuma kumanyiñi akaluñalwiji,
23 Kulonda nyendu yeyi yizowi namashi+
Nawa madimi atuwa tweyi ekali neseka dawu kufuma kudi ayilumbu.”
24 Amonaña nyikanka yeyi, eyi Nzambi,
Yendu yaNzambi yami, yaMwanta wami, yinakwiñila mwiluña dajila.+
25 Akakwimba anakwendela hambidi, añimbi anakuyilondela hanyima iku anakwimba yisanji yanyonji;+
Hakachi kawu hadi atwansi anakwimba ñoma janyanya.+
26 Mukachi kaluntu lunapompi,* mushimekenu Nzambi,
Mushimekenu Yehova, enu munafumi kuNsulu yaIsarela.+
27 Mwenomu Benjamini,+ kabinda, nakuyovwahisha,
Niatulamba aYuda nezaza dawu depumba,
Atulamba aZebuluni, atulamba aNafitali.
28 Nzambi yeyi nashimuni nindi wukwikala nañovu.
Mwekeshaku ñovu jeyi, eyi Nzambi, eyi watuzuñililiku.+
30 Hosholaku anyama azuwa amumateti,
Ayizamba awañombi anapompi hamu+ nianyanawu,
Sampu antu anadibuki heseki nakuleta* yikunku yasiliva.
Ilaña wapalañeshaña antu atiyaña kuwaha njita.
32 Enu mawanta ahamaseki, mwimbilenu Nzambi,+
Mwimbilenu Yehova tumina twakumushimeka, (Sela)
33 Owu wendeshaña iwulu damawulu akushankulu.+
Talenu! Wadidimaña nezu dindi, izu dindi dañovu.
34 Itejenu ñovu jaNzambi.+
Wukeleñi windi wudi hadi Isarela,
Nawa ñovu jindi jidi muluzwizu.*
35 Nzambi wakuhayamisha chikupu mwiluña dindi* deneni dajila.+
HiNzambi yaIsarela,
Wayinkaña antu ñovu nikuyikolesha.+
Mushimekenu Nzambi.
Kudi mukulumpi wawañimbi; kwimbila “Nkenu.” DaDavidi.
69 Ñamwini, eyi Nzambi, muloña menji atiyishaña wumi wami woma.*+
2 Neñili chikupu kwishina damalowa, kwabula iseki dakola.+
Neñili mwinyiñi,
Nawa kaloña kampupa kanankumpuli.+
3 Nazeyi nakutambika;+
Mudiwu wami wunajojomeni dehi.
Mesu ami anazeyi nakumutalila Nzambi yami.+
Owu akanjaha,
Ayilumbu jami adimbanaña,* anavuli.
Ankanjikijili kulubula yuma yinabulili kwiya.
5 Eyi Nzambi, wuneluki wusupi wami,
Nawa muloña wami hiwunaswami kudi eyiku.
6 Antu akuchiñejaña bayi ayitiyisha nsonyi muloña wanamiku,
Eyi Mwanta Wabadika, Yehova wamazaza.
Antu akukeñakeñaña bayi ayisawula muloña wanamiku,
Eyi Nzambi yaIsarela.
8 Nekali mwenyi kudi amanakwami,
Nekali ñiinza kudi anyana kamama awamayala.+
10 Hinadikehesheli nakushakama chakadi kuda,*
Ansupishili hamuloña wachumichi.
11 Hinatachikili kuvwala yisasa,
Nekalili chuma chakuseha* kudi wena.
12 Nidi mpanji yanowu ashakamaña kuyiisu yamusumba,
Nawa akakusheta añilisha kwikala chuma chakwimba mutumina twawu.
13 Ilaña kulomba kwami kwinzi kudi eyi,
Eyi Yehova, hampinji yatelela.+
Muloña wakukeña kweyi kwakashinshi kwasweja, eyi Nzambi,
Ñaakuli nayilwilu yeyi yawamwinu.+
14 Mpulwishi mumalowa;
Bayi witeja nijiminiku.
Mpulwishi kudi owu anhela
Nikwinyiñi.+
15 Bayi witeja dibaji dampupa dinkumpuli,+
Hela kwiteja inyiñi dimminyi,
16 Ñaakuli, eyi Yehova, muloña kukeña kweyi kwakashinshi kwakuwahi.+
Talishaku kudi ami kwesekeja naluwi lweyi lwasweja,+
17 Nawa bayi wusweka chamesu eyi kudi kambuñeyiku.+
Ñaakuli swayi-swayi, muloña naakami.+
18 Inzaku kwakwihi nanami wumpulwishi;*
Nkuuli hamuloña wawayilumbu jami.
19 Wuneluki kusawuka kwami, chansupishañawu nikuntiyisha nsonyi.+
Wamonaña ayilumbu jami ejima.
20 Kusawuka kunabaluli muchima wami, nawa chilonda hichokewañaku.*
22 Mesa yawu yiikali muhetu kudi wena,
Nawa chihandilu chawu chachiwahi chiikali ikoña.+
23 Mesu awu eyili bwi-i kulonda akañanyi kumona,
Nawa ilishaku nkuma jawu jizaaleña mpinji yejima.
26 Muloña akumpishaña muntu iweteli,
Nawa atwalekañahu kuhosha hamakabi awantu iwakatishili.
27 Kunyiloña yawu bombelakuku nyiloña yikwawu,
Nawa bayi ekala neseka mukuloña kweyiku.
29 Ilaña nakabakani nawa nidi muyihuñu.+
Eyi Nzambi, nkiñi nañovu yeyi yawamwinu.
30 Nukwimba nakushimeka ijina daNzambi,
Nawa nukumutuumbakesha nakusakilila.
31 Chumichi chikumuzañalesha Yehova kubadika chizamba chañombi,
Kubadika mwana kañombi wachizamba wudi nanseñu niyikwa.+
32 Amwovu akamona chumichi nawa akazañalala.
Enu munakumukeñakeña Nzambi, nyichima yenu yiikali nañovu cheñi.
34 Iwulu niiseki jimushimeki,+
Tuluñalwiji niyuma yejima yendañamu.
35 Muloña Nzambi wakaamwina Ziyona+
Nawa wakatuñulula nyisumba yaYuda,
Nawa akashakama mwenomu nikudiswana.*
Kudi mukulumpi wawañimbi, DaDavidi dakumwanukisha nachu.
70 Eyi Nzambi, ñamwini;
Eyi Yehova, nyakalaku kunkwasha.+
2 Owu anakukeña kunjaha*
Ayitiyishi nsonyi nawa asawuki.
Owu azañalalaña nayihuñu yami
Afuntimu iku anatiyi nsonyi.
3 Owu anakwila nawu: “Anha! Anha!”
Ayihañi iku anatiyi nsonyi.
4 Ilaña anakukukeñakeña
Aluñi nikuzañalela mudi eyi.+
Akeña nyidimu yeyi yawamwinu ahosheña mpinji yejima nawu:
“Nzambi atuumbakani!”
71 Eyi Yehova, ami nabatami mudi eyi.
Bayi wuntiyisha nsonyiku.+
2 Ñamwini nawa mpulwishi muloña wakuloña kweyi.
Nteñelekeli itu deyi* nawa wuñamwini.+
3 Ikalaku ilola dami dakiñewa
Munatela kwiñila mpinji yejima.
Temeshaku muntu enzi nakuñamwina,
Muloña yeyi ilola dami nawa mpwembu yami.+
4 Eyi Nzambi yami, mpulwishi kumakasa amuntu watama,+
Mukampaña kamukakukabishana watama.
5 Muloña yeyi kuchiñeja kwami, eyi Yehova Mwanta Wabadika;
6 Nashindamenaña hadi eyi kufuma hinavwalikili;
Yeyi wanfumishili mwivumu damama yami.+
Nakushimekaña mpinji yejima.
7 Nekali neyi chihayamisha kudi amavulu,
Ilaña yeyi chiswamu chami chakola.
8 Kanwa kami kanenzali namazu akukushimeka;+
Mpinji yejima nahoshaña halubanji lweyi.
10 Ayilumbu jami anhoshaña chatama,
Nawa owu akeñaña kunjaha* akasilaña kafuta hamu,+
11 Nakuhosha nawu: “Nzambi namushiyi.
Mukumpishenu mumukwati, muloña kwosi wakumwamwina.”+
12 Eyi Nzambi, bayi wimena hahalehi nanamiku.
Eyi Nzambi yami, nyakalaku kunkwasha.+
Owu anakukeña yihuñu yami
Ayibuti nansonyi nikusawuka.+
14 Ilaña ami kwami, nukutwalekahu kuchiñilila;
Nukukushimeka chikupu kubadika hakusambila.
15 Mpinji yejima kanwa kami kakahoshaña kuloña kweyi,+
Ninyidimu yeyi yawamwinu,
16 Nakenza nakushimuna hanyidimu yeyi yañovu,
Eyi Yehova Mwanta Wabadika;
Nakashimuna kuloña kweyi, kweyeyi nkaweyi.
17 Eyi Nzambi, wunandizishi kufuma kuwukwenzi wami,+
Kushika niyinu mpinji nashimunaña nyidimu yeyi yakuhayamisha.+
18 Hela chakwila nashinakaji niinvu, eyi Nzambi, bayi wunshiyaku.+
Ñiiteji nileji ikiñu dinakwinza hañovu* jeyi
Nikuleja antu ejima akavwalika kumbidi hañovu jeyi jabadika.+
19 Kuloña kweyi, eyi Nzambi, kwashika mumawulu;+
Wunakoñi yuma yamaneni;
Eyi Nzambi, hinyi wudi neyi eyi?+
20 Hela chakwila wunañiiteji kumona makabi niyihuñu,+
Nyinki ñovu cheñi;
21 Ñilishi niikali walema nankashi
Nawa nyeñumuki nikunkundeja.
22 Kuhiñahu, nukukushimeka nachisanji chanyonji
Muloña wakushinshika kweyi, eyi Nzambi yami.+
Nukwimba tumina twakukushimeka nakadada,
Eyi Wajila waIsarela.
23 Nyivumbu yami yikudikuwa namuzañalu hinukwimbaña tumina twakukushimeka,+
24 Idimi dami dikuhoshaña* hakuloña kweyi mpinji yejima,+
Muloña antu anakukeña kunjilumuna akayitiyisha nsonyi nawa akasawuka.+
Kumulombelaku Solomoni.
72 Eyi Nzambi, mukwashi mwanta asompi kwesekeja nawunsompeshi weyi,
Nawa muvwiki mwana kamwanta kuloña kweyi.+
3 Mpidi jileti kuwunda kudi antu,
Nawa tupidi tuleti kuloña.
4 Mwiteji ahakwiliku* akehelamu hakachi kawantu,
Mwiteji amwini anyana kawatuzweñi,
Nawa mwiteji amuchiki chipwapoki.+
5 Akukutiyaña woma chakala hohu itena dichidi kwoku
Nawa chakala hohu kakweji kachidi kwoku,
Kufuma kwikiñu dimu nakushika kwikiñu dikwawu.+
7 Mumafuku indi, waloña wakashakama chiwahi,*+
Nawa kuwunda kwakawanina kwejima+ sampu kakweji kanajiyi.
8 Wakayuula kufuma kukaluñalwiji kamu nakushika kukaluñalwiji kakwawu
10 Anyanta akuTashishi niahayituutu akahana mulambu.+
Anyanta akuSheba niakuSeba akaleta yawaana.+
11 Anyanta ejima akamufukamina,
Nawa nyuza yejima yakamukalakela.
12 Muloña yena wakapulwisha kazweñi wunakulomba wukwashu,
Cheñi nimuntu wakehelamu niwejima wunabuli wakumukwasha.
13 Antu akehelamu niatuzweñi wakayitiyila wushona,
Nawa wakaamwina mawumi awatuzweñi.
14 Wakayipulwisha* kumakabisha nikumadombu,
Nawa mashi awu akekala alema chikupu kumesu indi.
15 Atwalekihu kuhanda nawa amwinki wuru yakuSheba.+
Amulombeleñaku mpinji yejima,
Nawa amukiswileña mpinji yejima.
Antu ayikiswili kuhitila mudi yena;+
Nyuza yejima yimuteni nawu wudi namuzañalu.
Ameni, Ameni.
20 Aha dihanamanini kulomba kwaDavidi kwejima, mwana kaYesi.+
MUKANDA WAMUCHISATU
(Masamu 73-89)
Isamu daAsafi.+
73 Nzambi wamuwahi chikupu kudi Isarela, kudi antu atooka mumuchima.+
2 Hakwila ami kwami, nyendu yami yadiña kwakwihi nakusenuka;
Nyendu yami yasheli hanti nakuselumuka.+
6 Dichi, kudivwimba hiileñi dawu damunshiñu;+
Ayibutaña kudi madombu neyi kwiji chakuvwala.
7 Maheta awu aleteshaña* mesu awu kututumuka;
Maheta awu anavuli chikupu kubadika afwikijileñawu mumuchima wawu.
8 Asupishaña nikuhosha yuma yatama.+
Adivwimbaña nikuhosha mazu akuchiinisha.+
9 Ahoshaña neyi kwiji adi mwiwulu,
Nawa madimi awu endaña nakukakañila heseki.
10 Dichi antu jindi abalumukilaña kudi wena,
Nawa anwaña mumenji awu amavulu.
11 Ahoshaña nawu: “Nzambi neluki ñahi?+
Komana mwalala Mukakubadika Chikupu weluka?”
12 Eña, awa diwu antu atama, ashakamaña chiwahi.+
Atwalekañahu kudivulishila maheta awu.+
13 Chalala natwalekihu kutookesha muchima wami chamukunkulwayi
Nikwisuka kumakasa ami nakumwekesha nami hinikweti muloñaku.+
15 Ilaña neyi nahosheli yumiyi,
Nadi kufukejela antu jeyi.*
16 Chinesekeli nami niiluki muyatalisha,
Yankabishileña muyitoñojoka
17 Sampu chineñilili mwiluña deneni dajila daNzambi,
Nawa nelukili mbidi yawu.
18 Mwalala wayisha heseki dasenena.+
Wayileteshaña adimbuki kulonda ajilumuki.+
19 Ochinajilumukiwu mukukasumwisha!+
Yenoyu yihuñu yidi kwakwihi nakuyishintakesha!
20 Neyi chavulamenañayi muntu chilota neyi nahinduki, eyi Yehova,
Neyi wunyamuka, wakajimañesha* mwevulu wawu.
22 Natoñojokeleña chiwahi wanyi nawa hinadiña namaanaku;
Kumesu eyi nadiña neyi kanyama wabula maana.
23 Ilaña ichi natwalekihu kwikala naneyi;
Wunankwati kuchikasa chami chachidiilu.+
25 Hinyi inikweti mumawulu?
Nawa chineli nidi naneyi, kwosi chuma chikwawu chinafwilaña hesekiku.+
26 Mujimba wami nimuchima wami jinateli kuzeya,
Ilaña Nzambi diyi ilola damuchima wami nawa iseka dami haya nyaaka.+
27 Mwamweni, owu anakudambula kudi eyi akajilumuka.
Muntu wejima wakakushiya muloña wakubula kushinshika, eyi wakamujaha.*+
28 Ilaña ami kwami, chachiwahi kuswina kwakwihi naNzambi.+
Namwilishi Yehova Mwanta Wabadika kwikala chiswamu chami,
Kulonda nishimuni nyidimu yeyi yejima.+
74 Muloñadi, eyi Nzambi, chiwunatukaanini haya nyaaka?+
Wunazuwililidi nyikoku yakumunyevu weyi?+
Anukaku Mpidi yaZiyona, kuwunashakami.+
3 Yaku kwiluña dinajilumuniwu chikupu.+
Chilumbu nakisañani yuma yejima mwiluña dajila.+
4 Ayilumbu jeyi abuluminini mwiluña deyi dakupompela.+
Anashi mpandela jawu jiikali yinjikijilu mwenomu.
5 Adiña neyi antu azuyaña yizembi kulonda atemi ivunda dajika.
6 Yuma yejima yakubaza+ yekalamu ayibaloleli nayizembi ninayikuñu.
7 Ocheli iluña deyi dajila.+
Atamishili tabanaka yikweti ijina deyi, nakuyihumuna.
8 Wena nianyanawu anahoshi munyichima yawu nawu:
“Twatela kwocha maluña ejima aNzambi* akupompelamu adi mwituña.”
9 Kwosi yinjikijilu hakwila tumoniku;
Kwosi kaprofwetu wunashalihuku,
Nawa kwosi niwumu hakachi ketu wuneluki hakamana yumiyiku.
10 Eyi Nzambi, mukankunyi wakatwalekahu kukusupisha kushika mpinjinyi?+
Komana chilumbu wakasawulaña ijina deyi haya nyaaka?+
11 Muloñadi chiwunavuñili chikasa cheyi, chikasa cheyi chachidiilu?+
Chifumishi hebwambu deyi* kulonda wuyijilumuni.
12 Ilaña Nzambi diyi Mwanta wami kufuma kunyaaka oko-o,
Owu wunakukoña nyidimu yawamwinu heseki.+
13 Wavundañesheli kaluñalwiji nañovu jeyi;+
Wachikilili nyitu yayileñaleña yamaneni yamukaluñalwiji mumenji.
14 Wachikili nyitu yaLeviyatani;*
Wayihanini kudi antu kulonda adii, kudi owu ashakamaña muyinkalampata.
16 Mwaana weyi, wufuku niwena weyi.
18 Anukaku kasawuntu kahoshañayi chilumbu, eyi Yehova,
Ochu ayisupi chasawulañawu ijina deyi.+
19 Bayi wulekela wumi wakapompa* keyi mumakasa awanyama azuwa amwisañaku.
Bayi wuvulamena wumi wawantu jeyi anakukabishawu haya nyaakaku.
20 Anukaku chitiyañenu,
Muloña maluña amwidima aheseki anenzali dehi nawakamadombu.
22 Nyamukaku, eyi Nzambi, wuhakuli muloña weyi.
Anukaku ochinakusawulawu ayisupi ijina deyi mpinji yejima.+
23 Bayi wuvulamena mazu anakuhoshawu ayilumbu jeyiku.
Ipumba danowu akusupishaña dinakuya mwiwulu mpinji yejima.
Kudi mukulumpi wawañimbi. Kamina kakwila nawu “Bayi Wujilumunaku.” Isamu daAsafi.+ Kamina.
75 Tunakusakilili, eyi Nzambi, tunakusakilili;
Ijina deyi didi kwakwihi,+
Nawa antu ashimunaña nyidimu yeyi yakuhayamisha.
2 Wahoshaña neyi: “Neyi nikasa mpinji,
Nasompeshaña choloka.
3 Hanoweli iseki niyuma yejima yashakamañahu,
Yami nakwatishili chikupu yishimi yadu.” (Sela)
4 Nayilejeli akakudisamba nami, “Bayi mudisambaku,”
Niantu atama nami, “Bayi mutuumbakesha ñovu* jenuku.
5 Bayi mutuumbakesha ñovu* jenu jishiki mwiwulu
Hela kuhosha nakudivwimbaku.
6 Muloña kutuumbakana hikwafumaña
Kumusela hela kumujika indi kwiji kukabeta kakuchidiiluku.
7 Muloña Nzambi hiNsompeshi.+
Wakeheshaña muntu nawa watoheshaña muntu mukwawu.+
Chalala wakayimwaña,
Nawa antu ejima atama ahamaseki akayinwa, akanwina kumu ninchiba.”+
9 Ilaña ami kwami, nakashimuna yumiyi haya nyaaka;
Nakamwimbila Nzambi yaYakoba tumina twakumushimeka.
10 Muloña nahoshi nindi: “Nakaketula ñovu* jejima jawantu atama,
Ilaña aloña akekala nañovu* chikupu.”
Kudi mukulumpi wawañimbi; kwimba nayisanji yanyonji. Isamu daAsafi.+ Kamina.
3 Mwenomu wakotolaña nyivu yawuta wamukunji yinakubutuka kesi,
Nkebu nimpoku yakabali niyitwa yanjita.+ (Sela)
4 Eyi watoñekaña chikupu;*
Wamwekanaña lubanji kubadika mapidi kwazombelañawu anyama amwisaña.
5 Antu ahamuka anayikisañani.+
Anakaami mutulu;
Akakuzuña ejima adiña nawakuyikwasha wanyi.+
6 Muloña wakuhoshola kweyi, eyi Nzambi yaYakoba,
Akakwendesha makalu niatuwalu anakaami swayi mutulu.+
7 Eyi nkaweyi hohu yeyi wakutiya woma.+
Hinyi wunateli kwimana neyi wunazuwi chikupu?+
8 Washimwini wunsompeshi iku wudi mwiwulu;+
Iseki datiyili woma nawa damweneni nzo-o+
9 Hanyamukiliyi Nzambi nakuleta wunsompeshi,
Nakwamwina amwovu aheseki.+ (Sela)
10 Muloña ndulu yamuntu yakaletesha kukushimeka eyi;+
Ndulu yawu yakashalahu yakakuletela lubanji.
12 Wakazozesha kudivwimba* kwawanlomboli;
Wakashaña woma mudi anyanta aheseki.
Kudi mukulumpi wawañimbi; haYedutuni.* Isamu daAsafi.+
77 Nukumudilila Nzambi nezu dami;
Nukumudilila Nzambi nawa wukuntiya.+
2 Mwifuku dayihuñu yami namukeñakeñaña Yehova.+
Nawufuku namwolwelaña makasa ami chakadi kuleka.*
Hinakundejewañaku.
4 Wenzununaña yikenyikenyi yami nakuyikwatilila;
Naakami nankashi nawa inakukañanya kuhosha.
5 Yitoñojoka yami yafuntaña kumafuku akunyaaka oko-o,+
Kuyaaka yakunyima kwakweni.
7 Komana Yehova wukutukaana haya nayaaka?+
Komana wakatutiya cheñi kuwaha wanyi?+
8 Komana kukeña kwindi kwakashinshi kunajiyi haya nyaaka?
Komana makiñu ejima akamona kushikijewa kwachikaninu chindi wanyi?
9 Komana Nzambi navulameni kututiyila luwi,+
Indi kwiji kuzuwa kwindi dikunaleteshi luwi lwindi lumani? (Sela)
10 Komana nihosheña nami: “Chumichi dichinañakamishi:*+
Mukakubadika Chikupu naleki kutukwasha tahindi”?
11 Nukwanukaña nyidimu yaYa;
Nukwanukaña nyidimu yeyi yayiwahi yiwakoñeli kunyima oko-o.
12 Nukutoñojokaña chikupu hanyidimu yeyi yejima
Nawa nukutoñojokaña nankashi hayuma yiwunakoñi.+
13 Eyi Nzambi, njila jeyi jajila.
Nzambinyi wabadika wudi neyi eyi, eyi Nzambi?+
14 Yeyi Nzambi walala, wakoñaña yuma yayiwahi.+
Antu wunayimwekesheli ñovu jeyi.+
16 Menji akumweni, eyi Nzambi;
Menji akumweni nawa aluwankeni.+
Nawa inyiñi dabwankañilili.
17 Mavu anokesheli menji.
Iwulu damavu dadidimini,
Nawa nyivu yeyi yapalañenenimu.+
18 Chivumina chakudidima kweyi+ chatiyakeni neyi tufumbu twekalu;
Kukenashana kwanzaji yeyi kwatookesheli iseki hashakamawu antu;*+
Iseki dazaalili nawa dakankili.+
19 Njila yeyi yahitili mukaluñalwiji,+
Njila yeyi yahitili mumenji amavulu:
Ilaña mahaji eyi hiyamwekeniku.
78 Tiyililenu kunshimbi jami,* enu antu jami;
Teñelekenu itu denu kumazu amukanwa kami.
2 Nukuhosha nachishimu.
Nukuhosha yuma yakujinda yakunyaaka oko-o.+
3 Yuma yitwatiyili nikwiluka,
Oyu yatulumbulwililiwu ankakulula jetu,+
4 Hitwakayijinda kudi anyanawuku;
Twakayileja makiñu akenza+
Nyidimu yaYehova yatelela kushimekewa niñovu jindi,+
Nyidimu yayiwahi yinakoñiyi.+
5 Washili chanukishu mudi Yakoba
Nawa washili lushimbi mudi Isarela;
Walejeli ankakulula jetu
Kulejamu anyanawu yumiyi kulonda ayiluki,+
6 Kulonda ikiñu dakahiñahu,
Anyana akavwalika kumbidi, akayiluki.+
Kufumahu niwena akalejimu anyanawu.+
7 Kuhiñahu awa anyana akamukuhwelela Nzambi.
8 Kufumahu hiyakekala neyi ankakulula jawuku,
Ikiñu dawinyi nawa dadikaña,+
Ikiñu dadiña namuchima wabula kukola*+
Nawa dadiña naspiritu yabulili kushinshika kudi Nzambi.
9 Eni Efuremu adimanyekeli mata anyikunji,
Ilaña hefuku danjita atemukili nakufuntamu.
13 Waambwili kaluñalwiji kulonda ahiti hakachi,
Nawa wemikili menji neyi mbañu.+
14 Namwaana wayilombweleña nevu
Nawa nawufuku wejima wayilombweleña nachejeji chakesi.+
15 Wabalwili malola mwisaña,
Wayinwishili menji amavulu neyi kwiji anakufuma henyiñi.+
16 Wabuzili tuloña mwilola
Nawa wakojejeli menji kuhita neyi tuloña.+
17 Ilaña atwalekelihu kumuvulumuna
Kuhitila mukudikaña naMukakubadika Chikupu mwisaña;+
18 Amwesekeli Nzambi munyichima yawu+
Kuhitila mukumukanjikija nawu ayinki yakuda yakeñesheliwu.*
19 Dichi ahosheli chatama hadi Nzambi,
Nawu: “Komana Nzambi nateli kwaala mesa mwisaña?”+
20 Talenu! Weteli ilola
Chakwila menji atachikili kwidika nawa enzesheli tuloña.+
“Komana wukutwesha cheñi kutwinka dinkendi,
Hela kwinka antu jindi mbiji?”+
21 Yehova chayitiyiliyi, wazuwili nankashi;+
Kesi+ kenjili hadi Yakoba,
Nawa kuzuwa kwindi kwenjili hadi Isarela+
22 Muloña amukuhweleleli Nzambi wanyi;+
Hiyakuhweleleli muñovu jindi jakuyamwinaku.
23 Dichi walejeli iwulu damavu,
Nawa wenzunwini yiisu yamwiwulu.
24 Watwalekelihu kunokesha manina kulonda adii;
Wayinkeli mbutu yamwiwulu.+
26 Wasañumwini mpepela yakumusela mumawulu
Nawa wakunkishili mpepela yakukabeta kakuchidiilu nañovu jindi.+
27 Nawa wayinokesheleli mbiji neyi lunkuñu,
Atuda neyi wusekulula wakuchikumu chakaluñalwiji.
28 Wajiholweleli hakachi kachilombu chindi,
Kunyeñumuka matenti indi ejima.
29 Adiili nawa ekutili nakubadikisha;
Wayinkeli yuma yafwilileñawu.+
30 Ilaña henohu chipepa chawu kanda chimani,
Iku yakuda yichidi mutunwa twawu,
31 Kuzuwa kwaNzambi kwayibutukilili.+
Wajahili antu jawu akola chikupu;+
Wajilumwini anyikwenzi jaIsarela.
32 Hela chakwila amweni yumiyi, aswejesheli kukoñelaku nshidi+
Nawa hiyakuhweleleli munyidimu yindi yayiwahiku.+
33 Dichi wakumishili mafuku awu neyi kwoona,+
Nawa yaaka yawu wayikumishili nayihuñu yakukasumwisha.
34 Ilaña neyi nasweji kuyijaha, adiña nakumukeñakeña;+
Afuntileña nakumukeñakeña Nzambi,
35 Nakwanuka nawu Nzambi wadiña Ilola dawu+
36 Ilaña esekeli kumudimba nakanwa kawu
Nawa atwambili kudi yena nedimi dawu.
Kakavulu wakañesheleña kuzuwa kwindi+
Chatela asañumuni kuzuwa kwindi kwejima.
42 Hiyanukili ñovu* jindiku,
Ifuku dayipulwishiliyi* kudi mukankunyi,+
43 Ochamwekesheliyi yinjikijilu yindi muEjipitu+
Niyihayamisha yindi mwiluña daZowani,
44 Nichabalumwiniyi nyifwolu yaNile kwikala mashi+
Chakwila akañenyi kunwa mutuloña twawu.
46 Wenkeli atuboola azuzuka mbutu jawu,
Nyikaabu yakabakeneniwu wayihanini kudi nyikanka yatuboola.+
47 Wakisañeni nyivinyu yawu+
Ninyitondu yawu yasikamo nanvula yamalola.
48 Tunyama twawu twasendaña yiteli watuhanini kunvula yamalola+
Nawa yimuna yawu wayijahili nanzaji.
49 Wayilemekeli kuzuwa kwindi kwasweja,
Kulendumuka, kuhila niyihuñu,
Mazanvu awañelu aleteli makabi.
50 Wapulili njila yakuzuwa kwindi.
Hayamwinini kukufwaku;
Nawa wayijahili* nayipupu.
51 Nkumininaku wajahili anyana awedi ejima amuEjipitu,+
Ntachikilu yañovu yawu yalusemu mumatenti aHami.
52 Kuhiñahu wedishili antu jindi neyi mukanka wayimuna+
Nikuyilombola neyi mukanka wayimuna mwisaña.
54 Nawa wayileteli kwiluña dindi dajila,+
Idi iluña damapidi datambwiliyi nachikasa chindi chachidiilu.+
55 Watemwini nyuza kumesu awu;+
Wayipiminini wuswana wawu kuzatisha mwonji wakupima nachu;+
Waswanishili nyichidi yaIsarela mumatala awu.+
56 Ilaña atwalekelihu kumweseka Nzambi Mukakubadika Chikupu nikudikaña nayena;+
Hiyashili maana kuyanukishu yindiku.+
57 Amufutaleleli cheñi nawa adiña akakudimbana neyi ankakulula jawu.+
Adiña ashindamenewa wanyi neyi wuta wamukunji wabumbula.+
59 Nzambi wachitiyili nawa wazuwili nankashi,+
Dichi wamukaanini chikupu Isarela.
61 Wetejeli chinjikijilu chañovu yindi kuya muwunkoli;
Lubanji lwindi kuya muchikasa chamukankunyi.+
62 Wahanini antu jindi kumpoku yakabali+
Nawa wazuwilili chikupu wuswana windi.
65 Kuhiñahu Yehova wahindukili neyi kwiji nafumi mutulu,+
Neyi iyala wañovu+ wunahinduki hanyima yakunwa vinyu yayivulu.
66 Wayitemwini akankunyi nindi;+
Nawa wayitiyishili nsonyi yahaya nyaaka.
67 Wakaanini itenti daYosefu;
Hatondeli muchidi wa Efuremuku.
70 Watondeli Davidi+ kambuñindi
Nakumufumisha kwiyinda danyikoku,+
71 Wamufumishili kumudimu wakwakamena anyikoku anyikaji;
Wamwilishili kwikala kabiña hadi Yakoba, antu jindi,+
Nihadi Isarela, wuswana windi.+
Isamu daAsafi.+
79 Eyi Nzambi, nyuza yinalukuki wuswana weyi;+
Anajiloli tembeli yeyi yajila;+
Anelishi Yerusalema kwikala mulumba wayuma yinajilumuki.+
2 Anahani yibimbi yawambuñeyi kulonda yiikali yakuda yawatuda amuluzwizu
Ninyijimba yawantu jeyi ashinshika kudi anyama azuwa amwisaña aheseki.+
3 Anamwañili mashi awu muYerusalema mwejima neyi menji,
Nawa kwosi wunashalihu watela kuyijiikaku.+
4 Tunekali chuma chakusawula kudi antuñi netu;+
Antu atunyeñumuka atusupishaña nikutuseha.
5 Eyi Yehova, wukutwalekahu kuhila kushika mwakanyi? Haya nyaaka?+
Kuzuwa kweyi kukutwalekahu kubutuka neyi kesi kushika mwakanyi?+
6 Ichilaku kuzuwa kweyi hanyuza yabula kukwiluka
Nihamawanta abulaña kutambika hejina deyi.+
7 Muloña anamujilumuni Yakoba
Nawa mukala windi anawushiyi kwamahembi.+
8 Bayi wutubabeshela hayiluwa yawankakulula jetuku.+
Nyakalaku kututiyila luwi,+
Muloña anatuzeyeshi chikupu.
9 Tukwashi, eyi Nzambi yawamwinu wetu,+
Muloña wejina deyi dalema;
10 Muloñadi nyuza chiyikuhoshela nawu: “Nzambi yawu wudi kudihi?”+
Lekaku nyuza yiluki chumichi hamesu etu
Nawu mashi awambuñeyi amwañikili anayitendi.+
Zatishaku ñovu jeyi jasweja* kulonda wukiñi* antu anafuukwiliwu kujaha.*+
13 Kuhiñahu etu, antu jeyi nawa mukanka wayimuna wakumunyenvu weyi,+
Twakakusakililaña haya nyaaka;
Nawa twakakushimekaña kufuma kwikiñu dimu nakushika kwikiñu dikwawu.+
Kudi mukulumpi wawañimbi; kwimbila “Nkenu.” Dakwanukisha nachu. Isamu daAsafi.+
80 Eyi Kabiña kaIsarela, tiyililaku,
Eyi wunakumulombola Yosefu neyi mukanka wayimuna.+
4 Yehova Nzambi wamazaza, wukutwalekahu kulendumuka* nakukaana kulomba kwawantu jeyi kushika mpinjinyi?+
5 Wayidiishaña madilu neyi dinkendi dawu,
Nawa wayinwishaña madilu amavulu chikupu.
6 Walekaña antuñi netu aboboleña muloña wanetu;
Ayilumbu jetu atusupishaña hejima hanakeñeliwu.+
7 Eyi Nzambi wamazaza, tufuntishi cheñi;
Toñekeshelaku chamesu eyi hadi etu, kulonda wutwamwini.+
8 Waletesheli muvinyu+ kufuma kuEjipitu.
Watemwini nyuza nawa wawutumbili.+
9 Wawuwahishilili iluña dawu,
Nawa nyiji yameneni nakwinzesha ituña.+
10 Wulelu wawu wabutili mapidi,
Nawa nyitayi yawu yabutili nyisida yaNzambi.
12 Wunahumwinidi mbañu jamalola jakwitempa damuvinyu,+
Kulonda ejima anakuhita akumuneñaku nyikaabu?+
13 Ayombu amumavunda awukisañanaña,
Nawa anyama amwisaña dikwadañawu.+
14 Eyi Nzambi wamazaza, funtaku.
Mwiwulu muwudi talaku hamaseki wumoni!
Akamenaku iwu muvinyu,+
15 Chishina chiwatumbili nachikasa cheyi chachidiilu,+
Nawa talaku hadi mwana* iwadikolesheleli eyi aweni kulonda akulemeshi.+
16 Anachochi nakesi,+ anachitemi.
Ajilumukaña nakuzuwa* kweyi.
17 Chikasa cheyi chikwashi muntu wudi kuchikasa cheyi chachidiilu,
Mwana kamuntu iwunadikolesheli eyi aweni kulonda akulemeshi.+
18 Kuhiñahu hitukufuma kudi eyiku.
Tuhembi amomi, kulonda tutambikeña hejina deyi.
19 Eyi Yehova Nzambi wamazaza, tufuntishi cheñi;
Toñekeshelaku chamesu eyi hadi etu, kulonda wutwamwini.+
Kudi mukulumpi wawañimbi; kwimbila haGititi.* DaAsafi.+
81 Dikuwenu namuzañalu kudi Nzambi ñovu yetu.+
Dikuwenu namuzañalu nawa mushimekenu Nzambi yaYakoba.
2 Tachikenu kuvumisha yingongu nawa nonenu ñoma yanyanya,*
Yivumina yayiwahi yakadada hamu nachisanji chanyonji.
4 Muloña hilushimbi lunamwinkiwu Isarela,
Lushimbi lwaNzambi yaYakoba.+
Natiyili izu* dinabulili kwiluka nawu:
6 “Nafumishili chiteli hachifwiji chindi;+
Makasa indi nayifumishili kuchimpaaya.
Nakwesekeli kumenji akuMeriba.*+ (Sela)
8 Tiyenu, enu antu jami nawa nukuyikonkololamu.
Eyi Isarela, neyi wantiyilili.+
9 Mutenowu hakachi keyi, hadi kwikala nzambi wacheñi wanyi,
Nawa hiwadi kufukaminaña nzambi wacheñiku.+
10 Ami Yehova, yami Nzambi yeyi,
Wakufumishili mwituña daEjipitu.+
Asamaku kanwa keyi, nawa nukukinzesha.+
11 Ilaña antu jami hiyatiyilili izu damiku;
Isarela hañovwahilileñaku.+
14 Ayilumbu jawu nadi kunyakala kuyishinda;
Akankunyi nawu nadi kuyibabesha nachikasa chami.+
15 Owu amuhela Yehova akadihomba kumesu indi,
Nawa kukuma* kwawu kwakekala kwahaya nyaaka.
Isamu daAsafi.+
3 Hakwilakuku* wakehelamu niwabula tata yindi.+
Musompeli muntu wakadi wakumukwasha nikazweñi mwawuñanji.+
4 Pulwishaku antu akehelamu niatuzweñi;
Yamwini kumakasa awantu atama.”
8 Nyamukaku, eyi Nzambi, kulonda wusompeshi iseki,+
Muloña nyuza yejima yeyi.
Kamina. Isamu daAsafi.+
3 Akasilaña antu jeyi kafuta mukuswamujoka;
Akasilaña antu jeyi iwalemesha* kafuta.
5 Akasilaña hamu kafuta;*
Anakwati chitiyañenu kulonda akwimakeni+
6 Dikwila nawu matenti awaEdomi niawaIshimayeli, awaMowabi+ niawaHagiri,+
10 Ayijilumwinini kuEndori;+
Ekalili wushi wahamaseki.
11 Ilishaku ayilolu jawu ekali neyi Orebi niZeyebi+
Niatulamba* twawu neyi Zeba niZalimuna,+
12 Muloña ahosheli nawu: “Tutambulenu ituña mwashakamañayi Nzambi.”
13 Eyi Nzambi yami, yilishi ekali neyi izandazanda dinakuleluka,+
Neyi matahu oma anakulelulawu kudi mpepela.
14 Neyi kesi kwochaña ivunda,
Neyi muzuzu wakesi wochaña mapidi,+
15 Dichi yikumpishi nachinjimbi cheyi+
Nawa yitiyishi woma nampepela yeyi yeneni.+
17 Ayitiyishi nsonyi nikuyifwisha mutentu haya nyaaka;
Ayisawuli nikuyijilumuna;
18 Antu eluki nawu eyi, eyi wukweti ijina daYehova,+
Yeyi nkaweyi hohu Mukakubadika Chikupu heseki dejima.+
Damukulumpi wawañimbi; kwimbila haGititi.* Isamu dawanyana kaKora awamayala.+
Muchima wami nimujimba wami jadikuwaña namuzañalu kudi Nzambi wamumi.
3 Nikada kawanaña mwakushakama mwenomu
Nawa kambimbi kawanañamu chisakala chaku,
Mukahembelaña anyanaku
Kukamwihi nakameña keyi keneni, eyi Yehova wamazaza,
Mwanta wami nawa Nzambi yami!
4 Adi namuzañalu wowu anakushakama mwitala deyi!+
Atwalekañahu kukushimeka.+ (Sela)
5 Adi namuzañalu wowu antu awanaña ñovu mudi eyi,+
Owu ashaña nyichima yawu munyikwakwa yamaneni.
6 Neyi ahita muChinekineki chaBeka,
Achibalumunaña kwikala iluña datuseloki;
Nawa nvula yatachi yachivwikaña* nkisu.
7 Akendaña hohu ilaña ñovu jawu hijakamanaku;+
Muntu-himuntu wamwekenaña kumesu aNzambi muZiyona.
8 Eyi Yehova Nzambi wamazaza, tiyaku kulomba kwami;
Tiyililaku, eyi Nzambi yaYakoba. (Sela)
10 Muloña ifuku dimu mumalubanza eyi dinabadiki mafuku ikombakaji kwacheñi!+
Natondihu kwimana hachiisu chetala daNzambi yami
Kubadika kushakama mumatenti awantu atama.
Antu endaña mukashinshi+
Yehova hamba kayikiisha yuma yayiwahiku.
12 Eyi Yehova wamazaza,
Wudi namuzañalu yowu muntu wakuhwelela mudi eyi.+
Damukulumpi wawañimbi. Isamu dawanyana kaKora awamayala.+
3 Wakañesheli kuzuwa kweyi kwejima;
Walekeli kuzuwa kweyi kwasweja.+
5 Wukutuhililaña haya nyaaka?+
Komana kuzuwa kweyi kwakatwalekahu kumakiñu ejima?
6 Komana wukutwinka cheñi ñovu wanyi
Kulonda antu jeyi azañaleli mudi eyi?+
7 Tumwekesheli kukeña kweyi kwakashinshi, eyi Yehova,+
Nawa twinki wamwinu weyi.
8 Nukutiyilila chikuhoshayi Yehova Nzambi walala,
Muloña wukuhosha kuwunda kudi antu jindi,+ kudi antu jindi ashinshika,
Ilaña bayi atachika cheñi kudishindamenaku.+
9 Chalala wamwinu windi wudi kwakwihi nawantu amutiyaña woma,+
Kulonda kulema kwindi kushakami mwituña detu.
10 Kukeña kwakashinshi nikushinshika jakabulakana;
Kuloña nikuwunda jakadifufwa.+
13 Kuloña kwakendelaña hambidi yindi+
Nakumupulila njila mwakudata nyendu yindi.
Kulomba kwaDavidi.
2 Hembaku wumi wami, muloña nashinshika.+
Ñamwini ami kambuñeyi wunakuhweleli mudi eyi,
Muloña yeyi Nzambi yami.+
5 Muloña eyi, eyi Yehova, wudi muwahi+ nawa wanakenaña swayi;+
Wamwekeshaña kukeña kwakashinshi kudi antu ejima akutambikaña.+
11 Ndizishi njila jeyi, eyi Yehova.+
Nukwendaña muchalala cheyi.+
Nkwashi nitiyeña woma ijina deyi namuchima wami wejima.*+
12 Nakushimekaña, eyi Yehova Nzambi yami, namuchima wami wejima,+
Nawa nakalemesha ijina deyi haya nyaaka,
13 Muloña kukeña kweyi kwakashinshi kuwankeña ami kwabadika,
15 Ilaña eyi, eyi Yehova, wudi Nzambi wukweti luwi niwushona,
Hiwazuwaña swayiku nawa wavulisha kukeña kwakashinshi nikushinshika.*+
16 Balumukilaku kudi ami nawa ntiyili luwi.+
Mwinki kambuñeyi ñovu jeyi,+
Nawa mwamwini mwana kanduñu yeyi wamumbanda.
17 Mmwekesheli chinjikijilu* chakuwaha kweyi,
Kulonda owu anhela achimoni nawa atiyi nsonyi.
Muloña eyi, eyi Yehova, yeyi nkwashi yami nawa mukakunkundeja.
Isamu dawanyana kaKora awamayala.+ Kamina.
87 Chikuku chamusumba windi chidi mumapidi ajila.+
2 Yehova wakeña yiisu yaZiyona+
Kubadika matenti ejima aYakoba.
3 Ahoshaña yuma yayiwahi hadi eyi, eyi musumba waNzambi walala.+ (Sela)
4 ARahaba+ naBabiloni nukuyichindila hakachi kanowu añiluka;
AFilisitiya niTira awa adi aha, kushilahu niKushi.
Akahosha nawu: “Iwu diyi wavwalikilili kwenoku.”
5 Nawa hadi Ziyona akahosha nawu:
“Muntu wejima wavwalikili mudi yena.”
Nawa Mukakubadika Chikupu wakamukolesha.
6 Hakusoneka antu, Yehova wakahosha nindi:
“Iwu diyi wavwalikilili kwenoku.” (Sela)
7 Akakwimba+ ninowu anakuhañana munjiñumuki+ akahosha nawu:
“Tuseloki twami twejima tudi mudi eyi.”*+
Kamina. Isamu dawanyana kaKora awamayala.+ Kudi mukulumpi wawañimbi; kwimbila mumutapu waMahalati,* kwimba nakutambulwila. Masikilu* yaHemani+ mwini Ezera.
4 Ananchindili dehi hakachi kanowu anakuya mwibuku;*+
Nawa nekali muntu wunabuli akumukwasha.*+
5 Nashali hakachi kawafu
Neyi yibimbi yinakaami mwijamu,
Yiwabulaña kwanuka cheñi
Nawa yinambuliwu kukwakamena kweyi.*
6 Wunañuumbili mwibuku dakunama,
Mumaluña amwidima, mwikela deneni.
7 Kuzuwa kweyi kunanlemeni chikupu,+
Nawa wantiyishaña woma namankanda eyi adihumaña. (Sela)
8 Wunahañili amabwambu jami kwakulehi nanami;+
Wunañilishi kwikala chuma chawuzondu kudi wena.
Ananlawuli nawa hinukutwesha kutemukaku.
9 Disu dami dinakisiki muloña wayihuñu yami.+
Nakutambikaña eyi, eyi Yehova, mpinji yejima;+
Nololaña makasa ami kudi eyi.
10 Komana wunateli kukoñela afu nyidimu yakuhayamisha?
Komana afu anateli kunyamuka nakukushimeka?+ (Sela)
11 Komana kukeña kweyi kwakashinshi akukushimuna mwijamu,
Kushinshika kweyi mwiluña dakujilumwinahu?*
12 Komana nyidimu yeyi yakuhayamisha akuyiluka mumwidima
Hela kuloña kweyi mwituña dawantu avulamenawu?+
13 Ilaña nichidi kulomba wukwashu kudi eyi, eyi Yehova,+
Kulomba kwami kwenzaña kudi eyi budidi-hibudidi.+
14 Muloñadi, eyi Yehova, chiwankaaninaña?*+
Muloñadi chiwaswekelaña chamesu eyi kudi ami?+
15 Kufuma kuwukwenzi wami,
Nakabakani nankashi kwakwihi nakufwa;+
Nazeyi chikupu muloña wayuma yatama yiwañitejaña kumona.
16 Kuzuwa kweyi kwasweja kunanfwishi mutentu;+
Wunankisañani nanochu chiwantiyishaña woma.
17 Mpinji yejima, jannyeñumukaña neyi menji;
Jambutaña kutubadi twejima.*
18 Wunahañili amabwambu nialunda nami kwakulehi nanami;+
Mwidima wunekali ibwambu dami.
Masikilu* aEtani+ mwini Ezera.
89 Nukwimbaña mazu aYehova akukeña kwakashinshi haya nyaaka.
Makiñu ejima nakayileja kushinshika kweyi nakanwa kami.
2 Muloña nahoshi nami: “Kukeña kwakashinshi kwakatwalekahu haya nyaaka,+
Nawa wunakoleshi chikupu kushinshika kweyi mumawulu.”
4 ‘Nakakolesha chikupu mwaneyi*+ haya nyaaka,
Nawa itanda deyi nakadituña dakashiki kumakiñu ejima.’”+ (Sela)
5 Mawulu ashimekaña yihayamisha yeyi, eyi Yehova,
Eña, kushinshika kweyi muchipompelu chawakakujila.
6 Muloña hinyi mumawulu wukwesekana naYehova?+
Hinyi hakachi kawanyana kaNzambi+ wudi neyi Yehova?
7 Nzambi amutiyaña woma muchipompelu chawakakujila;+
Himuneni nawa amutiyaña woma kudi ejima amunyeñumuka.+
8 Eyi Yehova Nzambi wamazaza,
Hinyi wukweti ñovu neyi eyi, eyi Ya?+
Kushinshika kweyi kwakunyeñumuka.+
10 Wunamuchiki Rahaba+ neyi muntu anajahiwu.+
Wunapalañeshi ayilumbu jeyi nachikasa cheyi chakola.+
12 Kabeta kakuchimunswa nikabeta kakuchidiilu—yeyi wajileñeli;
15 Adi namuzañalu wowu antu eluka kudikuwa kwamuzañalu.+
Eyi Yehova, endaña muchejeji chakumesu eyi.
16 Azañalelaña mwijina deyi mpinji yejima,
Nawa mukuloña kweyi atuumbakanaña.
18 Muloña nkebu yetu yaYehova,
Mwanta wetu wambala waWajila waIsarela.+
19 Hayina mpinji wahosheli nawantu jeyi ajila nakuyileja neyi:
21 Chikasa chami chikumukwashaña,+
Nawa chikasa chami chikumukoleshaña.
22 Kwosi chilumbu wakamulomba mulambuku,
Nawa kwosi muntu wabula kuloña wakamukabishaku.+
24 Nakamumwekeshelaña kashinshi kami nikukeña kwakashinshi,+
Nawa mwijina dami, ñovu* yindi yakatuumbakana.
26 Wakantambika nindi: ‘Yeyi Tata yami,
Nzambi yami nawa Ilola dawamwinu wami.’+
28 Nakamumwekeshelaña kukeña kwami kwakashinshi haya nyaaka,+
Nawa hinamba kafumpa chitiyañenu chami nayenaku.+
30 Neyi anyanindi ashiya nshimbi jami
Nawa abula kwenda kwesekeja nakuleja* kwami,
31 Neyi afumpa nshimbi jami
Nawa abula kuhemba kuleja kwami,
32 Nakababesha kudikaña kwawu nakabama+
Niyiluwa yawu nayikoti.
35 Nasanyiki mukujila kwami, hinakahimpa mwokuku;
Hinamba kamudimba Davidiku.+
37 Neyi kakweji, dakakola chikupu haya nyaaka
Hamu neyi chinsahu washinshika mumawulu.” (Sela)
38 Ilaña eyi aweni wunamuhañi nikumukaana;+
Wunahilili chikupu weyi wawayishewa.
39 Wunakaani chitiyañenu cheyi chiwatiyañeni nakambuñeyi;
Wunatamishi chibañula chindi hakuchinatila hamaseki.
40 Wunahumoni mbañu jindi jejima jamalola;*
Wunakisañani maluñindi ejima akiñewa.
41 Ejima ahitaña amubuwaña;
Amusupishaña kudi antuñi nindi.+
43 Wunelishi cheñi mpoku yindi yakabali kwikala yamukunkulwayi,
Nawa wunamwilishi akañanyi kushinda kunjita.
44 Wunaleteshi kulema kwindi kunamani
Nawa wunanatili itanda dindi hamaseki.
45 Wunehihishi mafuku awukwenzi windi;
Wunamuvwiki nsonyi. (Sela)
46 Eyi Yehova, wukutwalekahu kudisweka kushika mpinjinyi? Haya nyaaka?+
Kuzuwa kweyi kukubutukaña hohu neyi kesi?
47 Anukaku wumi wami chiwehiha!+
Komana waleñeli antu ejima chamukunkulwayi?
48 Muntwinyi wunateli kuhanda chakadi kufwa?+
Wukutwesha kudamwina* yomweni kuñovu Yejamu?* (Sela)
49 Nyidimu yeyi yakukeña kwakashinshi yiwakoñeili yidi kudihi, eyi Yehova,
Oyu yiwasanyikili kudi Davidi mukushinshika kweyi?+
50 Anukaku, eyi Yehova, kasawuntu kanakuyisukwilawu ambuñeyi;
Ochinnomiki* kasawuntu kawantu ejima;
51 Ayilumbu jeyi chinatusukwiliwu matuka, eyi Yehova;
Ochinatukiwu mwejima mwadataña weyi wawayishewa.
52 Yehova ashimekewi haya nyaaka. Ameni, Ameni.+
MUKANDA WAMUCHIWANA
(Masamu 90-106)
Kulomba kwaMosi, muntu waNzambi walala.+
90 Eyi Yehova, wekala iluña detu mwakushakama*+ mwahita makiñu ejima.
3 Waleteshaña muntu wafwaña kufunta kulunkuñu;
Wahoshaña neyi: “Funtenu, enu anyana kawantu.”+
4 Muloña yaaka ikombakaji neyi yinahiti dehi, mumesu eyi yidi hohu neyi haloshi.+
Neyi chilu nampinji yawufuku.
6 Nantetemena akenukaña nikusapuka,
Ilaña namelela alepaña nawa omaña.+
7 Muloña tunajilumuki nakuzuwa kweyi+
Nawa tunatiyi woma muloña wandulu yeyi.
Hela chochu, yenzala nayihuñu nichineñi;
Yahitaña swayi, nawa twatuukaña.+
11 Hinyi wunateli kwiluka ñovu yakuzuwa kweyi?
Kuzuwa kweyi kwatoha neyi woma wuwatelela kutambwila.+
12 Tudizishi chakuchinda mafuku etu+
Kulonda twiikali namuchima wamaana.
13 Funtaku, eyi Yehova!+ Yumiyi yikatwalekahu kushika mpinjinyi?+
Yitiyili ambuñeyi wushona.+
14 Twikutishi nakukeña kweyi kwakashinshi+ nantetemena,
Kulonda tudikuwi namuzañalu nikuzañalala+ mafuku etu ejima.
16 Lekaku ambuñeyi amoni nyidimu yeyi,
Nianyanawu amoni wukeleñi weyi.+
17 Luwi lwaYehova Nzambi yetu lwiikali hadi etu;
Ilishaku mudimu wamakasa etu wulumbulukeña.*
Eña, ilishaku mudimu wamakasa etu wulumbulukeña.*+
91 Wejima washakamaña mwiluña daswamanyika daMukakubadika Chikupu+
Wakashakamaña muwulelu waWañovu Jejima.+
2 Nakamuleja Yehova nami: “Yeyi chiswamu chami nawa iluña dami dakiñewa,+
Nzambi yami inakuhwelela.”+
Kashinshi kindi+ kakekala nkebu yeneni+ nawa mbañu yakiñaña.
5 Hiwakachiina yuma yatiyishaña woma nawufuku,+
Hela nyivu yatuukaña namwaana,+
6 Hela chipupu chendaña mumwidima,
Hela kujilumuka kwakisañanaña neyi itena dinashiki hakachi kamutuku.
7 Antu 1,000 akadimbukila kukabadi keyi
Nawa antu 10,000 akadimbukila kuchidiilu cheyi,
Ilaña eyi kwosi chuma chatama chakakumwekenaku.+
8 Wakayimona hohu namesu eyi
Hampinji yiwakamonaña chakababeshañawu* antu atama.
9 Muloña wahosheli neyi: “Yehova diyi chiswamu chami,”
Wunamwilishi Mukakubadika Chikupu kwikala iluña deyi mwakushakama;*+
10 Kwosi wubanji wakakuholokelaku,+
Nawa kwosi chipupu chakenza kwakwihi netenti deyiku.
14 Nzambi wahosheli nindi: “Muloña yena wankeña nankashi,* nakamupulwisha.+
Nakamukiña muloña weluka* ijina dami.+
15 Wakantambika, nawa naketiya.+
Nakekala nayena muyihuñu.+
Nakamupulwisha nikumulemesha.
Isamu. Kamina kefuku daSabata.
92 Chachiwahi kumusakilila Yehova+
Nikwimba tumina twakushimeka* ijina deyi, eyi Mukakubadika Chikupu,
2 Kushimuna kukeña kweyi kwakashinshi+ nantetemena
Nikushimuna kushinshika kweyi mafuku ejima nawufuku,
3 Kuzatisha chisanji chanyonji 10 nindimba,
Nachivumina chachiwahi chakadada.+
4 Muloña wunanzañaleshi, nayuma yiwuneli, eyi Yehova;
Nadikuwaña namuzañalu muloña wanyidimu yamakasa eyi.
5 Ochiyatoha nyidimu yeyi, eyi Yehova!+
Ochiyasweja kukunama yitoñojoka yeyi!+
6 Kwosi muntu wabula maana wunateli kuyilukaku;
Nawa kwosi chisupi wunateli kwiluka mwatalisha yumiyiku:+
7 Neyi antu atama avula neyi nseela*
Nawa ejima elaña yuma yatama avula,
Avulaña kulonda ayijilumuni haya nyaaka.+
8 Ilaña eyi watuumbakana haya nyaaka, eyi Yehova.
9 Eyi Yehova, talaña chakayishindawu ayilumbu jeyi,
Mwalala ayilumbu jeyi akajiya;
Ejima elaña yuma yatama akayipalañesha.+
11 Mesu ami akamona chakayishindawu ayilumbu jami;+
Matu ami akatiya chakayishindawu antu atama anlukukaña.
13 Ayitumba mwitala daYehova;
Akulaña chiwahi mumalubanza aNzambi yetu.+
14 Nimuwushinakaji* akatwalekañahu kusoña nyikaabu;+
Akatwalekahu kwikala nañovu* nikumwekana wansi,+
15 Nakushimuna nawu Yehova woloka.
Diyi Ilola dami,+ mudi yena himwekala kubula kuloñaku.
93 Yehova nekali Mwanta!+
Navwali kulema;
Yehova navwali ñovu;
Wayivwalaña neyi mushipi.
3 Tuloña tunabwankañili, eyi Yehova,
Tuloña tunabwankañili nikutuuma;
Tuloña tunatwalekihu kubwankañila nikutuuma.
4 Ilaña eyi, eyi Yehova wukweti ñovu chikupu mwiwulu,
Kubadika chivumina chamenji amavulu,+
Kubadika mankanda ahakaluñalwiji anakudeta.+
5 Yanukishu yeyi yalala chikupu.+
Kujila kwawahishaña* itala deyi+ mpinji yejima, eyi Yehova.
94 Eyi Nzambi mukakutenda, Yehova,+
Eyi Nzambi mukakutenda, toñekaku!
2 Nyamukaku, eyi Nsompeshi weseki.+
Adinka wanta yifweti yayitelela.+
3 Atama akutwalekahu kushika mpinjinyi, eyi Yehova,
Atama akutwalekahu kuzañalala kushika mpinjinyi?+
4 Atatokaña nikuhosha nakudivwimba;
Ejima elaña yatama adisambaña awenawu.
5 Achikaña antu jeyi, eyi Yehova,+
Nikukabisha wuswana weyi.
6 Ajahaña ntuluwa niñiinza,
Nawa ajahaña anyana abula atata jawu.
8 Ilukenu chumichi, enu mwabula maana;
Enu ayisupi, mwakamwekesha kashinshi mwakanyi?+
9 Owu waleñeli* itu, wukukañanya kutiya?
Owu waleñeli disu, wukukañanya kumona?+
10 Owu wololaña nyuza, wukukañanya kuhoshola?+
Yena diyi wenkaña antu maana!+
11 Yehova weluka yitoñojoka yawantu,
Nindi himuuya hohu.+
12 Wudi namuzañalu yowu muntu iwololaña, eyi Ya,+
Iwadizishaña munshimbi jeyi,+
13 Kulonda mumafuku ayihuñu wakamwinki kuwunda,
Sampu anapundi ibuku damuntu watama.+
15 Muloña wunsompeshi wakekala cheñi waloña,
Nawa ejima oloka mumuchima akawulondela.
16 Hinyi wukunyamuka nakunkiña kudi antu atama?
Hinyi wukunkwashaku kudi antu elaña yuma yatama?
18 Chinahosheli nami: “Mwendu wami wunakuselumuka,”
Kukeña kweyi kwakashinshi, eyi Yehova, kwatwalekelihu kunkwasha.+
23 Wakelisha nyidimu yawu yatama kuyifuntila.+
Wakayijilumuna* kuzatisha kutama kwawu awenawu.
Yehova Nzambi yetu wakayijilumuna.*+
95 Twayenu, tudikuwi namuzañalu kudi Yehova!
Tudikuwenu namuzañalu kudi Ilola detu dawamwinu.+
2 Tuyenu kumesu indi nakumusakilila;+
Twimbenu nikudikuwa namuzañalu kudi yena.
3 Muloña Yehova hiNzambi muneni,
Mwanta wabadika anzambi ejima.+
4 Muchikasa chindi mudi yuma yakunama yaheseki;
Hewulu damapidi hindi.+
6 Twayenu tudifukuli nikudibuka;
Tufukamenu kumesu aYehova Ntuñi yetu.+
Dalelu neyi mukutiyilila kwizu dindi,+
8 Bayi muchinchikisha nyichima yenu neyi chichadiña kuMeriba,*+
Neyi chichadiña hefuku daMasa* mwisañaku,+
9 Hañesekeliwu ankakulula jenu;+
Anjinokeli, hela chakwila amweni nyidimu yami.+
10 Hadi yaaka 40 adina ikiñu naditiyileña kutama, nawa nahosheli nami:
“Hiyantu asenukaña mpinji yejima munyichima yawu;
Hiyaneluki njila jamiku.”
11 Dichi nasanyikili mukuzuwa kwami nami:
“Hiyakeñila mukunooka kwamiku.”+
96 Mwimbilenu Yehova kamina kakaha.+
Mwimbilenu Yehova, enu ejima ashakama hamaseki!+
2 Mwimbilenu Yehova; shimekenu ijina dindi.
Shimunenu nsañu yayiwahi yawamwinu windi hefuku-hefuku.+
3 Shimunenu kulema kwindi hakachi kanyuza,
Nyidimu yindi yayiwahi hakachi kawantu ejima.+
4 Yehova himuneni nawa watela kushimekewa chikupu.
Yena wakutiyisha woma chikupu kubadika anzambi ejima amakwawu.
7 Enu yisaka yawantu, mulemeshenu Yehova,
Mwinkenu Yehova kalemesha kamutelela muloña wakulema niñovu jindi.+
8 Mwinkenu Yehova kalemesha katelela ijina dindi;+
Letenu chawaana nawa inzenu mumalubanza indi.
9 Dibukenu* kudi Yehova iku munavwali yakuvwala yajila yalubanji.*
Zaalenu kumesu indi, enu ejima ashakama hamaseki!
10 Shimunenu hakachi kanyuza nenu: “Yehova nekali Mwanta!+
Iseki* adishimatisha chikupu; hiyanateli kudiswijaku.*
11 Mawulu azañalali, nawa iseki dizañalali nankashi;
Kaluñalwiji kadidimi niyuma yejima yakinzesha;+
12 Mpata niyuma yejima yidimu jizañalali.+
Hampinji yoyimu nyitondu yamwivunda yidikuwi namuzañalu+
13 Kumesu aYehova, muloña yena nakwinza,*
Nakwinza nakusompesha iseki.
97 Yehova nekali Mwanta!+
Iseki dizañalali chikupu.+
Yituutu yayivulu yizañalali.+
4 Nzaji yindi yatookeshaña kaayi;
Iseki dayimonaña nawa dazaalaña.+
5 Mapidi asuñunukaña neyi nsela kumesu aYehova,+
Kumesu aMwanta weseki dejima.
6 Mawulu ashimuni kuloña kwindi,
Nawa antu ejima amoni kulema kwindi.+
7 Ejima akalakelaña ankishi akusoña ayitiyishi nsonyi,+
Owu adisambaña nawanzambi jawu amukunkulwayi.+
Dibukenu* kudi yena, enu anzambi ejima.+
8 Ziyona watiyaña nawa wazañalalaña;+
Matawuni* aYuda* azañalalaña chikupu
Muloña wawunsompeshi weyi, eyi Yehova.+
9 Muloña eyi, eyi Yehova, yeyi Mukakubadika Chikupu heseki dejima;
Watuumbakana chikupu kubadika anzambi ejima.+
10 Enu ejima mwamukeña Yehova, helenu yatama.+
11 Chejeji chinatoñekeli antu aloña+
Nikuzañalala kudi owu oloka mumuchima.
12 Zañalelenu mudi Yehova, enu aloña,
Nawa sakililenu ijina dindi dajila.*
Isamu.
Chikasa chindi chachidiilu, chikasa chindi chajila, chinaleti wamwinu.*+
3 Naanuki kukeña kwindi kwakashinshi nikashinshi kamwekesheleliyi itala daIsarela.+
Insa jejima jeseki jinamoni wamwinu waNzambi yetu.*+
4 Dikuwenu namuzañalu kudi Yehova, enu ejima ashakama heseki.
Tiyenu kuwaha nawa dikuwenu namuzañalu nikwimba tumina twakushimeka.*+
5 Mwimbilenu Yehova tumina twakushimeka* nakadada,
Nakadada nichivumina chachiwahi chakamina.
6 Nampuña nichivumina chanseñu,+
Dikuwenu namuzañalu kumesu aMwanta, Yehova.
7 Kaluñalwiji kadidimi niyuma yejima yakinzesha,
Iseki* niyuma yidimu.
8 Tuloña tweti nkoshi namakasa atu;
Mapidi adikuwi hamu namuzañalu+
9 Kumesu aYehova, muloña yena nakwinza* nakusompesha iseki.
99 Yehova nekali Mwanta.+ Antu azaali.
Yena washakama hetanda hewulu* dawakerubi.+ Iseki dikanki.
2 Yehova himuneni muZiyona,
Nawa wabadika antu ejima.+
3 Ashimeki ijina deyi dabadika,+
Muloña dakutiyisha woma nawa dajila.
4 Himwanta wañovu wakeña wuñanji.+
Wunakoleshi chikupu yuma yoloka.
Wunaleti wuñanji nikuloña+ mudi Yakoba.
6 Mosi niAroni adiña hakachi kawatupristu indi,+
Nawa Samweli wadiña hakachi kanowu atambikileña hejina dindi.+
Amutambikili Yehova,
Nawa yena wayakwili.+
7 Wadiña nakuhosha nawena kufumina muchishimi cheevu.+
Ahembeleña kuleja kwindi ninshimbi yayinkeliyi.+
8 Eyi Yehova Nzambi yetu, wayakwili.+
9 Mutuumbakeshenu Yehova Nzambi yetu+
Nawa dibukenu* kumpidi yindi yajila,+
Muloña Yehova Nzambi yetu wajila.+
Isamu dakusakilila nachu.
100 Dikuwenu namuzañalu kudi Yehova, enu ejima ashakama hamaseki.+
2 Mukalakelenu Yehova namuzañalu.+
Inzenu kumesu indi iku munakubula nyiñula yamuzañalu.
3 Ilukenu* nenu Yehova diyi Nzambi.+
Yena diyi watutuñili, nawa twekala antu jindi.*+
Tudi antu jindi nawa nyikoku yakumunyenvu windi.+
Musakililenu, shimekenu ijina dindi.+
5 Muloña Yehova himuwahi;+
Kukeña kwindi kwakashinshi kwahaya nyaaka,
Nawa kashinshi kindi kashika kumakiñu ejima.+
Isamu daDavidi.
101 Nukwimba hakukeña kwakashinshi niwuñanji.
Nukukwimbila tumina twakukushimeka,* eyi Yehova.
2 Nukwila yuma nakashinshi nawa chakadi hakunyinkela muloña.
Wakenza mpinjinyi kudi ami?
Nukwendaña namuchima wakashinshi+ mukachi ketala dami.
3 Hinamba katala chuma chidi chejima chamukunkulwayiku.*
4 Muchima wadimbanaña wekala kwakulehi nanami;
Hinamba keteja* yuma yatamaku.
5 Muntu wejima watwambilaña ntuñi nindi kumbadi,+
Nakamumwenesha.
Muntu wejima wukweti mesu adinka wanta nimuchima wadivwimba,
Nakamuleka wanyi.
6 Nakatala kudi antu ashinshika ahamaseki,
Kulonda akashakami hamu nanami.
Wendaña chakadi ihuji* wakankalakela.
7 Kwosi mukakudimbana wakashakama mwitala damiku,
Nawa kwosi mukakutwamba wakemana kumesu amiku.*
8 Budidi-hibudidi nakamweneshaña* ejima atama ahamaseki,
Kulonda kujilumuna ejima elaña yuma yatama mumusumba waYehova.+
Kulomba kwamuntu anakukabishawu hananeñiyi* nawa namulejimu Yehova kwakama kwindi.+
2 Bayi wusweka chamesu eyi kudi ami mumpinji yayihuñuku.+
3 Muloña mafuku ami anakujimañana neyi wishi,
Nawa mafwaha ami anasukumi neyi hejiku.+
4 Muchima wami wunekali neyi matahu analepi nawa anoomi,+
Muloña navulamenaña kuda yakuda yami.
6 Nafwani nkumbi wamwisaña;
Nidi neyi mwana kekuñu mumahembi.
8 Mpinji yejima ayilumbu jami ansawulaña.+
Ana ansupishaña azatishaña ijina dami hakuntuka.
9 Nadaña mawuti neyi kwiji dinkendi,+
Nawa yakunwa yami yakubomba namadilu,+
10 Muloña wakuzuwa kweyi nindulu yeyi,
Wanyamwini hewulu kulonda wunnati.
13 Mwamweni wakanyamuka nakumumwekeshela Ziyona luwi,+
Muloña himpinji yakumumwekeshela luwi lweyi;+
Mpinji yatoñolawu yinashiki dehi.+
15 Nyuza yakatiya woma ijina daYehova,
Nawa anyanta ejima ahamaseki akatiya woma kulema kweyi.+
19 Muloña watalaña hamaseki kufuma mwiwulu mwindi mwajila,+
Yehova watalaña hamaseki iku wudi mwiwulu,
Afumishi antu anafuukwiliwu kujaha mukaleya,+
21 Kulonda ijina daYehova akadishimuni muZiyona+
Nikushimekewa kwindi muYerusalema,
22 Neyi antu nimawanta
Anapompi hamu kulonda amukalakeli Yehova.+
23 Wantambwili swayi ñovu jami;
Waketwishili mafuku ami.
24 Nahosheli nami: “Eyi Nzambi yami,
Bayi wunjilumwina hakachi kamafuku akuhanda kwamiku,
Eyi wukweti yaaka yakuhanda yashika kumakiñu ejima.+
25 Waalili chikuku cheseki kunyaaka oko-o,
Nawa mawulu himudimu wamakasa eyi.+
26 Akajilumuka, ilaña eyi wakashala;
Ejima akafwa neyi chakuvwala.
Wakahiñishahu acheñi neyi yakuvwala nawa akahita.
27 Ilaña eyi wahimpaña wanyi, nawa yaaka yeyi hiyakakumaku.+
28 Anyana kawambuñeyi akashakama mukukiñewa,
Nawa anyanawu akayikolesha chikupu kumesu eyi.”+
DaDavidi.
103 Tali nimushimeki* Yehova;
Yejima yidi mudi ami yishimeki ijina dindi dajila.
2 Tali nimushimeki Yehova;
Bayi nivulameni yuma yejima yineliyiku.+
3 Wanakenaña yiluwa yenu yejima+
Nawa wokaña yikatu yenu yejima;+
4 Wafumishaña wumi weyi mwibuku*+
Wakuvwikaña kukeña kwindi kwakashinshi niluwi neyi chibañula.+
5 Wakwinkaña yuma yayiwahi+ mukuhanda kweyi kwejima,
Kulonda wukwenzi weyi wufunti cheñi neyi wambuulu.+
11 Neyi chaleha mawulu kubadika iseki,
Dichasweja nikukeña kwindi kwakashinshi kudi antu amutiyaña woma.+
12 Neyi chikwaleha kwaselelaña itena nakwahuminaña itena,
Dichinatwaliyi nshidi jetu kwakulehi nanetu.+
13 Neyi tata yawantu chamwekeshañayi luwi kudi anyanindi,
Yehova namwekeshi luwi kudi antu amutiyaña woma.+
16 Ilaña neyi mpepela yikunka, wekalañaku wanyi,
Neyi kwiji wadiñaku wanyi.*
17 Ilaña kukeña kwaYehova kwakashinshi kwahaya nyaaka nanyaaka*
Kudi ana amutiyaña woma,+
Nikuloña kwindi kudi anyana kawanyanawu,+
18 Kudi ana ahembaña chitiyañenu chindi+
Nikudi ana alondelaña nshimbi jindi chikupu.
22 Mushimekenu Yehova, enu nyidimu yindi yejima,
Mumaluña ejima mwayuulañayi.*
Wumi wami wejima wumushimeki Yehova.
104 Tali nimushimeki* Yehova.+
Eyi Yehova Nzambi yami, wudi muneni chikupu.+
3 Washaña nyalachi yatupeka twindi twahewulu mumenji mwiwulu,*+
Nakwilisha mavu kwikala ikalu dindi,+
Nakwendela hampuula jampepela.+
4 Welishaña añelu jindi kwikala aspiritu,
Akakumukalakela indi kesi kanoñeshaña.+
5 Washimatisha iseki hayikuku yadu;+
Akadifumisha heluña dadu wanyi,* dakekalahu haya nyaaka nanyaaka.+
6 Wadibutili namanyiñi neyi kwiji chakuvwala.+
Menji amavulu emeni hewulu damapidi.
7 Nakuzuwa kweyi atemukili;+
Chatiyiliwu chivumina chakudidima kweyi atemukili chiwoma-woma
8 —Mapidi akandukili+ nawa yinekineki yakunkumukili—
Nakuya kwiluña diwayiloñesheleli.
9 Washili ñinza kulonda abuli kukiluka,+
Kulonda abuli kubuta cheñi iseki.
10 Watemeshaña tuseloki muyinekineki;*
Twahitaña mukachi kamapidi.
11 Twenkaña anyama ejima amwisaña menji;
Ayimbuulu amwisaña amanishilaña mpwila yawu mwenomu.
12 Hewulu datu hashakamaña atuda amuluzwizu;
Embilaña hakachi kamafu adishinka.
13 Nakutukumwina mapidi indi iku wudi mutupeka twindi twahewulu.+
Iseki dinenzali nanyikaabu yanyidimu yeyi.+
14 Nakumenesha matahu awañombi
Nimbutu ninyitondu yakuzatisha antu,+
Kulonda atumbeña yakuda mwituña
15 Nivinyu yazañaleshaña muchima wamuntu,+
Manji aleteshaña kumesu kukejima,
16 Nyitondu yaYehova yakutukumwina chiwahi,
Nyisida yakuLebanoni yatumbiliyi,
17 Oku kwatuñilañawu atuda yisakala.
Kakumbikumbi+ kakaamaña munyitondu yanyinjunga.
19 Nelishi kakweji kupima mpinji jatoñolawu;
Itena deluka chiwahi mpinji yakuhuma.+
20 Waletaña mwidima, nawa kwelaña wufuku,+
Hendujolaña anyama ejima amwivunda.
22 Neyi itena dinaseli,
Afuntaña nawa ayaña nakukaama mumeena awu.
23 Muntu wayaña kumudimu windi,
Nawa wazataña kushika nimelela.
24 Nyidimu yeyi ochiyavula, eyi Yehova!+
Wayituña yejima namaana.+
Iseki denzala nayuma yiwaleña.
25 Kudi kaluñalwiji, kakunama nawa keneni chikupu,
Mwenzala yuma yayumi yakadi kutwesha kuchinda, yanyanya niyamaneni.+
27 Ejima wawu akuhembelelaña
Kulonda wuyinki yakuda yawu hachilaaka chayu.+
28 Yuma yiwayinkaña, apompeshaña.+
Neyi wukamununa muchikasa cheyi, ekutaña nayuma yayiwahi.+
29 Neyi wusweka chamesu eyi, aluwankanaña.
Neyi wusenda spiritu yawu, afwaña nakufunta kulunkuñu.+
30 Neyi wutemesha spiritu yeyi, aleñewaña,+
Nawa wawahishaña cheñi hewulu deseki.
31 Kulema kwaYehova kwakatwalekahu haya nyaaka.
Yehova wakazañalela munyidimu yindi.+
32 Watalaña iseki, nawa dazaalaña;
Wakwataña mapidi, nawa afwindaña wishi.+
33 Nukumwimbilaña Yehova+ muwumi wami wejima;
Nukumwimbilaña Nzambi yami tumina twakumushimeka* chakala hohu nichidi wamumi.+
34 Yitoñojoka yami yimutiyisheña kuwaha.*
Nukuzañalela mudi Yehova.
35 Akanshidi akanoña hamaseki,
Nawa atama hiyakekalaku nawa cheñiku.+
Tali nimushimeki* Yehova. Mushimekenu Ya!*
2 Mwimbilenu, imbenu tumina twakumushimeka,*
Toñojokenuhu chikupu* hanyidimu yindi yejima yakuhayamisha.+
3 Disambilenu hejina dindi dajila.+
Nyichima yanowu anakumukeñakeña Yehova yizañalali.+
4 Mukeñakeñenu Yehova+ niñovu jindi.
Lombenuña wukwashu windi* mpinji yejima.
5 Anukenuña nyidimu yindi yakuhayamisha yinakoñiyi,
Yihayamisha yindi niwunsompeshi wunashimuniyi,+
6 Enu anyana* kaAbarahama kambuñindi,+
Enu anyana kaYakoba awamayala, indi atondewa.+
7 Yena diyi Yehova Nzambi yetu.+
Wunsompeshi windi wekala mwahita iseki dejima.+
8 Wanukaña chitiyañenu chindi haya nyaaka,+
Chikaninu chakaniniyi* kumakiñu ikombakaji,+
9 Chitiyañenu chatiyañeniyi naAbarahama,+
Nikusanyika kwasanyikiliyi kudi Isaka,+
10 Ochu chelishiliyi kwikala lushimbi kudi Yakoba
Nawa chelishiliyi kwikala chitiyañenu chahaya nyaaka kudi Isarela,
11 Nindi, “Nakakwinka ituña daKenani+
Dakekali wuswana wenu.”+
13 Ahitañeni kufuma kumuza wumu nakuya kumuza wukwawu,
Kufuma kuwanta wumu nakuya kudi antu amakwawu.+
14 Hetejeli muntu hela wumu kuyikabishaku,+
Ilaña hamuloña wawena, wazuwilili anyanta,+
15 Nindi, “Bayi mukwata antu jami awayishewaku,
Nawa atuprofwetu ami bayi muyikoña chuma chatamaku.”+
17 Watemesheli muntu hambidi yawu
Alandishiliwu nakwikala nduñu, Yosefu.+
18 Ahatili* nyendu yindi mumpompa,+
Nshiñu yindi ayishili muyikuñu;*
19 Sampu nichashikijeweli izu dindi,+
Mazu aYehova diwu amutookesheli.
20 Mwanta wahanini lushimbi nindi amuumbiku,+
Nyuuli yawantu wamukasunwiniku.
21 Wamwilishili kwikala mukulumpi hetala dindi,
Nyuuli wakutala yuma yindi yejima,+
22 Kulonda ekali nawuswa hadi* atulamba indi kwesekeja nachinakeñiyi*
Nikudizisha akulumpi jindi maana.+
23 Kuhiñahu Isarela wenjili muEjipitu,+
Nawa Yakoba washakamini neyi ñiinza mwituña daHami.
24 Nzambi welishili antu jindi kusemununa chikupu;+
Wayilishili kwikala nañovu kubadika akankunyi nawu,+
25 Owu etejeliyi nyichima yawu kuhimpika kulonda aheli antu jindi,
Nakukasila ambuñindi tufuta.+
27 Akoñeli yinjikijilu yindi hakachi kawu,
Yihayamisha yindi mwituña daHami.+
28 Watemesheli mwidima nawa mwituña mwekalili mwidima;+
Hiyadikañili namazu indiku.
29 Wabalumwini menji awu kwikala mashi
Nawa wajahili inshi jawu.+
30 Ituña dawu denzeli yuula,+
Kushilahu nimutupeka twawanta.
31 Walejeli mavutula kulonda alukuki.
Nimbwibu kulukuka mumaluña awu ejima.+
33 Weteli nyivinyu yawu ninyitondu yayikuyu
Nawa wakotweli nyitondu yamwiluña dawu.
34 Wahosheli nindi tuboola twatela kulukuka,
Tuboola twanyanya twakadi kutwesha kuchinda.+
35 Twadiili yuma yejima yamenaña mwituña,
Nawa twadiili mbutu yahamaseki.
36 Kuhiñahu wajahili awedi ejima amwituña dawu,
Ntachikilu yañovu yawu yalusemu.+
37 Wedishili antu jindi iku anasendi siliva niwuru;+
Nawa kwosi niwumu hakachi kanyichidi yindi wahukeniku.
39 Watandumwini ivu kulonda ayijikilili+
Nikesi kulonda kayitoñekeleña chejeji nawufuku.+
42 Muloña wanukaña chikaninu chajila chamukaniniyi kambuñindi Abarahama.+
43 Dichi wayifumishili antu jindi namuzañalu chikupu,+
Antu jindi atondewa nakudila kwamuzañalu.
44 Wayinkeli matuña anyuza;+
Aswanini yuma yazatililiwu akwawu nañovu hakwila ekali nayu,+
45 Kulonda ahembi kuleja kwindi+
Nikwovwahila nshimbi jindi.
Mushimekenu Ya!*
106 Mushimekenu Ya!*
2 Hinyi wunateli kushimuna chikupu nyidimu yaYehova yañovu?
Hela kushimuna nyidimu yindi yejima yatelela kushimekewa?+
3 Adi namuzañalu wowu elaña mwawuñanji,
Owu elaña mwaloña mpinji yejima.+
4 Wakañanuki, eyi Yehova, mpinji yiwakamwekeshela antu jeyi luwi.*+
Nhembi ami nanyidimu yeyi yawamwinu,
5 Kulonda nitweshi kudiluñisha kuwaha kuwamwekeshelaña eyi atondewa,+
Nizañaleli hamu namuza weyi,
Nikukushimeka nakudisambila hamu nawuswana weyi.
7 Ankakulula jetu muEjipitu hiyelukili* nyidimu yeyi yakuhayamishaku.
Hiyanukili kukeña kweyi kwakashinshi kwaswejaku,
Ilaña adikañili hakaluñalwiji, kuKaluñalwiji Kachinana.+
9 Wazuwilili Kaluñalwiji Kachinana, nawa komini;
Wayilombweli mumanyiñi aku neyi kwiji anakuhita muchinkalampata;*+
10 Wayamwinini kuchikasa chachilumbu chawu+
Nawa wayikuulili kuchikasa chachilumbu chawu.+
13 Avulameneni swayi yuma yeliliyi;+
Hiyahembeleleli kufumba kwindiku?
15 Wayinkeli yuma yalombeliwu,
Ilaña wayeteli nachikatu chayiletesheli akosi nikufwa.+
17 Kuhiñahu iseki daasamini nakumuminya Datani
Nawa dabutili antu apompeli hamu naAbirami.+
18 Kesi kabutukili hakachi kezanvu dawu
Muzuzu wanoñesheli antu atama.+
19 Atuñili mwana kañombi muHorebi
Nawa afukamini kuchifwikija chachikuñu;*+
20 Atachikili kudifukula kuchifwikija chachizamba chañombi wadaña matahu
Chatela anyinki kulema kwantelela.+
21 Amuvulameneni Nzambi,+ Chamwinu chawu,
Wakoñeli yuma yamaneni muEjipitu,+
22 Yuma yakuhayamisha mwituña daHami,+
Yuma yakutiyisha woma haKaluñalwiji Kachinana.+
23 Wadiña kwakwihi nakuhana lushimbi lwakuyijilumuna,
Ilaña Mosi windi watondewa wamulembeleli yena*
Kulonda afwomoni kuzuwa kwindi kwakukeña kuyijilumuna.+
26 Dichi wanyamwini chikasa chindi nakusanyika hadi wena
Nindi wakayidimbwishila mwisaña;+
27 Akuchisaka chawu wakayidimbwishila hakachi kanyuza,
Nawa wakayipalañeshela mumatuña.+
28 Kuhiñahu adibombeli nakudifukula* kudi Bayali wakuPeyori,+
Nawa adiileña nyilambu yalambwileñawu kudi afu.*
30 Chelili Finihasi emani nakwilahu chuma chimu,
Chipupu chamanini.+
31 Nawa amuteneni nawu waloña
Mwahita makiñu ejima haya nyaaka.+
37 Alambwileña anyanawu awamayala
Niawambanda kudi andemoni.+
38 Atwalekelihu kupwekesha mashi akadi muloña,+
Mashi awanyanawu awamayala niawambanda
Owu alambwileñawu kudi ankishi akuKenani;+
Nawa ituña datamini namashi apwekesheleñawu.
39 Ekalili amajilu nanyidimu yawu;
Elili wuvumbi wakuspiritu nanyidimu yawu.+
40 Dichi kuzuwa kwaYehova kwayibutukilili antu jindi,
Nawa waheleli wuswana windi.
42 Ayikabishili kudi ayilumbu jawu,
Nawa ovwahilileña kuñovu jawu.*
43 Wayipulwishili mapampa amavulu,+
Ilaña adiña nakudikaña nikubula kwovwahila,+
Nawa adiña nakuyizeyesha muloña wayiluwa yawu.+
45 Muloña wawena, wadiña nakwanuka chitiyañenu chindi,
Nawa wadiña nakuyitiyila wushona,* muloña wakukeña kwindi kwakashinshi kwasweja.*+
46 Welishileña ayitiyili wushona
Kudi ejima ayikwatileña muwunkoli.+
47 Twamwini, eyi Yehova Nzambi yetu,+
Nawa tupompeshi hamu kufuma munyuza+
Kulonda tusakilileña ijina deyi dajila
Nikuzañalala nakukushimeka.+
Nawa antu ejima ahoshi nawu, “Ameni”*
Mushimekenu Ya!*
MUKANDA WAMUCHITANU
(Masamu 107-150)
2 Antu akuuliliwu kudi Yehova ahoshi awa mazu,
Owu akuuliliyi kuchikasa chamukankunyi,*+
3 Owu apompesheliyi kufuma kumatuña,+
Kufuma kumusela nikufuma kumujika,*
Kufuma kukabeta kakuchimunswa nikufuma kakuchidiilu.+
4 Alulutili mwisaña, muchinkalampata;
Hiyawanini njila yaya kumusumba kwadi kushakamawuku.
5 Atiyili nzala nimpwila;
Atiyili* lunshetela muloña wakuzeya.
8 Antu amusakilili Yehova+ muloña wakukeña kwindi kwakashinshi
Nihanyidimu yindi yakuhayamisha yakoñeleliyi anyana kawantu.+
9 Muloña namanishi mpwila yawantu anatiyi mpwila*
10 Amakwawu ashakamineña mumwidima wasweja,
Atuyili* adiña nakukabishawu nawa adiña muyikuñu.
11 Muloña adikañili nezu daNzambi;
Adiwili kufumba kwaMukakubadika Chikupu.+
12 Dichi wazozesheli nyichima yawu namakabi amweniwu;+
Ahukeni nawa kwadiña muntu wakuyikwashaku wanyi.
13 Amutambikili Yehova kulonda ayikwashi muyihuñu yawu;
Wayamwinini kumakabi awu.
14 Wayifumishili mumwidima wasweja,
Nawa waketwili maleñi awu ayikasiliwu.+
15 Antu amusakilili Yehova muloña wakukeña kwindi kwakashinshi+
Nihanyidimu yindi yakuhayamisha yakoñeleliyi anyana kawantu.
16 Muloña nabaloli yiisu yawuneñu
Nikuketola yikuñu yakuyiisu.+
18 Alekeli kutiya chipepa chayakuda* yejima;
Aswinini kwakwihi nayiisu yakufwa.
19 Amutambikileña Yehova kulonda ayikwashi muyihuñu yawu;
Wadiña nakuyamwina kumakabi awu.
20 Watemesheleña izu dindi nakuyuuka+
Nawa wayipulwishileña mumabuku mwafwileñawu.
21 Antu amusakilili Yehova muloña wakukeña kwindi kwakashinshi
Nihanyidimu yindi yakuhayamisha yakoñeleliyi anyana kawantu.
22 Alambuli nyilambu yakusakilila+
Nikushimuna nyidimu yindi nakudila kwamuzañalu.
23 Owu endaña hatuluñalwiji mujimbopolu,
Owu azatilaña nyidimu yawu hamenji amavulu,+
24 Anamoni nyidimu yaYehova
Ninyidimu yindi yakuhayamisha mwinyiñi;+
25 Ochanyamukaña mpepela yasweja nezu dindi,+
Nakunyamuna mankanda ahakaluñalwiji.
26 Ayinyamunaña mwiwulu kudi mankanda;
Nawa aholokelaña hakachi kakaluñalwiji.
Kuhamuka kwawu* kwasuñunukaña muloña wayihuñu yidi kwakwihi nakumwekana.
27 Aheñwañilaña nikutedañila neyi muntu wunasheti,
Nawa nyidimu yawu yejima yelukawu yekalaña yamukunkulwayi.+
28 Kuhiñahu amutambikaña Yehova kulonda ayikwashi muyihuñu yawu;+
Nawa wayamwinaña kumakabi awu.
29 Wawundishaña mpepela yasweja;
Mankanda ahakaluñalwiji amwenaña.+
30 Azañalalaña neyi yumiyi yinemani kuka-a,
Nawa wayilombolaña kwiluña kwashikenaña jimbopolu kunakeñiwu.
31 Antu amusakilili Yehova muloña wakukeña kwindi kwakashinshi
Nihanyidimu yindi yakuhayamisha yakoñeleliyi anyana kawantu.+
33 Wabalumunaña tuloña kwikala chinkalampata
Nituseloki twamenji kwikala iseki dooma,+
34 Iseki dawushi kwikala ikula damukunkulwayi,+
Muloña wakutama kwanowu ashakamañamu.
35 Wabalumunaña chinkalampata kwikala majiya amenji mudi mateti,
Niiseki dooma kwikala tuseloki twamenji.+
38 Wayikiswilaña nawa avulaña chikupu;
Hetejaña ñombi jawu kujiyaku.+
39 Ilaña akehaña cheñi nawa asawukaña
Muloña wamakabi, yihuñu nichineñi.
40 Wayisawulaña antu alema
Nikuyiletesha aluluteña muchinkalampata mwabula njila.+
43 Wejima wudi namaana wukuhembaña yumiyi+
Nawa wukutoñojokaña chikupu hanyidimu yaYehova yakukeña kwakashinshi.+
Kamina. Isamu daDavidi.
108 Muchima wami wakola chikupu, eyi Nzambi,
Nukwimba nikuvumisha tumina nawumi wami wejima.*+
2 Hindukaku, eyi chisanji chanyonji; nineyi kadada.+
Nukuhindwisha nkunku yakucha.
3 Nukukushimeka hakachi kawantu, eyi Yehova;
Nukwimba tumina twakukushimeka* hakachi kanyuza.
4 Muloña kukeña kweyi kwakashinshi kwatoha neyi chaleha mawulu,+
Nawa kushinshika kweyi kwashika muluzwizu.
5 Tuumbakanaku mumawulu, eyi Nzambi;
Kulema kweyi kwiikali heseki dejima.+
6 Kulonda antu jeyi iwakeña ayipulwishi,
Twamwini nachikasa cheyi chachidiilu nawa ñaakuli.+
7 Nzambi nahosheli mukujila kwindi nindi:*
8 Giliyadi+ wamami, neyi chekalayi Manasi,
Nawa Efuremu hiitepa dakumutu wami;*+
Yuda himukombu wanyuuli yami.+
9 Mowabi hicheña chami chakuwelelahu.+
Hadi Edomi nakanatilahu nkwabilu yami.+
Hadi Filisitiya nakadikuwilahu namuzañalu wakushinda.”+
10 Hinyi wukuntwala kumusumba wakiñewa?
Hinyi wukunlombola nakushika kuEdomi?+
11 Komana eyi Nzambi, hiyeyi wunatukaaniku,
Nzambi yetu, wabulaña kuya hamu nawamashidika etu?+
Kudi mukulumpi wawañimbi. Isamu daDavidi.
109 Eyi Nzambi inashimekaña,+ bayi wumwenahuku.
2 Muloña antu atama niakakudimbana añasaminaña tunwa twawu.
4 Ankañeshaña nanochu chinayimwekeshelaña kukeña;+
Ilaña natwalekañahu kulomba.
6 Mutondeli muntu watama amuyuuleña;
Mukakukañesha* yamwimeni kuchikasa chindi chachidiilu.
9 Anyanindi* ekali abula atata jawu,
Nawa ñodindi, ekali ntuluwa.
10 Anyanindi* ekali akakulombalomba ahitañanaña,
Nakukeñakeña yakuda mumatala awu ashala mahembi.
11 Mukakukongwesha amutambuli* yuma yejima yikwetiyi,
Nawa antu abula kwilukayi apuupi maheta indi ejima.
12 Bayi kwikala muntu wakumutiyila luwiku,*
Nawa bayi kwikala muntu wakutiyila luwi anyanindi abula tata yawuku.
14 Yiluwa yawankakulula jindi ayanukeña kudi Yehova,+
Nawa nshidi yamama yindi bayi ayijimaku.
15 Yehova anukeña mpinji yejima yuma yelawu;
Nawa ayilishi abuleña kuyanuka cheñi heseki.+
16 Muloña hanukili kumwekesha luwiku,*+
Ilaña watwalekelihu kukumpisha muntu wunakukabakana,+ kazweñi, nawa muntu wabaluka muchima
Kulonda amujahi.+
17 Wadiña wakeña kushiñana, nawa dichuma chamumwekeneni;
Hadiña nampwila yakukiswilaku, dichi amukiswilili wanyi.
18 Wavwalili mashiñu neyi chakuvwala chindi.
Nawa ayihuñunwinini mumujimba windi neyi menji,
Mumafwaha indi neyi manji.
19 Mashiñu indi ekali neyi chakuvwala chadikumbakeshañayi+
Nawa neyi mushipi wavwalañayi mpinji yejima.
21 Ilaña eyi, Yehova Mwanta Wabadika,
Nzuñiliku muloña wejina deyi.+
Ñamwini, muloña kukeña kweyi kwakashinshi kwakuwahi.+
23 Inakuhita neyi mwevulu wunakujimañana;
Anantotomoni neyi kaboola.
24 Manuñu ami anazubuli muloña wakubula kuda;
Mujimba wami wunakosi, nawa inakukoselaku hohu.*
25 Nekali chuma chakusawula kudi wena.+
Chammonawu, apukumunaña nyitu yawu.+
26 Nkwashi, eyi Yehova Nzambi yami;
Ñamwini nakukeña kweyi kwakashinshi.
27 Kulonda eluki nawu chikasa cheyi dichinakoñi chumichi;
Nawu eyi, eyi Yehova, yeyi wunachikoñi.
28 Yileki ashiñani, ilaña eyi wukiswili.
Neyi annyamukila, yitiyishi nsonyi,
Ilaña muleki kambuñeyi azañalali.
30 Kanwa kami kakamushimeka Yehova chikupu;
Nakamushimeka hamesu awantu amavulu.+
31 Muloña wakemana kuchikasa chachidiilu chakazweñi
Kulonda akamwamwini kudi ana amufwishaña namuloña.
Isamu daDavidi.
110 Yehova wamulejeli Mwanta wami nindi:
“Shakamaku kuchikasa chami chachidiilu+
Sampu nelishi dehi ayilumbu jeyi kwikala chitwamu hakudata nyendu yeyi.”+
2 Yehova wakatohesha nkuunyi yañovu yeyi kufuma muZiyona kushika nikumaluña amakwawu, nakuhosha nindi:
“Yaña wuyuuleña hakachi kawayilumbu jeyi.”+
3 Antu jeyi akadihana namuchima wumu hefuku diwakalombola mashidika eyi añovu kunjita.*
Muwukeleñi wakujila, kufuma mwivumu dankunku yakucha,
Eyi wudi nanyikanka yawakwenzi neyi kwiji nyisa yawuumi.
4 Yehova nasanyiki, nawa hamba kahimpa yitoñojoka yindiku:*
Wakachika nlomboli* wetuña deneni.*
7 Yena* wakanwa mukaloña kakunjila.
Dichi, wakenuna mutu windi kwiwulu.
א [Alefu]
Nukumushimeka Yehova namuchima wami wejima+
ב [Beti]
Hakachi kezanvu dawantu oloka anapompi nimuchipompelu.
ג [Gimeli]
ה [Hi]
ז [Zayini]
4 Wakojejaña nyidimu yindi yakuhayamisha ayanukeña.+
ח [Heti]
Yehova wukweti wushona* niluwi.+
ט [Teti]
5 Ana amutiyaña woma wayinkaña yakuda.+
י [Yodi]
Wanukaña chitiyañenu chindi haya nyaaka.+
כ [Kafu]
מ [Memu]
ס [Sameki]
8 Mpinji yejima jashindamenewa,* chayinu mpinji nihaya nyaaka;
ע [Ayini]
Ajituña muchalala nimukuloña.+
פ [Pi]
צ [Tisadi]
Wahosheli nindi chitiyañenu chindi chitwalekihu haya nyaaka.
ק [Kofu]
Ijina dindi dajila nawa dakutiyisha woma.+
ר [Reshi]
10 Kumutiya Yehova woma diyi ntachikilu yamaana.+
ש [Sini]
Ejima ahembaña nshimbi jindi* amwekeshaña kashinshi.+
ת [Tawu]
Kushimekewa kwindi kwahaya nyaaka.
א [Alefu]
ג [Gimeli]
ה [Hi]
ז [Zayini]
4 Kudi oloka watoñekaña neyi chejeji mumwidima.+
ח [Heti]
Wukweti wushona* niluwi+ nawa waloña.
ט [Teti]
5 Muntu wakongweshaña chakufuma hamuchima* yuma yamuwahilaña.+
י [Yodi]
Wazataña nyidimu yindi nawuñanji.
כ [Kafu]
ל [Lamedi]
Waloña akamwanukaña haya nyaaka.+
מ [Memu]
7 Hamba katiya woma nsañu yatamaku.+
נ [Nuni]
Muchima windi wakola chikupu, wakuhwelela mudi Yehova.+
ס [Sameki]
8 Muchima windi wakola; hatiyaña womaku;+
ע [Ayini]
Hansa yachu wakatala namuzañalu akankunyi nindi chakayishindawu.+
פ [Pi]
9 Nahani chikupu;* nayinki atuzweñi.+
צ [Tisadi]
Kuloña kwindi kwatwalekañahu haya nyaaka.+
ק [Kofu]
Ñovu* yindi akayituumbakesha nakulema.
ר [Reshi]
10 Watama wakamonaku nawa wakatiya kutama.
ש [Shini]
Wakasumona kumaji indi nawa wakasuñunuka.
ת [Tawu]
Yuma yafwilaña muntu watama yakajiya.+
113 Mushimekenu Ya!*
Shimekenu, enu ambuña aYehova,
Shimekenu ijina daYehova.
2 Ijina daYehova adishimeki
Kufuma yinu mpinji nihaya nyaaka.+
3 Kufuma kwaselelaña itena nakushika kudahuminaña,
Ijina daYehova adishimeki.+
6 Wanoñamaña kulonda atali iwulu niiseki,+
7 Nakunyamuna wakehelamu kufuma mulunkuñu.
Wanyamunaña kazweñi nakumufumisha hamulumba wamawuti*+
8 Kulonda amushakamishi hamu nawantu alema,
Hamu nawantu alema hakachi kawantu jindi.
Mushimekenu Ya!*
114 Isarela chafuminiyi muEjipitu,+
Itala daYakoba chidafumini kudi antu ahosheleña idimi dacheñi,
2 Yuda wekalili iluña dindi dajila,
Isarela, wanta windi walema.+
4 Mapidi akilokeli neyi yizamba yanyikoku,+
Tupidi, neyi anyana kanyikoku.
5 Chumanyi chaletesheli wutemuki, eyi kaluñalwiji?+
Muloñadi, eyi Yodani, chiwafuntililimu?+
6 Muloñadi chimwakilokeleli neyi yizamba yanyikoku, enu mapidi,
Neyi nyana kanyikoku, enu tupidi?
7 Zaalaku, eyi iseki, muloña waMwanta,
Muloña waNzambi yaYakoba,+
8 Wabalumunaña ilola nakwikala ijiya damenji mudi mateti,
Ilola dakola nakwikala tuseloki twamenji.+
115 Bayi kudi etuku, eyi Yehova, bayi kudi etuku,*
Ilaña kulema kuyeña kwijina deyi+
Muloña wakukeña kweyi kwakashinshi nikushinshika kweyi.+
2 Muloñadi nyuza chiyikuhoshela nawu:
“Nzambi yawu wudi kudihi?”+
3 Nzambi yetu wudi mumawulu;
Welaña chuma chejima chinakeñiyi.
4 Ankishi awu akutuña nasiliva niwuru,
Nyidimu yakumakasa awantu.+
5 Kanwa akweti, ilaña hiyakutwesha kuhoshaku;+
Mesu akweti, ilaña hiyakutwesha kumonaku;
6 Matu akweti, ilaña hiyakutwesha kutiyaku;
Muzulu akweti, ilaña hiyakutwesha kwipula ivumbaku;
7 Makasa akweti, ilaña hiyakutwesha kukwataku;
Nyendu akweti, ilaña hiyakutwesha kwendaku;+
Nyidiwu yawu hiyedishaña chivuminaku.+
10 Eyi itala daAroni,+ mukuhweleli Yehova
—Yena diyi nkwashi yawu nawa nkebu yawu.
13 Wakakiswila ana amutiyaña Yehova woma,
Anyanya niamaneni.
18 Ilaña etu tukumushimekaña Ya
Kufuma yinu mpinji nihaya nyaaka.
Mushimekenu Ya!*
Yihuñu nichineñi janzeyesheli.+
4 Ilaña natambikili hejina daYehova nami:+
“Eyi Yehova, mpulwishi!”*
6 Yehova nakukiña wabula kwiluka yuma yayivulu.+
Annatili heseki, ilaña yena wañamwinini.
7 Wumi wami* wunookihu cheñi,
Muloña Yehova nañili mwamuwahi.
9 Nukwendaña kumesu aYehova mwituña mwashakamaña antu.
10 Nadiña nachikuhwelelu, muloña nahosheli;+
Ankabishili nankashi.
11 Hakwila ami kwami, naluwankeni nakuhosha nami:
“Muntu wejima himukakutwamba.”+
12 Nukumufwetadi Yehova
Hayuma yejima yayiwahi yinañililiyi?
13 Nukunona kaapu kawamwinu,*
Nawa nukutambika hejina daYehova.
16 Nakulembeleli, eyi Yehova,
Muloña nidi kambuñeyi.
Nidi kambuñeyi, mwana kanduñu yeyi wamumbanda.
Wunankasununi mumaleñi ami.+
17 Nukulambula mulambu wakusakilila;+
Nukutambika hejina daYehova.
18 Nukwila munamukanini Yehova+
Hamesu awantu jindi ejima,+
19 Mumalubanza etala daYehova,+
Mukachi keyi, eyi Yerusalema.
118 Musakililenu Yehova, muloña himuwahi;+
Kukeña kwindi kwakashinshi kwahaya nyaaka.
2 Ichi Isarela ahoshi nindi:
“Kukeña kwindi kwakashinshi kwahaya nyaaka.”
3 Ichi amwitala daAroni ahoshi nawu
“Kukeña kwindi kwakashinshi kwahaya nyaaka.”
4 Ichi ana amutiyaña Yehova woma ahoshi nawu:
“Kukeña kwindi kwakashinshi kwahaya nyaaka.”
6 Yehova wudi kukabadi kami, hinukutiya womaku.+
Chumanyi chikuñilayi muntu?+
8 Chachiwahi kubatama mudi Yehova
Kubadika kukuhwelela antu.+
9 Chachiwahi kubatama mudi Yehova
Kubadika kukuhwelela ayilolu.+
11 Annyeñumukili, mwamweni, annyeñumukili chikupu,
Ilaña mwijina daYehova,
Nayikañesheli.
12 Annyeñumukili neyi mpuka,
Ilaña ajimañeni neyi kesi kadi hakachi kanyiña.
Mwijina daYehova,
Nayikañesheli.+
13 Anshinjikili nañovu* kulonda nidimbuki,
Ilaña Yehova wankwashili.
14 Ya diyi mwami mwakwiyama nawa ñovu yami,
Nawa nekali wamwinu wami.+
15 Ipumba damuzañalu nidawamwinu*
Dinakutiyakana mwitenti dawantu aloña.
Chikasa chaYehova chachidiilu chinakumwekesha ñovu yachu.+
16 Chikasa chaYehova chachidiilu chinakudituumbakesha chacheni;
Chikasa chaYehova chachidiilu chinakumwekesha ñovu yachu.+
17 Nukufwa wanyi, inehi, nukutwalekahu kuhanda,
Kulonda nishimuni nyidimu yaYa.+
19 Ñenzunwinenu yiisu yakuloña;+
Nukwiñila kulonda nimushimeki Ya.
20 Ichi dichiisu chaYehova.
Waloña wakeñilamu.+
21 Nukukushimeka, muloña wañakwili+
Nawa wekalili wamwinu wami.
24 Idi didu ifuku dinaleñiyi Yehova;
Tukuzañalala nawa tukudiluñishilamu.
25 Yehova, twamwini mwani, tunalembi!
Yehova, tukwashi tushindi, tunalembi!
27 Yehova diyi Nzambi;
Watwinkaña chejeji.+
28 Eyi yeyi Nzambi yami, nawa nukukushimeka;
Nzambi yami, nukukutuumbakesha.+
א [Alefu]
119 Adi namuzañalu wowu endaña chakadi hakuyinkela muloña* munjila yawu,
Owu endaña munshimbi jaYehova.+
3 Hiyelaña chuma chabula kuloñaku;
Endaña munjila jindi.+
4 Eyi wunahoshi
Neyi nshimbi jeyi ajihembeña nakanañachima.+
6 Kuhiñahu akuntiyisha nsonyi wanyi+
Neyi nishinshika chikupu hanshimbi jeyi jejima.
7 Nukukushimeka namuchima woloka
Neyi nidiza wunsompeshi weyi woloka.
8 Nukwovwahilaña nshimbi jeyi.
Bayi wuñuumba chikupuku.
ב [Beti]
9 Mukwenzi nateli kuhemba ñahi njila yindi nawunyonji?
Kuhitila mukudihemba kwesekeja nezu deyi.+
10 Nakukeñakeñaña namuchima wami wejima.
Bayi wuñiiteji nileki kulondela nshimbi jeyiku.+
12 Akushimeki, eyi Yehova;
Ndizishi nshimbi jeyi.
13 Nashimunaña nanyivumbu yami
Wunsompeshi wejima wuwunahoshi.
16 Nakeña nankashi yidika yeyi.
Hinakavulamena izu deyiku.+
ג [Gimeli]
17 Mwili kambuñeyi mwamuwahi,
Kulonda nihandi nawa nihembeña izu deyi.+
18 Enzununaku mesu ami kulonda nimoni chiwahi
Yuma yayiwahi yekala munshimbi jeyi.
19 Nidi hohu ñiinza mwituña.+
Bayi wunsweka nshimbi jeyiku.
20 Nazeyi nakuhembelela
Wunsompeshi weyi mpinji yejima.
21 Wazuwilaña antu adinkaña wanta,
Owu ashiñewa alekaña kwovwahila nshimbi jeyi.+
22 Fumishaku kusawuka nikasekesha hadi ami,*
Muloña novwahili yanukishu yeyi.
23 Hela chakwila ayilolu ashakamaña hamu nakuhosha hadi ami,
Kambuñeyi watoñojokaña chikupu* hanshimbi jeyi.
ד [Daleti]
25 Nabulamani mulunkuñu.+
Nhembi wamumi kwesekeja nezu deyi.+
26 Nakulejeli njila jami, nawa wañakwili;
Ndizishi nshimbi jeyi.+
27 Nkwashi niiluki mwatalisha* nshimbi jeyi,
Kulonda nitoñojokeña chikupu* hanyidimu yeyi yakuhayamisha.+
28 Nakañanyaña kukaama muloña wachineñi.
Nkoleshi kwesekeja nezu deyi.
29 Fumishaku njila yakudimbana kudi ami,+
Nawa ntiyili luwi kuhitila mukunyinka nshimbi jeyi.
30 Natondi njila yakashinshi.+
Neluki nami wunsompeshi weyi waloña.
31 Nakakeli kuyanukishu yeyi.+
Eyi Yehova, bayi witeja antiyishi nsonyiku.+
ה [Hi]
34 Nyinki kashinshi,
Kulonda novwahileña nshimbi jeyi
Nikujihemba namuchima wami wejima.
38 Shikijaku chikaninu cheyi chiwamukanini kambuñeyi,
Kulonda akutiyeña woma.*
39 Fumishaku kasawuntu kinatiyaña woma,
Muloña wunsompeshi weyi wawuwahi.+
40 Talaña chinafwilaña nshimbi jeyi.
Nhembi wamumi mukuloña kweyi.
ו [Wawu]
41 Ñiiteji nimoni kukeña kweyi kwakashinshi, eyi Yehova,+
Wamwinu weyi kwesekeja nachikaninu cheyi;*+
42 Kufumahu dinu, nukutwesha kumwakula owu wansawulaña,
Muloña nakuhwelela izu deyi.
43 Bayi wufumisha chikupu izu dachalala cheyi mukanwa kamiku,
Muloña nachiñejaña* wunsompeshi weyi.
44 Nukuhembaña nshimbi jeyi mpinji yejima,
Haya nyaaka nanyaaka.+
46 Nukuhoshaña hayanukishu yeyi kumesu awanyanta,
Nawa nukutiyaña nsonyi wanyi.+
47 Nakeña nankashi nshimbi jeyi,
Eña, najikeña.+
ז [Zayini]
50 Didankundejaña mumpinji yamakabi,+
Muloña mazu eyi ananhembi wamumi.
51 Antu adinka wanta ansehaña chikupu,
Ilaña hinafumaña kunshimbi jeyiku.+
53 Nahili chikupu muloña wawantu atama,
Owu adiwulaña nshimbi jeyi.+
54 Nshimbi jeyi hitumina kudi ami
Kwejima kunashakamaña.*
55 Nampinji yawufuku nanukaña ijina deyi, eyi Yehova,+
Kulonda nihembeña nshimbi jeyi.
56 Ichi dichaaku chami
Muloña novwahilaña nshimbi jeyi.
ח [Heth]
59 Nashinshiki chikupu njila jami,
Kulonda nifuntishi nyendu yami kuyanukishu yeyi.+
60 Nanyakalaña nawa hinashintajalaña
Kuhemba nshimbi jeyiku.+
61 Nyonji yawantu atama yinannyeñumuki,
Ilaña nshimbi jeyi hinajivulamenañaku.+
62 Nahindukaña hakachi kawufuku nakukusakilila+
Muloña wawunsompeshi weyi waloña.
64 Kukeña kweyi kwakashinshi, eyi Yehova, kwenzala heseki;+
Ndizishi nshimbi jeyi.
ט [Teti]
65 Wunamwili kambuñeyi mwamuwahi,
Eyi Yehova, kwesekeja nezu deyi.
66 Ndizishi maana amawahi nikwiluka,+
Muloña nakuhweleli nshimbi jeyi.
68 Eyi wudi muwahi+ nawa nyidimu yeyi yayiwahi.
Ndizishi nshimbi jeyi.+
69 Adinka wanta amputaña makudi,
Ilaña novwahilaña nshimbi jeyi namuchima wami wejima.
71 Chinawahi chinankabishiwu,+
Kulonda nidizi nshimbi jeyi.
י [Yodi]
73 Makasa eyi antuñili nawa anwumbili.
Nyinki kashinshi,
Kulonda nidizi nshimbi jeyi.+
78 Antu adinka wanta ayitiyishi nsonyi,
Muloña añilaña chatama chakadi muloña.*
Ilaña nukutoñojokaña chikupu* hanshimbi jeyi.+
79 Ana akutiyaña woma afunti kudi ami,
Owu eluka yanukishu yeyi.
כ [Kafu]
83 Muloña nidi neyi ipakumuna dachitembi dinoomi nawishi,
Ilaña nshimbi jeyi hinajivulamenañaku.+
84 Mafuku añahi atela kuhembelelayi kambuñeyi?
Mpinjinyi yiwakayisompesha anakunkabisha?+
85 Antu adinka wanta ampundilaña mabuku,
Owu afumpaña nshimbi jeyi.
86 Nshimbi jeyi jejima jalala.
Antu ankabishaña chakadi muloña, nkwashi!+
87 Kwashalili kwanti akeñeleña kunfumisha heseki,
Ilaña hinashiyili nshimbi jeyiku.
88 Nhembi wamumi muloña wakukeña kweyi kwakashinshi,
Kulonda nihembeña yanukishu yiwunahoshi.
ל [Lamedi]
89 Izu deyi dakatwalekahu kwikala mwiwulu,
Haya nyaaka, eyi Yehova.+
90 Eyi wekala washinshika mumakiñu ejima.+
Washimatisha chikupu iseki, kulonda ditwalekihu kwikalaku.+
91 Muloña wawunsompeshi weyi atwalekañahu* kushika nikulelu.
Muloña ejima wawu hiyambuñeyi.
92 Neyi nabulili kukeña nshimbi jeyi,
Nadi kufwa muloña wamakabi ami.+
93 Hinamba kavulamena nshimbi jeyiku,
Muloña kuhitila muniji nshimbi wunanhembi wamumi.+
95 Atama ahembelelaña kulonda ankisañani,
Ilaña nashi chikupu maana kuyanukishu yeyi.
96 Namoni nami yuma yejima yawanina yikweti hiyakumina,
Ilaña nshimbi jeyi hijikweti hakukuminaku.*
מ [Memu]
Najitoñojokaña chikupu* mpinji yejima.+
98 Nshimbi yeyi yanleteshaña niikali namaana kubadika ayilumbu jami,+
Muloña yidi nanami haya nyaaka.
99 Nikweti kashinshi chikupu kubadika antañishi jami ejima,+
Muloña natoñojokaña chikupu* yanukishu yeyi.
100 Nelaña yuma nakashinshi chikupu kubadika akulumpi awamayala,
Muloña novwahilaña nshimbi jeyi.
101 Nakaanaña kwenda munjila yejima yatama,+
Kulonda nihembi izu deyi.
102 Hinafutalelaña wunsompeshi weyiku,
Muloña wunandizishi.
104 Muloña wanshimbi jeyi nelaña yuma nakashinshi.+
Dichaletesha niheli njila yejima yakutwamba.+
נ [Nuni]
106 Nasanyiki, nawa nakelamu,
Kwovwahila wunsompeshi weyi waloña.
107 Anankabishi chikupu.+
Eyi Yehova, nhembi wamumi kwesekeja nezu deyi.+
108 Mwani tiyaku kuwaha nyilambu yami yakudikeñela yakukushimeka,*+ eyi Yehova,
Nawa ndizishi wunsompeshi weyi.+
110 Atama anantili muhetu,
Ilaña hinnaleki kulondela nshimbi jeyiku.+
112 Nadikasi mumuchima wami* kwovwahila nshimbi jeyi
Mpinji yejima, kushika nikunsa.
ס [Sameki]
115 Fumenu kudi ami, enu antu atama,+
Kulonda novwahili nshimbi jaNzambi yami.
118 Eyi wayikaanaña ejima alekaña kulondela nshimbi jeyi,+
Muloña hiyakakutwamba nawa akakudimbana.
119 Wanataña antu ejima atama ahamaseki neyi kwiji yuma yamukunkulwayi.+
Dichinakeñela yanukishu yeyi.
120 Muloña wakukutiya eyi woma, mujimba* wami wazaalaña;
Inakutiya woma wunsompeshi weyi.
ע [Ayini]
121 Neli yuma yayiwahi nawa yaloña.
Bayi wuñuumbila kudi akakunkabishaku!
122 Kanaku neyi wakamukwasha kambuñeyi;
Akakudinka wanta bayi ankabishaku.
125 Nidi kambuñeyi; nyinki kashinshi,+
Kulonda niiluki yanukishu yeyi.
126 Mpinji yinashiki yakwila Yehova akoñihu chuma,+
Muloña anafumpi nshimbi jeyi.
128 Dichi, namonaña kuleja* kwejima kwafumaña kudi eyi nami kwaloña;+
Nahela njila yejima yakutwamba.+
פ [Pi]
129 Yanukishu yeyi yayiwahi.
Dichaleteshaña niyovwahileña.*
134 Mpulwishi* kudi antu akabishanaña,
Nawa nukuhembaña nshimbi jeyi.
136 Madilu awulumukaña mumesu ami
Muloña antu hiyahembaña nshimbi jeyiku.+
צ [Tisadi]
138 Yanukishu yiwahanaña yaloña
Nawa yashindamenewa chikupu.
139 Iyena dami dinañudi,+
Muloña akankunyi nami anavulameni mazu eyi.
141 Nashikilamu wanyi nawa andiwula;+
Hela chochu, hinnavulameni nshimbi jeyiku.
143 Hela chakwila yihuñu nikukala janshikenaña,
Natwalekihu kukeña nshimbi jeyi.
144 Kuloña kwayanukishu yeyi kwahaya nyaaka nanyaaka.
Nyinki kashinshi,+ kulonda nitwalekihu kuhanda.
ק [Kofu]
145 Natambiki namuchima wami wejima. Ñaakuli, eyi Yehova.
Nukwovwahilaña nshimbi jeyi.
146 Nakutambiki; ñamwini!
Nukuhembaña yanukishu yeyi.
149 Tiyililaku kwizu dami muloña wakukeña kweyi kwakashinshi.+
Eyi Yehova, nhembi wamumi kwesekeja nawuñanji weyi.
150 Ana adiñijaña muyilwilu yansonyi* anenzi kwakwihi;
Adi kwakulehi chikupu nanshimbi jeyi.
152 Nadizili yanukishu yeyi kufuma tuhu kunyima,
Nami wayishaku kulonda yishakami haya nyaaka.+
ר [Reshi]
153 Talaña chinnakabakani nawa mpulwishi,+
Muloña hinnavulameni nshimbi jeyiku.
155 Wamwinu wudi kwakulehi chikupu nawantu atama,
Muloña hiyanakeñakeñi nshimbi jeyiku.+
156 Luwi lweyi lwabadika, eyi Yehova.+
Nhembi wamumi kwesekeja nawuñanji weyi.
157 Akakunkabisha niakankunyi nami amavulu;+
Ilaña hinnaleki kulondela yanukishu yeyiku.
158 Akakudimbana nayitalaña nawuzondu,
Muloña hiyahembaña mazu eyiku.+
159 Talaña ochinakeña nshimbi jeyi!
Eyi Yehova, nhembi wamumi muloña wakukeña kweyi kwakashinshi.+
160 Izu deyi dejima hichalala,+
Nawa wunsompeshi weyi wejima waloña wahaya nyaaka.
ש [Sini] hela [Shini]
162 Nazañalalaña namazu eyi+
Neyi muntu wunawani yuma yakupuupa yayivulu.
164 Nakushimekaña mapampa 7 hefuku
Muloña wawunsompeshi weyi waloña.
166 Nachiñejaña nyidimu yeyi yawamwinu, eyi Yehova,
Nawa novwahilaña nshimbi jeyi.
168 Novwahilaña nshimbi jeyi niyanukishu yeyi,
Muloña weluka yuma yejima yinelaña.+
ת [Tawu]
169 Kudila kwami kwakulomba wukwashu kushiki kudi eyi, eyi Yehova.+
Kwesekeja nezu deyi, nyinki kashinshi.+
170 Kulomba kwami kwakuntiyila luwi kushiki kudi eyi.
Ñamwini, neyi chiwunakani.*
171 Nyivumbu yami yinzali nakushimeka,+
Muloña wandizishaña nshimbi jeyi.
172 Idimi dami diimbi mazu eyi,+
Muloña nshimbi jeyi jejima jaloña.
174 Nafwilaña chikupu wamwinu weyi, eyi Yehova,
Nawa nakeña nankashi nshimbi jeyi.+
175 Nleki nitwalekihu kuhanda kulonda nikushimeki;+
Wunsompeshi weyi wiikali wukwashu wami.
Kamina Kawakakukanduka.*
2 Eyi Yehova, mpulwishi kunyivumbu yatwambaña
Nikwidimi dadimbanaña.
5 Oyihuñu yinnamoni, muloña nashakami neyi ñiinza muMisheki!+
Nadiña nakushakama hakachi kamatenti akuKedari.+
7 Ami nakeña kuwunda, ilaña neyi nihosha,
Wena akeñaña njita.
Kamina Kawakakukanduka.
121 Nafumbuli mesu ami nakutala kumapidi.+
Wukwashu wami wukufuma kudihi?
2 Wukwashu wami wafumaña kudi Yehova,+
Ntuñi yewulu niiseki.
3 Hamba keteja nyendu yeyi kuselumukaku.*+
Owu wunakukukiña hamba kanoñokaku.
4 Talaña! Wakanoñoka hela kukaama wanyi,
Owu wunakumukiña Isarela.+
5 Yehova nakukukiña.
Yehova hiwulelu+ kuchikasa cheyi chachidiilu.+
7 Yehova wakakukiña kuyuma yejima yatama.+
Wakakiña wumi weyi.+
8 Yehova wakakukiñaña muyuma yejima yiwakelaña*
Kufuma yinu mpinji nihaya nyaaka.
Kamina Kawakakukanduka. Isamu daDavidi.
122 Natiyili kuwaha hanlejeliwu nawu:
“Tuyeña kwitala daYehova.”+
2 Nawa ichi nyendu yetu yinemani
Muyiisu yeyi, eyi Yerusalema.+
4 Nyichidi yinakanduki nakuyaku,
Nyichidi yaYa,*
Kwesekeja nachanukishu chaIsarela,
Nakusakilila ijina daYehova.+
6 Lombenu muYerusalema mwiikali kuwunda.+
Ana akukeña, eyi musumba, akakiñewa.
7 Kuwunda kutwalekihu mumpwembu* jeyi,
Nikukiñewa mutuposhi tweyi twakola.
8 Muloña wawamanakwami niamabwambu jami nukuhosha nami:
“Mukachi keyi mwiikali kuwunda.”
9 Muloña wetala daYehova Nzambi yetu,+
Nukulomba nami yuma yikuwahili.
Kamina Kawakakukanduka.
123 Nafumbuli mesu ami nakutala kudi eyi,+
Eyi washakama hetanda mumawulu.
2 Neyi chatalaña mesu awañamba kuchikasa chankaka yawu,
Nimesu añamba wamumbanda kudi nkaka yindi wamumbanda,
Ninetu mesu etu atalaña kudi Yehova Nzambi yetu+
Sampu natutiyili luwi.+
3 Tutiyili luwi, eyi Yehova, tutiyili luwi,
Muloña anatusawuli nankashi.+
4 Anatusehi nankashi kudi ana adikuhwelela
Nikutusawula kudi ana adinka wanta.
Kamina Kawakakukanduka. Isamu daDavidi.
124 “Neyi Yehova hadiña nanetuku”+
—Ichi Isarela ahoshi nindi—
2 “Neyi Yehova hadiña nanetuku+
Hanyamukiliwu antu nakutulukuka,+
3 Adi kutuminya amomi+
Haswejeli kuzuwawu nanetu.+
5 Menji adiña nakubwankañila adi kututiyisha* woma.
6 Yehova ashimekewi,
Muloña hanatuhani kudi wena kwikala ayikwachika kumazewu awuku.
8 Wukwashu wetu wudi mwijina daYehova,+
Ntuñi yewulu niiseki.”
Kamina Kawakakukanduka.
125 Ana amukuhwelela Yehova+
Adi neyi mpidi yaZiyona, yabulaña kunyinkeshewa
Ilaña yashimata haya nyaaka.+
2 Neyi mpidi chijanyeñumuka Yerusalema,+
Yehova niyena dichanyeñumukayi antu jindi+
Kufuma yinu mpinji nihaya nyaaka.
3 Nkuunyi yakutama hiyikatwalekahu mwituña dayinkawu antu aloñaku,+
Kulonda aloña akabuli kutachika kwila yuma yatama.+
5 Hakwila ana abalumukilaña kunjila jawu jatama,
Yehova wakayibabeshela hamu nawantu elaña yatama.+
Kuwunda kwiikali hadi Isarela.
Kamina Kawakakukanduka.
126 Yehova hafuntishiliyi ankoli amuZiyona,+
Twamweni neyi tunakulota.
2 Hayina mpinji tunwa twetu twenzeli natusehu
Nawa madimi etu nanyiñula yamuzañalu.+
Hayina mpinji ahosheli hakachi kanyuza nawu:
“Yehova nayilili yuma yamaneni.”+
3 Yehova natwilili yuma yamaneni,+
Nawa tunazañalali chikupu.
4 Funtishaku ankoli jetu, eyi Yehova,
Neyi tuloña twamuNegebi.*
5 Ana anakukuwa mbutu namadilu
Akaañula nanyiñula yamuzañalu.
6 Wayaña, hela chakwila nakudila,
Iku nasendi ipakumuna dambutu,
Chakadi nikujina wakafunta nanyiñula yamuzañalu,+
Iku nasendi yiita yindi.+
Kamina Kawakakukanduka. Isamu daSolomoni.
127 Chiña Yehova atuña itala,
Neyi nehi akakudituña akuzata chamukunkulwayi.+
Chiña Yehova akiña musumba,+
Neyi nehi anhembi akukonkama chamukunkulwayi.
2 Chiña neyi Nzambi ayikiswila, neyi nehi mukuhinduka swayi chamukunkulwayi,
Kuzata kushika wufuku,
Nikuzata nañovu hakwila mwiikali nayakuda,
Henohu yena antu jindi akeñayi wayinkaña yakuda nitulu.+
5 Wudi namuzañalu yowu muntu wenzeshaña ipakumuna dindi danyivu nanyivu.+
Hiyamba kayitiyisha nsonyiku,
Muloña akahosha nawayilumbu muyiisu yampwembu.
Kamina Kawakakukanduka.
2 Wakada yuma yazatili makaseyi nañovu hakwila wiikali nayu,
Wakazañalala nawa wakekala nachihandilu chachiwahi.+
3 Ñodeyi wakekala neyi muvinyu wasoñaña nyikaabu mwitala deyi;+
Anyaneyi awamayala akekala neyi nyitayi yamutondu wamuolivi kumesa yeyi.
4 Talenu! Ichi dichakamukiswilawu
Muntu wamutiyaña Yehova woma.+
5 Yehova wakakukiswila kufumina muZiyona.
Monaku Yerusalema chakashakamayi chiwahi mumafuku akuhanda kweyi kwejima+
6 Nikumona makiñu akalondelahu.
Kuwunda kwiikali hadi Isarela.
Kamina Kawakakukanduka.
129 “Kufuma tuhu kuwukwenzi wami anlukukaña mpinji yejima”+
—Ichi Isarela ahoshi nindi—
2 “Kufuma tuhu kuwukwenzi wami anlukukaña mpinji yejima;+
Ilaña hiyanshindañaku.+
3 Akakudima napulawu anadimi munyima yami;+
Analeheshi nyindoñolu yawu.”
5 Akayitiyisha nsonyi nawa akafuntamu iku anasawuki,
Ana ejima amuhela Ziyona.+
6 Akekala neyi matahu amenaña hewulu damatala
Owu alepaña henohu kanda ayibwiti,
7 Owu akañanyaña kwinzesha chikasa chamukakwañula
Hela chikasa chamuntu wunakupompesha yiita.
8 Antu anakuhita akahosha wanyi nawu:
“Nkisu yaYehova yiikali hadi enu;
Tunayikiswili mwijina daYehova.”
Kamina Kawakakukanduka.
130 Nakutambiki mumanyiñi munidi, eyi Yehova.+
2 Eyi Yehova, tiyaku izu dami.
Mwani matu eyi ashi maana kukulemba kwami kwakulomba wukwashu.
5 Namuchiñejaña Yehova, wumi wami wejima wamuchiñejaña yena;
Nahembelelaña izu dindi.
6 Namuchiñililaña chikupu* Yehova,+
Kubadika mukakutalatala chatalilañayi nindi kuchi,+
Eña, kubadika mukakutalatala chatalilañayi nindi kuchi.
7 Isarela atwalekihu kumuchiñilila Yehova,
Muloña Yehova washinshika mukukeña kwindi,+
Nawa wukweti ñovu jabadika jakukuula nachu.
8 Wakakuula Isarela kuyiluwa yindi yejima.
Kamina Kawakakukanduka. Isamu daDavidi.
131 Eyi Yehova, muchima wami hiwadivwimbaku,
Mesu ami hiyadinyamunaku;+
Nawa hinafwilaña yuma yamaneni,+
Hela yuma yabadika muñovu jamiku.
2 Ilaña ami nawundi nawa namweneshi wumi wami*+
Neyi mwana wunasumuki wudi namama yindi;
Natiyi kuwaha neyi mwana wunasumuki.
3 Isarela amuchiñilili Yehova+
Kufuma yinu mpinji nihaya nyaaka.
Kamina Kawakakukanduka.
132 Eyi Yehova, mwanuki Davidi
Nimakabi indi ejima;+
2 Chasanyikiliyi kudi Yehova,
Chamukaniniyi Mukañovu waYakoba:+
3 “Nukuya mwitenti dami wanyi, mwitala dami.+
Nukukaama hachitwamu chami wanyi, hakadidi kami;
4 Hinukwiteja mesu ami kukaama,
Hela yikenyikenyi yami kunoñokaku
5 Sampu nawani iluña daYehova,
9 Atupristu eyi ayivwiki kuloña,
Nawa antu jeyi ashinshika adikuwi namuzañalu.
11 Yehova namukani Davidi;
Wakashikija munahoshiyi:
“Wumu hadi anyaneyi,
Nakamuswanyika hetanda deyi.+
12 Neyi anyaneyi ahemba chitiyañenu chami
Niyanukishu yinayidizishaña,+
Anyanawu niwena
Akashakama hetanda deyi haya nyaaka.”+
14 “Idi didu iluña dami dakunookela haya nyaaka;
Mwenimu dimunukushakamaña,+ muloña dichinnakeñi.
15 Nakakiswila chikupu musumba nayuma;
Atuzweñi adimu nakayinka dinkendi.+
17 Mwenomu nakavulisha ñovu* jaDavidi.
Ami naloñeshi inoñu dawami wawayishewa.+
18 Nakayivwika ayilumbu jindi nsonyi,
Ilaña kumutu windi chibañula chikakejima.”+
Kamina Kawakakukanduka. Isamu daDavidi.
2 Chidi neyi manji amawahi anahuñunwiniwu hamutu+
Anakuzulumukila kuwevu,
Wevu waAroni,+
Nakushika kunshiñu yayakuvwala yindi.
Ohu hakanininiyi Yehova nkisu yindi yakumbidi
—Wumi wahaya nyaaka.
Kamina Kawakakukanduka.
3 Yehova, Ntuñi yewulu niiseki,
Akukiswili muZiyona mudiyi.
135 Mushimekenu Ya!*
Shimekenu ijina daYehova;
Shimekenu, enu ambuña aYehova,+
2 Enu munemani mwitala daYehova,
Mumalubanza etala daNzambi yetu.+
3 Mushimekenu Ya, muloña Yehova himuwahi.+
Imbenu tumina twakushimeka* ijina dindi, muloña dadiwahi.
5 Muloña ami neluka chikupu nami Yehova himuneni;
Mwanta wetu himuneni kubadika anzambi ejima.+
6 Yehova welaña yuma yejima yinakeñi kwilayi+
Mwiwulu niheseki, mutuluñalwiji nimumanyiñi ejima.
7 Welishaña mavu* kukanduka kufuma kunsa jeseki;
Wakeneshaña nzaji kulonda nvula yinoki;
Wedishaña mpepela munkalaña jindi.+
8 Wajilumwini awedi amuEjipitu,
Antu nianyama.+
10 Wajilumwini nyuza yayivulu+
Nawa wajahili anyanta añovu+
11 Dikwila nawu, Sihoni mwanta wawaAmori,+
Ogi mwanta waBashani,+
Nimawanta ejima amuKenani.
12 Wahanini ituña dawu diikali wuswana,
Wuswana kudi antu jindi aIsarela.+
13 Eyi Yehova, ijina deyi dahaya nyaaka.
Eyi Yehova, mpuhu* yeyi yashikaña kumakiñu ejima.+
15 Ankishi anyuza akutuña nasiliva niwuru,
Nyidimu yakumakasa awantu.+
16 Kanwa akweti, ilaña hiyakutwesha kuhoshaku;+
Mesu akweti, ilaña hiyakutwesha kumonaku;
17 Matu akweti, ilaña hiyakutwesha kutiyaku;
Mukanwa kawu mwosi muuya.+
19 Enu amwitala daIsarela, mushimekenu Yehova.
Enu amwitala daAroni, mushimekenu Yehova.
20 Enu amwitala daLevi, mushimekenu Yehova.+
Enu mwamutiyaña Yehova woma, mushimekenu Yehova.
Mushimekenu Ya!+
3 Musakililenu Mwanta wawanyanta,
Muloña kukeña kwindi kwakashinshi kwahaya nyaaka.
4 Yena nkawindi hohu diyi wakoñaña yihayamisha yamaneni,+
Muloña kukeña kwindi kwakashinshi kwahaya nyaaka.+
6 Waalili iseki hewulu damenji,+
Muloña kukeña kwindi kwakashinshi kwahaya nyaaka.
7 Waleñeli yejeji yamaneni,+
Muloña kukeña kwindi kwakashinshi kwahaya nyaaka,
8 Itena kulonda diyuuleña namwaana,+
Muloña kukeña kwindi kwakashinshi kwahaya nyaaka,
9 Kakweji nitutumbwa kulonda jiyuuleña nawufuku,+
Muloña kukeña kwindi kwakashinshi kwahaya nyaaka.
10 Wajahili awedi amuEjipitu,+
Muloña kukeña kwindi kwakashinshi kwahaya nyaaka.
11 Wafumishili Isarela mukachi kawu,+
Muloña kukeña kwindi kwakashinshi kwahaya nyaaka,
12 Nachikasa chañovu+ nawa chakwolola,
Muloña kukeña kwindi kwakashinshi kwahaya nyaaka.
14 Welishili Isarela kuhita hakachi kaku,+
Muloña kukeña kwindi kwakashinshi kwahaya nyaaka.
15 Wamulukumwinini Fwaru niamashidika indi muKaluñalwiji Kachinana,+
Muloña kukeña kwindi kwakashinshi kwahaya nyaaka.
16 Walombweli antu jindi mwisaña,+
Muloña kukeña kwindi kwakashinshi kwahaya nyaaka.
17 Wajilumwini anyanta amaneni,+
Muloña kukeña kwindi kwakashinshi kwahaya nyaaka.
18 Wajahili anyanta añovu,
Muloña kukeña kwindi kwakashinshi kwahaya nyaaka,
19 Sihoni+ mwanta wawaAmori,
Muloña kukeña kwindi kwakashinshi kwahaya nyaaka,
20 NiOgi+ mwanta waBashani,
Muloña kukeña kwindi kwakashinshi kwahaya nyaaka.
21 Wayinkeli ituña dawu kwikala wuswana,+
Muloña kukeña kwindi kwakashinshi kwahaya nyaaka,
22 Wuswana kudi Isarela kambuñindi,
Muloña kukeña kwindi kwakashinshi kwahaya nyaaka.
24 Watwalekelihu kutupulwisha kudi akankunyi netu,+
Muloña kukeña kwindi kwakashinshi kwahaya nyaaka.
26 Musakililenu Nzambi yamawulu,
Muloña kukeña kwindi kwakashinshi kwahaya nyaaka.
137 Twashakamini kutuloña twamuBabiloni.+
Twadilili chitwanukili Ziyona.+
3 Muloña kwenoku owu atukwatili atulombeli kamina,+
Ana atuseheleña akeñeleña nawu tuyitiyishi kuwaha, ahosheli nawu:
“Twimbilenuku kamina kaZiyona.”
4 Tunateli kwimba ñahi kamina kaYehova
Mwituña dawenyi?
6 Idimi dami dilamati kundakwila yami
Neyi nibula kukwanuka,
Neyi nibula kusha Yerusalema hewulu kubadika
Yuma yanzañaleshaña chikupu.+
7 Anukaku, eyi Yehova,
Chahosheliwu eni Edomi hefuku dajilumukiliyi Yerusalema nawu:
“Musandenu! Musandenu nakushika hayikuku yindi!”+
8 Eyi mwana kaBabiloni wamumbanda, owu wudi kwakwihi nakukisañanawu,+
Wakekala namuzañalu yowu muntu wakayifweta
Kwesekeja nayuma yimwatwilili.+
9 Wakekala namuzañalu yowu muntu wakakwata anyanenu
Nakuyisata kumalola.+
DaDavidi.
138 Nukukushimeka namuchima wami wejima.+
Hamesu awanzambi acheñi,
Nukwimba tumina twakukushimeka.*
2 Nukudibuka nakutalisha kutembeli* yeyi yajila,+
Nawa nukushimeka ijina deyi+
Muloña wakukeña kweyi kwakashinshi nikushinshika kweyi.
Wunatoheshi mazu eyi niijina deyi kubadika yuma yejima.*
4 Anyanta ejima ahamaseki akakushimeka, eyi Yehova,+
Muloña akekala anatiyi dehi yikaninu yiwunahoshi.
5 Akemba hanjila jaYehova,
Muloña kulema kwaYehova kweneni.+
6 Hela chakwila Yehova washakama hewulu haheni, washaña maana kudi adizoza,+
Ilaña akakudivwimba wayilukilaña hohu hahalehi.+
7 Hela nidi muwubanji, wukunhemba wamumi.+
Wololaña chikasa cheyi nakwimakena kuzuwa kwawayilumbu jami;
Chikasa cheyi chachidiilu chikañamwina.
8 Yehova wakañililaku yuma yejima.
Damukulumpi wawañimbi. Isamu daDavidi.
139 Eyi Yehova, wunanshinshiki chikupu mukachi kami, nawa wunañiluki.+
2 Neyi nishakama hela ninyamuka, eyi welukaña.+
Yitoñojoka yami eyi wayilukilaña hahalehi.+
4 Hedimi dami hosi izu nidimuku,
Ilaña talaña! Eyi Yehova, wunadiluki dehi chiwahi.+
5 Wannyeñumukaña, hanyima nihambidi yami;
Nawa washaña chikasa cheyi hadi ami.
6 Kwiluka kwamuchidiwu kunankumishi maana.*
Kudi hahalehi chikupu, kwila nishikahu nehi.*+
7 Spiritu yeyi nukuyitemuka nakuya kudihi,
Nawa kudihi kunukutemukila nakufuma kumesu eyi?+
8 Neyi nukukandama mwiwulu, eyi wukwikalamu,
Nawa neyi naala kadidi kami Mwijamu,* talaña! eyi wukwikalamu.+
9 Neyi nukutuuka nampuula jankunku yakucha
Nakuya nakushakama kukaluñalwiji kakwakulehi nankashi,
10 Nikwenoku chikasa cheyi chikunlombola
Nawa chikasa cheyi chachidiilu chikunkwata.+
11 Neyi nihosha nami: “Chalala mwidima wukunsweka!”
Dikwila nawu wufuku wunannyeñumuki wukwikala chejeji.
12 Nimwidima hiwukwikala mwidima chikupu kudi eyiku,
Ilaña wufuku wukutoñeka neyi mwaana;+
Kudi eyi mwidima wudi tuhu neyi chejeji.+
14 Nakushimekaña muloña antuña chachiwahi munjila yakuhayamisha.+
15 Mafwaha ami hiyakuswekeliwuku
Hantuñileñawu mwakujinda,
Hannuñanuñileñawu mwishina damaseki mwamweni.+
16 Mesu eyi ammweni hinatuñikileña mwivumu;
Yiidi yejima ayisonekeli mumukanda weyi
Kwesekeja namafuku iyatuñikileña,
Henohu nichimu kanda chiikaliku.
17 Dichi, yitoñojoka yeyi ochiyasweja kuwaha kudi ami!+
Eyi Nzambi, ochiyavula neyi ayibomba yejima hamu!+
18 Neyi neseka nami niyichindi, yinabadiki wusekulula kuvula.+
Neyi nihinduka, nichidi hamu naneyi.*+
19 Eyi Nzambi, mwani kisañanaku antu atama!+
Kuhiñahu akamadombu* akufuma kudi ami,
20 Ana ahoshaña yuma yatama hadi eyi;*
Hiyakankunyi neyi azatishaña ijina deyi munjila yamukunkulwayi.+
22 Nayihela chikupu;+
Anekali ayilumbu jami chikupu.
23 Nshinshiki chikupu mukachi, eyi Nzambi, kulonda wiluki muchima wami.+
Ntalatali chiwahi, kulonda wiluki yitoñojoka yami yakwakama.+
Damukulumpi wawañimbi. Isamu daDavidi.
140 Eyi Yehova, mpulwishi kudi antu atama;
Nkiñi kudi akamadombu,+
2 Owu akasaña tufuta twatama munyichima yawu+
Nakuleta yikonkojola mpinji yejima.
4 Nkiñi, eyi Yehova, kumakasa awantu atama;+
Nhembi kudi akamadombu,
Owu akasaña tufuta kulonda andimbwishi.
5 Akakudivwimba antilaña muhetu;
Atandumunaña kaleñi kunjila kuzatisha nyonji.+
Antilaña makoña.+ (Sela)
6 Namuleji Yehova nami: “Yeyi Nzambi yami.
Eyi Yehova, tiyililaku kukulemba kwami kwakulomba wukwashu.”+
7 Eyi Yehova Mwanta Wabadika, Chamwinu chami wañovu,
Wakiñaña mutu wami mwifuku danjita.+
8 Eyi Yehova, bayi wuyinka antu atama yuma yafwilañawuku.
Bayi witeja tufuta twawu tuzatikiku, kulonda abuli kuyituumbakesha. (Sela)+
9 Nyitu yanowu anannyeñumuki
Ayibuti nayuma yatama yahoshaña nyivumbu yawu.+
10 Makala akesi anokeli hanyijimba yawu.+
11 Mukakutwamba bayi awana iluña hesekiku.*+
Kutama kuyikumpishi akamadombu nawa kuyitapoli.
12 Neluki nami Yehova wakahakwilaku akehelamu
Nikuyiñisha atuzweñi.+
13 Chalala aloña akasakilila ijina deyi;
Oloka akashakama kumesu eyi.+
Isamu daDavidi.
141 Eyi Yehova, nakutambiki.+
Inzaku swayi-swayi wunkwashi.+
Tiyililaku neyi nikutambika.+
2 Kulomba kwami kwiikali neyi insensi+ yinakuloñesheliwu,+
Makasa ami akunyamuna ekali neyi mulambu wambutu wamelela.+
3 Shaku nhembi wakuhemba kanwa kami, eyi Yehova,
Nimukakutalatala wakutala chiisu chanyivumbu yami.+
4 Bayi wuleka muchima wami wulemeneni kuyuma yatama,+
Wudibombi muyuma yatama nawantu atamaku;
Bayi nida hayakuda yawu yayiwahiku.
5 Neyi muntu waloña añeta, chikwikala hichilwilu chakukeña kwakashinshi;+
Neyi anzuwila, chikwikala neyi manji hamutu wami,+
Akubula kukaana mutu wami.+
Kulomba kwami kukutwalekahu nimumpinji yawu yayihuñu.
6 Hela chakwila ansompeshi awu anayishinjiki helola hanañamana,
Antu akusha maana kumazu ami, muloña amawahi.
7 Neyi chachipañayi muntu nakubalula maseki,
Dichinapalañeshiwu nimafwaha etu hakanwa Kejamu.*
8 Ilaña mesu ami atalaña kudi eyi, eyi Yehova Mwanta Wabadika.+
Mudi eyi dimunabatamaña.
Bayi wusenda wumi wamiku.*
9 Nkiñi kunyibaña yachidiya chinantiliwu,
Kumakoña awantu elaña yatama.
10 Atama akafwa ejima mutuleñi twawu aweni+
Ilaña ami nakahita chachiwahi.
Masikilu.* Isamu daDavidi hadiñayi mwiyeñu.+ Kulomba.
142 Namutambiki Yehova nezu dami nami ankwashi;+
Namulembeleli Yehova nezu dami nami antiyili luwi.
2 Namulejañamu yuma yejima yañakamishaña;
Namulejañamu yihuñu yami+
3 Neyi spiritu* yami yinazeyi mukachi kami.
Kuhiñahu eyi washinshikaña njila yami.+
Munjila munendaña,
Antilañamu muhetu.
Kwosi kunatela kutemukilaku;+
Kwosi niwumu wantoñojokelañakuku.
5 Nakutambiki, eyi Yehova, nami wunkwashi.
6 Tiyaku kudila kwami kwakulomba wukwashu,
Muloña nidi mukukala kwakweni.
Mpulwishi kudi antu ankabishaña,+
Muloña adi nañovu kubadika ami.
7 Nfumishi mukaleya kaheseki
Kulonda nishimeki ijina deyi.
Aloña apompi nakunnyeñumuka
Muloña wunañili mwamuwahi.
Isamu daDavidi.
143 Eyi Yehova, tiyaku kulomba kwami;+
Tiyililaku kukulemba kwami kwakulomba wukwashu.
Muloña wakushinshika kweyi nikuloña kweyi, ñaakuli.
2 Bayi wumusompesha kambuñeyiku,
Muloña kwosi muntu niwumu wamumi wunateli kwikala waloña kudi eyiku.+
3 Muloña chilumbu wankumpishaña;*
Nachikili wumi wami mumaseki.
Nañilishi nishakameña mumwidima neyi ana afwili dehi kunyaaka oko-o.
5 Nanukaña mafuku akunyaaka oko-o;
Natoñojokaña chikupu hanyidimu yeyi yejima;+
Nadizaña chikupu hanyidimu yamakasa eyi.
6 Nololi makasa ami kudi eyi;
Ami nidi neyi iseki dooma dakutiyilaña mpwila.+ (Sela)
8 Ñiiteji nitiyi kukeña kweyi kwakashinshi nabudidi,
Muloña nakuhwelela mudi eyi.
9 Mpulwishi kudi ayilumbu jami, eyi Yehova.
Nalombi wunkiñi.+
10 Ndizishi kwila nkeñelu yeyi,+
Muloña yeyi Nzambi yami.
Spiritu yeyi yayiwahi;
Mwani yinlomboleña heseki desekana.*
11 Muloña wejina deyi, eyi Yehova, nhembi wamumi.
Muloña wakuloña kweyi, mpulwishi kuyihuñu yami.+
12 Muloña wakukeña kweyi kwakashinshi, yikisañani* ayilumbu jami;+
Yijilumuni ejima ankabishaña,+
Muloña ami nidi kambuñeyi.+
DaDavidi.
144 Yehova, Ilola+ dami, ashimekewi,
Wadizishaña makasa ami chakuzuña njita,
Nyinu yami chakwasa njita.+
2 Diyi kukeña kwami kwakashinshi nawa iluña dami dakiñewa,
Chiswamu chami chakiñewa* nawa mpulwishi yami,
Nkebu yami nawa mudi Yena dimu mwinnabatami,+
Owu wañovwahishilaña antu mwishina dami.+
3 Eyi Yehova, indi muntu diyinyi mwaka wumwakameni,
Mwana kamuntu wafwaña mwaka wumushi maana?+
5 Eyi Yehova, kululaku* mawulu eyi kulonda wukunkumuki;+
Kwataku mapidi kulonda wuyifwindishi wishi.+
7 Ololaku makasa eyi kufuma mwiwulu;
Mpulwishi nawa ñamwini kumenji amavulu,
8 Owu akweti tunwa twahoshaña makudi
Nawa anyamunaña chikasa chawu chachidiilu nakusanyika mwakutwamba.*
9 Eyi Nzambi, nukukwimbila kamina kakaha.+
Nukukwimbila tumina twakukushimeka,* kuzatisha chisanji chanyonji 10,
10 Kudi Owu wakwashaña anyanta kushinda,*+
Owu wunakumupulwisha kambuñindi Davidi kumpoku yakabali yafwana.+
11 Mpulwishi nawa ñamwini kuchikasa chawañiinza,
Owu akweti tunwa twahoshaña makudi
Nawa anyamunaña chikasa chawu chachidiilu nakusanyika mwakutwamba.
12 Kuhiñahu anyanetu awamayala akekala neyi nyitondu yanyanya yakulaña swayi,
Nawa anyanetu awambanda neyi yishimi yamwiwombu yabazawu yamuchipañu.
13 Nkalaña jetu jakenzala nanyichidi yejima yayakuda;
Yimuna yetu mumpata yetu yakekala makombakaji amavulu.
14 Ñombi jetu jinemiti, hijakakañanya kusema* nawa hijakasulumunaku;
Hikwakekala kudila kwayihuñu mumalubanzaku.
15 Adi namuzañalu wowu antu akamona yumiyi!
Adi namuzañalu wowu antu akweti Nzambi yawu Yehova!+
Kushimeka kwaDavidi.
א [Alefu]
ב [Beti]
ג [Gimeli]
ד [Daleti]
4 Makiñu ejima akashimeka nyidimu yeyi;
Akahosha hanyidimu yeyi yañovu.+
ה [Hi]
5 Akahosha hañovu jeyi chijekala jakuhayamisha+
Nawa nukutoñojokaña chikupu hanyidimu yeyi yakuhayamisha.
ו [Wawu]
ז [Zayini]
7 Mazu awu akushimeka akasefuka neyi kaseloki hakanukañawu kuwaha kweyi kwasweja,+
Nawa akadikuwa namuzañalu muloña wakuloña kweyi.+
ח [Heti]
ט [Teti]
9 Yehova himuwahi kudi ejima,+
Nawa luwi lwindi lwamwekenaña munyidimu yindi yejima.
י [Yodi]
כ [Kafu]
11 Akashimuna hakulema kwawanta weyi+
Nawa akahosha hañovu jeyi,+
ל [Lamedi]
12 Kulonda nyidimu yeyi yañovu ayiluki kudi antu+
Nilubanji lwasweja lwawanta weyi.+
מ [Memu]
13 Wanta weyi hiwanta wahaya nyaaka nanyaaka,
Nawa chiyuulu cheyi chikatwalekahu mwakahita makiñu ejima.+
ס [Sameki]
ע [Ayini]
15 Mesu ejima atalaña kudi eyi nakuchiñeja;
Wayinkaña yakuda muchilaaka chayu.+
פ [Pi]
צ [Tisadi]
ק [Kofu]
ר [Reshi]
19 Wekutishaña ejima amutiyaña woma nayuma yakeñañawu;+
Watiyaña kudila kwawu kwakulomba wukwashu, nawa wayipulwishaña.+
ש [Shini]
ת [Tawu]
21 Kanwa kami kakahosha kushimekewa kwaYehova;+
Yuma yejima yayumi* yishimekeña ijina dindi dajila haya nyaaka nanyaaka.+
Wumi wami wejima wumushimeki Yehova.+
2 Nukumushimekaña Yehova muwumi wami wejima.
Nukumwimbilaña Nzambi yami tumina twakumushimeka* chakala hohu nichidi kuhanda.
5 Wudi namuzañalu yowu muntu wukweti nkwashi yindi Nzambi yaYakoba,+
Wachiñejaña mudi Yehova Nzambi yindi,+
6 Ntuñi yewulu niiseki,
Kaluñalwiji, niyuma yejima yekalamu,+
Owu wekala washinshika mpinji yejima,+
7 Owu wunakusompelaku aneyiliwu munjila yawupwapoki,
Owu wunakwinka yakuda ana adi nanzala.+
9 Yehova nakukiña añiinza;
Wakwashaña mwana wabula tata yindi nintuluwa,+
10 Yehova wakekala Mwanta haya nyaaka,+
Nzambi yeyi, eyi Ziyona, kufuma kwikiñu dimu nakushika kudikwawu.
Mushimekenu Ya!*
Chachiwahi kumwimbila Nzambi yetu tumina twakumushimeka;*
Ochichawaha nawa chichatelela kumushimeka!+
3 Wokaña abaluka nyichima;
Wakasaña hayilonda yawu.
7 Mwimbilenu Yehova nakusakilila;
Mwimbilenu Nzambi yetu tumina twakushimeka nakadada,
8 Owu wajikaña mawulu namavu,
Owu wenkaña iseki nvula,+
Owu wameneshaña+ matahu hamapidi.
12 Mulemeshi Yehova, eyi Yerusalema.
Mushimeki Nzambi yeyi, eyi Ziyona.
13 Wakoleshaña yikuñu yakuyiisu yamusumba weyi;
Wakiswilaña anyaneyi mukachi keyi.
15 Watemeshaña nshimbi yindi hamaseki;
Izu dindi datemukaña chikupu.
17 Wanokeshaña nvula yamalola* neyi yibalu yadinkendi.+
Hinyi wukuumika kutuuta kwindi?+
18 Watemeshaña izu dindi nawa yasuñunukaña.
Wakunkishaña mpepela yindi+ nawa menji ahitaña.
20 Kanda yeleñahu dehi chumichi kudi muza wudi wejimaku;+
Kwosi chuma chelukawu hawunsompeshi windiku.
148 Mushimekenu Ya!*
Mushimekenu Yehova enu mwekala mumawulu;+
Mushimekenu enu mwekala mwamulehi.
2 Mushimekenu, enu añelu jindi ejima.+
Mushimekenu, enu mazaza indi ejima.+
3 Mushimeki, eyi itena nikakweji.
Mushimekenu, enu tutumbwa twejima twatoñekaña.+
4 Mushimekenu, enu mawulu ekala hewulu hahalehi chikupu*
Ninenu menji ekala hewulu damawulu.
5 Yishimeki ijina daYehova,
Muloña wahanini lushimbi, nawa yekaliliku.+
7 Mushimekenu Yehova enu ekala hamaseki,
Enu yileñaleña yamaneni yekala mukaluñalwiji ninenu manyiñi ejima,
8 Eyi nzaji ninvula yamalola, eyi sino* nimavu eyila,
Eyi mpepela yasweja, wasendaña izu dindi,+
9 Enu mapidi ninenu tupidi twejima,+
Enu nyitondu yanyikaabu ninenu nyisida yejima,+
10 Enu anyama amwisaña+ ninenu anyama amukala ejima,
Enu yuma yakalabaña ninenu atuda akweti mpuula,
11 Enu anyanta aheseki ninenu nyuza yejima,
Enu ayilolu ninenu ansompeshi ejima aheseki,+
12 Enu atwansi awamayala ninenu atwansi awambanda,*
Akulumpi awamayala niatwansi hamu.*
Wukeleñi windi wudi hewulu kubadika iseki niiwulu.+
14 Wakatuumbakesha ñovu* jawantu indi,
Muloña wakushimeka kwawantu indi ejima ashinshika,
Kwawanyana kaIsarela, antu ekala kwakwihi nayena.
Mushimekenu Ya!*
149 Mushimekenu Ya!*
2 Isarela azañaleli mudi Mukakubadika Wamutuñili;+
Anyana kaZiyona azañaleli mudi Mwanta wawu.
4 Muloña Yehova wayitiyaña kuwaha antu jindi.+
Amwovu wayivwikaña wamwinu.+
5 Antu ashinshika azañaleli chikupu mukulema;
Adikuwi namuzañalu hatudidi twawu.+
6 Tumina twakumushimeka Nzambi twiikali hamudiwu wawu,
Nawa mpoku yakabali yawumwemu kuyedi yiikali muchikasa chawu,
7 Kulonda kuditenda hadi nyuza
Nikubabesha antu,
8 Kulonda kukasa anyanta jawu namaleñi
Niantu jawu alema nampompa jayikuñu,
9 Kulonda kuyisompesha hanyiloña yayisonekeleliwu.+
Iku kulema kwambala kwawantu jindi ashinshika ejima.
Mushimekenu Ya!*
Mushimekenu Nzambi mwiluña dindi dajila.+
Mushimekenu muluzwizu* lwañovu jindi.+
2 Mushimekenu muloña wanyidimu yindi yañovu.+
Mushimekenu muloña wakutoha kwindi kwabadika.+
3 Mushimekenu nachivumina chanseñu.+
Mushimekenu nachisanji chanyonji nikadada.+
4 Mushimekenu nañoma yanyanya*+ nikuhañana munjiñumuki.
Mushimekenu nanyonji+ niipeleli.*+
5 Mushimekenu nayifwoyu yinakuvuma.
Mushimekenu nayifwoyu yinakudeta.+
6 Chuma chejima chonaña—chimushimeki Ya.
Hela “watoñojokañahu chikupu hanshimbi Jindi.”
Hela “chinakutoñojokelawu chikupu.”
Hela “anakasi mpuña hamu.”
Hela “Kristu windi.”
Hela “Soñamenu.”
MuchiHeberu, “Mufufwenu.”
MuchiHeberu, “Yena.”
Talenu Kulumbulula.
MuchiHeberu, “Nyinki iluña deneni.”
Hela “wakaambula windi wajila; wakemika windi wajila hambadi.”
Talenu Kulumbulula.
Hela “muntu wajahañanaña niwatwambaña.”
Hela “iluña dajila.”
Hela “Azatishaña idimi dakulambisha.”
Talenu Kulumbulula.
Hela “wumi wami wunaluwankani.”
Hela “amwinaku wumi wami.”
Hela “hiyakwanukañaku.”
Hela “Shelu,” dikwila nawu, ijamu dawantu ejima. Talenu Kulumbulula.
MuchiHeberu, “nelishaña kadidi kami.”
Hela “Kamina kakudila nachu.”
Hela “akutabola wumi wami.”
Hela hekwawu, “Hehohu namuumbiku muntu wunakundimbulula chakadi muloña.”
Hela “wumi wami.”
Hela “wesekaña nyichima ninshiya.”
Hela “wadimbwishaña nyiloña heseki.”
Talenu Kulumbulula.
Hela hekwawu, “Eyi wukweti wukeleñi washawu hewulu kubadika mawulu!”
MuchiHeberu, “adi neyi Nzambi.”
MuchiHeberu, “anyama azuwa amwisaña.”
Talenu Kulumbulula.
Hela “iseki dawushi.”
Hela “kaposhi kakiñewa.”
Talenu Kulumbulula.
Hela “Shelu,” dikwila nawu, ijamu dawantu ejima. Talenu Kulumbulula.
Hela “yafwilaña wumi windi.”
Hela hekwawu, “mukalwisu wadikiswilaña yomweni.”
Hela “wasupishaña.”
Hela “hinamba katedañilaku.”
Hela “mwivunda.”
Hela “mumazala indi akola.”
Hela “nshona.”
Hela “yikuku yawuñanji.”
Hela “atamukaña.”
Hela hekwawu, “makala akesi.”
Hela “akatambwila wuselewa windi.”
Talenu Kulumbulula.
MuchiHeberu, “ahoshaña nanyivumbu yakulambisha.”
MuchiHeberu “namuchima nimuchima.”
Hela “ayisehaña.”
Hela hekwawu, “luteñu lwakweñunwinamu lwakusha hamaseki.”
Hela “wumi wami.”
Hela “Wabula maana.”
Hela “wunakwenda nakashinshi.”
Hela “mwasanyikañayi.”
Hela “hamba katedañilaku.”
Talenu Kulumbulula.
Hela “lupasa.”
MuchiHeberu “nshiya.”
Hela “hinamba katedañilaku.”
MuchiHeberu, “kulema kwami.”
Hela “mujimba wami wunakushakama.”
Hela “hiwakashiya wumi wami.”
Hela “Shelu,” dikwila nawu, ijamu dawantu ejima. Talenu Kulumbulula.
Hela hekwawu, “kumona kutokaku.”
Hela “kuzañalala.”
Hela “Noñamaku wutiyilili.”
Hela “ayilumbu jawumi wami.”
Hela “Anadijikili mumanji awu aweni.”
Hela “kutunatilawu hamaseki.”
Hela “amwinaku wumi wami.”
Hela “nshakaminu yamakonu.”
Hela “hakumona chiwekala.”
Talenu Kulumbulula.
Hela “chamwinu chami wañovu.”
Hela “kaposhi kakiñewa.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “mpepela.”
Hela “majila amenji.”
Hela “mwiluña deneni.”
MuchiHeberu “atooka.”
Hela “anakukabishawu.”
MuchiHeberu “mesu adinka wanta.”
Hela “chanhandishaña.”
Hela “tupokosu.”
Hela “Wakanyinka nyima yawayilumbu jami.”
MuchiHeberu, “Nakamwenesha.”
Hela “akazeya.”
Hela “kushinda kweneni chikupu.”
MuchiHeberu, “mbutu.”
Hela “jafuntishaña (cheñi) wumi.”
Hela “nyiloña yayivulu.”
MuchiHeberu, “yawumoneña kununa.”
Hela “mpuña.”
Hela “nakushinda kwakuvulu.”
Hela “yakweñununa chiwahi.”
MuchiHeberu, “Kuleha kwamafuku.”
MuchiHeberu, “kumesu indi.”
Hela “hamba katedañilaku.”
MuchiHeberu, “Nyikaabu yawu.”
MuchiHeberu, “nyikunji.”
MuchiHeberu, “kumesu awu.”
Hela hekwawu “chuni hela mutapu wakwimbilamu.”
Hela “watentama hakachi (hewulu).”
MuchiHeberu “añuumbilili hadi eyi.”
MuchiHeberu, “Wami wumu hohu wunukweti,” kwimenaku wumi windi.
MuchiHeberu, “chikasa.”
MuchiHeberu, “mbutu.”
MuchiHeberu, “mbutu.”
MuchiHeberu, “Muchima weyi wuhandi.”
MuchiHeberu, “atoha.”
MuchiHeberu, “Lubutu.”
Hela hekwawu, “kumenji awunda.”
Hela “wumi wami.”
Hela “jankundejaña.”
Hela “walambaña.”
Hela “lupasa.”
Hela “Wumi wami,” kutena wumi waYehova mwasanyikilañayi muntu.
Hela “wuñanji.”
Hela “Nyamukenu.”
Hela “dikwinnanyamwini wumi wami.”
Hela “Jiwunamwekeshi kufuma kushankulu.”
MuchiHeberu, “muwunsompeshi.”
Hela “Wumi windi.”
MuchiHeberu, “mbutu.”
MuchiHeberu, “mukuuli.”
MuchiHeberu, “nshiya jami.”
MuchiHeberu, “hinashakamaña.”
Hela “hinadibombaña hamu nawanfwikijiku.”
MuchiHeberu, “kushakama.”
Hela “wumi wami.”
Hela “nawantu apwekeshaña mashiku.”
MuchiHeberu, “Nkuuli.”
MuchiHeberu, “muyipompelu yamaneni.”
Hela “iluña dajila.”
Hela “nakutoñojokahu chikupu.”
MuchiHeberu, “kuwumi wawakankunyi namiku.”
Hela hekwawu, “Chakadi nikujina nidi nachikuhwelelu nami nakamona kuwaha kwaYehova mwituña mwashakamaña antu .”
Hela “mwijamu.”
Hela “Difukulenu.”
Hela hekwawu, “muloña walubanji lwakujila kwindi.”
Chakadi nikujina, mwakumina mpidi yaLebanoni.
MuchiHeberu, “Nikusubula mavunda nakuyishiya nzekesi.”
Hela “kaluñalwiji kamwiwulu.”
Hela “wunankokeli.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “mwijamu.”
MuchiHeberu, “chanukishu.”
Hela “mukukeña.”
Hela “hinamba katedañilaku.”
MuchiHeberu, “mumashi ami.”
Hela “mwijamu.”
Hela “Noñamaku wutiyilili.”
Hela “Nzambi washinshika.”
Hela “yihuñu yawumi wami.”
Hela “mwiluña deneni.”
Hela “niwumi wami niivumu dami.”
Hela “muyitoñojoka.”
Hela “Shelu,” dikwila nawu, ijamu dawantu ejima. Talenu Kulumbulula.
MucheHeberu, “Kukubobola kwamadimi.”
Talenu Kulumbulula.
Hela “ananakeniwu.”
Hela “kubula kuntiya kuwaha.”
Hela “Wuumi wamumujimba wami wahimpikili.”
MuchiHeberu, “izaza dawu dejima.”
Hela “muuya.”
Hela “nkeñelu.”
Hela “yitoñojoka.”
Hela “nkeñelu.”
Hela “amwini wumi wawu.”
Hela “Wumi wetu.”
Hela “Wumi wami.”
Hela “nyenzi yanyitupa yawamayala.”
Hela “ananeñi.”
Hela “yihuñu.”
Kakavulu iji nkebu janyanya ajisendeleña kudi akakwasa namata anyikunji.
Hela “chizemba chawumwemu kuyedi.”
Hela “wumi wami.”
Hela “wumi wami.”
Hela “wumi wami.”
Hela “hikwafuntileña muntulu yami.”
Hela “nyenzi yanyitupa yawamayala.”
Hela “dikutoñojoka chikupu.”
MuchiHeberu, “neyi mpidi jaNzambi.”
Hela “Wamwinaña.”
MuchiHeberu, “manji.”
Hela “kumwekesha neyi wadihela.”
Hela “mwituña.”
MuchiHeberu, “Nyeñumunaku njila yeyi hadi.”
Hela “kudiwunjika chikupu.”
Hela hekwawu, “Bayi wuhilaku, muloña chinateli kukuletela wubanji.”
Hela “mwonji.”
MuchiHeberu, “mafuku awantu abula muloña.”
Hela “watiyilaña luwi.”
Hela “wakoleshaña.”
Hela “yakuda.”
Hela “kashimunaña maana mwizu damwishina.”
Hela “muntu wahembaña kashinshi.”
MuchiHeberu, “mumujimba wami mwosi kukola.”
MuchiHeberu, “Nkuma jami jinenzali nakuha.”
Hela “nibulumeña.”
MuchiHeberu, “amomi.”
Hela hekwawu, “Ilaña ayilumbu jami hakadi muloña amavulu.”
Talenu Kulumbulula.
Hela “kwavundankeni.”
MuchiHeberu, “wataatili.”
MuchiHeberu, “mawihi achikasa.”
MuchiHeberu, “waletaña ipumba.”
Hela “Mwenyi.”
Hela “Namuchiñililili nakudiwunjika.”
Hela “wanoñamini nakutiyilila.”
Hela “kutiya kuwaha.”
MuchiHeberu, “mumuvuñilu wamukanda.”
Hela “wumi.”
Hela “kukufwila; kuwumi.” Talenu Kulumbulula.
Hela “Ukaku wumi wami.”
Hela “nambalumukili dehi.”
Hela “Kufuma kunyaaka nakushika kunyaaka.”
Talenu Kulumbulula.
Hela “niwumi wami dichiwakukeñeshaña.”
Hela “Wumi wami watiyaña mpwila.”
Talenu Kulumbulula.
Hela “wumi wami.”
Hela “wumi wami wunaakami.”
Hela “mpidi yanyanya.”
Hela hekwawu, “Neyi kwiji anakuchika mafwaha ami.”
Hela “wumi wami.”
Hela “wumi wami.”
Talenu Kulumbulula.
Hela “hawuseya wuwayilandishilañahu”
MuchiHeberu, “chishimu.”
Hela “mawumi etu.”
MuchiHeberu, “Tukuuli”
Hela hekwawu, “chisanji chanyonji, mutapu wakamina hela chuni yakamina.”
Talenu kulumbulula.
MuchiHeberu, “Nyidimu yami.”
Hela “peni.”
Hela “nsoneki.”
MuchiHeberu, “chikukudizisha.”
Hela “yawambuka.”
Hela “yawuñanji.”
Hela “Ñoda mwanta.”
Hela “akwovwahisha kumesu eyi.”
MuchiHeberu, “Mukachi.”
MuchiHeberu, “nayuma yawuru.”
Hela hekwawu, “munyinkukumba hanachimekeliwu madeko.”
Awa hiyambanda abula kukaamahu dehi nawamayala.
Talenu Kulumbulula.
Hela “kaposhi kakiñewa.”
Hela hekwawu, “jinkebu.”
Hela “nseñu yachizamba chamukoku; mpuña.”
MuchiHeberu, “jinkebu.”
Hela “kaposhi kakiñewa.”
Hela “anabulakani nachatiyañeniwu.”
MuchiHeberu, “anyana awambanda.”
Hela “hambañu jakola.”
Hela hekwawu, “sampu tunafwi.”
Hela “munshakaminu yamakonu.”
MuchiHeberu, “anyana kawantu kushilahu nianyana kamuntu.”
MuchiHeberu, “chiluwa.”
Hela “ijamu.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “Shelu,” dikwila nawu, ijamu dawantu ejima. Talenu Kulumbulula.
Hela “wumi wami.”
MuchiHeberu, “kuchikasa.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “wumi windi.”
Hela “Nzambi, Yehova.”
Hela “Kufuma kumusela nakushika kumujika.”
MuchiHeberu, “ampembi ayizamba.”
Hela “nshimbi.”
MuchiHeberu, “wanatilaña mazu ami kunyima yeyi.”
Hela hekwawu, “wadibombaña nindi.”
Hela “watamishaña.”
Hela “muyitoñojoka yami.”
MuchiHeberu, “eyi hohu.”
Hela “mwami mwakujinda.”
Hela “nvula yachishika yitooka.”
Hela “Swekaku chamesu eyi.”
Hela “jimaku.”
MuchiHeberu, “Nkwashi niikali naspiritu yakudihana.”
Hela “kuwutiya wuzondu.”
Talenu Kulumbulula.
Hela “mpwembu yindi.”
Hela “wabatamini mutufuta.”
MuchiHeberu, “hakukala kwaleteliyi yomweni.”
Talenu Kulumbulula.
Talenu Kulumbulula.
Hela “Wabula maana.”
Hela hekwawu, “Kutiya woma hachuma chatela kubula kutiyilahu woma.”
MuchiHeberu, “anakukutuñila chilombu kulonda akwimakeni.”
Talenu Kulumbulula.
Hela “nlembeleliku muloña wami.”
Hela “Hiyamushaña Nzambi hambidi yawuku.”
Hela “yimweneshi.”
Talenu Kulumbulula.
Hela “bayi wuswama neyi nilomba wukwashuku.”
Hela “kankudimba.”
MuchiHeberu, “aambulaku idimi dawu.”
Hela “muntu, mutwesekena.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “manteka.”
Hela “kutedañila.”
Hela “Kankudimba.”
Talenu Kulumbulula.
Hela “nakunsumona.”
MuchiHeberu, “mujimba.”
Hela “wumi wami.”
Talenu Kulumbulula.
Hela “wumi wami wabatamaña.”
Hela “Wumi wami anawunyeñumuki.”
Hela “Wumi wami wunadibuki heseki.”
Talenu Kulumbulula.
Hela “atama.”
MuchiHeberu, “hafuminiwu mwivumu.”
Kapela wadifwana nanfwiji.
Hela “nyenzi yanyitupa yawamayala.”
Talenu Kulumbulula.
Hela “adi nampwila yamashi.”
Hela “kaposhi kakiñewa.”
Talenu Kulumbulula.
Hela hekwawu, “Wunayisoñamishi.”
Hela hekwawu, “mwiluña dindi dajila.”
MuchiHeberu, “mpwembu yamutu wami.”
Hela hekwawu, “wakiñewa.”
Hela “wunazeyi.”
MuchiHeberu, “Kumafuku amwanta.”
Hela “Wakashakama.”
Talenu Kulumbulula.
Hela “wumi wami wamuhembelelaña.”
Hela “kaposhi kakiñewa.”
Hela hekwawu, “Ejima wenu, neyi kwiji wadiña mbañu yaheña, neyi mbañu yakutuña namalola yinakukeña kuhumuka.”
Hela “kulema kwindi.”
Hela “hembelelaku nakudiwunjika, eyi wumi wami.”
Hela “Wumi wami wakutiyilaña.”
MuchiHeberu, “Mujimba wami wunahwidili.”
Hela “Wumi wami walamataña.”
Hela “kunjaha.”
Hela “kudisamba.”
Hela “Adikoleshaña wumu namukwawu kwila yuma yatama.”
Hela “kudisamba.”
MuchiHeberu, “nyijimba yejima yakenza.”
Hela “iluña deyi dajila.”
MuchiHeberu, “Yena.”
MuchiHeberu, “Yena.”
MuchiHeberu, “Yena.”
MuchiHeberu, “nakudiletesha disumpokeña.”
MuchiHeberu, “jasotokaña manji.”
MuchiHeberu, “kusotoka.”
Hela “kutedañilaku.”
MuchiHeberu, “hankuma jetu.”
MuchiHeberu, “hanyitu yetu.”
Hela “yineliliyi wumi wami.”
Hela “dakamulemesha.”
Hela hekwawu, “hamavu.”
“Ya” hiijina daYehova muwihi.
MuchiHeberu, “nsompeshi.”
Antu akasawu mukaleya.
Hela “akakudikaña.”
MuchiHeberu, “hiwayitwaminini.”
MuchiHeberu, “davwili.”
MuchiHeberu, “wuswana.”
Hela “yansela yakubomba namenji amatamba.”
MuchiHeberu, “anyanta adiñamu.”
Hela “nvula yachishika yitooka.”
Hela “Chadiña neyi kwiji sino yanokeli muZalimoni.”
MuchiHeberu, “Muyipompelu.”
Hela hekwawu, “nakudatola.”
Hela hekwawu, “Añimeni akenza.”
MuchiHeberu, “mumavu.”
MuchiHeberu, “lweyi.”
Hela “anenzi kuwumi wami.”
Hela “Ayilumbu jami chakadi muloña.”
Hela hekwawu, “Hinadilili nakuleka kuda.”
MuchiHeberu, “chishimu.”
Hela “ibuku.”
Hela “Inzaku kwakwihi nawumi wami kulonda wuwutambuli.”
Hela “nawa nashiki hachipimu chakuzeya.”
Hela “mutondu wafwana.”
Hela “ndulu.”
Hela “Chilombu chawu chidi mumpwembu.”
Hela “mumukanda wawumi.”
Dikwila nawu, ituña.
Hela “kujaha wumi wami.”
Hela “Noñamaku wutiyilili.”
Hela “Yeyi inashindamena.”
Hela “akeñaña wumi wami.”
Hela “wumi wami.”
Hela “kuchinda.”
MuchiHeberu, “chikasa.”
Hela “mumanyiñi amenji.”
Hela “wunakuuli wumi wami.”
Hela “dikutoñojokaña chikupu.”
MuchiHeberu, “asompeshi.”
MuchiHeberu, “wakatutuka.”
Dikwila nawu, Yufurati.
Hela “Wakakuula mawumi awu.”
Hela “akakudisamba.”
Hela “Ivumu dawu datoha.”
MuchiHeberu, “kutoha kwawu kwaleteshaña.”
MuchiHeberu, “ikiñu dawanyaneyi.”
MuchiHeberu, “wakahela.”
MuchiHeberu, “munshiya jami.”
MuchiHeberu, “wakamumwenesha.”
Talenu Kulumbulula.
MuchiHeberu, “chipompelu cheyi.”
Hela “maluña ejima mwadifukwilañawu kudi Nzambi.”
Hela “muchakuvwala cheyi.”
Talenu Kulumbulula.
Hela “yejeji.”
Hela “kankudimba.”
MuchiHeberu, “nseñu.”
MuchiHeberu, “nseñu.”
Hela “lupasa.”
MuchiHeberu, “nseñu.”
MuchiHeberu, “nseñu.”
Hela “Eyi wadivuñila muchejeji.”
MuchiHeberu, “spiritu.”
Talenu Kulumbulula.
MuchiHeberu, “kutiya wujinji.”
MuchiHeberu, “spiritu yami yahwidilaña.”
MuchiHeberu, “Spiritu yami yasandujolaña.”
Hela “dichinanchokoli.”
MuchiHeberu, “wunayikuuli.”
MuchiHeberu, “nachikasa cheyi.”
Hela “iseki dawushi.”
MuchiHeberu, “Kuzatisha chikasa.”
Talenu Kulumbulula.
Hela “kukuleja kwami.”
MuchiHeberu, “kudiloñesha.”
Hela “yakuda yawumi wawu.”
Hela “dawañelu.”
Hela “Mukakutenda.”
MuchiHeberu, “Wabutileña.”
Hela hekwawu, “Spiritu yinakuya nawa hiyafuntañaku.”
Hela “amukatishili.”
MuchiHeberu, “chikasa.”
MuchiHeberu, “dayikuuliliyi.”
MuchiHeberu, “wajahili wumi wawu.”
Hela “amutiyishili mukawu.”
Awa hiyambanda abula kukaamahu dehi nawamayala.
MuchiHeberu, “Nawa ajiki indi ayishimekeli wanyi.”
MuchiHeberu, “Watuñili iluña dindi dajila neyi tuposhi.”
MuchiHeberu, “butaku.”
Muntu akasawu mukaleya.
MuchiHeberu, “chikasa cheyi.”
Hela hekwawu, “wuumbiku.”
MuchiHeberu, “anyana kakufwa.”
Hela hekwawu, “hakachi kawakerubi.”
Hela “Mwekeshaku chejeji cheyi.”
MuchiHeberu, “kuzuwa.”
Dikwila nawu, Yufurati.
Hela “mutayi.”
MuchiHeberu, “wakuzuwa kwahamesu eyi.”
Talenu Kulumbulula.
Iyi hiñoma yanyanya kwakudekawu tuyikuñu nawa neyi ayinyinkesha yavumaña neyi manchakayi.
Dikwila nawu, Nzambi.
Hela “idimi.”
MuchiHeberu, “mwiluña daswamanyika dakudidima.”
Daya mukwila nawu, “Kubobola.”
MuchiHeberu, “Endeli mwadikasileñawu.”
MuchiHeberu, “mpinji.”
MuchiHeberu, “yena,” dikwila nawu, antu jaNzambi.
MuchiHeberu, “manji atidiku.”
Hela “muchipompelu chaNzambi.”
Hela “kawantu adi neyi Nzambi.”
Hela “Sompelakuku.”
Hela “adifwana naNzambi.”
Hela “wukañanya kuhosha.”
Hela “anenuni nyitu yawu.”
MuchiHeberu, “iwasweka.”
MuchiHeberu, “Atiyañanaña namuchima wumu.”
MuchiHeberu, “anekali chikasa kudi.”
Hela “kumuhoñi.”
Hela “anlomboli.”
MuchiHeberu, “Yinzeshi.”
Talenu Kulumbulula.
Hela “Ochiyasweja kuwaha.”
Hela “chinekineki chayiputa yabeka.”
Hela hekwawu, “Talaku hankebu yetu, eyi Nzambi.”
MuchiHeberu, “Wabutili.”
Hela “Tupompeshi cheñi.”
Hela “kwakamena.”
Hela “Noñamaku wutiyilili.”
Hela “wumi wakambuñeyi.”
Hela “nanyamuni wumi wami.”
Hela “Nyinki muchima wumu.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “kujaha wumi wami.”
Hela “hiyanakushi hambidi yawuku.”
Hela “nichalala.”
Hela “wunsahu.”
Hela “Kudi ami, yeyi nsulu yayuma yejima.”
Talenu Kulumbulula.
Talenu Kulumbulula.
Hela “Noñamaku wutiyilili.”
Talenu Kulumbulula.
Hela “Shelu,” dikwila nawu, ijamu dawantu ejima. Talenu Kulumbulula.
Hela “mwijamu.”
Hela “Nekali neyi iyala wunabuli ñovu.”
MuchiHeberu, “kuchikasa cheyi.”
Hela “muAbadoni.”
Hela “chiwakaaninaña wumi wami.”
Hela hekwawu, “hampinji yimu.”
Talenu Kulumbulula.
MuchiHeberu, “mbutu.”
MuchiHeberu, “nseñu.”
MuchiHeberu, “nseñu.”
Hela “wuswa.”
MuchiHeberu, “mbutu.”
Hela “wunsompeshi.”
MuchiHeberu, “Hela kutwamba nakashinshi kamiku.”
MuchiHeberu, “lubutu.”
Hela “kapundu kindi kamalola.”
MuchiHeberu, “wunanyamwini chikasa chachidiilu chawakankunyi nindi kwiwulu.”
Hela “kwamwina wumi windi.”
Hela “Shelu,” dikwila nawu, ijamu dawantu ejima. Talenu Kulumbulula.
MuchiHeberu, “Ochinnasendi muntulu.”
Hela hekwawu, “chiswamu chetu.”
Hela “wuvwali neyi nanyisoñu yakuvwala.”
Hela “Kufuma haya nyaaka nakuya haya nyaaka.”
Hela “Weluka yiluwa yetu.”
Hela “wumi wetu wajimañanaña.”
Hela “kudishishimona.”
Hela “muloña wudi nañovu yadimena.”
Hela “wushimati chikupu.”
Hela “wushimati chikupu.”
Hela “itambi”
Hela “wakakujikilila.”
MuchiHeberu, “chakakabishañawu.”
Hela hekwawu, “mpwembu; chiswamu.”
Kapela wadifwana nanfwiji.
MuchiHeberu, “nadinuñi kudi ami.”
Hela “weteja.”
Hela “wakamona wamwinu wami.”
Hela “kuvumisha yingongu.”
Hela “matahu.”
MuchiHeberu, “nseñu.”
Hela “ñombi yampata yachizamba.”
Hela “neyi mutu wunatookashani nanvu.”
MuchiHeberu, “atoha.”
Hela “Iseki dawushi.”
Hela “Kwila ditedañila nehi.”
Hela “kwatelela.”
MuchiHeberu, “watumbili.”
MuchiHeberu, “nadi kushakama chamwena.”
Hela “Yitoñojoka yankabishileña.”
Hela “chiyavulili mumuchima wami.”
Hela “anyuuli; ansompeshi atama anateli.”
Hela “wumi wamuntu waloña.”
MuchiHeberu, “Nawa mashi amuntu wakadi muloña ayifwishaña namuloña (atama).”
Hela “kaposhi kami kakiñewa.”
MuchiHeberu, “wakayimwenesha.”
MuchiHeberu, “wakayimwenesha.”
MuchiHeberu, “amuchikasa chindi.”
Daya mukwila nawu, “Kubobola.”
Daya mukwila nawu, “Kweseka.”
Hela “Kulema.”
Hela “Difukulenu.”
Hela hekwawu, “muloña walubanji lwakujila kwindi.”
Hela “Iseki dawushi.”
Hela “Kwila ditedañila nehi.”
Hela “Wakahakwilaku muloña wawantu.”
Hela “nenzi.”
Hela “iseki dawushi.”
Hela “Difukulenu.”
Hela “Jimbaka.”
MuchiHeberu, “Anyana kaYuda awambanda.”
Hela “kuñovu yawantu atama.”
MuchiHeberu, “chanukishu chindi.”
Hela “chinamushindiliku.”
Hela “kushinda kwaNzambi yetu.”
Hela “vumishenu yingongu.”
Hela “Muvumishilenu Yehova yingongu.”
Hela “Iseki dawushi.”
Hela “nenzi.”
Hela “iseki dawushi.”
Hela hekwawu, “hakachi.”
Hela “difukwilenu.”
MuchiHeberu, “watendeli.”
Hela “difukulenu.”
Hela “Itejenu.”
Hela hekwawu, “nawa etu aweniku.”
Hela “nukukuvumishila yingongu.”
Hela “yuma yamukunkulwayiku.”
Hela “Yilwilu yawu hiyinankundamiku.”
MuchiHeberu, “keluka.”
Hela “nakashinshi.”
MuchiHeberu, “hambidi yamesu amiku.”
Hela “nakajahaña.”
Hela “yinazeyiyi.”
Hela “Noñamaku wutiyilili.”
Hela hekwawu, “Nakosi chikupu.”
Hela “wunakuleha.”
Hela “ijina.” MuchiHeberu, “chanukishu.”
MuchiHeberu, “ayileñi.”
Muntu akasawu mukaleya.
Hela “Wumi wami wumushimeki.”
Hela “mwijamu.”
Hela “kuwaha.”
MuchiHeberu, “Nawa iluña dawu hidawilukaña cheñiku.”
Hela “kufuma kunyaaka nakuya kunyaaka.”
MuchiHeberu, “Nakutiyilila chivumina chezu dindi.”
Hela “mumaluña achiyuulu chindi.”
Hela “Wumi wami wumushimeki.”
Hela “kulema.”
MuchiHeberu, “mumenji.”
Hela “Dakatedañila wanyi.”
Hela “munyihoñi.”
MuchiHeberu, “muchima wamuntu.”
Hela “nyenzi yanyitupa yawamayala.”
Talenu Kulumbulula.
Hela “Nukumuvumishila Nzambi yami yingongu.”
Hela hekwawu, “Yuma yinatoñojokaña hadi yena yiikali yayiwahi.”
Hela “Wumi wami wumushimeki.”
Hela “Haleluya!” “Ya” hiijina daYehova muwihi.
Hela “muvumishilenu yingongu.”
Hela hekwawu, “Hoshenuña.”
MuchiHeberu, “Keñakeñenu kumesu indi.”
Hela “amuchisaka.” MuchiHeberu, “mbutu.”
MuchiHeberu, “Izu dashimwiniyi.”
MuchiHeberu, “Wakotweli mbwechi jamankendi jejima.” Hadaha anakutalisha kumbwechi kwakudikileñawu mankendi.
MuchiHeberu, “Akabishili.”
Hela “Wumi windi weñilili muchikuñu.”
MuchiHeberu, “Kulonda kukasa.”
Hela “nachinakeñi wumi windi.”
Hela “nyizuzu yakesi.”
MuchiHeberu, “ayitiyileña wena.”
Hela “Haleluya!” “Ya” hiijina daYehova muwihi.
Hela “Haleluya!” “Ya” hiijina daYehova muwihi.
Hela “kuwaha.”
Hela “hiyelukili mwatalishili.”
Hela “mwisaña.”
Hela “washalilihu.”
Hela “chifwikija chakweñununa.”
MuchiHeberu, “wemeni mwipwata kumesu indi.”
Hela “nakudilamika aweni.”
Dikwila nawu, nyilambu yalambwileñawu kudi afu hela anzambi abula wumi.
Daya mukwila nawu, “Kubobola.”
Hela “Adizili.”
MuchiHeberu, “kuchikasa chawu.”
Hela “wadiña nakuditoñesha.”
Hela “kwakuvulu.”
Hela “kufuma kunyaaka nakuya kunyaaka.”
Hela “Chiikali mwomwenomu!”
Hela “Haleluya!” “Ya” hiijina daYehova muwihi.
Hela “kuñovu yamukankunyi.”
Hela “Kufuma kwaselelaña itena nikufuma kwahuminaña itena.”
Hela “Wumi wawu watiyili.”
Hela “yawumi wominina.”
Hela “wumi wadiña nanzala wawikutishili.”
Antu akasawu mukaleya.
Hela “Wumi wawu waheleli yakuda.”
Hela “wumi wawu.”
MuchiHeberu, “hayitwamu.”
Hela “wayishaña hewulu,” dikwila nawu, hahalehi chikupu.
MuchiHeberu, “nakulema kwami.”
Hela “Nukukuvumishila yingongu.”
Hela hekwawu, “mwiluña dindi dajila.”
MuchiHeberu, “mpwembu yamutu wami.”
Hela “Mukakuhana nyiloña.”
Hela “watama.”
MuchiHeberu, “Anyanindi awamayala.”
MuchiHeberu, “Anyanindi awamayala.”
Hela “Akakusondamisha atiili nyihetu.”
Hela “wakumumwekeshela kukeña kwakashinshiku.”
Hela “Ejikulwindi.”
Hela “kukeña kwakashinshiku.”
Hela “wumi wami.”
MuchiHeberu, “Mujimba wami wunakosi chikupu, chakubula manji.”
Hela “chakuvwala chakadi makasa.”
Hela “hefuku dakapompawu mashidika eyi.”
Hela “hamba kaditoñeshaku.”
MuchiHeberu, “mutu.”
Hela “weseki dejima.”
Anakutena “Mwanta wami” muvasi 1.
Hela “Haleluya!” “Ya” hiijina daYehova muwihi.
Hela “kuwaha.”
Hela “jashimata chikupu.”
MuchiHeberu, “jena.”
Hela “Haleluya!” “Ya” hiijina daYehova muwihi.
Hela “kuwaha.”
Hela “namuzañalu.”
Hela “chakufuma hamuchima.”
MuchiHeberu, “Nseñu.”
Hela “Haleluya!” “Ya” hiijina daYehova muwihi.
Hela “washakamaña hetanda.”
Hela hekwawu, “hezalelu.”
MuchiHeberu, “anyana.”
Hela “Haleluya!” “Ya” hiijina daYehova muwihi.
Hela “Kudi etu kwosi chuma, eyi Yehova, kudi etu kwosi chuma.”
MuchiHeberu, “anyana.”
MuchiHeberu, “mukumwena.”
Hela “Haleluya!” “Ya” hiijina daYehova muwihi.
Hela hekwawu, “Namukeña muloña Yehova watiyaña.”
Hela “wanoñamaña nakutiyilila.”
MuchiHeberu, “mumafuku ami.”
MuchiHeberu, “Yihuñu yaShelu yanwanini.”
Hela “pulwishaku wumi wami.”
Hela “kuwaha.”
Talenu Kulumbulula.
Hela “wumi wami.”
Hela “kawamwinu wabadika.”
MuchiHeberu, “chalema.”
Hela “Haleluya!” “Ya” hiijina daYehova muwihi.
Hela “nyitaña.”
Hela “Haleluya!” “Ya” hiijina daYehova muwihi.
“Ya” hiijina daYehova muwihi.
Hela “mwiluña deneni.”
Hela hekwawu, “wudi hamu nanowu anakunkwasha.”
Hela hekwawu, “Wanshinjikili nañovu.”
Hela “nidakushinda.”
MuchiHeberu, “mutu wewombu.”
Hela “ahembaña kashinshi kawu.”
MuchiHeberu, “Inakutoña njila jami adi kujikolesha chikupu.”
Hela “Nukudizaña.”
MuchiHeberu, “Alumunaku hadi ami.”
Hela “wadizaña.”
MuchiHeberu, “njila.”
Hela “nidizeña.”
MuchiHeberu, “Nukutemukilaña.”
Hela hekwawu, “welishaña muchima wami kukuhwelela.”
Hela “Ñilishi nendi.”
Hela “kudiilahu yahewulu.”
Hela hekwawu, “Ochu chiwayikanini ana akutiyaña woma.”
Hela “nachiwahosheli.”
Hela “nahembelelaña.”
Hela “mwiluña deneni.”
Hela “nukudizaña.”
Hela “chikaninu chiwamukanini.”
Hela “Omu muwañilishili nihembeleli.”
Hela “Mwitala munashakamaña neyi ñiinza.”
Hela “Novwahishi (Nakeñi chimwemweta) kumesu eyi.”
Hela “nachiwahosheli.”
Hela “nadiña nakukoña nshidi chakubula kwiluka.”
MuchiHeberu, “watuvuka, neyi manji.”
Hela “nahembelelaña izu deyi.”
Hela hekwawu, “namakudi.”
Hela “nukudizaña.”
Hela “Wumi wami wakeñeshaña.”
Hela “nahembelelaña izu deyi.”
Dikwila nawu, yileñaleña yindi yejima.
MuchiHeberu, “jaya hohu-u.”
Hela “Najidizaña.”
Hela “nadizaña.”
MuchiHeberu, “nyilambu yakudikeñela yakukanwa kami.”
Hela “Wumi wami wekala muchikasa chami mpinji yejima.”
Hela “wuswana wami wahaya nyaaka nanyaaka.”
MuchiHeberu, “Nelishi mumuchima wami.”
Hela “nahembelelaña izu deyi.”
Hela “kwesekeja nachiwahosheli.”
Hela “nsonyiku.”
MuchiHeberu, “musunyi.”
Hela “Nimazu eyi aloña.”
Hela “yakweñununa.”
Hela “nshimbi.”
Hela “wumi wami wuyovwahileña.”
MuchiHeberu, “nakwonashana.”
MuchiHeberu, “Kwesejeka nawunsompeshi weyi.”
Hela “Koleshaku nyendu yami.”
MuchiHeberu, “Nkuuli.”
Hela “chitumbili chimwemweta.”
Hela “itena kanda diseli.”
Hela “nahembelelaña mazu eyi.”
Hela “nidizeña.”
Hela “muyilwilu yawuzondu.”
Hela “Nsompeliku muloña wami.”
Hela “nachiwahosheli.”
Hela “Kudi wena kwosi chuma chakuhukeshaku.”
Hela “Wumi wami wahembaña.”
Hela “kwesekeja nachiwunahoshi.”
Talenu Kulumbulula.
MuchiHeberu, “nawa yumanyi Yikubombelayi kudi eyi?”
Hela “Wumi wami wunashakami.”
Hela “kutedañilaku.”
MuchiHeberu, “chiwakedikaña nichiwakeñilaña.”
Hela “Haleluya!” “Ya” hiijina daYehova muwihi.
Hela “mbañu jakola.”
Hela “wumi wetu.”
Hela “wumi wetu.”
Hela “Wumi wetu wudi.”
Hela “nyihoñi mukabeta kakuchidiilu.”
Hela “Anyana.”
Hela “kuchinda.”
“Ya” hiijina daYehova muwihi.
Hela “Wumi wami wachiñililaña chikupu.”
Hela “ami aweni.” Talenu kulumbulula.
Hela “Tabanaka yeneni.”
Hela “tabanaka yindi yeneni.”
MuchiHeberu, “kubalumuna chamesu.”
MuchiHeberu, “nseñu.”
Hela hekwawu, “mwiluña dajila.”
Hela “Haleluya!” “Ya” hiijina daYehova muwihi.
Hela “kuvumisha yingongu.”
Hela “iheta dalemeshewa.”
Hela “luuya.”
Hela “ijina.” MuchiHeberu, “chanukishu.”
Hela “wakasompelaku.”
Hela “luwi.”
Hela “nakashinshi.”
MuchiHeberu, “muyikunku.”
MuchiHeberu, “nyijimba yejima.”
Kutena Babiloni.
Hela hekwawu, “chuumi.”
Hela hekwawu, “nakudikaña nawanzambi acheñi, nukukuvumishila yingongu.”
Hela “iluña dajila.”
Hela hekwawu, “wunatoheshi mazu eyi kubadika ijina deyi dejima.”
Hela “kuhamuka muwumi wami.”
MuchiHeberu, “kupima.”
Hela “kunanhayamishi chikupu.”
Hela “kunasweji, kwila nikwiluka nehi.”
Hela “Shelu,” dikwila nawu, ijamu dawantu ejima. Talenu Kulumbulula.
Hela hekwawu, “wampikwili.”
Hela “Wumi wami weluka.”
Hela hekwawu, “nukutwesha kuyichinda.”
Hela “muloña wamashi.”
Hela “kwesekeja nayitoñojoka yawu.”
Hela “Mumabuku amenji.”
Hela “mwituña.”
Hela “Shelu,” dikwila nawu, ijamu dawantu ejima. Talenu Kulumbulula.
Hela “kuhuñununa wumi wami.”
Talenu Kulumbulula.
Hela “ñovu.”
MuchiHeberu, “wañilukañaku.”
MuchiHeberu, “Iseka dami.”
Hela “wumi wami.”
Hela “Ñovu.”
MuchiHeberu, “Spiritu.”
Hela “ijamu.”
Hela “Muloña nanyamunaña spiritu yami kudi eyi.”
Hela “mwituña dakwoloka.”
MuchiHeberu, “kumwenesha.”
Hela “kaposhi kakiñewa.”
Hela “fumbaku.”
Hela “kukwata.”
MuchiHeberu, “Nawa chikasa chawu chachidiilu hichikasa chachidiilu chatwambaña.”
Hela “kuvumisha yingongu.”
Hela “wamwinu.”
Hela “hijakabalukaku.”
Hela “ñovu.”
Hela “kuwaha.”
MuchiHeberu, “nyijimba yejima.”
Hela “Haleluya!” “Ya” hiijina daYehova muwihi.
Hela “kuvumisha yingongu.”
Hela “antu alema.”
Hela “muuya.”
Antu akasawu mukaleya.
Hela “waheñeshaña njila jawantu atama.”
Hela “Haleluya!” “Ya” hiijina daYehova muwihi.
Hela “Haleluya!” “Ya” hiijina daYehova muwihi.
Hela “kuvumisha yingongu.”
MuchiHeberu, “manji.”
Hela “nvula yachishika yitooka.”
Hela “ayisi.”
Hela “Haleluya!” “Ya” hiijina daYehova muwihi.
Hela “Haleluya!” “Ya” hiijina daYehova muwihi.
MuchiHeberu, “mawulu amawulu.”
Hela “nvula yachishika yitooka.”
MuchiHeberu, “ajiki.” Awa hiyambanda abula kukaamahu dehi nawamayala.
Hela “Akulumpi hamu niatwansi.”
MuchiHeberu, “nseñu.”
Hela “Haleluya!” “Ya” hiijina daYehova muwihi.
Hela “Haleluya!” “Ya” hiijina daYehova muwihi.
Hela “kuvumisha yingongu.”
Iyi hiñoma yanyanya kwakudekawu tuyikuñu nawa neyi ayinyinkesha yavumaña neyi manchakayi.
Hela “Haleluya!” “Ya” hiijina daYehova muwihi.
Hela “Haleluya!” “Ya” hiijina daYehova muwihi.
Hela “luzwizu lwashimunaña wunsahu.”
Iyi hiñoma yanyanya kwakudekawu tuyikuñu nawa neyi ayinyinkesha yavumaña neyi manchakayi.
Hela “ihululu.”
Hela “Haleluya!” “Ya” hiijina daYehova muwihi.