Malwihu aKudiza amuMukanda Wami waMpanji Jamu Bayibolu
Mpanji 1
1. Indi yuma yejima yayiwahi yafuma kudihi, wunatweshi kuhana chakutalilahu?
2. Indi Nzambi wasambilili kuleña chumanyi?
3. Muloñadi kañelu watachi chadiñayi walema?
4. Lumbululaku chidamwekeneña iseki hakusambila. (Talaku hamwevulu.)
5. Indi Nzambi watachikili ñahi kuyiloñeshela antu nianyama iseki?
Malwihu amakwawu:
1. Tañaku Yeremiya 10:12.
Yililwinyi yaNzambi yamwekeshayi kuhitila mukuleña kwindi? (Isa. 40:26; Rom. 11:33)
2. Tañaku Akolose 1:15-17.
Mbadinyi yazatiliyi Yesu hakuleña, nawa ichi chinatweshi kutwikuma ñahi chitwamumonaña? (Kol. 1:15-17)
3. Tañaku Kutachika 1:1-10.
(a) Indi iseki dafumini kudihi? (Kutach. 1:1)
(b) Chumanyi chamwekeni hefuku datachi dakuleña? (Kutach. 1:3-5)
(c) Shimunaku chuma chamwekeni hefuku damuchiyedi dakuleña. (Kutach. 1:7, 8)
Mpanji 2
1. Indi Nzambi waloñesheli ñahi iseki kulonda dikali mukala wetu?
2. Shimunaku anyama amaneni amboka-amboka aleñeliyi Nzambi. (Talaku hamwevulu.)
3. Muloñadi itempa daEdeni chidadiñileña dambukaku?
4. Indi Nzambi wakeñeli nindi iseki dejima dikali chumanyi?
Malwihu amakwawu:
1. Tañaku Kutachika 1:11-25.
(a) Chumanyi chaleñeliyi Nzambi hefuku damuchisatu? (Kutach. 1:12)
(b) Chumanyi chamwekeni hefuku dakuleña damuchiwana? (Kutach. 1:16)
(c) Anyama amuchidinyi aleñeliyi Nzambi hefuku damuchitanu nidamuchitanu nadimu? (Kutach. 1:20, 21, 25)
2. Tañaku Kutachika 2:8, 9.
Nyitondu yiyendinyi yadimenaku yenkeliyi Nzambi mwitempa, nawa yadiña nakwimenaku chumanyi?
Mpanji 3
Iyala Watachi niMumbanda Watachi
1. Munjilanyi mwevulu wudi haMpanji 3 muwunambukili namwevulu wudi haMpanji 2?
2. Hinyi waleñeli muntu watachi, nawa ijina dindi wadiña hinyi?
3. Indi Nzambi wamwinkeli Adama mudimwinyi?
4. Muloñadi Nzambi chamukamikililiyi Adama mutulu twatweni?
5. Adama naEvu adi kuhanda hadi nyaka yiñahi, nawa mudimwinyi wakeñeliyi Yehova nindi azateña?
Malwihu amakwawu:
1. Tañaku Masamu 83:18.
Nzambi ijina dindi hinyi, nawa chifulwinyi chadimena chakwetiyi hamaseki? (Yere. 16:21; Dan. 4:17)
2. Tañaku Kutachika 1:26-31.
(a) Chumanyi chakumishiliyi nachu Nzambi kuleña hefuku damuchitanu nadimu, nawa iku kuleña kwashiyañeniku ñahi nawanyama? (Kutach. 1:26)
(b) Kuloñeshanyi oku Yehova kwelililiyi muntu hamu nianyama? (Kutach. 1:30)
3. Tañaku Kutachika 2:7-25.
(a) Chumanyi chabombelelimu mumudimu waAdama wakutumba anyama majina? (Kutach. 2:19)
(b) Indi haKutachika 2:24 hatukwashaña ñahi kutiyishisha mmwenu yaYehova yamaluwi, kwambuka nikudiseña? (Mat. 19:4-6, 9)
Mpanji 4
Chaletesheli Kujimbesha Mukala Wawu
1. Chumanyi chinakuyimwekena Adama naEvu hamwevulu?
2. Muloñadi Yehova chayibabesheliyi?
3. Chumanyi kapela chamulejeliyi Evu?
4. Hinyi wamwilishili kapela kuhosha naEvu?
5. Muloñadi Adama niEvu chajimbesheliwu mukala wawu waParadisa?
Malwihu amakwawu:
1. Tañaku Kutachika 2:16, 17 ni 3:1-13, 24.
(a) Indi lwihu lwakapela lwamwihwiliyi Evu lwamutwambilili ñahi Yehova? (Kutach. 3:1-5; Yow. 5:3)
(b) Indi Evu wekala ñahi neyi chakutalilahu chakusoñamisha kudetu? (Fwi. 4:8, Yak. 1:14, 15; 1 Yow. 2:16)
(c) Munjilanyi Adama niEvu muyakañenyiwu kwiteja chiluwa hanzatili yawu? (Kutach. 3:12, 13)
d) Munjilanyi akerubi adiña kumusela wetempa daEdeni chiyatiyakesheliwu wanta waYehova? (Kutach. 3:24)
2. Tañaku Chimwekeshu 12:9.
Indi Satana watweshaña ñahi kufumisha antu kukuyula kwaNzambi? (1 Yow. 5:19)
Mpanji 5
Chihandilu chaMakabi Chinatachiki
1. Indi chihandilu chaAdama niEvu chadiña ñahi hanji yetempa daEdeni?
2. Chumanyi chatachikili kuyimwekena Adama niEvu, nawa muloñadi?
3. Muloñadi anyana kaAdama niEvu chashinakajilañawu nikufwa?
4. Neyi Adama niEvu amwovwahilili Yehova, chihandilu chawu nichawanyanawu chadi kwikala ñahi?
5. Indi kudikaña kwaEvu kwamuleteleleli ñahi makabi?
6. Indi anyana kaAdama niEvu atachi ayedi majina awu adiña anyi?
7. Indi awa anyana amakwawu adi hamwevulu hiyanyi?
Malwihu amakwawu:
1. Tañaku Kutachika 3:16-23 ni 4:1, 2.
(a) Indi chihandilu chaAdama chadiña ñahi namuloña wakushiñewa kweseki? (Kutach. 3:17-19; Rom. 8:20, 22)
(b) Muloñadi ijina daEvu, dalumbulula nawu “Wahandaña,” chidashikililimu? (Kutach. 3:20)
(c) Indi Yehova wayitili ñahi maana Adama niEvu hanyima yakuvulumuna? (Kutach. 3:7, 21)
2. Tañaku Chimwekeshu 21:3, 4.
Yumanyi “yakusambila” yiwunakutalila neyi wukayimoni chakayifumishahu?
Mpanji 6
1. Nyidimwinyi yadiñawu nayu aKena naAbeli?
2. Nyilambu yamuchidinyi yinamulambuliwu Yehova kudi Kena niAbeli?
3. Muloñadi Yehova chinatiyiliyi kuwaha namulambu waAbeli, nawa muloñadi chinabuliliyi kutiya kuwaha namulambu waKena?
4. Indi Kena himuntu wamuchidinyi, nawa munjilanyi Yehova munesekiyi kumwolwelayi?
5. Chumanyi chineliyi Kena hampinji yadiyi nkawindi namana kwindi mwisaña?
6. Lumbululaku chuma chamwekeni hanyima yakwila Kena najahi dehi mana kwindi.
Malwihu amakwawu:
1. Tañaku Kutachika 4:2-26.
(a) Indi Yehova walumbulwili ñahi kukala kwafwana kwadiña mudi Kena? (Kutach. 4:7)
(b) Indi Kena waswolweli ñahi yililu yamumuchima windi? (Kutach. 4:9)
(c) Indi Yehova wamonaña ñahi kumwaña mashi akadi muloña? (Kutach. 4:10; Isa. 26:21)
2. Tañaku 1 Yowanu 3:11, 12.
(a) Muloñadi Kena chazuwilililiyi, nawa ichi chazataña ñahi neyi chakutwibabeshaku makonu? (Kutach. 4:4, 5; Yish. 14:30; 28:22)
(b) Indi Bayibolu yamwekesha ñahi nawu hela tuhu amuchisaka chetu akudikaña naYehova, tunatweshi kuhemba kashinshi ketu? (Mas. 27:10; Mat. 10:21, 22)
3. Tañaku Yowanu 11:25.
Chumanyi chakanayi Yehova kutalisha kudi ejima afwa hasañu yakuloña? (Yowanu 5:24)
Mpanji 7
1. Indi Enoki wadiña wambukaku ñahi?
2. Muloñadi antu amumafuku aEnoki chakoñeleliwu yuma yayivulu yatama?
3. Yumanyi yatama yakoñeleñawu antu? (Talaku hamwevulu.)
4. Muloñadi Enoki chakeñekeleñayi kwikala womika?
5. Munana mafuku antu adiña nakushakama yaaka yiñahi, indi Enoki washakamini yaaka yiñahi?
6. Chumanyi chamwekeni hanyima yakufwa kwaEnoki?
Malwihu amakwawu:
1. Tañaku Kutachika 5:21-24, 27.
(a) Indi Enoki wadiña nawulunda wamuchidinyi naYehova? (Kutach. 5:24)
(b) Kwesekeja naBayibolu, hinyi muntu washakamini yaaka yayivulu, nawa wafwili nayaaka yiñahi? (Kutach. 5:27)
2. Tañaku Kutachika 6:5.
Kutama kushika hadi kwekalili hamaseki hanyima yakufwa kwaEnoki, nawa ichi chinesakani ñahi namafuku etu alelu? (2 Tim. 3:13)
3. Tañaku Aheberu 11:5.
Yililwinyi yaEnoki “yamuzañaleshili Nzambi chikupu,” nawa chumanyi chafuminimu? (Kutach. 5:22)
4. Tañaku Yuda 14, 15.
Indi eniKristu makonu anatweshi kwimbujola ñahi wulobu waEnoki neyi anakukonkomwena antu kutalisha kunjita yinakwinza yaAmagedoni? (2 Tim. 4:2; Heb. 13:6)
Mpanji 8
1. Chumanyi chamwekeni chelili añelu amakwawu aNzambi amutiyilili Satana?
2. Muloñadi añelu amakwawu chalekeleliwu mudimu wawu mwiwulu nakwinza hamaseki?
3. Muloñadi chichadiña chaluwa kudi añelu hakwinza hamaseki nakudilila nyijimba yawuntu awenawu?
4. Chumanyi chadiña chambukaku kudi anyana kawañelu?
5. Neyi chiwunakumona hamwevulu, chumanyi cheliliwu anyana kawañelu chekaliluwu antu asweja kutaluka?
6. Hanyima yaEnoki, iyalanyi wamuwahi washakamini hamaseki, nawa muloñadi Nzambi chamukeñeleliyi?
Malwihu amakwawu:
1. Tañaku Kutachika 6:1-8.
Indi Kutachika 6:6 yamwekeshaña ñahi nawu yililu yetu yinatweshi kufutwisha yitoñojoka yaYehova? (Mas. 78:40, 41; Yish. 27:11)
2. Tañaku Yuda 6.
Indi añelu “abulili kuhemba wanta wawu” mumafuku aNowa ekala ñahi neyi chakutwanukisha makonu? (1 Kor. 3:5-9; 2 Pet. 2:4, 9, 10)
Mpanji 9
1. Muchisaka chaNowa mwadiña antu añahi, nawa anyanindi asatu majina awu adiña diwu anyi?
2. Chumanyi chawenyi chamulejeliwu Nowa kuzata kudi Nzambi, nawa muloñadi?
3. Indi antuñi jaNowa akwili ñahi chelili yayileji hansañu yawatu?
4. Chumanyi Nzambi chamulejeliyi Nowa kwila kutalisha hadi anyama?
5. Hanyima yakwila Nzambi nenzeli dehi ipitu dawatu, chumanyi chadi kwilayi Nowa nichisaka chindi?
Malwihu amakwawu:
1. Tañaku Kutachika 6:9-22.
(a) Chumanyi chaletesheli Nowa yekali mukwakudifukula walema kudi Nzambi walala? (Kutach. 6:9, 22)
(b) Indi Yehova watiyaña ñahi kutalisha kumadombu, nawa ichi chinateli kutwikuma ñahi hakusakula yuma yakuzañalesha? (Kutach. 6:11, 12; Mas. 11:5)
(c) Munjilanyi mutwatela kumwimbujola Nowa neyi tutambwila kuleja kuhitila mukuloñesha kwaYehova? (Kutach. 6:22; 1 Yow. 5:3)
2. Tañaku Kutachika 7:1-9.
Indi walala wakwila nawu Yehova wamumweni Nowa muntu wabula kuwanina kwikala waloña kwatwikoleshaña ñahi makonu? (Kutach. 7:1; Yish. 10:16; Isa. 26:7)
Mpanji 10
1. Muloñadi chelili nvula yinatachiki dehi kwosi muntu niwumu watwesheli kwiñila muwatu?
2. Yehova wanokesheli nvula hadi mafuku añahi nimwaana niwufuku, nawa menji akunamini nakushika mudihi?
3. Chumanyi chazatikili kuwatu hatachikili menji kubuta iseki?
4. Komana antu asweja kutaluka apulukili haDibaji, nawa chumanyi cheliliwu atata jawantu ataluka?
5. Chimwahitili tukweji tutanu chumanyi chamwekeneni watu?
6. Muloñadi Nowa chetejeleliyi ikololu kwidika muwatu?
7. Nowa welukili ñahi nindi menji hamaseki ananyekumuki dehi?
8. Indi Nzambi wamulejeli Nowa nindidi hanyima yakwila yena nichisaka chidi adi muwatu kubadika hadi chaaka chimu?
Malwihu amakwawu:
1. Tañaku Kutachika 7:10-24.
(a) Wumi wajilimukili ñahi to-o hamaseki? (Kutach. 7:23)
(b) Komana chasendeli mpinji yayilehi ñahi hakwila nawu menji aDibaji anyekumuki nakwiñila hamaseki? (Kutach. 7:24)
2. Tañaku Kutachika 8:1-17.
Indi Kutachika 8:17 kwamwekeshaña ñahi nawu nkeñelu yaYehova yatachi kwiseki hiyahimpikiliku? (Kutach. 1:22)
3. Tañaku 1 Petulu 3:19, 20.
(a) Hampinji yafuntiliwu añelu akwakudikaña kwiwulu, atambwilili kusompesha kwamuchidinyi? (Yuda 6)
(b) Indi nsañu yaNowa nichisaka chindi yakoleshaña ñahi chikuhwelelu chetu muñovu jaYehova jakukuula antu jindi? (2 Pet. 2:9)
Mpanji 11
1. Neyi chinamwekeshiwu hamwevulu, chumanyi cheliliyi Nowa hampinji yedikiliyi hohu muwatu?
2. Nshimbinyi yamwinkeluwu Nowa nichisaka chindi kudi Nzambi hanyima yaDibaji?
3. Chikaninwinyi chakanini Nzambi?
4. Chitukumona kansuluñunda, chumanyi chikatela kutwanukisha?
Malwihu amakwawu:
1. Tañaku Kutachika 8:18-22.
(a) Komana munanu mafuku twatela kuhana ñahi “ivumba dadiwahi” kudi Yehova? (Kutach. 8:21; Heb. 13:15, 16)
(b) Chumanyi chamweniyi Yehova hanochu chekala muchima wamuntu, nawa twatela kubabala ñahi? (Kutach. 8:21; Mat. 15:18, 19)
2. Tañaku Kutachika 9:9-17.
(a) Chitiyañenwinyi chatiyañeniyi Yehova nayileñaleña yejima yahamaseki? (Kutach. 9:10, 11)
(b) Indi chitiyañenu chakansuluñunda chikatwalekahu nakushika kuyaaka yiñahi? (Kutach. 9:16)
Mpanji 12
1. Indi Nimirodi wadiña hinyi, nawa Nzambi wamutiyileña ñahi?
2. Haniwu mwevulu, muloñadi antu chiyadiñawu nakufwatula matafwali?
3. Muloñadi mudimu wakutuña chiwabulili kumutiyisha Yehova kuwaha?
4. Munjilanyi Nzambi mwalekesheleliyi kutuña kaposhi?
5. Indi musumba awuteneneña nawudi, nawa idi ijina dalumbuluka chumanyi?
6. Chumanyi chamwekeni kudi antu chelili Nzambi yaluwañeshi madimi awu?
Malwihu amakwawu:
1. Tañaku Kutachika 10:1, 8-10.
Nimirodi wamwekesheli yililu yamuchidinyi, nawa ichi chatwinkaña kubabesha kwamuchidinyi? (Yish. 3:31)
2. Tañaku Kutachika 11:1-9.
Chumanyi chiyakeñeleña hakutuña kaposhi, nawa muloñadi mudimu wakutuña chiyawukañesheleliwu? (Kutach. 11:4; Yish. 16:18; Yow. 5:44)
Mpanji 13
1. Antu amuchidinyi ashakamineña mumusumba waUri?
2. Indi iwu iyala wudi hamwevulu hinyi, wasemukili muchaakanyi, nawa washakamineña kudihi?
3. Indi Nzambi wamulejeli Abarahama kwila chumanyi?
4. Muloñadi Abarahama chamuteneneniwu nawu ibwambu daNzambi?
5. Hiyanyi ayili naAbarahama mpinji yafuminiyi muUri?
6. Chumanyi Nzambi chamulejeliyi Abarahama hampinji yashikiliyi kwituña daKenani?
7. Chikaninwinyi chamukaninuwu Abarahama kudi Nzambi hampinji yadiñayi nayaaka 99 yakuvwalika?
Malwihu amakwawu:
1. Tañaku Kutachika 11:27-32.
(a) Indi Abarahama naLoti wuntaña wawu wadiña ñahi? (Kutach. 11:27)
(b) Hela chakwila Tera amwitejeli kutuntuluka nachisaka chindi nakuya kuKenani, tweluka ñahi netu Abarahama diyi waletesheli iku kutuntuluka, nawa muloñadi cheliliyi ochu? (Kutach. 11:31; Yil. 7:2-4)
2. Tañaku Kutachika 12:1-7.
Kutoheshanyi kwachitiyañenu chawuAbarahama chakaniniyi Yehova hanyima yakwila Abarahama nashiki dehi mwituña daKenani? (Kutach. 12:7)
3. Tañaku Kutachika 17:1-8, 15-17.
(a) Kuhimpikanyi kwejina Abarahama kwatambwililiyi hampinji yadiñayi nayaaka 99 yakuvwalika, nawa muloñadi? (Kutach. 17:5)
(b) Nkiswinyi yakumbidi yamukaninuwu Sara kudi Yehova? (Kutach. 17:15, 16)
4. Tañaku Kutachika 18:9-19.
(a) HaKutachika 18:19, nyidimwinyi yikwetiwu atata jawantu? (Kuhit. 6:6, 7; Efwes. 6:4)
(b) Chakuhumañananyi chaSara chinakumwekesha nawu hitwatela kumusweka Yehova chuma chidi chejimaku? (Kutach. 18:12, 15; Mas. 44:21)
Mpanji 14
Nzambi Hakweseka Chikuhwelelu chaAbarahama
1. Chikaninwinyi chamukaninuwu Abarahama kudi Nzambi, nawa Nzambi wahembeli ñahi chikaninu chindi?
2. Neyi chinamwekeshiwu hamwevulu, Nzambi wesekeli ñahi chikuhwelelu chaAbarahama?
3. Chumanyi chelili Abarahama, hela chakwila hatiyishili muloña waweni wakuleja kwaNzambiku?
4. Chumanyi chamwekeni helili Abarahama yafumishi mpoku kulonda yajahi mwanindi?
5. Indi chikuhwelelu chaAbarahama mudi Nzambi chadiña chakola ñahi?
6. Indi Nzambi wamuloñesheleli Abarahama chumanyi chakulambula, nawa munjilanyi?
Malwihu amakwawu:
1. Tañaku Kutachika 21:1-7.
Muloñadi Abarahama chalamishililiyi mwanindi hefuku damuchitanu nachisatu? (Kutach. 17:10-12; 21:4)
2. Tañaku Kutachika 22:1-18.
Indi Isaka wamwekesheli ñahi kwovwahila kudi tata yindi Abarahama, nawa ichi chamwekesheli ñahi chuma chalema chikazatika kumbidi? (Kutach. 22: 7-9; 1 Kor. 5:7; Fwi. 2:8, 9)
Mpanji 15
1. Muloñadi Abarahama naLoti chiyambukililuwu?
2. Muloñadi Loti chatondeliyi kushakama muSodoma?
3. Ind antu amuSodoma adiña ñahi?
4. Kubabeshanyi kwahaniniwu añelu ayedi kudi Loti?
5. Muloñadi ñoda Loti chabalumukililiyi ilola damuñwa?
6. Chumanyi chitukudizilaku kuchamuzatikilili ñoda Loti?
Malwihu amakwawu:
1. Tañaku Kutachika 13:5-13.
Hakumanisha kukala hakachi kawantu ayedi, tukudizilahu chumanyi kufuma kudi Abarahama? (Kutach. 13:8, 9; Rom. 12:10; Fwi. 2:3, 4)
2. Tañaku Kutachika 18:20-33.
Indi Yehova chazatiliyi naAbarahama chatwinkaña ñahi chikuhwelelu netu Yehova naYesu akasompesha mukuloña? (Kutach. 18:25, 26; Mat. 25:31-33)
3. Tañaku Kutachika 19:1-29.
(a) Indi iyi nsañu yamuBayibolu yamwekeshaña chumanyi hadi Nzambi chamonañayi wutumwa? (Kutach. 19:5, 13; Lev. 20:13)
(b) Chambwinyi chitwawanaña mujinjila omu Loti naAbarahama muyazatililuwu nawunlomboli waNzambi, nawa chumanyi chitukudizilaku? (Kutach. 19:15, 16, 19, 20; 22:3)
4. Tañaku Luka 17:28-32.
Ñoda Loti wadiña nayililwinyi yamuchima kutalisha hamaheta, nawa chinakuzatika ñahi neyi chakutubabesha? (Luka 12:15; 17:31, 32; Mat. 6:19-21, 25)
5. Tañaku 2 Petulu 2:6-8.
Kufwana neyi Loti, chumanyi chatela kwikala yitoñojoka yetu hadi idi ituña dabulaña kulemesha Nzambi datwinyeñumuka? (Ezek. 9:4; 1 Yow. 2:15-17)
Mpanji 16
Isaka Nasumbuli Mumbanda Wamuwahi
1. Indi awa eyala namumbanda adi hamwevulu hiyanyi?
2. Chumanyi cheliliyi Abarahama hakwila yamukeñeli mwanindi mumbanda, nawa muloñadi?
3. Indi kulomba kwañamba yaAbarahama akwakwili ñahi?
4. Rebeka wakwili nindidi chiyamwihwiliwu neyi chakwila wakeñeleña kusumbuka kudi Isaka?
5. Chumanyi chamuzañalesheli Isaka cheñi?
Malwihu amakwawu:
1. Tañaku Kutachika 24:1-67.
(a) Rebeka wamwekesheli yililwinyi yayiwahi hampinji yamubulakeniyi ñamba yaAbarahama heshima? (Kutach. 24:17-20; Yish. 31:17, 31)
(b) Kuloñesha kwaAbarahama hadi Isaka, kwahanaña chakutalilahu chachiwahi chamuchidinyi kudi eniKristu makonu? (Kutach. 24:37, 38; 1 Kor. 7:39; 2 Kor. 6:14)
(c) Muloñadi chitwatela kuwanaku mpinji yakutoñojoka, neyi chelileñayi Isaka? (Kutach. 24:63; Mas. 77:12; Fwi. 4:8)
Mpanji 17
1. Esawu naYakoba adiñanyi, nawa adiña ambuka ñahi?
2. Esawu naYakoba adiña nayaaka yiñahi hampinji yafwili nkaaka yawu weyala Abarahama?
3. Chumanyi cheliliyi Esawu chaneñesheli chikupu mama yindi nitata yindi?
4. Muloñadi Esawu chamuhilililiyi mana kwindi Yakoba nankashi?
5. Kulejanyi Isaka kwamulejeliyi mwanindi Yakoba?
Malwihu amakwawu:
1. Tañaku Kutachika 25:5-11, 20-34.
(a) Chumanyi chaprofweteliyi Yehova kutalisha hadi anyana kaRebeka ayedi? (Kutach. 25:23)
(b) Chambwinyi chadiña hakachi kayililu yaYakoba naEsawu kutalisha hawuswana wawedi? (Kutach. 25:31-34)
2. Tañaku Kutachika 26:34, 35; 27:1-46; ni 28:1-5.
(a) Kubula kusakilila hayuma yakuspiritu kwaEsawu kwamwekeni ñahi? (Kutach. 26:34, 35; 27:46)
(b) Hakwila nawu Yakoba yatambwili nkisu yaNzambi, Isaka wamulejeli kwila chumanyi? (Kutach. 28:1-4)
3. Tañaku Aheberu 12:16, 17.
Chakutalilahu chaEsawu chamwekeshaña chumanyi kujafumañamu kudi owu adiwulaña yuma yajila?
Mpanji 18
1. Indi iwu kansi wamumbanda wudi hamwevulu hinyi, nawa chumanyi chinamwililiyi Yakoba?
2. Chumanyi chakeñeleñayi Yakoba kukoña hakwila nawu yamusumbuli Racheli?
3. Chumanyi chelili Labani chiyashikili mpinji yakwila nawu Yakoba yasumbuli Racheli?
4. Yakoba wetejeli kwila chumanyi hakwila Racheli yekali ñodindi?
Malwihu amakwawu:
1. Tañaku Kutachika 29:1-30.
(a) Hela tuhu Labani wamudimbili, Yakoba wadimwekesheli ñahi kwikala walemeshewa, nawa tukudizilaku chumanyi? (Kutach. 25:27; 29:26-28; Mat. 5:37)
(b) Chakutalilahu chaYakoba chamwekeshaña ñahi chambu hakachi kakukeña nakukeña kwakulusukila? (Kutach. 29:18, 20, 30; Kam. 8:6)
(c) Abambandanyi awana ekalili akwetala daYakoba nawa chimwahitili mafuku hiyakumuvwela anyana? (Kutach. 29:23, 24, 28, 29)
Mpanji 19
1. Anyana kaYakoba atanu nawumu avweliyi nañodindi watachi Leya, majinawu diwu anyi?
2. Nduñu yaLeya Zilipa wavweli anyananyi ayedi naYakoba?
3. Anyana ayedi avweliyi nduñu yaRacheli Biliha naYakoba majinawu adiñi anyi?
4. Anyananyi ayedi avweli Racheli, ilaña chumanyi chamwekeni hasemukiliyi mwana wamuchiyedi?
5. Kwesekeja namwevulu, Yakoba wadiña nawanyana awamayala añahi, nawa chumanyi chafumini mudi wenawa anyana?
Malwihu amakwawu:
1. Tañaku Kutachika 29:32-35; 30:1-26; ni 35:16-19.
Neyi chanachimwekeshiwu hadi anyana kaYakoba 12, anyana awamayala eniHeberu kakavulu ayitumbileña ñahi kushankulu?
2. Tañaku Kutachika 37:35.
Hela chakwila Dina diyi yatenawu hohu muBayibolu, tuneluki ñahi netu Yakoba wadiñi nawanyana awambanda kubadika hawumu? (Kutach. 37:34, 35)
Mpanji 20
1. Muloñadi Abarahama niIsaka chiyabulileñawu kukeña anyanawu kusumbula antu amwituña daKenani?
2. Komana Yakoba wetejeli mwanindi wamumbanda kwikala nawubwambu nawa nyana awambanda eniKenani?
3. Iwu iyala wunakumushinshika Dina hamwevulu hinyi, nawa chumanyi chatama chakoñeliyi?
4. Chumanyi cheliliwu ana kwa Dina aSimeyona naLevi chatiyiliwu chuma chamwekeni?
5. Komana Yakoba wetejeli china chuma chakoñeliwu aSimeyona naLevi?
6. Indi kukala kwejima kwatachikili ñahi muchisaka?
Malwihu amakwawu:
1. Tañaku Kutachika 34:1-31.
(a) Komana kudikunda kwaDina nawa nyana awambanda amwituña daKenani chadiña chuma chazatikili kamu hohu? Lumbululaku. (Kutach. 34:1)
(b) Muloñadi Dina chetejeleliyi chipimu chakukisañana wunkaña windi? (Ŋal. 6:7)
(c) Indi achinyiki makonu atela ñahi kumwekesha nawu anakuhemba chakutalilahu chakubabesha chaDina? (Yish. 13:20; 1 Kor. 15:33; 1 Yow. 5:19)
Mpanji 21
Yosefu Anamuheli kudi Ana Kwindi
1. Muloñadi ana kwa Yosefu chamutiyililiwu ichima, nawa chumanyi chakoñeliwu?
2. Chumanyi chinakukeñawu kumwila Yosefu kudi ana kwindi, ilaña Rubeni nahoshi nindidi?
3. Chumanyi chinamwekani chanenziwu eniIshimeli akwakulanda nakulandulula?
4. Chumanyi chaneliwu ana kwa Yosefu hakwila nawu tata yawu yatoñojoki nindi Yosefu nafwi?
Malwihu amakwawu:
1. Tañaku Kutachika 37:1-35.
(a) EniKristu atela kwimbujola ñahi chakutalilahu chaYosefu hakushimuna yiluwa muchipompelu? (Kutach. 37:2; Lev. 5:1; 1 Kor. 1:11)
(b) Chumanyi chaletesheli ana kwa Yosefu amukoñi katama? (Kutach. 37:11, 18; Yish. 27:4; Yak. 3:14-16)
(c) Chumanyi cheliliyi Yakoba chidi chashikila hakudila? (Kutach. 37:35)
Mpanji 22
1. Yosefu wudi nayaaka yiñahi yakusemuka hampinji yanamutwaliwu kuEjipitu, nawa chumanyi chinamwekani hampinji yinashikiyi kuna?
2. Komana Yosefu anamukasilidi mukaleya?
3. Mudimwinyi wunamwinkiwu Yosefu mukaleya?
4. Mukaleya, Yosefu namukoñeli chumanyi mukwakutwala lupasa kudi Fwaro nimukwakutuña mankendi?
5. Chumanyi chinamwekani hanyima yakumufumisha mukwakutwala lupasa mukaleya?
Malwihu amakwawu:
1. Tañaku Kutachika 39:1-23.
Hakuwana neyi hikwadiña nshimbi yakusoneka kufuma kudi Nzambi yadiña nakutanyisha wuvumbi mumafuku aYosefuku, chumanyi chamuleñesheli kumutemuka ñoda Potifwari? (Kutach. 2:24; 20:3; 39:9)
2. Tañaku Kutachika 40:1-23.
(a) Mukwihihisha lumbululaku chilota chamukwakutwala lupasa nikulumbulula kwamulejeliwu Yosefu kudi Yehova. (Kutach. 40:9-13)
(b) Chumanyi chaloteliyi mukwakutuña mankendi, nawa chadiñi nakulumbululadi? (Kutach. 40:16-19)
(c) Indi izaza danduñu wamaana nikashinshi dinakwimbujola ñahi yililu yaYosefu makonu? (Kutach. 40:8; Mas. 36:9; Yow. 17:17; Yil. 17:2, 3)
(d) Indi Kutachika 40:20 kwamwekeshaña ñahi chikupu ochu eniKristu chiyamonañawu kwanakana mafuku akuvwalika? (Mukwa. 7:1; Maku. 6:21-28)
Mpanji 23
1. Chumanyi chamumwekeneni Fwaro ifuku dimu nampinji yawufuku?
2. Muloñadi mukwakutwala lupasa nkumininaku chinamwanukiliyi Yosefu?
3. Neyi chinamwekeshiwu hamwevulu, yilotanyi yiyedi yaloteliyi Fwaro?
4. Indi Yosefu nahoshi nindi yilota yinakulumbulula chumanyi?
5. Yosefu nekali ñahi iyala walema nankashi muEjipitu wamuchiyedi kudi Fwaro?
6. Muloñadi ana kwa Yosefu chanenjiliwu kuEjipitu, nawa muloñadi chanabuliliwu kumwiluka Yosefu?
7. Yosefu nanuki chilotanyi, nawa chinamukwashi kutiyishisha chumanyi?
Malwihu amakwawu:
1. Tañaku Kutachika 41:1-57.
(a) Indi Yosefu washili ñahi muchima hadi Yehova, nawa munjilanyi eniKristu makonu muyatela kwimbujolawu chakutalilahu chindi? (Kutach. 41:16, 25, 28; Mat. 5:16; 1 Pet. 2:12)
(b) Indi yaaka yayakudya yayivulu muEjipitu niyaaka yanzala yalondelelihu yinambuki ñahi nanshakaminu yakuspiritu yawantu jaYehova nayaKristendomu makonu? (Kutach. 41:29, 30; Amosa 8:11, 12)
2. Tañaku Kutachika 42:1-8 ni 50:20.
Komana chekala chaluwa kudi akwakudifukula aYehova kufukamina muntu wudi nachifulu chalema mukavumbi nikalemesha neyi dikashidikilu kamunodu ituña? (Kutach. 42:6)
Mpanji 24
1. Muloñadi Yosefu chayitwambililiyi ana kwindi nidi hiyakwakwendesha ituña?
2. Muloñadi Yakoba chetejeleliyi mwanindi wakansi Benjamini, kuya kuEjipitu?
3. Indi lupasa lwaYosefu lwasiliva lweñilili ñahi munjeki yaBenjamini?
4. Chumanyi chinetejiyi Yuda kwila hakwila Benjamini amumbiku?
5. Indi ana kwa Yosefu abalumukili ñahi?
Malwihu amakwawu:
1. Tañaku Kutachika 42:9-38.
Indi kuhosha kwaYosefu kudi haKutachika 42:18 kunekalilidi chanukishu chachiwahi kudi owu akweti mudimu mukuloñesha kwaYehova makonu? (Nehe. 5:15; 2 Kor. 7:1, 2)
2. Tañaku Kutachika 43:1-34.
(a) Hela chakwila Rubeni diwadiñi wedi, indi Yuda wekaliliyi ñahi mukwakuhoshelaku ana kwindi? (Kutach. 43:3, 8, 9; 44:14, 18; 1 Kushi. 5:2)
(b) Indi Yosefu wayesekeli ñahi ana kwindi hatooka to-o, nawa muloñadi? (Kutach. 43:33, 34)
3. Tañaku Kutachika 44:1-34.
(a) Hamu neyi mwakutwambila nakudisweka kudi ana kwindi, Yosefu wadimwekesheli ñahi yomwenindi? (Kutach. 44:5, 15; Lev. 19:26)
(b) Indi ana kwa Yosefu amwekesheli ñahi nawu spiritu yechima yadiñawu nayu hatachi hadi mana kwawu yamana dehi? (Kutach. 44:13, 33, 34)
Mpanji 25
1. Chumanyi chinamwekani hampinji yinadilumbululiyi Yosefu kudi ana kwindi?
2. Chumanyi chinalumbululiyi Yosefu mumesu akuwunda kudi ana kwindi?
3. Indi Fwaro nahoshi nindidi chinatiyiyi hadi ana kwa Yosefu?
4. Chisaka chaYakoba chadiñi cheneni ñahi hampinji yatuntulukililuwu kuEjipitu?
5. Indi chisaka chaYakoba atachikili kuchitena nawudi, nawa muloñadi?
Malwihu amakwawu:
1. Tañaku Kutachika 45:1-28.
Indi nsañu yamuBayibolu yaYosefu yamwekeshaña ñahi nawu Yehova watela kubalumuna chuma chatela kukatisha ambuñindi muchuma chachiwahi? (Kutach. 45:5-8; Isa. 8:10; Fwi. 1:12-14)
2. Tañaku Kutachika 46:1-27.
Kukoleshanyi kwamwinkeliwu Yakoba kudi Yehova halwendu lwindi lwakuya kuEjipitu? (Kutach. 46:1-4)
Mpanji 26
1. Yoba wadiñanyi?
2. Indi Satana wesekeli kwila chumanyi, hanu dinu watwesheli?
3. Chumanyi Yehova chamwitejeli Satana kwila, nawa muloñadi?
4. Muloñadi ñoda Yoba chamulejeliyi nindi ‘Muhoshi Nzambi chatama wufwi?’ (Talaku hamwevulu.)
5. Neyi chiwunakumona hamwevulu wamuchiyedi, Yehova wamukiswilili Yoba ñahi, nawa muloñadi?
6. Neyi chakwila twikala neyi Yoba, twikala ashinshika kudi Yehova, nkiswinyi yitukatambwila?
Malwihu amakwawu:
1. Tañaku Yoba 1:1-22.
Indi eniKristu makonu atela kumwimbujola ñahi Yoba? (Yoba 1:1; Fwi. 2:15; 2 Pet. 3:14)
2. Tañaku Yoba 2:1-13.
Njilanyi jiyedi jambuka omu Yoba niñodindi muyazatililuwu nakukala kwaSatana? (Yoba 2:9, 10; Yish. 19:3; Mika 7:7; Mal. 3:14)
3. Tañaku Yoba 42:10-17.
(a) Kudifwananyi kudi hakachi kawufwetu watambwililiyi Yoba nichuma chatambwililiyi Yesu hakushakama wumi waloña? (Yoba 42:12; Fwi. 2:9-11)
(b) Chinatukoleshi ñahi hankisu yatambwililiyi Yoba hakuhemba kashinshi kindi kudi Yehova? (Yoba 42:10, 12; Heb. 6:10; Yak. 1:2-4, 12; 5:11)
Mpanji 27
Mwanta Watama Hakuyula muEjipitu
1. Haniwu mwevulu, iwu iyala wudi nachikoti hinyi, nawa hinyi wunakwetayi?
2. Hanyima yakufwa kwaYosefu, chumanyi chayimwekeneni aIsarela?
3. Muloñadi eniEjipitu chayichininiwu aIsarela?
4. Indi Fwaro wayilejeli ankoñu akwashileña ambanda aIsarela hakupaapa nindidi?
Malwihu amakwawu:
1. Tañaku Kutachika 1:6-22.
(a) Munjilanyi Yehova mwatachikililiyi kushikija kukana kwindi kudi Abarahama? (Kwid. 1:7; Kutach. 12:2; Yil. 7:17)
(b) Indi ankoñu aweniHeberu amwekesheli ñahi kulema kwawumi? (Kwid. 1:17; Kutach. 9:6)
(c) Indi ankoñu ayifweteli ñahi hachikuhwelelu chawu kudi Yehova? (Kwid. 1:20, 21; Yish. 19:17)
(d) Indi Satana wesekeli ñahi kukañesha nkeñelu yaYehova kutalisha kuMbutu yakaniniwu yaAbarahama? (Kwid. 1:22; Mat. 2:16)
Mpanji 28
Chamupulwishiliwu Mosi Hadiñayi Mukeki
1. Indiwu mukeki wudi hamwevulu hinyi, nawa nakwati kumunu wanyi?
2. Chumanyi cheliliyi mama yaMosi hakwila nawu yamupulwishi?
3. Indi kansi wamumbanda wudi hamwevulu hinyi, nawa chumanyi cheliliyi?
4. Chelili mwana kaFwaro wamumbanda yamuwani mukeki, Miriyami wafuukwilihu chumanyi?
5. Chumanyi chamulejeliwu mama yaMosi kudi mwana kamwanta wamumbanda?
Lwihu lukwawu:
1. Tañaku Kwidika 2:1-10.
Kukolekanyi kwadiña namama yaMosi hakufumba nikumudizisha Mosi hampinji yadiñayi kansi, nawa chakutalilahwinyi chahanayi kudi anvwali makonu? (Kwid. 2:9, 10; Kuhit. 6:6-9; Yish. 22:6; Efwes. 6:4; 2 Tim. 3:15)
Mpanji 29
1. Indi Mosi wakulilili kudihi, hanu dinu welukilihu chumanyi hadi anvwali jindi?
2. Chumanyi cheliliyi Mosi chashikijiliyi yaaka 40 yakuvwalika?
3. Chumanyi Mosi chamulejeliyi iyala kaIsarela wadiña nakuzuña, nawa iyala yeniwu wamwakwili nindidi?
4. Muloñadi Mosi chatemukililiyi nakufuma muEjipitu?
5. Indi Mosi watemukilili kudihi, nawa wabulakeninyi?
6. Chumanyi chelileñayi Mosi muyaaka 40 hanyima yakutemuka kufuma muEjipitu?
Malwihu amakwawu:
1. Tañaku Kwidika 2:11-25.
Hichidi namuloña wakudiza maana aweniEjipituku, Mosi wamwekesheli ñahi kashinshi kindi kudi Yehova nikudi antu jindi? (Kwid. 2:11, 12; Heb. 11:24)
2. Tañaku Yililu 7:22-29.
Chumanyi chitwatela kudizilaku hakufwila kwaMosi kupulwisha aIsarela kufuma muwuduñu wamuEjipitu kankawindi? (Yililu 7:23-25; 1 Pet. 5:6, 10)
Mpanji 30
1. Indi iyi mpidi yidi hamwevulu ayitenaña nawudi?
2. Lumbululenu chuma chakubula kumonañahu dehi chamweniyi Mosi hayiliyi kuniyi mpidi nanyikoku yindi.
3. Indi izu dafumini muchiputa chinakwati kesi dahosheli nawudi, nawa dadiñi izu danyi?
4. Indi Mosi wakwili nindidi hampinji yamulejeliwu kudi Nzambi nawu wukalombola antu jaNzambi kufuma muEjipitu?
5. Chumanyi chamulejeliwu Mosi kudi Nzambi kuhosha neyi chakwila antu amwihula wunamutumi?
6. Indi Mosi watela kumwekesha ñahi nindi Nzambi diyi wunamutumi?
Malwihu amakwawu:
1. Tañaku Kwidika 3:1-22.
Indi chakuhumañana chaMosi chinakutukolesha ñahi nawu hela chakwila tunaditiyi netu hitunashikilimu mukuzata mudimu wateokalasiku, Yehova watela kutukwasha? (Kwid. 3:11, 13; 2 Kor. 3:5, 6)
2. Tañaku Kwidika 4:1-20.
(a) Chumanyi chahimpikili muyililu yaMosi chamwekeni muyaaka 40 yashakaminiyi muMidiyani, nawa owu anakushika mukukoleka kwakuzata muyifulu yamu chipompelu akudizilaku chumanyi? (Kwid. 2:11, 12; 4:10, 13; Mik. 6:8; 1 Tim. 3:1, 6, 10)
(b) Hela chakwila Yehova watubabeshaña kuhitila mukuloñesha kwindi, chakutalilahu chaMosi chikutukolesha ñahi? (Kwid.4:12-14; Mas. 103:14; Heb. 12:4-11)
Mpanji 31
Mosi niAroni Anayi Nakudimona naFwaro
1. Yihayamisha yakoñeliwu aMosi niAroni yaletesheli aIsarela kwiladi?
2. Indi aMosi niAroni amulejeli Fwaro nawudi, indi Fwaro wakwili nindidi?
3. Neyi chinamwekeshiwu hamwevulu, chumanyi chamwekeni chelili Aroni yanatili mbwechi yindi hamaseki?
4. Munjilanyi Yehova mwamubabesheleliyi Fwaro, nawa Fwaro wakwili nindidi?
5. Chumanyi chamwekeni hanyima yachipupu chamwikumi?
Malwihu amakwawu:
1. Tañaku Kwidika 4:27-31 ni 5:1-23.
Indi Fwaro watalishili mudihi chahosheliyi nindi: ‘Hinamwiluka Yehova nihantiku’? (Kwid. 5:2; 1 Sam. 2:12; Rom. 1:21)
2. Tañaku Kwidika 6:1-13, 26-30.
(a) Munjilanyi mwabuliliyi Yehova kudilukishayi kudi Abarahama, niIsaka, niYakoba? (Kwid. 3:13, 14; 6:3; Kutach. 12:8)
(b) Chikutuletesha kutiya ñahi hakwiluka nawu Yehova watwalekelihu nakumuzatisha Mosi, hela chakwila Mosi wadimweneña neyi hashikila kukoña mudimu wamwinkeliwuku? (Kwid. 6:12, 30; Luka 21:13-15)
3. Tañaku Kwidika 7:1-13.
(a) Hampinji yahaniniwu aMosi niAroni wunsompeshi waYehova chakadi kutiya woma kudi Fwaro, chitalilwinyi chemikiliwu kudi antu jaNzambi amakonu? (Kwid. 7:2, 3, 6; Yil. 4:29-31)
(b) Indi Yehova wamwekesheli ñahi wuswa windi wabadika hadi anzambi aweniEjipitu? (Kwid. 7:12; 1 Kushi. 29:12)
Mpanji 32
1. Kuzatisha nyevulu yinamwekeshiwu hanu, lumbululaku yipupu yatachi yisatu yaleteliyi Yehova muEjipitu.
2. Chambwinyi chadiña hakachi kayipupu yatachi yisatu nayipupu yikwawu?
3. Chipupwinyi chadiña chamuchiwana, chamuchitanu, nichamuchitanu nakamu?
4. Lumbululaku chipupu chamuchitanu nachiyedi, nachisatu ninachiwana.
5. Chumanyi Yehova chayilejeliyi aIsarela kwila henohu chipupu chamwikumi kanda chimwekani?
6. Chipupu chamwikumi chadiña chankahi, nawa chumanyi chamwekeni hanyima yachi?
Malwihu amakwawu:
1. Tañaku Kwidika 7:19–8:23.
(a) Hela chakwila atutepa aweniEjipitu niwena atwesheli kusombolola yipupu yakusambila yiyedi, chumanyi chayikanjikijiliwu kwiteja hanyima yachipupu chamuchisatu? (Kwid. 8:18, 19; Mat. 12:24-28)
(b) Indi chipupu chamuchiwana chinamwekeshi ñahi wuswa waYehova wakukiña antu jindi, nawa kwiluka kweniku kunakukojeja antu jaNzambi kutiya ñahi neyi anamoni ‘yihuñu yeneni’ yashimwineñahu dehi? (Kwid. 8:22, 23; Chim. 7:13, 14; 2 Kushi. 16:9)
2. Tañaku Kwidika 8:24; 9:3, 6, 10, 11, 14, 16, 23-25; ni 10:13-15, 21-23.
(a) Mazanvwinyi ayedi amweni Yipupu Ikumi, nawa ichi chakwashaña ñahi mmwenu yetu yanana mazanvu makonu? (Kwid. 8:10, 18, 19; 9:14)
(b) Indi Kwidika 9:16 yinatukwashi ñahi kutiyisha muloña waweni Yehova wetejelayi Satana kwikalaku kushika nikulelu? (Rom. 9:21, 22)
3. Tañaku Kwidika 12:21-32.
Indi Paseka yinakojeji wamwinu kwikala ñahi waswayi kudi antu amavulu, nawa Paseka yadiña nakwimenaku chumanyi? (Kwid. 12:21-23; Yow. 1:29; Rom. 5:18, 19, 21; 1 Kor. 5:7)
Mpanji 33
1. Indi aIsarela awamayala niambanda nianyana afumini muEjipitu adiña añahi, nawa anyi ayili hamu nawu?
2. Indi Fwaro watiyili ñahi hanyima yakuyumbaku aIsarela, nawa chumanyi cheliliyi?
3. Chumanyi cheliliyi Yehova hakukañesha eniEjipitu kubula kuyilukuka antu jindi?
4. Chumanyi chamwekeni chelili Mosi yolweli mbwechi yindi haKaluñalwiji Kachinana, nawa chumanyi cheliliwu aIsarela?
5. Chumanyi chamwekeni chelili eniEjipitu anyakeli kuya mukaluñalwiji nakuyilondela aIsarela?
6. Indi aIsarela amwekesheli ñahi nawu atiyili muzañalu nikusakilila kudi Yehova hamuloña wakuyipulwisha?
Malwihu amakwawu:
1. Tañaku Kwidika 12:33-36.
Indi Yehova wachimweni ñahi nindi antu jindi ayifweteli kamuchiyedi hayaaka yashakaminiwu muwuduñu muEjipitu? (Kwid. 3:21, 22; 12:35, 36)
2. Tañaku Kwidika 14:1-31.
Indi mazu aMosi asonekawu haKwidika 14:13, 14, akwashaña ñahi antu jaYehova makonu hampinji yanakutalilawu njita yinakwinza yaAmagedoni? (2 Kushi. 20:17; Mas. 91:8)
3. Tañaku Kwidika 15:1-8, 20, 21.
(a) Muloñadi antu jaYehova chatela kumwimbilawu tumina? (Kwid. 15:1, 2; Mas. 105:2, 3; Chim. 15:3, 4)
(b) Ambanda awiniKristu amakonu ayimikila chitalilwinyi chakumwimbila Yehova kudi Miriyami niambanda haKaluñalwiji Kachinana? (Kwid. 15:20, 21; Mas. 68:11)
Mpanji 34
1. Hamwevulu, yumanyi yinakunonojolawu antu hamaseki, nawa ayitenaña nawudi?
2. Nshimbinyi Mosi yanayinkiyi antu hakunona manina?
3. Chumanyi Yehova chanayilejiyi antu nindi eleña hefuku damuchitanu nakamu, nawa muloñadi?
4. Chihayamishanyi chakoñañayi Yehova neyi ashiyahu manina nakushika kwifuku damuchitanu nachiyedi?
5. Yehova nayidyishi antu manina hadi yaaka yiñahi?
Malwihu amakwawu:
1. Tañaku Kwidika 16:1-36 niKuchinda 11:7-9.
(a) Indi Kwidika 16:8 yahoshaña nawudi kutalisha kunochu twatela kulemesha kusakula kwateokalasi muchipompelu chawiniKristu? (Heb. 13:17)
(b) Mwisaña, aIsarela ayanukishileña ñahi ifuku dejima chatela kushindamenawu hadi Yehova? (Kwid. 16:14-16, 35; Kuhit. 8:2, 3)
(c) Kubalumunanyi kwachifwikija kwahaniniyi Yesu kutalisha kumanina, nawa tunahetelimu ñahi ‘mudinkendi dakufuma kwiwulu’? (Yow. 6:31-35, 40)
2. Tañaku Yoshuwa 5:10-12.
A Isarela adyili manina hadi yaaka yiñahi, indi ichi chekalili ñahi chakuyeseka nachu, nawa chumanyi chitukudizilaku kuniyi nsañu? (Kwid. 16:35; Kuch. 11:4-6; 1 Kor. 10:10, 11)
Mpanji 35
1. Kwakwihi natukweji tuyedi hanyima yakufuma muEjipitu, aIsarela anatuñili kudihi chilombu?
2. Yehova nahoshi nindi nakukeña antu elidi, indi wena anakuli nawudi?
3. Muloñadi Yehova chanamwinkeliyi Mosi malola ayedi awubasa?
4. Kubombelahu haNshimbi Ikumi, nshimbinyi jikwawu janayinkiwu aIsarela kudi Yehova?
5. Nshimbinyi jiyedi jahosheliyi Yesu Kristu nindi diju jamaneni nankashi?
Malwihu amakwawu:
1. Tañaku Kwidika 19:1-25; 20:1-21; 24:12-18; ni 31:18.
Indi mazu asonekawu haKwidika 19:8 atukwashaña ñahi kutiyisha yuma yinabombelimu hakwilisha kudihana kwawiniKristu? (Mat. 16:24; 1 Pet. 4:1-3)
2. Tañaku Kuhituluka 6:4-6; Alevi 19:18; ni Matewu 22:36-40.
Indi eniKristu amwekesha ñahi nawu amukeña Nzambi niantuñi nawu? (Maku 6:34; Yil. 4:20; Rom. 15:2)
Mpanji 36
1. Hamwevulu, chumanyi chanakwilawu awantu, nawa muloñadi?
2. Muloñadi Yehova chinazuwiliyi, nawa chumanyi chineliyi Mosi hanyima yakumona chuma chinakwilawu antu?
3. Indi Mosi naleji amayala amakwawu nindi elidi?
4. Chumanyi chitukudizilaku kuniyi mpanji?
Malwihu amakwawu:
1. Tañaku Kwidika 32:1-35.
(a) Indi iyi nsañu yinamwekeshi ñahi yililu yaYehova kutalisha kukubombashana kwansakililu yakutwamba nakudifukula kwalala? (Kwid. 32:4-6, 10; 1 Kor. 10:7, 11)
(b) Kusoñamanyi kwatela kwikala naweniKristu hampinji yinakutondawu jakudizañalesha, jidi neyi kwimba nikuhañana? (Kwid. 32:18, 19; Efwes. 5:15, 16; 1 Yow. 2:15-17)
(c) Indi muchidi waLevi wunashi ñahi chitalilu chachiwahi hakwimenaku kuloña? (Kwid. 32:25-28; Mas. 18:25)
Mpanji 37
1. Indi idi itala didi hamwevulu aditenaña nawudi, nawa elilañamu mwodi?
2. Muloñadi Yehova chamulejeleliyi Mosi kutuña itenti kulonda dikaleña dapela kudikasununa?
3. Indi china chikasha chidi mukapeka kanyanya kunsa yetenti hichumanyi, nawa muchikasha mudidi?
4. Hinyi anatondiwu kudi Yehova kwikala kapristu muneni, nawa mudimwinyi wakalakalañayi?
5. Tenaku yuma yisatu yidi mukapeka keneni ketenti.
6. Yumanyi yiyedi yidi mulubanza lwatabanaka, nawa ayizatishañadi?
Malwihu amakwawu:
1. Tañaku Kwidika 25:8-40; 26:1-37; 27:1-8; ni 28:1.
Indi akerubi adi hewulu “dachimbañu chawunsahu” anakwimenaku chumanyi? (Kwid. 25:20, 22; Kuch. 7:89; 2 Anya. 19:15)
2. Tañaku Kwidika 30:1-10, 17-21; 34:1, 2; niAheberu 9:1-5.
(a) Muloñadi Yehova chakonkomweneniyi hakulema kwakwikala awunyonji kumujimba kudi atupristu azatileña hatabanaka, nawa ichi chinatweshi kutukwasha ñahi makonu? (Kwid. 30:18-21; 40:30, 31; Heb. 10:22)
(b) Indi kapostolu Pawulu nahoshelidi nindi tabanaka niNshimbi yachitiyañenu hiyakeñekeleñaku hampinji yayisonekeleliyi mukanda eniKristu akuHeberu? (Heb. 9:1, 9; 10:1)
Mpanji 38
1. Chumanyi chiwunamoni hachizokofu chanyivinyu chidi hamwevulu, nawa chinafumi kudihi?
2. Muloñadi Mosi chanatemesheliyi akwakwendesha 12 mwituña daKenani?
3. Mazwinyi anahoshiwu akwakwendesha ikumi hampinji yinafuntiwu kudi Mosi?
4. Indi akwakwendesha ayedi anamwekeshi ñahi chikuhwelelu mudi Yehova, nawa majinawu diwu anyi?
5. Muloñadi Yehova chanahililiyi, nawa namuleji Mosi nindidi?
Malwihu amakwawu:
1. Tañaku Kuchinda 13:1-33.
(a) Anyi atondeliwu kuya nakwendesha ituña, nawa adiña nakukoleka kweneninyi? (Kuch. 13:2, 3, 18-20)
(b) Muloñadi kumona kwaYoshuwa niKalebi chikwambukili nakuna kwawa akwakwendesha amakwawu, nawa ichi chinakutudizishadi? (Kuch. 13:28-30; Mat. 17:20; 2 Kor. 5:7)
2. Tañaku Kuchinda 14:1-38.
(a) Kubabeshanyi kutwatela kutiyilila kutalisha kukutobela añimeni aYehova ahamaseki? (Kuch. 14:2, 3, 27; Mat. 25:40, 45; 1 Kor. 10:10)
(b) Indi Kuchinda 14:24 kunamwekeshi ñahi nawu Yehova wataña maana hansañu jawantu jindi hamuntu hamuntu? (1 Anya. 19:18; Yish. 15:3)
Mpanji 39
Mbwechi yaAroni Yinakenuki Nkenu
1. Anyi anadikañi nanshimbi yaMosi niAroni, nawa anakuhosha nawudi kudi Mosi?
2. Indi Kora niatumbanji twindi 250 anayileji kwiladi kudi Mosi?
3. Indi Mosi nayilejidi antu, nawa chumanyi chinamwekani hanyima yakukumisha kuhosha?
4. Chumanyi chinamwekani kudi Kora niatumbanji twindi 250?
5. Chumanyi chineliyi mwana kaAroni, Eliyeza nayeña yakwinkamu kesi yanana amayala afwili, nawa muloñadi?
6. Muloñadi Yehova chanelishiliyi mbwechi yaAroni yikenuki nkenu? (Talaku hamwevulu.)
Malwihu amakwawu:
1. Tañaku Kuchinda 16:1-49.
(a) Chumanyi cheliliyi Kora niatumbanji twindi, nawa muloñadi chichekalilili hikudikaña naYehova? (Kuch. 16:9, 10, 18; Lev. 10:1, 2; Yish. 11:2)
(b) Yitoñojokanyi yaluwa yamwekesheliyi Kora ‘niatulamba amuchipompelu’ 250? (Kuch. 16:1-3; Yish. 15:33; Isa. 49:7)
2. Tañaku Kuchinda 17:1-11 ni 26:10.
(a) Indi kukenuka kwambwechi yaAroni yinakumwekeshadi, nawa muloñadi Yehova chahosheliyi nindi ayihembeli muchimbañu? (Kuch. 17:5, 8, 10)
(b) Chumanyi cheneni chitukudizilaku kuchinjikijilu chambwechi yaAroni? (Kuch. 17:10; Yil 20:28; Fwi. 2:14; Heb. 13:17)
Mpanji 40
1. Munjilanyi omu Yehova mwanakuyihembelayi aIsarela hampinji yadiwu mumasaña?
2. Kutombanyi kunatombiwu aIsarela hampinji yinatuñiliwu chilombu haKadeshi?
3. Indi Yehova nayinki ñahi menji akunwa antu niayimunawu?
4. Haniwu mwevulu, indi iwu iyala wunadinyiki yomweni hinyi, nawa muloñadi chinakwililayi ñana?
5. Muloñadi Yehova chanayihililiyi aMosi niAroni, nawa anayibabeshi ñahi?
6. Chumanyi chamwekeni haMpidi yaHorebi, nawa hinyi wunekali kapristu muneni wawaIsarela?
Malwihu amakwawu:
1. Tañaku Kuchinda 20:1-13, 22-29 niKuhituluka 29:5
(a) Chumanyi chitukudizilaku kudi Yehova chayihembeliyi aIsarela mwisaña? (Kuhit. 29:5; Mat. 6:31; Heb. 13:5; Yak. 1:17)
(b) Munjilanyi Yehova mwamweneniyi kukañanya kwaMosi niAroni kwakumulemesha kumesu awaIsarela? (Kuch. 20:12; 1 Kor. 10:12; Chim. 4:11)
(c) Chumanyi chitukudizilaku kuyuma yeliliyi Mosi chelili yatambwili kufumba kufuma kudi Yehova? (Kuch. 12:3; 20:12, 27, 28; Kuhit. 32:4; Heb. 12:7-11)
Mpanji 41
1. Hamwevulu, chumanyi chinapoteliwu kumutondu, nawa muloñadi Yehova chamulejeliyi Mosi nindi amupoteliku?
2. Munjilanyi antu mwanabuliliwu kumwekesha kusakilila hayuma yejima yanayikoñeliyi Nzambi?
3. Indi antu anamwili Mosi nawudi chelili Yehova natemeshi dehi atupela akweti wulembi watama kulonda ayibabeshi?
4. Muloñadi Yehova chanamulejeliyi Mosi kwila kapela kawuneñu?
5. Chumanyi chitukudizilaku kuniyi mpanji?
Malwihu amakwawu:
1. Tañaku Kuchinda 21:4-9.
(a) Kubabeshanyi kunatwinkiwu kuhitila mukutoba kwawaIsarela hansañu yayakudya kufuma kudi Yehova? (Kuch. 21:5, 6; Rom. 2:4)
(b) Hanyima yayaaka nkulakaji yayivulu, aIsarela azatishili ñahi kapela kawuneñu, indi Mwanta Hezekiya welilihu hodi? (Kuch. 21:9; 2 Anya. 18:1-4)
2. Tañaku Yowanu 3:14, 15.
Indi kusha kapela kawuneñu hamutondu kunemeniku ñahi kumupopela Yesu Kristu hamutondu? (Ŋal. 3:13; 1 Pet. 2:24)
Mpanji 42
1. Indi Balaki hinyi, nawa muloñadi chinamutabikiliyi Balami?
2. Muloñadi chimbulu chaBalami chinawutaminiyi munjila?
3. Indi Balami namutiyi chimbulu nakuhosha nindidi?
4. Indi kañelu namuleji nindidi Balami?
5. Chumanyi chinamwekani chineli Balami nindi yeseki kuyishiña aIsarela?
Malwihu amakwawu:
1. Tañaku Kuchinda 21:21-35.
Muloñadi aIsarela chashindiliwu Sihoni Mwanta wakuAmori niOgi Mwanta wakuBashani? (Kuch. 21:21, 23, 33, 34)
2. Tañaku Kuchinda 22:1-40.
Chumanyi chakeñeleleñayi Balami kuyishiña aIsarela, nawa chumanyi chitukudizilaku kunichi? (Kuch. 22:16, 17; Yish. 6:16, 18; 2 Pet. 2:15; Yuda 11)
3. Tañaku Kuchinda 23:1-30.
Hela chakwila Balami wahosheleña neyi wadifukulaña kudi Yehova, indi yililu yindi yinamwekeshi ñahi nawu hadiña mukwakudifukulaku? (Kuch. 23:3, 11-14; 1 Sam. 15:22)
4. Tañaku Kuchinda 24:1-25.
Indi iyi nsona yamuBayibolu yinakoleshi ñahi chikuhwelelu chetu hakukalakala nkeñelu yaYehova? (Kuch. 24:10; Isa. 54:17)
Mpanji 43
1. Muniwu mwevulu, indi awamayala ayedi anemani naMosi hiyanyi?
2. Indi Yehova namuleji Yoshuwa nindidi?
3. Muloñadi Mosi chinakandukiliyi hewulu daMpidi yaNebo, nawa Yehova namuleji nindidi?
4. Indi Mosi wudi nayaaka yiñahi yakuvwalika hampinji yinafwiyi?
5. Muloñadi antu chananeñeliwu, nawa muloñadi chanekaliwu amuzañalu?
Malwihu amakwawu:
1. Tañaku Kuchinda 27:12-23.
Mudimwinyi weneni wamwinkeliwu Yoshuwa kudi Yehova, nawa kwakamena kwaYehova kunakumwekana ñahi kudi antu Jindi makonu? (Kuch. 27:15-19; Yil 20:28; Heb. 13:7)
2. Tañaku Kuhituluka 3:23-29.
Muloñadi Yehova chabuliliyi kuyiteja aMosi niAroni kwiñila mwituña dachikaninu, nawa chumanyi chitukudizilaku? (Kuhit. 3:25-27; Kuch. 20:12, 13)
3. Tañaku Kuhituluka 31:1-8, 14-23.
Indi mazu amakumishilu ahosheliyi Mosi kudi aIsarela anamwekeshi ñahi nawu wadizozeli nakwiteja kufumba kwaYehova? (Kuhit. 31:6-8, 23)
4. Tañaku Kuhituluka 32:45-52.
Indi Izu daNzambi datela kukwasha ñahi wumi wetu? (Kuhit. 32:47; Lev. 18:5; Heb. 4:12)
5. Tañaku Kuhituluka 34:1-12.
Hela chakwila Mosi hamumweni Yehova yomweni namesu kapuku, indi Kuhituluka 34:10 yinahoshi ñahi kutalisha hawubwambu windi naYehova? (Kwid. 33:11, 20; Kuch. 12:8)
Mpanji 44
1. Indi Rahaba washakamaña kudihi?
2. Indi awamayala ayedi adi hamwevulu hiyanyi, nawa muloñadi chanenjiliwu muYeriku?
3. Indi mwanta waYeriku namuleji Rahaba kwiladi, indi Rahaba namwakuli nindidi?
4. Indi Rahaba nayikwashi ñahi awamayala ayedi, nawa wukwashu wamuchidinyi wunalombiyi?
5. Kusanyikanyi kwamusanyikililiwu Rahaba kudi akwakwendesha ituña ayedi ?
Malwihu amakwawu:
1. Tañaku Yoshuwa 2:1-24.
Indi kukana kwaYehova kwasonekawu haKwidika 23:28 kwashikijeweli ñahi chelili aIsarela akisañani Yeriku? (Yosh. 2:9-11)
2. Tañaku Aheberu 11:31.
Indi chakutalilahu chaRahaba chinamwekeshi ñahi kulema kwachikuhwelelu? (Rom. 1:17; Heb. 10:39; Yak. 2:25)
Mpanji 45
1. Chihayamishanyi chinakoñiyi Yehova hakwila nawu aIsarela azambuki Kaloña Yodana?
2. Yililwinyi yachikuhwelelu yatela kwilawu aIsarela kulonda azambuki Kaloña Yodana?
3. Muloñadi Yehova chanamulejeliyi Yoshuwa kunona malola amaneni 12 kufuma mukaloña?
4. Chumanyi chinamwekani chineli atupristu afumi muYodana?
Malwihu amakwawu:
1. Tañaku Yoshuwa 3:1-17.
(a) Neyi chinamwekeshiwu muniyi nsona, chumanyi chitwatela kwila hakwila nawu tutambwili wukwashu ninkisu yaYehova? (Yosh. 3:13, 15; Yish. 3:5; Yak. 2:22, 26)
(b) Indi Kaloña Yodana wadiña ñahi hampinji yazambukiliwu aIsarela nakuya Mwituña daChikaninu, nawa ichi chalemesheli ñahi ijina daYehova? (Yosh. 3:15; 4:18; Mas. 66:5-7)
2. Tañaku Yoshuwa 4:1-18.
Ana malola 12 anoneliwu muYodana, emikiliwu kuGiligali adiña amudimwinyi? (Yosh. 4:4-7)
Mpanji 46
1. Chumanyi Yehova chinayilejiyi antu anjita niatupristu nindi eli hadi mafuku atanu nadimu?
2. Kushika hefuku damuchitanu nachiyedi, awamayala akwiladi?
3. Neyi chiwunakumona hamwevulu, chumanyi chinakuzatika kumpwembu yaYeriku?
4. Muloñadi chikunekakilili mwonji wuchinana wunakuyekela kunjanena?
5. Yoshuwa naleji antu anjita kuwiladi musumba niantu, indochu siliva, niwuru, niwuneñu, niyikuñu akuyila ñahi?
6. Indi akwakwendesha ituña ayedi ayilejeli kwiladi?
Malwihu amakwawu:
1. Tañaku Yoshuwa 6:1-25.
(a) Indi kunyeñumuka kwawaIsarela muYeriku hefuku damuchitanu nachiyedi kunadifwani ñahi namudimu wakushimwina wawaYinsahu jaYehova munanu mafuku akukuminina? (Yosh. 6:15, 16; Isa. 60:22; Mat. 24:14; 1 Kor. 9:16)
(b) Indi wuprofwetu wasonekawu haYoshuwa 6:26 washikijeweli ñahi chimwahitili yaaka 500, nawa ichi chinakutudizisha chumanyi hezu daYehova? (1 Anya. 16:34; Isa. 55:11)
Mpanji 47
1. Haniwu mwevulu, iwu iyala wunakuvumbika yuma yafumishiliyi muYeriku diyinyi, nawa anyi anakumukwashaku?
2. Muloñadi yililu yaAkani nichisaka chindi chiyinatamini nankashi?
3. Indi Yehova nahoshi nindidi chelili Yoshuwa yehuli muloña wayishindilililiwu aIsarela munjita kuAyi?
4. Chelili Akani nichisaka chindi anayileti dehi kudi Yoshuwa, chumanyi chinayimwekeni?
5. Chumanyi cheneni chitukudizilaku kukusompeshewa kwaAkani?
Malwihu amakwawu:
1. Tañaku Yoshuwa 7:1-26.
(a) Indi kulomba kwaYoshuwa kunamwekeshidi hawubwambu windi naNleñi yindi? (Yosh. 7:7-9; Mas. 119:145; 1 Yow. 5:14)
(b) Indi chakutalilahu chaAkani chinamwekeshidi, nawa ichi chinekali ñahi chakubabesha kudetu? (Yosh. 7:11, 14, 15; Yish. 15:3; 1 Tim. 5:24; Heb. 4:13)
2. Tañaku Yoshuwa 8:1-29.
Mudimwinyi wahalwetu wutukweti kutalisha kuchipompelu chawiniKristu makonu? (Yosh. 7:13; Lev. 5:1; Yish. 28:13)
Mpanji 48
1. Indi antu akuGibeyoni anambukiku ñahi naweniKenani amunyisumba yamukamwihi?
2. Neyi chinamwekeshiwu hamwevulu, chumanyi chineliwu eniGibeyoni, nawa muloñadi?
3. Yoshuwa niakulumpi awaIsarela ayikanini eniGibeyoni chikaninwinyi, ilaña chimunahiti mafuku asatu anenzi nakwiluka chumanyi?
4. Chumanyi chinamwekani kudi anyanta amunyisumba yikwawu chinatiyiwu nawu eniGibeyoni anatiyañani nawaIsarela?
Malwihu amakwawu:
1. Tañaku Yoshuwa 9:1-27.
(a) Chelili Yehova walejeli chisaka chaweniIsarela ‘kuyijilumuna enimatuña ejima ji-i,’ yililwinyi yalema yamwekesheliyi hakupulwisha eniGibeyoni? (Yosh. 9:22, 24; Mat. 9:13; Yil. 10:34, 35; 2 Pet. 3:9)
(b) Kuhitila mukuhemba chitiyañenu chatiyañeniyi naweniGibeyoni, indi Yoshuwa wemekili ñahi chakutalilahu chachiwahi kudi eniKristu amakonu? (Yosh. 9:18, 19; Mat. 5:37; Efwes. 4:25)
2. Tañaku Yoshuwa 10:1-5.
Indi izaza deneni lelu dinu dinakwimbujola ñahi eniGibeyoni, nawa anakuyilukuka kudinyi? (Yosh. 10:4; Zek. 8:23; Mat. 25:35-40; Chim. 12:17)
Mpanji 49
1. Hamwevulu, indi Yoshuwa nakuhosha nindidi, nawa muloñadi?
2. Indi Yehova namukwashi ñahi Yoshuwa niantu jindi anjita?
3. Anyanta añahi ayilumbu anashindiyi Yoshuwa, nawa chinasendi yaaka yiñahi?
4. Muloñadi Yoshuwa chanazañeniyi ituña daKenani?
5. Yoshuwa wudi nayaaka yiñahi hampinji yinafwiyi, nawa chumanyi chinamwekani kudi antu chelili nafwi dehi?
Malwihu amakwawu:
1. Tañaku Yoshuwa 10:6-15.
Hakwiluka netu Yehova wakojejeli itañwa nikakweji kuyimena aIsarela kuka-a, chikuhwelelwinyi chitukweti makonu? (Yosh. 10:8, 10, 12, 13; Mas. 18:3; Yish. 18:10)
2. Tañaku Yoshuwa 12:7-24.
Hinyi komana wakojejeli anyanta 31 amuKenani ayishindi, nawa muloñadi chichinekalili chalema kudetu makonu? (Yosh. 12:7; 24:11-13; Kuhit. 31:8; Luka 21:9, 25-28)
3. Tañaku Yoshuwa 14:1-5.
Indi ituña adanzañeni ñahi kunyichidi yamuIsarela, nawa ichi chinakumwekeshadi kutalisha kuwuswana wamuParadisa? (Yosh. 14:2; Isa. 65:21; Ezek. 47:21-23; 1 Kor. 14:33)
4. Tañaku Ansompeshi 2:8-13.
Kufwana Yoshuwa wamuIsarela, anyi makonu anakuzata neyi anakukañesha akwakusekesha? (Ansomp. 2:8, 10, 11; Mat. 24:45-47; 2 Tesa. 2:3-6; Tit. 1:7-9; Chim. 1:1; 2:1, 2)
Mpanji 50
1. Ansompeshi hiyanyi, nawa ansompeshi amakwawu majinawu diwu anyi?
2. Debora wukweti kukolekanyi kwabadika, nawa ichi chinabombelimu chumanyi?
3. Hampinji yayitiyishiliwu woma aIsarela kudi Mwanta Yabini nimukulumpi wamashidika indi, Sisera, mazwinyi akufuma kudi Yehova anamulejiwu Baraka kudi Debora, nawa Debora nahoshi nindi hinyi akahamekawu?
4. Munjilanyi mwanadimwekesheliyi Yahela neyi himumbanda womika?
5. Chumanyi chinamwekani hanyima yakufwa kwaMwanta Yabini?
Malwihu amakwawu:
1. Tañaku Ansompeshi 2:14-22.
Indi aIsarela adileteleli ñahi kuzuwa kwaYehova, nawa chumanyi chitukudizilaku? (Ansomp. 2:20; Yish. 3:1, 2; Ezek. 18:21-23)
2. Tañaku Ansompeshi 4:1-24.
Chumanyi chatela kudizilaku ambanda awiniKristu makonu kutalisha kuchikuhwelelu nikumika kufuma kuchakutalilahu chaDebora niYahela? (Ansomp. 4:4, 8, 9, 14, 21, 22; Yish. 31:30; 1 Kor. 16:13)
3. Tañaku Ansompeshi 5:1-31.
Munjilanyi kamina kakushinda nachu kaBaraka niDebora chikanekalili neyi hikulomba kutalisha kunjita yinakwinza yaAmagedoni? (Ansomp. 5:3, 31; 1 Kushi. 16:8-10; Chim. 7:9, 10; 16:16; 19:19-21)
Mpanji 51
1. Indi Nyawomi nenzi ñahi nakushakama mwituña daMowabi?
2. Indi aLuti naOripa hiyanyi?
3. Indi Luti naOripa anahoshi nawudi cheliliyi Nyawomi yoyileji nindi afunti kudi antaña jawu?
4. Indi Bowazi hinyi, nawa nayikwashi ñahi aLuti naNyawomi?
5. Indi ijina damwana wavweliwu kudi Bowazi naLuti hinyi, nawa muloñadi chitwatela kumwanukilaña?
Malwihu amakwawu:
1. Tañaku Luti 1:1-17.
(a) Mazwinyi amawahi akukeña kwalala anahoshiyi Luti? (Luti 1:16, 17)
(b) Yitoñojoka yaLuti yinamwekeshi ñahi kuwaha kwayililu ‘yanyikoku yacheñi’ kutalisha kudi awayishewa hamaseki makonu? (Yow. 10:16; Zek. 8:23)
2. Tañaku Luti 2:1-23.
Luti nahani ñahi chitalilu chachiwahi kudi ayañadima awambanda makonu? (Luti 2:17, 18; Yish. 23:22; 31:15)
3. Tañaku Luti 3:5-13.
(a) Indi Bowazi wamweni ñahi yitoñojoka yaLuti yakwiteja kusumbuka kudi yena chatela kusumbuka kudi mukwenzi?
(b) Yililu yaLuti yatudizishaña chumanyi kutalisha hakukeña kwalala? (Luti 3:10; 1 Kor. 13:4, 5)
4. Tañaku Luti 4:7-17.
Indi amayala aweniKristu lelu dinu atela kumufwana ñahi Bowazi? (Luti 4:9, 10; 1 Tim. 3:1, 12, 13; 5:8)
Mpanji 52
1. Munjilanyi nawa muloñadi aIsarela chanekaliliwu mukukala kweneni?
2. Muloñadi Yehova chanamulejeliyi Gideyona nindi wudi nawantu amavulu anjita?
3. Amayala añahi anashali hanyima yakwila Gideyona yaleji amayala akwawoma kufunta kunyikala yawu?
4. Kwesekeja namwevulu, lumbululaku ochu Yehova chanakeheshiyi kuvula kwawamashidika aGideyona nakushala antu 300.
5. Munjilanyi omu Gideyona mwanapompesheliyi amayala 300, nawa aIsarela anashindi ñahi njita?
Malwihu amakwawu:
1. Tañaku Ansompeshi 6:36-40.
(a) Indi Gideyona nelukishi ñahi nkeñelu yaYehova?
(b) Indetu makonu twelukaña ñahi chekala nkeñelu yaYehova? (Yish. 2:3-6; Mat. 7:7-11; 2 Tim. 3:16, 17)
2. Tañaku Ansompeshi 7:1-25.
(a) Chumanyi chitwatela kudizilaku kudi amayala 300 adiña asoñama anambukiku nanana amwekesheli kadiwu? (Ansomp. 7:3, 6; Rom. 13:11, 12; Efwes. 5:15-17)
(b) Neyi chochadiziliwu amayala 300 kuhitila mukumushinshika Gideyona, indochu etu tunatweshi kudiza ñahi kuhitila mukumushinshika Gideyona Muneni, Yesu Kristu? (Ansomp. 7:17; Mat. 11:29, 30; 28:19, 20; 1 Pet. 2:21)
(c) Indi Ansompeshi 7:21 yatukwashaña ñahi kwikala namuzañalu wakuzatila kwejima kwanatwinkiwu mukuloñesha kwaYehova? (1 Kor. 4:2; 12:14-18; Yak. 4:10)
3. Tañaku Ansompeshi 8:1-3.
Hampinji yitunakuhosha hayikonkojola yahalwetu namana kwetu hela muheletu, chumanyi chitwatela kudizilaku kudi Gideyona munjila yamanishililimu yikonkojola naweniEfweremi? (Yish. 15:1; Mat. 5:23, 24; Luka 9:48)
Mpanji 53
1. Indi Yefwata hinyi, nawa wadiñaku mpinjinyi?
2. Chikaninwinyi Yefwata chanadikaniyi naYehova?
3. Muloñadi Yefwata chananeñeliyi hampinji yinafuntiyi kufuma kwayiliyi nakushinda eniAmoni?
4. Mazwinyi anahoshiyi mwana kaYefwata wamumbanda hanyima yakwiluka chikaninu chatata yindi?
5. Muloñadi antu chamukeñelawu mwana kaYefwata?
Malwihu amakwawu:
1. Tañaku Ansompeshi 10:6-18.
Kubabeshanyi kutwatela kutiyilila kufuma kunsañu yawaIsarela yakudikaña naYehova? (Ansomp. 10:6, 15, 16; Rom. 15:4; Chim. 2:10)
2. Tañaku Ansompeshi 11:1-11, 29-40.
(a) Tuneluki ñahi netu Yefwata hakuhana mwanindi wamumbanda neyi “mulambu wakushita” hichayili mukwila nawu kumuhana kuhitila mukumwocha mukesi neyi mulambu wamuntuku? (Ansomp. 11:31; Lev. 16:24; Kuhit. 18:10, 12)
(b) Munjilanyi mwahaniniyi Yefwata mwanindi neyi mulambu?
(c) Chumanyi chitwatela kudizilaku kuyitoñojoka yaYefwata kutalisha kuchikaninu chindi naYehova? (Ansomp. 11:35, 39; Mukwa. 5:4, 5; Mat. 16:24)
(d) Indi mwana kaYefwata nekali ñahi chakutalilahu chachiwahi kudi atwansi awiniKristu hakufwila mudimu wampinji yejima? (Ansomp. 11:36; Mat. 6:33; Fwi. 3:8)
Mpanji 54
1. Indi ijina damuntu wasweja ñovu wadiñaku hadantu ejima hinyi, nawa hinyi wamwinkeli ñovu jindi?
2. Mpinji yimu, Samisoni wamwilili chumanyi mutupa weneni neyi chiwunakumona hamwevulu?
3. Kajindilwinyi Samisoni kanakumulejayi Delila hamwevulu, nawa ichi chinaleteshi ñahi kumukwata kudi aFwilistinu?
4. Indi Samisoni wayijilumwini ñahi ayilumbu jindi aFwilistinu 3,000 hefuku dina dafwiliyi?
Malwihu amakwawu:
1. Tañaku Ansompeshi 13:1-14
Munjilanyi Manowa niñodindi mwanahaniniwu chakutalilahu chachiwahi kudi anvwali hakuhemba anyanawu? (Ansomp. 13:8; Mas. 127:3; Efwes. 6:4)
2. Tañaku Ansompeshi 14:5-9 ni 15:9-16.
(a) Indi nsañu yaSamisoni yakujaha mutupa, nikuketula nyonji yamukasiliwu, nikuzatisha ifwaha dachibaña dachimbulu kujaha nachu antu 1,000 yamwekeshañadi hakuzata kwaspiritu yajila yaYehova?
(b) Indi spiritu yajila yatukwashaña ñahi makonu? (Ansomp 14:6; 15:14; Zek. 4:6; Yil 4:31)
3. Tañaku Ansompeshi 16:18-31.
Indi Samisoni amuluwañesheli ñahi kudi antu atama, nawa chumanyi chitukudizilaku? (Ansomp. 16:18, 19; 1 Kor. 15:33)
Mpanji 55
Kansi Weyala haKukalakela Nzambi
1. Indi ijina daniwu kansi weyala wudi hamwevulu diyinyi, nawa awa amakwawu diwu anyi?
2. Mazwinyi analombiyi Ana ifuku dimu hampinji yinayiyi kutabanaka yaYehova, nawa Yehova nakuli ñahi kulomba kwindi?
3. Samweli wudi nayaaka yiñahi hampinji yinamutwaliwu nakukalakela hatembeli yaYehova, nawa anvwali jindi amwilililañadi hachaaka hachaaka?
4. Indi majina awanyana kaEli diwu anyi, nawa hiyantu amuchidinyi?
5. Indi Yehova namutambiki ñahi Samweli, nawa mazwinyi Anamulejiyi?
6. Samweli nekalinyi chinakuliyi, nawa chumanyi chinamwekani chineli nashinakaji dehi?
Malwihu amakwawu:
1. Tañaku 1 Samweli 1:1-28.
(a) Chitalilwinyi chachiwahi chinamwekeshiyi Elekana chakulombola mukwitiya kwalala kudi nyitu yayisaka? (1 Sam. 1:3, 21; Mat. 6:33; Fwi. 1:10)
(b) Twatela kudizilaku chumanyi kuchakutalilahu chaAna hakuzata nakukala kweneni? (1 Sam. 1:10, 11; Mas. 55:22; Rom. 12:12)
2. Tañaku 1 Samweli 2:11-36.
Indi Eli walemesheli ñahi anyanindi kubadika Yehova, nawa chumichi chatela kuzatika ñahi neyi chakutusoñamisha? (1 Sam. 2:22-24, 27, 29; Kuhit. 21:18-21; Mat. 10:36, 37)
3. Tañaku 1 Samweli 4:16-18.
Mazwinyi ayihuñu anamwekani kapampa kawana anafumi kunjita, nawa anakojeji Eli kwiladi?
4. Tañaku 1 Samweli 8:4-9.
Indi aIsarela amuvulumwini ñahi Yehova, nawa twatela kwovwahila nakunyamuna Wanta windi munjilanyi makonu? (1 Sam. 8:5, 7; Yow. 17:16; Yak. 4:4)
Mpanji 56
Sawulu—Mwanta Watachi WawaIsarela
1. Haniwu mwevulu, chumanyi chinakwilayi Samweli, nawa muloñadi?
2. Muloñadi Yehova chanamukeñeliyi Sawulu, nawa himuntu wamuchidinyi?
3. Indi ijina damwana kaSawulu weyala hinyi, nawa iwu mwana nelidi?
4. Muloñadi Sawulu chinalambwiliyi mulambu chatela yahembeleli Samweli yenzi nakulambula?
5. Yumanyi yitukudizilaku kufuma kunsañu yaSawulu?
Malwihu amakwawu:
1. Tañaku 1 Samweli 9:15-21 ni 10:17-27.
Indi yililu yaSawulu yakudikehesha yamukwashili ñahi kutondolwela kulusukila kwila yuma hampinji yamuhosheliwu chatama kudi antu amakwawu? (1 Sam. 9:21; 10:21, 22, 27; Yish. 17:27)
2. Tañaku 1 Samweli 13:5-14.
Nshidinyi yakoñeliyi Sawulu kuGiligali? (1 Sam. 10:8; 13:8, 9, 13)
3. Tañaku 1 Samweli 15:1-35.
(a) Nshidinyi yeneni yakoñeliyi Sawulu kutalisha kudi Agagi, mwanta wakuAmeleki? (1 Sam. 15:2, 3, 8, 9, 22)
(b) Indi Sawulu wesekeli ñahi kuwahisha yililu yindi nikutuntulula nyiloña yindi? (1 Sam. 15:24)
(c) Kubabeshanyi kutwatela kutiyilila lelu dinu hampinji yinatufumbiwu? (1 Sam. 15:19-21; Mas. 141:5; Yish. 9:8, 9; 11:2)
Mpanji 57
1. Indi ijina daniwu kansi weyala wudi hamwevulu hinyi, nawa tuneluki ñahi netu womika?
2. Davidi washakamaña kudihi, nawa ijina datata yindi ninkaka yindi weyala diwu anyi?
3. Muloñadi Yehova chanamulejeliyi Samweli kuya kwitala daJesi muBetelemi?
4. Chumanyi chinamwekani chineli Jesi yoleti anyanindi awamayala atanu nayedi kudi Samweli?
5. Chinamuletiwu Davidi, Yehova namuleji Samweli nindidi?
Malwihu amakwawu:
1. Tañaku 1 Samweli 17:34, 35.
Indi yuma yejimiyi yinakoleshi ñahi Kumika kwaDavidi nakushindamena hadi Yehova?
2. Tañaku 1 Samweli 16:1-14.
(a) Indi izu daYehova didi ha 1 Samweli 16:7 dinatukwashi ñahi kubula chambu nakutondolwela kwikala nachaambu chamuchidi kuhitila mukutala kumesu? (Yil. 10:34, 35; 1 Tim. 2:4)
(b) Indi chakutalilahu chaSawulu chinamwekeshi ñahi nawu neyi Yehova yafumishamu spiritu yindi yajila mudi muntu, mwipwata mukwinzala naspiritu yatama, hela chinleji chakwila yuma yatama? (1 Sam. 16:14; Mat. 12:43-45; Ŋal. 5:16)
Mpanji 58
1. Indi Goliyati waleteli kukalanyi kudi amashidika awaIsarela?
2. Indi Goliyati wadiña wataluka ñahi, nawa masomwinyi anakaniyi Mwanta Sawulu kuhana kudi muntu wukumujaha Goliyati?
3. Mazwinyi anahoshiyi Davidi chanamulejiwu kudi Sawulu nawu hakutwesha kulwa naGoliyatiku muloña Davidi wuchidi kansi?
4. Hakumwakula Goliyati, Davidi namwekeshi ñahi nindi wakuhwelela mudi Yehova?
5. Neyi chiwunakumona hamwevulu, chumanyi chinazatishiyi Davidi hakumujaha nachu Goliyati, nawa chumanyi chinamwekani kudi aFwilistinu hanyima yanichi?
Malwihu amakwawu:
1. Tañaku 1 Samweli 17:1-54.
(a) Kajindilwinyi kadiñayi naku Davidi kakubula kutiya woma, nawa twatela ñahi kwimbujola wulobu windi? (1 Sam. 17:37, 45; Efwes. 6:10, 11)
(b) Muloñadi eniKristu chatela kutondolwelawu yililu yakufwilañena yidi neyi yaGoliyati neyi anakuhema hela adi muyisela? (1 Sam. 17:8; Ŋal. 5:26; 1 Tim. 4:8)
(c) Mazu ahosheliyi David anamwekeshi ñahi nawu wakuhweleleli muwukwashu waNzambi? (1 Sam. 17:45-47; 2 Kushi. 20:15)
(d) Chatela kushimuna hohu handombu yadiña hakachi kanjita jiyedi jadiña nakudizuñañesha, indi iyi nsañu yinamwekeshi ñahi nawu njita yadiña chikupu hakachi kwawanzambi akutwamba niNzambi walala, Yehova? (1 Sam. 17:43, 46, 47)
(e) Indi ashalahu awayishewa embujolaña ñahi chakutalilahu chaDavidi chakukuhwelela mudi Yehova? (1 Sam. 17:37; Yere. 1:17-19; Chim. 12:17)
Mpanji 59
1. Muloñadi Sawulu chanamutiyili ichima Davidi, indochu mwana kaSawulu nambukiku ñahi?
2. Chumanyi chamwekeni ifuku dimu chelili Davidi nakumwimbila Sawulu kadada?
3. Sawulu namuleji Davidi nindi watela kwila chumanyi henohu kanda yamusumbuli Mikali mwana kaSawulu, nawa muloñadi Sawulu chanahosheli ñana?
4. Chineli Davidi hakumwimbila Sawulu kadada, chumanyi chinamwekani kapampa kamuchisatu kwesekeja nachinakumwekana hamwevulu?
5. Munjilanyi Mikali munamupulwishiliyi Davidi, nawa chumanyi chakwilayi Davidi hadi yaaka yitanu nayiyedi?
Malwihu amakwawu:
1. Tañaku 1 Samweli 18:1-30.
(a) Munjilanyi kukeña kwaJonatani kwakola mbe-e hadi Davidi chikunamwekeshi kukeña kwalala kudi hakachi ‘kanyikoku yacheñi niizaza danyanya’? (1 Sam. 18:1; Yow. 10:16; Luka 12:32; Zek. 8:23)
(b) Kwesekeja yishina yakwila nawu Jonatani diyi watela kumuswana Sawulu, indi 1 Samweli 18:4 yinamwekeshi ñahi kwovwahila kwabadika kwaJonatani kudi muntu anatondiwu kwikala mwanta?
(c) Indi chakutalilahu chaSawulu chinamwekeshi ñahi nawu ichima dinatweshi kukojeja muntu kwila nshidi yeneni, nawa kubabeshanyi kunatwinkiwu? (1 Sam. 18:7-9, 25; Yak. 3:14-16)
2. Tañaku 1 Samweli 19:1-17.
Indi Jonatani washili ñahi wumi windi muwubanji hampinji yatalañeniyi naSawulu? (1 Sam. 19:1, 4-6; Yish. 16:14)
Mpanji 60
1. Indi ijina damumbanda wunakwinza nakudihumañana naDavidi hamwevulu hinyi, nawa himuntu wamuchidinyi?
2. Indi Nabali hinyi?
3. Muloñadi Davidi chinatemesheliyi antu jindi kudi Nabali kulonda ayikwashiku?
4. Mazwinyi anahoshiyi Nabali kudi antu jaDavidi, indi Davidi nelidi?
5. Indi Abigayili nadimwekeshi ñahi neyi himumbanda wamaana?
Malwihu amakwawu:
1. Tañaku 1 Samweli 22:1-4.
Indi chisaka chaDavidi chinamwekeshi ñahi chitalilu chachiwahi hanochu twatela kudikwasha wumu namukwawu hamu neyi ana kwetu awiniKristu? (Yish. 17:17; 1 Tesa. 5:14)
2. Tañaku 1 Samweli 25:1-43.
(a) Muloñadi Nabali chanamulumbululiwu nawu wakasawuntu? (1 Sam. 25:2-5, 10, 14, 21, 25)
(b) Indi ambanda awiniKristu makonu atela kudizilaku chumanyi kuchakutalilahu chaAbigayili? (1 Sam. 25:32, 33; Yish. 31:26; Efwes. 5:24)
(c) Abigayili wamukañesheli Davidi kwila yumanyi yiyedi yatama? (1 Sam. 25:31, 33; Rom. 12:19; Efwes. 4:26)
(d) Indi kwakula kwaDavidi kumazu Abigayili kukukwashaku ñahi amayala makonu kwikala nammwenu yaYehova kutalisha hadi ambanda? (Yil. 21:8, 9; Rom. 2:11; 1 Pet. 3:7)
Mpanji 61
Davidi Anamwilishi Kwikala Mwanta
1. Chumanyi chineliwu aDavidi niAbishayi hampinji yakaminiyi Sawulu mutulu muchilombu chindi?
2. Davidi namwihuli Sawulu malwihwinyi?
3. Hanyima yakumushiya Sawulu, Davidi nayi kudihi?
4. Chumanyi chinamuneñeshi Davidi nankashi chakwila yasoneki nikamina kakawahi?
5. Davidi wudi nayaaka yiñahi yakuvwalika hampinji yanamudishiwu wanta muHeberoni, nawa anyanindi awamayala amu majinawu diwu anyi?
6. Nkumininaku, Davidi wayulili kudi hamu neyi mwanta?
Malwihu amakwawu:
1. Tañaku 1 Samweli 26:1-25.
(a) Mazu ahosheliyi Davidi asonekawu ha 1 Samweli 26:11 anashimuni yililu yamuchidinyi kutalisha kukuloñesha kwaTeokalasi? (Mas. 37:7; Rom. 13:2)
(b) Neyi tuzata nañovu yayeni nakumwekesha luwi lwenzala wushona ilaña tutambwila kwakula kwakadi kushikilamu, mazu aDavidi ekala ha 1 Samweli 26:23 atela kutukwasha ñahi kutwalekahu kwikala nammwenu yayiwahi? (1 Anya. 8:32; Mas. 18:20)
2. Tañaku 2 Samweli 1:26.
Indi eniKristu lelu dinu atela kumwekesha ñahi muchidi wowumu ‘wakukeñañana chacheni mukachi kawu’ neyi kuna kwadiña hakachi kaDavidi naJonatani? (1 Pet. 4:8; Kol. 3:14; 1 Yow. 4:12)
3. Tañaku 2 Samweli 5:1-10.
(a) Davidi wayulili neyi mwanta hadi yaaka yiñahi, nawa iyi mpinji ayamboleli ñahi? (2 Sam. 5:4, 5)
(b) Yililu yaDavidi yadiña yayiwahi munjilanyi, nawa yinekali ñahi neyi chanukishu kudetu makonu? (2 Sam. 5:10; 1 Sam. 16:13; 1 Kor. 1:31; Fwi. 4:13)
Mpanji 62
1. Nawukwashu waYehova, chumanyi chinamwekani nkumininaku mwituña daKenani?
2. Chumanyi chamwekeni ifuku dimu nampinji yamelela henohu Davidi wudi hetala dahewulu damuchipañu chindi?
3. Muloñadi Yehova chanamuhililiyi Davidi nankashi?
4. Hamwevulu, hinyi anatemeshiwu kudi Yehova kuya nakumukonkololamu Davidi hanshidi jindi, nawa ona iyala nahoshi nindi chumanyi chikumumwekena Davidi?
5. Kukalanyi kudiyi naku Davidi?
6. Hanyima yaDavidi, hinyi wunaswani neyi mwanta muIsarela?
Malwihu amakwawu:
1. Tañaku 2 Samweli 11:1-27.
(a) Indi kwikala nanyidimu yayivulu mumudimu waYehova kwatela kutukiña ñahi?
(b) Indi Davidi waholokeleli ñahi munshidi, nawa ichi chinakubabesha ñahi añamba jaYehova lelu dinu? (2 Sam. 11:2; Mat. 5:27-29; 1 Kor. 10:12; Yak. 1:14, 15)
2. Tañaku 2 Samweli 12:1-18.
(a) Chumanyi chatela kudizawu amaeluda nianvwali munjila yazatililimu Natani hayiliyi kudi Davidi nakumufumba? (2 Sam. 12:1-4; Yish. 12:18; Mat. 13:34)
(b) Muloñadi Yehova chamutiyililiyi Davidi luwi? (2 Sam. 12:13; Mas. 32:5; 2 Kor. 7:9, 10)
Mpanji 63
1. Yehova namwihuli Solomoni nindidi, nawa yena nakuli nindidi?
2. Hamuloña wakutiya kuwaha nachuma chinalombiyi Solomoni, Yehova namukani kumwinkadi?
3. Muloñanyi wakala wunaletiwu ambanda ayedi kudi Solomoni?
4. Neyi chiwunamoni hamwevulu, Solomoni nawuketuli ñahi iwu muloña?
5. Kuyula kwaSolomoni kudi ñahi, nawa muloñadi?
Malwihu amakwawu:
1. Tañaku 1 Anyanta 3:3-28
(a) Indi amayala anenkiwu kukoleka mukachi kakuloñesha kwaNzambi makonu atela kudizilaku chumanyi kumazu akufuma heshina damuchima waSolomoni adi ha 1 Anyanta 3:7? (Mas. 119:105; Yish. 3:5, 6)
(b) Indi kulomba kwaSolomoni kunekali ñahi chakutalilahu chachiwahi chakulomba yuma yashikila? (1 Anya. 3:9, 11; Yish. 30:8, 9; 1 Yow. 5:14)
(c) Chikuhwelelwinyi chinatwinkiyi Solomoni hakumanisha ntadi yidi hakachi kawambanda ayedi kutalisha kukuyula kwakumbidi kwaSolomoni Muneni, Yesu Kristu? (1 Anya. 3:28; Isa. 9:6, 7; 11:2-4)
2. Tañaku 1 Anyanta 4:29-34.
(a) Indi Yehova wakwili ñahi kulomba kwaSolomoni kwalombeliyi muchima wakwovwahila? (1 Anya. 4:29)
(b) Kushinshika hañovu yelilañawu antu hakutiya maana aSolomoni, yitoñojokanyi yitwatela kwikala nayu kutalisha kukudiza Izu daNzambi? (1 Anya. 4:29, 34; Yow. 17:3; 2 Tim. 3:16)
Mpanji 64
1. Chinamusendeli yaaka yiñahi Solomoni hakumanisha kutuña tembeli yaYehova, nawa muloñadi chikunayili mali amavulu nankashi?
2. Indi tembeli yidi natupeka twamaneni tuñahi, nawa chumanyi chinashiwu mukachi kakapeka?
3. Mazwinyi anahoshiyi Solomoni mukulomba kwindi hampinji yinamanishiwu kutuña tembeli?
4. Indi Yehova namwekeshi ñahi nindi kulomba kwaSolomoni nakwitiyi kuwaha?
5. Añodi jaSolomoni anamwilishi kwiladi, nawa chumanyi chinamumwekeni Solomoni?
6. Muloñadi Yehova chanamuhililiyi Solomoni, nawa Namuleji nindidi?
Malwihu amakwawu:
1. Tañaku 1 Kushindulula 28:9, 10.
Kushinshika hamazu aDavidi asonekawu ha 1 Kushindulula 28:9, 10, twatela kufwila kwila chumanyi mumafuku akuhanda kwetu? (Mas. 19:14; Fwi. 4:8, 9)
2. Tañaku 2 Kushindulula 6:12-21, 32-42
(a) Indi Solomoni wamwekesheli ñahi nindi kwosi itala dakutuña kudi muntu dinatweshi kuwanina Nzambi Wabadikaku? (2 Kushi. 6:18; Yil. 17:24, 25)
(b) Indi mazu aSolomoni adi ha 2 Kushindulula 6:32, 33 amwekeshaña chumanyi kutalisha hadi Yehova? (Yil. 10:34, 35; Ŋal. 2:6)
3. Tañaku 2 Kushindulula 7:1-5.
Neyi chochu chamuhamekeliwu Yehova kudi anyana kaIsarela hakumona kulema kwindi, anetu nawa makonu chikutwikuma ñahi neyi tutoñojoka hankisu yaYehova yidi hadi antu jindi? (2 Kushi. 7:3; Mas. 22:22; 34:1; 96:2)
4. Tañaku 1 Anyanta 11:9-13.
Chihandilu chaSolomoni chinamwekeshi ñahi kulema kwakutwalekahu kwikala ashinshika kushika nikunsa? (1 Anya. 11:4, 9; Mat. 10:22; Chim. 2:10)
Mpanji 65
1. Indi awa amayala ayedi adi hamwevulu majinawu anyi, nawa diwu anyi?
2. Indi Ahiya nelidi nankanji yinavwaliyi, nawa ichi chinakulumbululadi?
3. Indi Solomoni neseki kumwiladi Yerobowami?
4. Muloñadi antu chanamudishiliwu Yerobowami wanta wanyitaña ikumi?
5. Muloñadi Yerobowami chaneliliyi anyana kañombi awuru ayedi, nawa chumanyi chinamwekani mwituña hanyima yachu?
6. Chumanyi chinamwekeni wanta wanyitaña yiyedi nitembeli yaYehova muYerusalema?
Malwihu amakwawu:
1. Tañaku 1 Anyanta 11:26-43.
Yerobowami wadiña muntu wamuchidinyi, nawa Yehova wamukanini kumwinkadi neyi chakwila yohemba nshimbi jaNzambi? (1 Anya. 11:28, 38)
2. Tañaku 1 Anyanta 12:1-33.
(a) Kufuma kuchakutalilahu chatama chaYerobowami, anvwali niaeluda atela kudizilaku chumanyi kutalisha kukuzatisha chatama ñovu yawu? (1 Anya. 12:13; Mukwa. 7:7; 1 Pet. 5:2, 3)
(b) Kudinyi kwatela kutalawu atwansi makonu neyi hiyakukeña wunlomboli washikila hampinji yanakufuukulawu hansañu yamuwumi? (1 Anya. 12:6, 7; Yish. 1:8, 9; 2 Tim. 3:16, 17; Heb. 13:7)
(c) Chumanyi chaletesheli Yerobowami kusakula maluña ayedi awanyana kañombi akudifukulaku, nawa ichi chinamwekeshi ñahi kubula chikuhwelelu mudi Yehova? (1 Anya. 11:37; 12:26-28)
(d) Hinyi wakojejeli antu awanta wanyitaña ikumi kudikaña nakudifukula kwalala? (1 Anya. 12:32, 33)
Mpanji 66
1. Yezebeli hinyi?
2. Muloñadi Mwanta Ahabi chinaneñeliyi ifuku dimu?
3. Chumanyi chineliyi Yezebeli hakwila yamutambuli Naboti itempa danyivinyu nakumwinkadu nfumwindi, Ahabi?
4. Hinyi anatemeshiwu kudi Yehova kuya nakumubabesha Yezebeli?
5. Neyi chiwunakumona hamwevulu, chumanyi chinamwekani chineli Yehu nashiki dehi kuchipañu chaYezebeli?
Malwihu amakwawu:
1. Tañaku 1 Anyanta 16:29-33 ni 18:3, 4.
Nshakaminu yatamini ñahi muIsarela hampinji yakuyula kwaMwanta Ahabi? (1 Anya. 14:9)
2. Tañaku 1 Anyanta 21:1-16.
(a) Munjilanyi omu Naboti mwamwekesheleliyi wulobu nikwovwahila kudi Yehova? (1 Anya. 21:1-3; Lev. 25:23-28)
(b) Chumanyi chitukudizilaku hakumika kwakutiyisha nsonyi kuchakutalilahu chaAhabi? (1 Anya. 21:4; Rom. 5:3-5)
3. Tañaku 2 Anyanta 9:30-37.
Chumanyi chitukudizilaku kufuma kudi Yehu chakeñeliyi kwila nkeñelu yaYehova? (2 Anya. 9:4-10; 2 Kor. 9:1, 2; 2 Tim. 4:2)
Mpanji 67
Yehoshafwati Namukuhweleli Yehova
1. Indi Yehoshafwati hinyi, nawa washakaminiku mpinjinyi?
2. Muloñadi aIsarela chinatiyiliwu woma, nawa amavulu anelidi?
3. Indi ñakwilwinyi yinahaniyi Yehova kukulomba kwaYehoshafwati?
4. Chumanyi chinakojejiyi Yehova kuzatika henohu kanda atachiki kuzuña?
5. Chumanyi chitunateli kudizilaku kudi Yehoshafwati?
Malwihu amakwawu:
1. Tañaku 2 Kushindulula 20:1-30.
(a) Indi Yehoshafwati wamwekesheli ñahi chatela kwilawu añamba jaNzambi ashinshika neyi anawaniki muyuma yatiyishaña woma? (2 Kushi. 20:12; Mas. 25:15; 62:1)
(b) Chineli Yehova wazatishaña njila yakuhoshelamu mpinji yejima neyi nakuzata nawantu jindi, indi njilanyi yakuhoshelamu yinakuzatishayi makonu? (2 Kushi. 20:14, 15; Mat. 24:45-47; Yowanu 15:15)
(c) Neyi Nzambi natachiki dehi “njita yefuku odu deneni daNzambi Watwesha yejima” indi chihandilu chetu chikadifwanaku ñahi nachaYehoshafwati? (2 Kushi. 20:15, 17; 32:8; Chim. 16:14, 16)
(d) Kwimbujola Alevi, apayiniya niamishonali ahanaña chawaana chamuchidinyi mumudimu wakushimwina wamukaayi kejima makonu? (2 Kushi. 20:19; Rom. 10:13-15; 2 Tim. 4:2)
Mpanji 68
Atwansi Ayedi awaMayala Anasañuki
1. Indi awa antu asatu adi hamwevulu hiyanyi, nawa chumanyi chinamumwekeni iwu kansi weyala?
2. Indi Elija nalombi chumanyi kutalisha kudi kansi weyala, nawa kulondelahu chumanyi chinamwekani?
3. Indi nkwashi yaElija ijina dindi diyinyi?
4. Muloñadi Elisha chanamutambikiliwu kwitala damumbanda muShunemi?
5. Chumanyi chinakoñiyi Elisha, nawa chumanyi chinamwekani kudiwu mwana wafwa?
6. Indi Yehova wekala nañovu yamuchidinyi neyi chinamwekeshiwu kuhitila mudi Elija niElisha?
Malwihu amakwawu:
1. Tañaku 1 Anyanta 17:8-24.
(a) Indi chikuhwelelu nikwovwahila kwaElija akwesekeli ñahi? (1 Anya. 17:9; 19:1-4, 10)
(b) Muloñadi chikuhwelelu chantuluwa wakuZarefwati chichabadikili kulema? (1 Anya. 17:12-16; Luka 4:25, 26)
(c) Indi nsañu yantuluwa wakuZarefwati yamwekesha ñahi walala wamazu aYesu asonekawu haMatewu 10:41, 42? (1 Anya. 17:10-12, 17, 23, 24)
2. Tañaku 2 Anyanta 4:8-37.
(a) Indi mumbanda wakuShunemi natudizishi chumanyi hansañu yachisambu? (2 Anya. 4:8; Luka 6:38; Rom. 12:13; 1 Yowanu 3:17)
(b) Munjilanyi mutukumwekeshela nyidimu yaluwi kutalisha kudi añamba jaNzambi makonu? (Yililu 20:35; 28:1, 2; Ŋal. 6:9, 10; Heb. 6:10)
Mpanji 69
Kansi waMumbanda Nakwashi Iyala Mukwa Ñovu
1. Haniwu mwevulu indi iwu kansi wamumbanda nakumuleja iwu mumbanda nindidi?
2. Indi iwu mumbanda wudi hamwevulu hinyi, nawa iwu kansi wamumbanda nakwiladi kwitala daniwu mumbanda?
3. Indi Elisha namuleji ñamba yindi kumuleja Nayamani nindidi, nawa muloñadi Nayamani chinahilihiyi?
4. Chumanyi chinamwekani chineli Nayamani yatiyili mwizu dawañamba jindi?
5. Muloñadi Elisha chinakaniniyi chamukunkulu chaNayamani, indi chumanyi chineliyi Gehazi?
6. Chumanyi chinamwekani kudi Gehazi, nawa chumanyi chitunateli kudizilaku?
Malwihu amakwawu:
1. Tañaku 2 Anyanta 5:1-27.
(a) Indi chakutalilahu chemikiliyi kansi wamumbanda kaIsarela chinateli kukolesha ñahi achidi atwansi makonu? (2 Anya. 5:3; Mas. 8:2; 148:12, 13)
(b) Muloñadi chichalemena kuhemba chakutalilahu chaNayamani muyitoñojoka neyi chakwila tutambwila kufumba kwamuNsona? (2 Anya. 5:15; Heb. 12:5, 6; Yak. 4:6)
(c) Chumanyi chitunateli kudizilaku hachambu chidi hachakutalilahu chaElisha naGehazi? (2 Anya. 5:9, 10, 14-16, 20; Mat. 10:8; Yililu 5:1-5; 2 Kor. 2:17)
Mpanji 70
1. Indi Yona hinyi, nawa Yehova namuleji kwiladi?
2. Hamuloña wakwila hanakukeña kuya kunamutumiwu kudi Yehovaku, chumanyi chineliyi Yona?
3. Indi Yona naleji akwakwendesha watu kwiladi hakwila nawu mpepela yeneni yileki?
4. Neyi chiwunakumona hamwevulu, chumanyi chinamwekani chineli Yona yanekami kwishina damenji?
5. Indi Yona nashakami mwivumu danshi weneni mafuku añahi, nawa chumanyi chinakoñiyi mwenimu?
6. Hanyima yakufuma mwivumu danshi weneni, Yona nayi kudihi, nawa ichi chinakutudizisha chumanyi?
Malwihu amakwawu:
1. Tañaku Yona 1:1-17.
Mwalala, Yona watiyili ñahi hamudimu windi wakuya nakushimwina kuNinive? (Yona 1:2, 3; Yish. 3:7; Mukwa. 8:12)
2. Tañaku Yona 2:1, 2, 10.
Indi chuma chahitilimu Yona chikutwinka ñahi chikuhwelelu netu Yehova wukakula kulomba kwetu? (Mas. 22:24; 34:6; 1 Yowanu 5:14)
3. Tañaku Yona 3:1-10.
(a) Indi kukoleshanyi kutwatambulaña hachalala chakwila nawu Yehova watwalekelihu kumuzatisha Yona hela chakwila wakañenyi kushikija mudimu windi wakutachikilahu? (Mas. 103:14; 1 Pet. 5:10)
(b) Indi chuma chamuzatikilili Yona naweniNinive chinakutudizisha chumanyi hakusompeshañahu dehi antu adi mwiluña detu ditwashimwinañamu? (Yona 3:6-9; Mukwa. 11:6; Yililu 13:48)
Mpanji 71
1. Indi Isaya wadiñanyi, washikamineña mumpinji yimu yidihi, nawa Yehova wamumwekesheleli chumanyi?
2. Indi izu dakwila nawu “paradisa” dalumbululadi, nawa dakwanukishañadi?
3. Indi Yehova wamulejeli Isaya kusonekadi hadi Paradisa yayiha?
4. Muloñadi Adama niEvu chiyajimbesheleliwu mukala wawu wawuwahi?
5. Indi Yehova nashikidi kudi owu amukeña?
Malwihu amakwawu:
1. Tañaku Isaya 11:6-9.
(a) Indi Izu daNzambi damwekeshaña ñahi kuwunda oku kukekalaku hakachi kawanyama niantu mwituña dadiha? (Mas. 148:10, 13; Isa. 65:25; Ezek. 34:25)
(b) Indi kushikijewanyi kwakuspiritu kwamazu aIsaya kunakumwekana hakachi kawantu jaYehova makonu? (Rom. 12:2; Efwes. 4:23, 24)
(c) Hinyi watela kutambwila kulema kwakubalumuna yililu yawantu makonu nimwituña dadiha? (Isa. 48:17, 18; Ŋal. 5:22, 23; Fwi. 4:7)
2. Tañaku Chimwekeshu 21:3, 4.
(a) Indi Nyikanda yajila yamwekeshaña ñahi nawu kushakama kwaNzambi nawantu hamaseki chinakulumbulula nawu wudikoku muchifwikija, bayi neyi wudikoku muwuntuku? (Lev. 26:11, 12; 2 Kushi. 6:18; Isa. 66:1; Chim. 21:2, 3, 22-24)
(b) Madilu amuchidinyi nikukata kuyakafumishahu? (Luka 8:49-52; Rom. 8:21, 22; Chim. 21:4)
Mpanji 72
Nzambi Namukwashi Mwanta Hezekiya
1. Indi iwu iyala wudi hamwevulu hinyi, nawa muloñadi chinekaliliyi mukukala kweneni?
2. Nyikandanyi yinatentekiyi Hezekiya kumesu aYehova, nawa chumanyi chinakulombayi Hezekiya?
3. Indi Hezekiya himwanta wamuchidinyi, nawa Yehova namutumini mazwinyi kuhitila mudi kaprofwetu Isaya?
4. Chumanyi chinayikoñiyi kañelu kaYehova eniAshuri, neyi chinamwekeshiwu hamwevulu?
5. Hela chakwila wanta wanyitaña yiyedi wunashakami mukuwunda hampinji yantesha, chumanyi chinamwekani hanyima yakwila Hezekiya nafwi?
Malwihu amakwawu:
1. Tañaku 2 Anyanta 18:1-36.
(a) Indi Rabishake mukwakuhoshelaku eniAshuri wakeñeli ñahi kuzeyesha chikuhwelelu chawaIsarela? (2 Anya. 18:19, 21; Kwid. 5:2; Mas. 64:3)
(b) Neyi aYinsahu jaYehova anatalashani nawakwankunyi nawu, amwekeshaña ñahi chakutalilahu chaHezekiya? (2 Anya. 18:36; Mas. 39:1; Yish. 26:4; 2 Tim. 2:24)
2. Tañaku 2 Anyanta 19:1-37.
(a) Indi antu jaYehova makonu embujolaña ñahi Hezekiya mumpinji yamakabi? (2 Anya. 19:1, 2; Yish. 3:5, 6; Heb. 10:24, 25; Yak. 5:14, 15)
(b) Indi yumanyi yisatu yashindili Mwanta Senakeribi yamweniyi, nawa hinyi anakwimenaku muwuprofwetu? (2 Anya. 19:32, 35, 37; Chim. 20:2, 3)
3. Tañaku 2 Anyanta 21:1-6, 16.
Muloñadi chatelela kuhosha nawu Manase wadiña wumu hadi anyanta asweja kutama ayulili muYerusalema? (2 Kushi. 33:4-6, 9)
Mpanji 73
Mwanta Wamuwahi Wakukumishaku muIsarela
1. Indi Yosiya wudi nayaaka yiñahi hampinji yanekaliyi mwanta, nawa hanyima yakwikala mwanta hadi yaaka yitanu nachimu natachiki kwiladi?
2. Haniwu mwevulu watachi wunamumoni Yosiya nakwiladi?
3. Chumanyi chinawaniyi kapristu muneni hampinji yinakuloñeshawu amayala tembeli?
4. Muloñadi Yosiya chinatabwiliyi yakuvwala yindi?
5. Mazwinyi anafumi kudi Yehova anamulejiwu Yosiya kudi kaprofwetu wamumbanda Hulida?
Malwihu amakwawu:
1. Tañaku 2 Kushindulula 34:1-28.
(a) Chakutalilahwinyi chinamwekeshiyi Yosiya kudi owu omikahu dehi kukala kufuma tuhu kuwansi wawu? (2 Kushi. 33:21-25, 34:1, 2; Mas. 27:10)
(b) Indi yumanyi yalema yeliliyi Yosiya hakutwala kwitiya kwalala hambidi muchaaka chamu 8, chamu 12 nichamu 18 chakuyula kwindi? (2 Kushi. 34:3, 8)
(c) Chumanyi chitukudizilaku kuchakutalilahu chemikili Mwanta Yosiya niKapristu Muneni Hilikiya hakuhemba iluña detu dakupompelahu chiwahi? (2 Kushi. 34:9-13; Yish. 11:14; 1 Kor. 10:31)
Mpanji 74
1. Indi iwu kansi weyala wudi hamwevulu diyinyi?
2. Indi Yeremiya natoñojokidi hakwikala kaprofwetu, ilaña Yehova namuleji nindidi?
3. Indi Yeremiya natwalekihu kuleja antu mazwinyi?
4. Munjilanyi atupristu muyanesekiliwu kumukañesha Yeremiya, ilaña namwekeshi ñahi nindi hanatiyi womaku?
5. Chumanyi chinamwekani hampinji yinabuliwu kuhimpa aIsarela yililu yawu yatama?
Malwihu amakwawu:
1. Tañaku Yeremiya 1:1-8.
(a) Kwesekeja nachakutalilahu chaYeremiya, chumanyi chaleteshaña muntu kwikala washikila kuzata mudimu waYehova? (2 Kor. 3:5, 6)
(b) Indi chakutalilahu chaYeremiya chakoleshaña ñahi atwansi awiniKristu makonu? (Mukwa. 12:1; 1 Tim. 4:12)
2. Tañaku Yeremiya 10:1-5.
Indi chishimwinyi chalema chinazatishiyi Yeremiya hakumwekesha nawu kukuhwelela akishi hichuma chamukunkulwayi? (Yere. 10:5; Isa. 46:7; Hab. 2:19)
3. Tañaku Yeremiya 26:1-16.
(a) Indi ashalahu awahishewa ahemba ñahi nshimbi yaYehova yamulejeliwu Yeremiya ‘yakubula kusweka izu nidimu’ hampinji yanakutiyakeshawu mazu akubabesha makonu? (Yere. 26:2; Kuhit. 4:2; Yililu 20:27)
(b) Chakutalilahwinyi chachiwahi chemikiliyi Yeremiya kudi aYinsahu jaYehova dalelu hakutiyakesha kubabesha kwaYehova kunyuza? (Yere. 26:8, 12, 14, 15; 2 Tim. 4:1-5)
4. Tañaku 2 Anyanta 24:1-17.
Yumanyi yatama yayimwekeneni aYudeya hakubula kumukuhwelela Yehova? (2 Anya. 24:2-4, 14)
Mpanji 75
Anyikwenzi awaMayala Awana muBabiloni
1. Indi awa anyikwenzi awana adi hamwevulu anyi, nawa muloñadi chiyanekaliliwu muBabiloni?
2. Kufuukulanyi kwafuukwiliyi Nebukaneza kutalisha hadi anyikwenzi awana, nawa nshimbinyi yinayilejiyi añamba jindi?
3. Chumanyi chinalombiyi Danyeli kutalisha hayakudya niyakunwa yindi niyawamabwambu jindi asatu?
4. Hanyima yakudya yisakola hamafuku ikumi, Danyeli niamabwambu jindi asatu anamwekani ñahi kwesekeja nawakwawu atwansi awamayala?
5. Indi Danyeli niamabwambu jindi asatu anawaniki ñahi muchipañu chamwanta, nawa munjilanyi muyanekaliliwu chachiwahi kubadika atupristu niamayala akwamaana?
Malwihu amakwawu:
1. Tañaku Danyeli 1:1-21.
(a) Indi ñovu yamuchidinyi yinakukeñeka neyi tunakukeña kukañesha kweseka nikuzeya? (Dan. 1:8; Kutach. 39:7, 10; Ŋal. 6:9)
(b) Munjilanyi anyikwenzi amakonu muyanateli kuyesekelawu hela kuyikanjikija kudiñija muyuma yamonañawu antu makwawu neyi ‘hiyakudya yayiwahi’? (Dan. 1:8; Yish. 20:1; 2 Kor 6:17–7:1)
(c) Indi nsañu yamuBayibolu yashimuna hadi anyikwenzi awana eniHeberu yatukwashaña ñahi kuhameka kutalisha hakudiza kwiluka kwakumujimba? (Dan. 1:20; Isa. 54:13; 1 Kor. 3:18-20)
Mpanji 76
1. Chumanyi chinakumwekana kudi Yerusalema niaIsarela anamwekeshiwu hamwevulu?
2. Indi Ezekeli hinyi, nawa yumanyi yakuhayamisha yinamumwekesheliyi Yehova?
3. Hamuloña wakwila aIsarela hiyadi nakalemesha kudi Yehovaku, indi Yehova nayishiki nindidi?
4. Indi Mwanta Nebukaneza nelidi hanyima yakwila aIsarela anadikañi nindi?
5. Muloñadi Yehova chinetejeliyi iku kukisañana kwatama kuzatiki kudi aIsarela?
6. Indi mpata yawaIsarela anayishiyi ñahi chakadi antu, nawa munahiti yaaka yiñahi?
Malwihu amakwawu:
1. Tañaku 2 Anyanta 25:1-26.
(a) Indi Zedekiya wadiñanyi, chumanyi chamumwekeneni, nawa ichi chashikijili ñahi wuprofwetu wamuBayibolu? (2 Anya. 25:5-7; Ezek. 12:13-15)
(b) Indi Nzambi wenkelinyi muloña hakuluwa kwejima kwakoñeliwu aIsarela? (2 Anya. 25:9, 11, 12, 18, 19; 2 Kushi. 36:14, 17)
2. Tañaku Ezekeli 8:1-18.
Indi Kristendomu nembujoli ñahi aIsarela abula kujila akwakudifukula kwitañwa? (Ezek. 8:16; Isa. 5:20, 21, Yowanu 3:19-21; 2 Tim. 4:3)
Mpanji 77
1. Indi nshimbinyi yinahaniyi Nebukaneza mwanta waBabiloni kudi antu?
2. Muloñadi amabwambu jaDanyeli asatu chiyanabuliliwu kufukamina mukishi wawuru?
3. Chineli Nebukaneza nayinki dehi aHeberu asatu mpinji yikwawu yakufukama, indi aHeberu anamwekeshi ñahi chikuhwelelu chawu mudi Yehova?
4. Indi Nebukaneza nayileji antu jindi kuyiladi aShadaraki, niMeshaki niAbedinego?
5. Indi chumanyi chinamoniyi Nebukaneza chineliyi nindi yatali muluteñi?
6. Muloñadi mwanta chinahamekeliyi Nzambi yaShadaraki, niMeshaki niAbedinego, nawa chakutalilahwinyi chiyanamwekeshiwu kudi etu?
Malwihu amakwawu:
1. Tañaku Danyeli 3:1-30.
(a) Indi yililu yamuchidinyi yamwekesheli anyikwenzi eniHeberu asatu yatela kwimbujola añamba jaNzambi ejima neyi anawaniki nakweseka kwakashinshi? (Dan. 3:17, 18; Mat. 10:28; Rom. 14:7, 8)
(b) Chumanyi chalema chamudizishiliwu Nebukaneza kudi Yehova Nzambi? (Dan. 3:28, 29; 4:34, 35)
Mpanji 78
1. Chumanyi chinamwekani chineli mwanta wakuBabiloni yeli chawija cheneni nikuzatisha malupasa nijimbashila jasendeliwu mutembeli yaYehova muYerusalema?
2. Indi Beleshaza wayilejeli nindidi antu jindi akwamaana, ilaña chumanyi chiyanakañanyi kwilawu?
3. Indi mama yamwanta namuleji Beleshaza kwiladi?
4. Kwesekeja nachamulejeliwu mwanta kudi Danyeli, muloñadi Nzambi chinatemesheliyi chikasa nakusoneka hambañu?
5. Indi Danyeli nalumbululi ñahi mwaya mazu adi hambañu?
6. Chumanyi chinamwekani henohu Danyeli wuchidi kuhosha?
Malwihu amakwawu:
1. Tañaku Danyeli 5:1-31.
(a) Hanaku chambu chidi hawoma wakwakama Nzambi, nawoma watiyili Beleshaza chamweniyi nsona hambañu. (Dan. 5:6, 7; Mas. 19:9; Rom. 8:35-39)
(b) Indi Danyeli wamwekesheli ñahi kumika hampinji yahosheleñayi naBeleshaza niayilolu jindi? (Dan. 5:17, 18, 22, 26-28; Yililu 4:29)
(c) Indi mukanda waDanyeli kapetulu 5 wunakonkomweni ñahi hadi wanta waYehova wakuleña kwejima? (Dan. 4:17, 25; 5:21)
Mpanji 79
1. Indi Dariyusa diyinyi, nawa wamumonaña ñahi Danyeli?
2. Indi amayala echima anamuleji Dariyusa kwiladi?
3. Indi Danyeli nelidi chinelukiyi nshimbi yayiha?
4. Muloñadi Dariyusa chinaneñeliyi chakwila nakañanyi nikukama tulu, nawa chumanyi chineliyi chikunachi?
5. Indi Danyeli namwakuli Dariyusa nindidi?
6. Chumanyi chinayimwekeni amayala atama esekeli nawu amujahi Danyeli, nawa Dariyusa nayisonekeli antu ejima adi muwanta windi nindidi?
Malwihu amakwawu:
1. Tañaku Danyeli 6:1-28.
(a) Indi kafuta kiyamukwatililuwu Danyeli kanakutwanukisha chumanyi ochu akwakunyi kuyelañawu hakweseka kufuntisha mudimu wawaYinsahu jaYehova hanyima makonu? (Dan. 6:7; Mas. 94:20; Isa. 10:1; Rom. 8:31)
(b) Indi añamba jaNzambi makonu anateli kumwimbujola ñahi Danyeli hakwikala ovwahila “anyanta”? (Dan. 6:5, 10; Rom. 13:1; Yililu 5:29)
(c) Indi tunateli ñahi kwimbujola chakutalilahu chaDanyeli chakuzatila Yehova “mafuku ejima”? (Dan. 6:16, 20; Fwi. 3:16; Chim. 7:15)
Mpanji 80
Antu jaNzambi Anafumi muBabiloni
1. Neyi chinamwekeshiwu hamwevulu, indi aIsarela anakwiladi?
2. Indi Kirusi washikijili ñahi wuprofwetu waYehova kuhitila mudi Isaya?
3. Indi Kirusi nayileji nindidi aIsarela anakañanyi kufunta kuYerusalema?
4. Indi Kirusi nayinki antu yumanyi yakusenda hanakufuntawu kuYerusalema?
5. Mwahitili yaaka yiñahi hakwila nawu aIsarela afunti cheñi kuYerusalema?
6. Indi yaaka yiñahi yinahitihu kufuma hampinji yashiyiliwu mpata chakadi antu?
Malwihu amakwawu:
1. Tañaku Isaya 44:28 ni 45:1-4.
(a) Indi Yehova wakonkomweneni ñahi hakushikijewa kwalala kwawuprofwetu kutalisha kudi Kirusi? (Isa. 55:10, 11; Rom. 4:17)
(b) Indi wuprofwetu waIsaya kutalisha kudi Kirusi wunakumwekesha ñahi ñovu jaYehova Nzambi jakushimunañahu dehi yuma yakumbidi? (Isa. 42:9; 45:21; 46:10, 11; 2 Pet. 1:20)
2. Tañaku Ezera 1:1-11.
Kulondela chakutalilahu chanowu akañenyi kufunta kuYerusalema, munjilanyi mutunatwesheli ‘kuyikwashila’ owu akutwesha kwiñila mudimu wampinji yejima makonu? (Ezera 1:4, 6; Rom. 12:13; Kol. 4:12)
Mpanji 81
Kukuhwelela Muwukwashu waNzambi
1. Antu añahi adi halwendu lwalulehi lwakufuma muBabiloni nakuya kuYerusalema, ilaña chiyanashikiwu anawani chumanyi?
2. Chumanyi chanatachikiwu aIsarela kutuña hanyima yakushika, ilaña ayilumbu jawu anelidi?
3. Indi aHagayi naZekariya hiyanyi, nawa chumanyi chanalejiwu antu?
4. Muloñadi Tatenayi chinatuminiyi mukanda kuBabiloni, nawa anamwakuli nawudi?
5. Chumanyi chineliyi Ezera chineli yeluki nindi tembeli yaNzambi yinakukeñeka kuyiloñesha?
6. Indi Ezera nakulomba chumanyi hamwevulu, nawa kulomba kwindi anakwakuli ñahi, ichi chinatudizishidi?
Malwihu amakwawu:
1. Tañaku Ezera 3:1-13.
Neyi chakwila tuwanika kwiluña kunabuli chipompelu chawantu jaNzambi, chumanyi chitunateli kutwalekahu kwila? (Ezera 3:3, 6; Yililu 17:16, 17; Heb. 13:15)
2. Tañaku Ezera 4:1-7.
Chakutalilahwinyi chaheniyi Zerubabeli kudi antu jaYehova kutalisha kukuleta antu ashiyashana yikuhwelelu yansakililu hamu? (Kwid. 34:12; 1 Kor. 15:33; 2 Kor. 6:14-17)
3. Tañaku Ezera 5:1-5, 17 ni 6:1-22.
(a) Muloñadi akwankunyi chiyabuliluwu kutwesha kulekesha mudimu wakutuña tembeli? (Ezera 5:5; Isa. 54:17)
(b) Indi yililu yawakulumpi awamayala aYudeya yinakoleshi ñahi amaeluda aweniKristu kulomba wulomboli waYehova neyi atalañana nawakwankunyi? (Ezera 6:14; Mas. 32:8; Rom. 8:31; Yak. 1:5)
4. Tañaku Ezera 8:21-23, 28-36.
Henohu kanda tudibombi muyililu yimu, chakutalilahwinyi chaEzera chitunateli kwimbujola? (Ezera 8:23; Mas. 127:1; Yish. 10:22; Yak. 4:13-15)
Mpanji 82
1. Indi aModekayi niEsita hiyanyi?
2. Mwanta Ahasuwerusi nakukeñeladi mumbanda wamuha, nawa hinyi yanatondiyi?
3. Indi Hamani hinyi, nawa chumanyi chinamuleteshi kuhila nankashi?
4. Indi nshimbinyi yanemikiwu, nawa chumanyi chineliyi Esita hanyima yakutambwila mazu kufuma kudi Modekayi?
5. Chumanyi chinayimwekeni aHamani niModekayi?
6. Indi aIsarela anayipulwishi ñahi kudi ayilumbu jawu?
Malwihu amakwawu:
1. Tañaku Esita 2:12-18.
Indi Esita wamwekesheli ñahi kulema kwakwikala “naspiritu yayovu nawa yawunda”? (Esita 2:15; 1 Pet. 3:1-5)
2. Tañaku Esita 4:1-17.
Neyi chochiyamwinkeliwu Esita mpinji yakwimenaku kudifukula kwalala, kukolekanyi kuyanatwinkiwu makonu kwakumwekesha kwakama nikashinshi kudi Yehova? (Esita 4:13, 14; Mat. 5:14-16; 24:14)
3. Tañaku Esita 7:1-6.
Indi antu jaNzambi amavulu makonu niwena aneñili ñahi muyihuñu neyi cheñililiyi Esita? (Esita 7:4; Mat. 10:16-22; 1 Pet. 2:12)
Mpanji 83
1. Indi aIsarela atiyili ñahi hakubula kwikala nampwembu yanyeñumuka musumba wawu waYerusalema?
2. Indi Nehemiya hinyi?
3. Indi Nehemiya wukweti mudimwinyi, nawa muloñadi chiwalemena?
4. Mujimbwinyi wunakojeji Nehemiya kuneña, nawa chumanyi chineliyi?
5. Munjilanyi Mwanta Aratasheshe munamumwekesheliyi Nehemiya luwi?
6. Indi Nehemiya naloñeshi ñahi mudimu wakutuña hakwila nawu ayilumbu jawaIsarela abuli kuwikañesha?
Malwihu amakwawu:
1. Tañaku Nehemiya 1:4-6 ni 2:1-20.
Indi Nehemiya walombeli ñahi wunlomboli waYehova? (Nehe. 2:4, 5; Rom. 12:12; 1 Pet. 4:7)
2. Tañaku Nehemiya 3:3-5.
Indi amaeluda niankoñi akwakuzatila anateli kudizilaku ñahi hachambu chidi hakachi kawaTekowa ‘niatulamba twawu’? (Nehe. 3:5, 27; 2 Tesa. 3:7-10; 1 Pet. 5:5)
3. Tañaku Nehemiya 4:1-23.
(a) Chumanyi chaletesheli aIsarela kutwalekahu kutuña hela chakwila kwadiña ikañesha deneni? (Nehe. 4:6, 8, 9; Mas. 50:15; Isa. 65:13, 14)
(b) Chakutalilahu chawaIsarela chatukoleshaña ñahi dalelu dinu?
4. Tañaku Nehemiya 6:15.
Indi chalala chakwila nawu mpwembu yaYerusalema ayimanishili hohu mutukweji tuyedi, chinakumwekesha ñahi ñovu yachikuhwelelu? (Mas. 56:3, 4; Mat. 17:20; 19:26)
Mpanji 84
1. Indi iwu mumbanda wudi hamwevulu hinyi?
2. Indi Gabireli namuleji Mariya nindidi?
3. Indi Gabireli namulumbulwili ñahi Mariya nindi wukwikala namukeki hela chakwila hakweti iyalaku?
4. Chumanyi chinamwekani chineli Mariya yamwendeli ntaña yindi Elizabeta?
5. Indi Yosefu natoñojoki nindidi chineli yeluki nindi Mariya wukwikala namukeki, ilaña muloñadi chinahimpiliyi yitoñojoka?
Malwihu amakwawu:
1. Tañaku Luka 1:26-56.
(a) Indi Luka 1:35 yamwekeshañadi kutalisha kushindi yidi yejima yaAdama yidi mumbutu yalusemu yaMariya chelili wumi wamwana kaNzambi awituntululi kufuma mwiwulu? (Hag. 2:11-13; Yowanu 6:69; Heb. 7:26; 10:5)
(b) Indi Yesu watambwilili ñahi kulema henohu kanda yavwaliki? (Luka 1:41-43)
(c) Chakutalilahwinyi chachiwahi chamwekesheliyi Mariya kudi eniKristu amakonu owu atambulaña mudimu wakukoleka kwadimena? (Luka 1:38, 46-49; 17:10; Yish. 11:2)
2. Tañaku Matewu 1:18-25.
Hela chakwila Yesu hiyamwinkeli ijina dahalwindi daEmanuweliku, indi mudimu windi wawuntu washikijili ñahi kulumbulula kwanidi ijina? (Mat. 1:22, 23; Yowanu 14:8-10; Heb. 1:1-3)
Mpanji 85
1. Indi iwu mukeki wudi hamwevulu hinyi, nawa Mariya namukamiki hanka?
2. Muloñadi Yesu chavwalikililiyi mwitaña mwadiña ayimuna?
3. Haniwu mwevulu, awa amayala anakwiñila mwitaña hiyanyi, nawa kañelu wayilejeli nindidi?
4. Muloñadi Yesu chinekaliliyi walema?
5. Muloñadi Yesu chiyanateleli kumutambikawu nawu Mwana kaNzambi?
Malwihu amakwawu:
1. Tañaku Luka 2:1-20.
(a) Mbadinyi Agusitusi Kesari yinazatiyi mukushikijewa kwawuprofwetu wakutalisha kukuvwalika kwaYesu? (Luka 2:1-4; Mika 5:2)
(b) Indi muntu anateli kumubombela ñahi hakachi kawantu iyatenaña nawu ‘antu atiyañayi kuwaha’? (Luka 2:14; Mat. 16:24; Yowanu 17:3; Yililu 3:19; Heb. 11:6)
(c) Neyi chakwila atubiña aweniYudeya ovwahila adiña namuloña wakutiya kuwaha hakuvwalika kwaChamwinu, muloñanyi weneni wukwetiwu añamba jaNzambi watelela kuzañalelawu makonu? (Luka 2:10, 11; Efwes. 3:8, 9; Chim. 11:15; 14:6)
Mpanji 86
Amayala Alombweliwu Kudi Katumbwa
1. Indi awa amayala adi hamwevulu hiyanyi, nawa muloñadi wumu hakachi kawu chinakwinyikilayi katumbwa kanatoñeki?
2. Muloñadi Mwanta Herodi chinahililiyi, nawa chumanyi chineliyi?
3. Indi katumbwa kanatoñeki kanayilomboli amayala kudihi, nawa muloñadi chiyanafutiliwu kwituña dawu munjila yacheñi?
4. Indi nshimbinyi yinahaniyi Herodi, nawa muloñadi?
5. Indi Yehova namuleji Yosefu kwiladi?
6. Hinyi wakojejeli katumbwa kakaha kutoñeka, nawa muloñadi?
Lwihu lukwawu:
1. Tañaku Matewu 2:1-23.
Indi Yesu wadiña nayaaka yiñahi nawa wadiñi nakushikama kudihi hampinji yamwedeliliwu kudi akwakutala tutumbwa? (Mat. 2:1, 11, 16)
Mpanji 87
1. Indi Yesu wudi nayaaka yiñahi haniwu mwevulu, nawa wudi kudihi?
2. Chumanyi chelañayi Yosefu nachisaka chindi hachaaka hachaaka?
3. Hanyima yakwenda ifuku dimu halwendu lwakufunta kumukala, muloñadi aYosefu naMaliya chiyanafutiliwu kuYerusalema?
4. Indi Yosefu naMaliya anamuwani Yesu kudihi, nawa muloñadi antu chiyanahayaminiwu kweniku?
5. Yesu namuleji mama yindi Maliya nindidi?
6. Tunatweshi kumufwana ñahi Yesu hakudiza hadi Nzambi?
Malwihu amakwawu:
1. Tañaku Luka 2:41-52.
(a) Hela chakwila nshimbi yakeñekeleña nawu amayala hohu diwu akuwanika kuyawija yahachaaka hachaaka, chakutalilahwinyi chachiwahi Yosefu naMaliya chemikilawu anvwali makonu? (Luka 2:41; Kuhit. 16:16; 31:12; Yish. 22:6)
(b) Indi Yesu wamwekesheli ñahi chakutalilahu chachiwahi kudi atwansi makonu chatela kwovwahilawu anvwali jawu? (Luka 2:51; Kuhit. 5:16; Yish. 23:22; Kol. 3:20)
2. Tañaku Matewu 13:53-56.
Indi amana kwaYesu awana akumujimba iyatenawu muBayibolu hiyanyi, nawa mukuhita kwayaaka, ayedi ayizatishili ñahi muchipompelu chawiniKristu? (Mat.13:55; Yililu 12:17; 15:6, 13; 21:18; Ŋal. 1:19; Yak. 1:1; Yuda 1)
Mpanji 88
1. Indi awa amayala ayedi adi hamwevulu hiyanyi?
2. Indi muntu amupapatishaña ñahi?
3. Indi Yowanu wapapatishaña antu amuchidinyi kakavulu?
4. Muloñanyi walema Yesu wunamulejiyi Yowanu nindi amupapatishi?
5. Indi Nzambi namwekeshi ñahi nindi Nazañalali hakumona Yesu napapatishewi?
6. Chumanyi chinamwekani hampinji yinayiyi Yesu kwiluña dakankawindi hamafuku 40?
7. Indi atumbanji twaYesu atachi hiyanyi, nawa chihayamisha chindi chatachi chadiña chankahi?
Malwihu amakwawu:
1. Tañaku Matewu 3:13-17.
Chakutalilahwinyi Yesu chemikililiyi atumbanji twindi chachipapatishu? (Mas. 40:7, 8; Mat. 28:19, 20; Luka 3:21, 22)
2. Tañaku Matewu 4:1-11.
Indi kuzatisha kwaYesu kwaNsona chachiwahi, kwatukoleshaña ñahi kudiza Bayibolu mpinji yejima? (Mat. 4:5-7; 2 Pet. 3:17, 18; 1 Yowanu 4:1)
3. Tañaku Yowanu 1:29-51.
Yowanu Mpapatishu wayinyikilili atumbanji twindi kudinyi, nawa munjilanyi mutunateli kumwimbujolila makonu? (Yowanu 1:29, 35, 36; 3:30; Mat. 23:10)
4. Tañaku Yowanu 2:1-12.
Chihayamisha chaYesu chatachi chinamwekeshi ñahi nawu Yehova hayuminaña añamba Jindi yuma yayiwahiku? (Yowanu 2:9, 10; Mas. 84:11; Yak. 1:17)
Mpanji 89
1. Muloñadi ayimuna chiyanakuyilandishilawu hatembeli?
2. Chumanyi chinamuhilishi Yesu?
3. Neyi chiwunamoni hamwevulu, Yesu nakwila chumanyi, nawa chumanyi chinayilejiyi awa amayala anakulandisha tupompa?
4. Chineli atumbanji twaYesu amoni chinakwilayi, chumanyi chiyananukiwu?
5. Indi nkambinyi Yesu yinahitiliyi halwendu lwindi lwakufunta kuÑaliliya?
Lwihu lukwawu:
1. Tañaku Yowanu 2:13-25.
Kushinshika hakuhila kwaYesu kudi ana akwakuhimpa mali mutembeli, yililwinyi yayiwahi yitwatela kwikala nayu kutalisha hakulanda nakulandulula Hetala daWanta? (Yowanu 2:15, 16; 1 Kor. 10:24, 31-33)
Mpanji 90
1. Muloñadi Yesu chinemeniyi heshima muSamariya, nawa mazwinyi anakuhoshayi naniwu mumbanda aha?
2. Muloñadi iwu mumbanda chinahayaminiyi, mazwinyi anahoshi Yesu naniwu mumbanda, nawa muloñadi?
3. Indi iwu mumbanda nakutoñojoka nindi Yesu nakuhosha hamenji amuchidinyi, ilaña himenji amu adihi anakutenayi Yesu?
4. Muloñadi iwu mumbanda chinahayaminiyi hakutiya Yesu hakushimuna yuma yakumwiluka nachu, nawa iyi nsañu nayiluki ñahi?
5. Chumanyi chitunateli kudizilaku kuniyi nsañu yaniwu mumbanda heshima?
Malwihu amakwawu:
1. Tañaku Yowanu 4:5-43.
(a) Kulondela chakutalilahu chaYesu, yililwinyi yitwatela kumwekesha kutalisha kudi antu ekowa dacheñi hela nyichidi yashiyañana (Yowanu 4:9; 1 Kor. 9:22; 1 Tim. 2:3, 4; Titusa 2:11)
(b) Kukolekanyi kwakuspiritu kunateli kwikalayi naku muntu wukwikala kambanji kaYesu? (Yowanu 4:14; Isa. 58:11; 2 Kor. 4:16)
(c) Munjilanyi mutukumwekeshela kuhameka neyi ona mumbanda kaSamariya, owu wakeñeli nankashi kulejaku amakwawu hayuma yadiziliyi? (Yowanu 4:7, 28; Mat. 6:33; Luka 10:40-42)
Mpanji 91
1. Haniwu mwevulu, kudihi kunakutañishilayi Yesu, indawa anashakami mukamwihi nayena hiyanyi?
2. Indi majina awapostolu 12 diwu anyi?
3. Indi Wantanyi wunakushimwinayi Yesu?
4. Indi Yesu natañishi antu kulombela hachumanyi?
5. Indi Yesu nahoshi nindidi kutalisha hansañu yatela antu kudihembawu wumu namukwawu?
Malwihu amakwawu:
1. Tañaku Matewu 5:1-12.
Munjilanyi mutunateli kumwekeshela netu tudi asoñama hakukeña yuma yakuspiritu? (Mat. 5:3; Rom. 10:13-15; 1 Tim. 4:13, 15, 16)
2. Tañaku Matewu 5:21-26.
Indi Matewu 5:23, 24 yinakonkomweni ñahi nawu wulunda wetu nawamana kwetu wunateli kukañesha wulunda wetu naYehova? (Mat. 6:14, 15; Mas. 133:1; Kol. 3:13, 1 Yowanu 4:20)
3. Tañaku Matewu 6:1-8.
Nyichidinyi yikwawu yakudimona kuloña yinateli kutondolwelawu eniKristu (Luka 18:11, 12; 1 Kor. 4:6, 7; 2 Kor. 9:7)
4. Tañaku Matewu 6:25-34.
Chumanyi chatañishiliyi Yesu kutalisha hakukuhwelela mudi Yehova kutuloñeshela yuma yakumujimba? (Kwid. 16:4; Mas. 37:25; Fwi. 4:6)
5. Tañaku Matewu 7:1-11.
Indi chishimu chatiyakana chidi haMatewu 7:5 chinakutudizishadi? (Yish. 26:12; Rom. 2:1; 14:10; Yak. 4:11, 12)
Mpanji 92
1. Indi tata yaniwu kansi wamumbanda wudi hamwevulu hinyi, nawa muloñadi yena niñodindi chiyananeñeliwu?
2. Chumanyi chineliyi Jayirusa hampinji yinamuwaniyi Yesu?
3. Chumanyi chinamwekani chineli Yesu hakuya kwitala daJayirusa, nawa mujimbwinyi wunatambwiliyi Jayirusa hanjila?
4. Muloñadi antu adi mwitala daJayirusa chiyanamuseheliwu Yesu?
5. Hanyima yakusenda apostolu asatu nitata yakansi wamumbanda nimama yidi mukapeka kakansi wamumbanda, chumanyi chineliyi Yesu?
6. Anyi amakwawu anasañuliyi Yesu, nawa chumichi chinakumwekeshadi?
Malwihu amakwawu:
1. Tañaku Luka 8:40-56.
Indi Yesu wamwekesheli ñahi wushona nikwovwaha kudi mumbanda wapwekeleña mashi, nawa chumanyi chinateli kudizilaku amaeluda awiniKristu makonu? (Luka 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. Tañaku Luka 7:11-17.
Muloñadi owu anajimbeshi antu akeñawu chiyanateli kuwanawu kukundeja kweneni mukwakula kwaYesu kudi ntuluwa wakuNena? (Luka 7:13; 2 Kor. 1:3, 4; Heb. 4:15)
3. Tañaku Yowanu 11:17-44.
Indi Yesu wamwekesheli ñahi nindi kudila muntu wunafwi yitwakeña hichaluwaku? (Yowanu 11:33-36, 38; 2 Sam. 18:33; 19:1-4)
Mpanji 93
1. Chumanyi chasweja kutama chinamumwekeni Yowanu Mpapatishu, nawa ichi chinamutiyishi ñahi Yesu?
2. Indi Yesu nayidyishi ñahi antu anamulondeli nawa yakudya yishika hadihi yinashalihu?
3. Muloñadi atumbanji chiyanatiyiliwu woma, nawa chumanyi chinamumwekeni Petulu?
4. Indi Yesu nadyishi ñahi yihita yawantu kapampa kamuchiyedi?
5. Muloñadi chichakabadikila kuwaha chikela Yesu hakuyula iseki neyi Mwanta waNzambi?
Malwihu amakwawu:
1. Tañaku Matewu 14:1-32.
(a) Nsañu yekala haMatewu 14:23-32 yinahani kashinshinyi muyililu yaPetulu?
(b) Indi Nsona yamwekeshaña ñahi nawu Petulu wapamini nakuleka yililu yindi yakulusukila hakwila chuma? (Mat. 14:27-30; Yowanu 18:10; 21:7; Yililu 2:14, 37-40; 1 Pet. 5:6, 10)
2. Tañaku Matewu 15:29-38.
Indi Yesu wamwekesheli ñahi kalemesha kayuma yakumujimba yafumini kudi Tata yindi? (Mat. 15:37; Yowanu 6:12; Kol. 3:15)
3. Tañaku Yowanu 6:1-21.
Indi eniKristu makonu anateli kulondela ñahi chakutalilahu chaYesu kutalisha kukulemesha nfulumendi? (Yowanu 6:15; Mat. 22:21; Rom. 12:2; 13:1-4)
Mpanji 94
1. Nsañwinyi yinakuditadikishawu apostolu hanjila yakufunta halwendu lwawu lwalulehi?
2. Muloñadi Yesu chinatambikiliyi mwana wanyanya nakumwimika mukachi kawapostolu?
3. Munjilanyi apostolu muyanateli kudizilawu nakwikala neyi atwansi?
4. Chimunahiti tukweji twanti, Yesu namwekeshi ñahi nindi wakeña atwansi?
Malwihu amakwawu:
1. Tañaku Matewu 18:1-4.
Muloñadi Yesu chazatishileñayi yishimu hakutañisha? (Mat. 13:34, 36; Maku 4:33, 34)
2. Tañaku Matewu 19:13-15.
Yililwinyi yawanyana anyanya yitunateli kwimbujola neyi tunakukeña kwikala nankisu muWanta? (Mas. 25:9; 138:6; 1 Kor. 14:20)
3. Tañaku Maku 9:33-37.
Indi Yesu wayitañishilidi atumbanji twindi hansañu yakukeña yifulu yahewulu? (Maku 9:35; Mat. 20:25, 26; Ŋal. 6:3; Fwi. 2:5-8)
4. Tañaku Maku 10:13-16.
Indi Yesu wadiña waswayi ñahi kuwana, nawa chumanyi chinateli kudizilaku amaeluda awiniKristu kuchitalilu chindi? (Maku 6:30-34; Fwi. 2:1-4; 1 Tim. 4:12)
Mpanji 95
1. Lwihwinyi lunamwihuliwu Yesu kudi iyala wumu, nawa muloñadi?
2. Chumanyi chazatishañayi Yesu mpinji yikwawu hakutañisha, nawa chumanyi chitunadizi dehi kutalisha hadi aYudeya naweniSamariya?
3. Mumpanji yinashimuniyi Yesu, chumanyi chinamumwekeni kaYudeya wunakuya munjila yaya kuYeriku?
4. Chumanyi chinamwekani chineli kapristu kawaYudeya nikaLevi anakuya munjila?
5. Haniwu mwevulu hinyi wunakumukwashaku kaYudeya wunakatishiwu?
6. Hanyima yakwila Yesu namanishi kushimuna mpanji, lwihwinyi lunehuliyi, nawa iwu iyala nakuli nindidi?
Malwihu amakwawu:
1. Tañaku Luka 10:25-37.
(a) Chatela yamwakuli hohenohu, indi Yesu namukwashi ñahi iwu iyala weluka nshimbi kutoñojoka haniyi nsañu? (Luka 10:26; Mat. 16:13-16)
(b) Indi Yesu wazatishiliyi ñahi yishimu hakumanisha chambu chadiña nawantu adiña nakumutiyilila? (Luka 10:36, 37; 18:9-14; Titusa 1:9)
Mpanji 96
1. Indi Yesu nakwiladi chinakwendayi mwahita ituña dejima?
2. Chimwahitili yaaka yisatu hanyima yakumupapatisha Yesu, chumanyi chinalejiyi apostolu indi?
3. Awa antu adi hamwevulu hiyanyi, nawa chumanyi chinakoñiyi Yesu kudi iwu wamumbanda?
4. Muloñadi kwakula kwaYesu kwikañesha dawanlomboli jansakililu chikunayileteli nsonyi?
5. Chineli Yesu niapostolu indi hiyakushika kwakwihi naYeriku, Yesu nayililidi amputamesu ayedi akwakulomba?
6. Muloñadi Yesu chineliliyi yihayamisha?
Malwihu amakwawu:
1. Tañaku Matewu 15:30, 31.
Kumwekeshanyi kwakuwahi kwañovu yaYehova kunasololiwu kuhitila mudi Yesu, nawa munjilanyi chikunateli kutukwasha kwiluka yuma yinakaniyi Yehova kutalisha kwituña dadiha? (Mas. 37:29; Isa. 33:24)
2. Tañaku Luka 13:10-17.
Indi chalala chakwila nawu Yesu welili yihayamisha yindi yabadika haSabata, kunamwekeshi ñahi muchidi wakulubuka kwakaletayi hampinji yaKuyula kweKombakaji danyaka? (Luka 13:10-13; Mas. 46:9; Mat. 12:8; Kol. 2:16, 17; Chim. 21:1-4)
3. Tañaku Matewu 20:29-34.
Indi iyi nsañu yinakumwekesha ñahi nawu Yesu hadiña nanyidimu yayivulu chakwila yakañanya nikukwasha antuku, nawa chumanyi chitunateli kudizilaku? (Kuhit. 15:7; Yak. 2:15, 16; 1 Yowanu 3:17)
Mpanji 97
1. Chineli Yesu nenzi dehi mumukala wanyanya wudi kwakwihi naYerusalema, chumanyi chinayilejiyi atumbanji twindi kwila?
2. Haniwu mwevulu, chumanyi chinamwekani chineli Yesu nashiki dehi kwakwihi namusumba waYerusalema?
3. Chumanyi chineliwu anyana anyanya chiyanamumoniwu Yesu nakuuka antu aputa mesu niakwakubalakata?
4. Indi Yesu nayilejidi atupristu anahili?
5. Munjilanyi mutunateli kwikalila neyi atwansi anamuhameki Yesu?
6. Chumanyi chinakukeñawu atumbanji kwiluka?
Malwihu amakwawu:
1. Tañaku Matewu 21:1-17.
(a) Indi kwiñila kwaYesu muYerusalema neyi Mwanta kunambuki ñahi nawakulumpi awamashidika amuRoma adiña nakushinda hayina mpinji? (Mat. 21:4, 5; Zek. 9:9; Fwi. 2:5-8; Kol. 2:15)
(b) Indi anyana anyanya anateli kudizilaku chumanyi kudi atwansi awamayala amuYerusalema asombolweli Masamu 118 hampinji yeñililiyi Yesu mutembeli? (Mat. 21:9, 15; Mas. 118:25, 26; 2 Tim. 3:15; 2 Pet. 3:18)
2. Tañaku Yowanu 12:12-16.
Chumanyi chinakwimenaku nyitayi yanyikoma yazatishiliwu kudi antu adiña nakumuhameka Yesu? (Yowanu 12:13; Fwi. 2:10; Chim. 7:9, 10)
Mpanji 98
1. Haniwu mwevulu, Yesu yodihi, nawa anyi adiyi nawu?
2. Indi atupristu esekeli kumwiladi Yesu mutembeli, nawa yena wayilejeli nindidi?
3. Indi apostolu anamwihuli Yesu nawudi?
4. Muloñadi Yesu chinalejeliyi apostolu indi hayuma yimu yikamwekanaña hamaseki hampinji yikayulañayi neyi Mwanta mwiwulu?
5. Chumanyi chinahoshiyi Yesu nindi chikamwekana henohu kanda yafumishi kutama kwejima hamaseki?
Malwihu amakwawu:
1. Tañaku Matewu 23:1-39.
(a) Hela chakwila nyikanda yajila yamwekeshaña nawu kuzatisha jinkumbu jakwituña jinateli kutelela, indi mazu aYesu adi haMatewu 23:8-11 amwekeshaña ñahi kutalisha kujinkumbu jakudihameka nachu muchipompelu chawiniKristu? (Yililu 26:25; Rom. 13:7; 1 Pet. 2:13, 14)
(b) Indi aFwarisi azatishileñadi hakweseka kukañesha antu kubula kwikala eniKristu, nawa anlomboli ansakililu anakuzatisha ñahi tufuta totumu munanu mafuku? (Mat. 23:13; Luka 11:52; Yowanu 9:22; 12:42; 1 Tesa. 2:16)
2. Tañaku Matewu 24:1-14.
(a) Indi kulema kwakutatakena anakukonkomweni ñahi haMatewu 24:13?
(b) Indi nhoshelu yidi haMatewu 24:13 yakwila nawu “nikunsa” yalumbulukadi? (Matewu 16:27; Rom. 14:10-12; 2 Kor. 5:10)
3. Tañaku Maku. 13:3-10.
Nhoshelwinyi yidi haMaku 13:10 yinakumwekesha kunyakala kwakushimwina nsañu yayiwahi, nawa mazu aYesu akutwilisha etu kwiladi? (Rom. 13:11, 12; 1 Kor. 7:29-31; 2 Tim. 4:2)
Mpanji 99
1. Neyi chiyanamwekeshi hamwevulu, muloñadi Yesu niapostolu indi 12 chiyanekaliliwu mukapeka keneni ketala dahewulu?
2. Indi iwu iyala wunakuya hinyi, nawa nakuya nakwiladi?
3. Indi kudyanyi kwalema kunatachikiyi Yesu hanyima yakumanisha Kudya kwaPaseka?
4. Indi Paseka yadiña nakuyanukisha aIsarela hachumanyi, nawa iku kudya kwalema kunayanukishidi atumbanji twaYesu?
5. Hanyima yaKudya kwaMwanta kwaMelela, Yesu nayilejidi atumbanji twindi, nawa chumanyi chikwilawu?
Malwihu amakwawu:
1. Tañaku Matewu 26:14-30.
(a) Indi Matewu 26:15 yamwekeshaña ñahi nawu wunfukeji waYudasi wamufukejeleliyi Yesu wadiña wakwililamu hohu?
(b) Indi nkeñelwinyi yiyedi yalema yinazatiki mukupwekesha mashi aYesu? (Matewu 26:27, 28; Yere. 31:31-33; Efwes. 1:7; Heb. 9:19, 20)
2. Tañaku Luka 22:1-39.
Munjilanyi Satana mweñilililiyi mudi Yudasi? (Luka 22:3; Yowanu 13:2; Yililu 1:24, 25)
3. Tañaku Yowanu 13:1-20.
(a) Kwesekeja nansañu yidi haYowanu 13:2, komana Yudasi atela kumufwisha namuloña hachuma cheliliyi, nawa añamba jaNzambi anateli kudizilaku chumanyi? (Kutach. 4:7; 2 Kor. 2:11; Ŋal. 6:1; Yak. 1:13, 14)
(b) Kudizishanyi kweneni kwaheniyi Yesu? (Yowanu 13:15; Mat. 23:11; 1 Pet. 2:21)
4. Tañaku Yowanu 17:1-26.
Munjilanyi Yesu mwayilombeleliku atumbanji twindi ‘kwikala wumu’? (Yowanu 17:11, 21-23; Rom. 13:8; 14:19; Kol. 3:14)
Mpanji 100
1. Indi Yesu niapostolu indi anayi kudihi hanyima yakufuma mukapeka kahewulu, nawa chumanyi chinayilejiyi kwila?
2. Chumanyi chinawaniyi Yesu chineli yafunti kwadiña apostolu, nawa chumichi chinamwekani mapampa kañahi?
3. Anyi aneñili mwitempa, nawa chumanyi chineliyi Yudasi Isakaroti, neyi chinamwekeshi mwevulu?
4. Muloñadi Yudasi chinamupwepujoleliyi Yesu, nawa chumanyi chinakoñiyi Petulu?
5. Indi Yesu namulejidi Petulu, hanu dinu muloñadi Yesu chanabuliliyi kumulomba Nzambi kulonda yamutemesheli añelu?
Malwihu amakwawu:
1. Tañaku Matewu 26:36-56.
(a) Indi njila yafumbililimu Yesu atumbanji twindi yinateli kwikala ñahi chakutalilahu chachiwahi kudi amaeluda awiniKristu makonu? (Matewu 20:25-28; 26:40, 41; Ŋal. 5:17; Efwes. 4:29, 31, 32)
(b) Indi Yesu wachimweni ñahi kutalisha hakuzatisha yitwa yakumujimba hadi mukwenu muntu? (Mat. 26:52; Luka 6:27, 28; Yowanu 18:36)
2. Tañaku Luka 22:39-53.
Hampinji yenjiliyi kañelu kudi Yesu nakumukolesha mwitempa daÑesemani, komana ichi chinakumwekesha nawu Yesu wajinokeleña hachikuhwelelu chindi? Lumbululaku. (Luka 22:41-43; Isa. 49:8; Mat. 4:10, 11; Heb. 5:7)
3. Tañaku Yowanu 18:1-12.
Indi Yesu wayikiñili ñahi atumbanji twindi kudi akwankunyi nindi, nawa chumanyi chitunateli kudizilaku kunichi chitalilu? (Yowanu 10:11, 12; 18:1, 6-9; Heb. 13:6; Yak. 2:25)
Mpanji 101
1. Hinyi wudi namuloña weneni chikupu wakufwa kwaYesu?
2. Chumanyi chikwilawu apostolu chikwila neyi anlomboli jansakililu anamusendi dehi Yesu?
3. Chumanyi chinamwekani hetala dakapristu muneni, Kayafwasi?
4. Muloñadi Petulu chinayiliyi nakudila?
5. Hanyima yakumufuntisha Yesu kudi Pilatu, indi mukulumpi wawatupristu nabidiki nindidi?
6. Chumanyi chinamumwekeni Yesu haChitanu nampinji yamwaana, nawa kushikanyi Yesu kunamushikiyi mbanji yanapopeliwu hamutondu kwakwihi naYesu?
7. Indi Paradisa yahoshelihu Yesu yakekalila kudihi?
Malwihu amakwawu:
1. Tañaku Matewu 26:57-75.
Munjilanyi ayilolu awaYudeya amuchota cheneni mwanamwekeshiliwu nawu nyichima yawu yadiña yatama? (Mat. 26:59, 67, 68)
2. Tañaku Matewu 27:1-50.
Muloñadi chitukuhoshela netu wushona watiyiliyi Yudasi hiwadiña walalaku? (Mat. 27:3, 4; Maku 3:29; 14:21; 2 Kor. 7:10, 11)
3. Tañaku Luka 22:54-71.
Chumanyi chitukudizilaku kukukaana kwaPetulu kwamukaaniniyi Yesu hawufuku wuyamufukejeliwu nikumukwata? (Luka 22:60-62; Mat. 26:31-35; 1 Kor. 10:12)
4. Tañaku Luka 23:1-49.
Indi Yesu welilihu hodi kutalisha hakutama kuyamwililiwu, nawa chumanyi chitukudizilaku kunichi? (Luka 23:33, 34; Rom. 12:17-19; 1 Pet. 2:23)
5. Tañaku Yowanu 18:12-40.
Chumanyi chinamwekeshi chalala chakwila nawu hela chakwila Petulu wafwili mutentu wawoma wawantu hakapinji kantesha, wakoleli nakwikala kapostolu wabadika? (Yowanu 18:25-27; 1 Kor. 4:2; 1 Pet. 3:14, 15; 5:8, 9)
6. Tañaku Yowanu 19:1-30.
(a) Kwesekejanyi kwayuma yakumujimba kwadiñayi naku Yesu? (Yowanu 2:1, 2, 9, 10; 19:23, 24; Mat. 6:31, 32; 8:20)
(b) Munjilanyi mazu ahosheliyi Yesu hakufwa kwindi mwanekaliliwu hikubidika kwakushinda nawu wanyamwineña wanta waYehova? (Yowanu 16:33; 19:30; 2 Pet. 3:14; 1 Yowanu 5:4)
Mpanji 102
1. Indi iwu mumbanda wudi hamwevulu hinyi, indiwa amayala ayedi hiyanyi, nawa adi kudihi?
2. Muloñadi Pilatu chinalejeliyi atupristu kutemesha amashidika kuya nakuhemba kwijamu daYesu?
3. Chumanyi chineliyi kañelu hefuku damuchisatu nantetemena hanyima yakufwa kwaYesu, hanu dinu atupristu anelihu hodi?
4. Muloñadi ambanda amakwawu chiyanahayamini hampinji yinayiwu nakutala kwijamu daYesu?
5. Muloñadi Petulu naYowanu chiyanatemukiliwu kwijamu daYesu, nawa chumanyi chiyanawanuwu?
6. Chumanyi chinamwekani kumujimba waYesu, hanu dinu chumanyi chineliyi Yesu hakuleja atumbanji nindi wamumi?
Malwihu amakwawu:
1. Tañaku Matewu 27:62-66 ni 28:1-15.
Hampinji yakusañuka kwaYesu, munjilanyi akulumpi jawatupristu niAfwarisi niakulumpi muyavulumwininiwu spiritu yajila? (Mat. 12:14, 31, 32; 28:11-15)
2. Tañaku Luka 24:1-12.
Indi nsañu yakusañuka kwaYesu yamwekeshaña ñahi nawu Yehova wamonaña ambanda neyi hiyaYinsahu ashindamenewa? (Luka 24:4, 9, 10; Mat. 28:1-7)
3. Tañaku Yowanu 20:1-12.
Indi Yowanu 20:8, 9 yatukwashaña ñahi kwikala awunda neyi chakwila hitunelukishi chikupu kushikijewa kwawuprofwetu wamuBayiboluku? (Yish. 4:18; Mat. 17:22, 23; Luka 24:5-8; Yowanu 16:12)
Mpanji 103
1. Indi Mariya nahoshi nindidi kudi iyala wunatoñojokeliyi nindi hindimi, hanu chumanyi chinamukojeji kwiluka nawu mwalala Yesu diyi?
2. Chumanyi chinamwekani kudi atumbanji ayedi anakuya kumukala waEmawusi?
3. Chumanyi chakuhayamisha chinamwekani chineli atumbanji ayedi aleji apostolu nawu amumona Yesu?
4. Indi Yesu namwekani mapampa kañahi kudi atumbanji twindi?
5. Indi Tomasi nahoshi nindidi chineli natiyi dehi nindi atumbanji anamumoni Mwanta, ilaña chumanyi chinamwekani mukuhita kwamafuku atanu nasatu?
Malwihu amakwawu:
1. Tañaku Yowanu 20:11-29.
Komana Yesu wahosheleña haYowanu 20:23 nindi muntu amwinka ñovu yakwanakena nshidi tahindi? Lumbululaku. (Mas. 49:2, 7; Isa. 55:7 1 Tim. 2:5, 6; 1 Yowanu 2:1, 2)
2. Tañaku Luka 24:13-43.
Munjilanyi mutunateli kuloñeshela nyichima yetu hakwila nawu twiteji chalala chamuBayibolu? (Luka 24:32, 33; Ezera 7:10; Mat. 5:3; Yililu 16:14; Heb. 5:11-14)
Mpanji 104
1. Indi atumbanji añahi anamumoni Yesu hampinji yimu, nawa nayileji hachumanyi?
2. Wanta waNzambi hichumanyi, nawa wumi wukekala ñahi hamaseki hampinji yikayulañayi Yesu neyi Mwanta hayaaka ikombakaji?
3. Yesu namwekani kudi atumbanji twindi mafuku añahi, hanu dinu ichi himpinji yindi yakwiladi?
4. Henohu Yesu kanda yoyishiyi atumbanji twindi, chumanyi chinayilejiyi nindi eli?
5. Chumanyi chinakumwekana hamwevulu, nawa munjilanyi Yesu mwanadiswekeliyi kuchina kumumona?
Malwihu amakwawu:
1. Tañaku 1 Akorinda 15:3-8.
Muloñadi kapostolu Pawulu chahosheleliyi nachikuhwelelu nankashi kutalisha hakusañuka kwaYesu, nawa hayumanyi hanateliwu eniKristu kuhoshelawu nachikuhwelelu makonu? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)
2. Tañaku Yililu 1:1-11.
Indi mudimu wakushimwina awiwanishili nakushika kudihi neyi chiyashimwineñahu dehi haYililu 1:8? (Yililu 6:7; 9:31; 11:19-21; Kol. 1:23)
Mpanji 105
1. Neyi chinakumwekesha mwevulu, chumanyi chinamwekani kudi atumbanji twaYesu adiña nakutalila muYerusalema?
2. Chumanyi chiyahayaminuwu enyi enjili kuYerusalema?
3. Indi Petulu nayilumbulwilidi antu?
4. Hanyima yakutiyilila kudi Petulu, indi antu anatiyi ñahi, nawa Petulu nayileji kwiladi?
5. Indi antu adiña añahi apapatisheweli hadina ifuku daPentekosta, 33 C.E.?
Malwihu amakwawu:
1. Tañaku Yililu 2:1-47.
(a) Indi mazu aPetulu adi haYililu 2:23, 36 anamwekeshi ñahi nawu mutaña wejima wawaYudeya wadiña namuloña hakufwa kwaYesu? (1 Tesa. 2:14, 15)
(b) Indi Petulu wemikili ñahi chakutalilahu chachiwahi chakupelesha kufuma muNsona? (Yililu 2:16, 17, 29, 31, 36, 39; Kol. 4:6)
(c) Indi Petulu wasambilili kuzatisha ñahi “nsapi jawanta wamwiwulu” oyu yamushiikiliwu kumwinka kudi Yesu? (Yililu 2:14, 22-24, 37, 38; Mat. 16:19)
Mpanji 106
1. Chumanyi chinayimwekeni aPetulu naYowanu ifuku dimu namwaana chineli hiyakwiñila mutembeli?
2. Chumanyi Petulu chinamulejiyi iwu iyala chifwayi, nawa chumanyi chinamwinkiyi chabadika kulema kubadika mali?
3. Muloñadi anlomboli ansakililu chiyanahililuwu, nawa chumanyi chinayiluwu aPetulu naYowanu?
4. Indi Petulu nayileji nindidi anlomboli ansakililu, nawa kubabeshanyi kuyanatambwiluwu apostolu?
5. Muloñadi anlomboli jansakililu chiyanatiyiliwu ichima, hanu dinu chumanyi chinamwekani chineli apostolu ayishi mukaleya kamuchiyedi?
6. Indi apostolu anakuli nawudi chinayiletiwu mwitala daSanihedilini?
Malwihu amakwawu:
1. Tañaku Yililu 3:1-10.
Hela chakwila hiyatwinka ñovu yakumwekesha yihayamisha makonuku, indi mazu aPetulu asonekawu haYililu 3:6 atukwashaña ñahi kuhameka hakulema kwansañu yaWanta? (Yowanu 17:3; 2 Kor. 5:18-20; Fwi. 3:8)
2. Tañaku Yililu 4:1-31.
Neyi chakwila twikala nakukala mumudimu wakushimwina, munjilanyi mutunateli kwimbujolila amana kwetu awiniKristu amuyaaka nkulakaji yakusambila? (Yililu 4:29, 31; Efwes. 6:18-20; 1 Tesa. 2:2)
3. Tañaku Yililu 5:17-42.
Indi antu amakwawu abula kwikala aYinsahu, akunyima nikulelu, amwekesha ñahi kutoñojokelaku kuhitila mumudimu wakushimwina? (Yililu 5:34-39)
Mpanji 107
1. Indi Setefwanu hinyi, nawa Nzambi wamukwashaña kwiladi?
2. Indi Setefwanu nahoshidi chinaleteshi anlomboli jansakililu kuhila nankashi?
3. Chineli amayala amukokeli Setefwanu hanji yamusumba, chumanyi chinamwiluwu?
4. Haniwu mwevulu, indi iwu mukwenzi weyala wunemani kukamwihi nayikovwelu hinyi?
5. Henohu kanda yafwi, chumanyi chinalombiyi Setefwanu kudi Yehova?
6. Hakumwimbujola Setefwanu, chumanyi chitwatela kwila neyi muntu wukutwila chuma chatama?
Malwihu amakwawu:
1. Tañaku Yililu 6:8-15.
Yililwinyi yakudimbana nachu yinakuzatishawu akulumpi jansakililu hakweseka kulekesha mudimu wakushimwina wawaYinsahu jaYehova? (Yililu 6:9, 11, 13)
2. Tañaku Yililu 7:1-60.
(a) Chumanyi chamukwashiliku Setefwanu kwikala washikahu hakujikilila nsañu yayiwahi muSanihedilini, nawa chumanyi chitukudizilaku kuchakutalilahu chindi? (Yililu 7:51-53; Rom. 15:4; 2 Tim. 3:14-17; 1 Pet. 3:15)
(b) Yililwinyi yitunateli kwikala nayu kutalisha kudi antu akañeshaña mudimu wetu? (Yililu 7:58-60; Mat. 5:44; Luka 23:33, 34)
Mpanji 108
1. Hanyima yakumujaha Setefwanu, chumanyi chineliyi Sawulu?
2. Hampinji yidiyi Sawulu halwendu lwindi lwakuya kuDamakasa, chumanyi chakuhayamisha chinamwekani?
3. Indi Yesu namuleji Sawulu kwiladi?
4. Indi kulejanyi Yesu kunamulejiyi Ananiya, nawa Sawulu natweshi kumona ñahi cheñi?
5. Sawulu anamwiluki nejinanyi, nawa munjilanyi mwanamuzatishiliwu?
Malwihu amakwawu:
1. Tañaku Yililu 8:1-4.
Munjilanyi makabi amavulu owu ashikeneni haChipompelu chachiha chatuñiliwu chaweniKristu chiyakojejeli kutanda kwayikuhwelelu yaweniKristu, nawa chumanyi chadifwanaku chinakumwekana makonu? (Yililu 8:4; Isa. 54:17)
2. Tañaku Yililu 9:1-20.
Indi yumanyi yisatu yashimwiniyi Yesu, yadiñayi nayu muyitoñojoka kutalisha hadi Sawulu? (Yililu 9:15; 13:5; 26:1; 27:24; Rom. 11:13)
3. Tañaku Yililu 22:6-16.
Tunateli kwikala ñahi neyi Ananiya, nawa muloñadi chichinekalili chalema? (Yililu 22:12; 1 Tim. 3:7; 1 Pet. 1:14-16; 2:12)
4. Tañaku Yililu 26:8-20.
Indi kubalumuka kwaSawulu kwakwikala mwiniKristu kunekali ñahi chuma chakukolesha kudi ana akweti ayawu amumaluwi abula kwitiya? (Yililu 26:11; 1 Tim. 1:14-16; 2 Tim. 4:2; 1 Pet. 3:1-3)
Mpanji 109
1. Indi iwu iyala wunakufukama haniwu mwevulu hinyi?
2. Indi kañelu namuleji Konelisu nindidi?
3. Chumanyi Nzambi chinamwilishiyi Petulu yamoni hampinji yadiyi hewulu detala daShimona muYopa?
4. Muloñadi Petulu chinamulejeliyi Konelisu nindi bayi yodibuka nakumulombaku?
5. Muloñadi atumbanji eniYudeya adi naPetulu chiyanahayaminuwu?
6. Chumanyi chalema chitunateli kudizilaku halwendu lwaPetulu lwamwendeleliyi Konelisu?
Malwihu amakwawu:
1. Tañaku Yililu 10:1-48.
Indi mazu aPetulu adi haYililu 10:42 amwekeshaña ñahi mudimu wakushimwina nsañu yayiwahi yaWanta? (Mat. 28:19; Maku 13:10; Yililu 1:8)
2. Tañaku Yililu 11:1-18.
Yililwinyi yamwekeshiliyi Petulu chelili wunlomboli waYehova kutalisha kudi akwaMatuña wumwekani hatooka, nawa tunateli kwimbujola ñahi chakutalilahu chindi? (Yililu 11:17, 18; 2 Kor. 10:5; Efwes. 5:17)
Mpanji 110
Timotewu—Nkwashi yaPawulu Wamuha
1. Indi iwu mukwenzi weyala wudi hamwevulu hinyi, washakamaña kudihi, nawa majina amama ninkaaka yindi wamumbanda hiyanyi?
2. Indi Timotewu nahoshi nindidi chineli Pawulu yamwihuli neyi nakukeña kudibomba naSilasi niPawulu mukushimwina kudi antu adi kwakulehi?
3. Kudihi kwatachikiliwu kuyitenawu atumbanji twaYesu nawu eniKristu?
4. Nyisumbanyi yikwawu yendeleluwu aPawulu, niSilasi niTimotewu hampinji yafuminiwu kuLisitira?
5. Indi Timotewu namukwashi Pawulu ñahi, nawa lwihwinyi lwatelawu atwansi kudihulawu awenawu?
Malwihu amakwawu:
1. Tañaku Yililu 9:19-30.
Indi kapostolu Pawulu wamwekesheli ñahi kashinshi chelili yamoni ikañesha dansañu yayiwahi? (Yililu 9:22-25, 29, 30; Mat. 10:16)
2. Tañaku Yililu 11:19-26.
Indi nsañu yiyasonekawu haYililu 11:19-21, 26 yamwekeshaña ñahi nawu spiritu yaYehova yinakulama nikulombola mudimu wakushimwina?
3. Tañaku Yililu 13:13-16, 42-52.
Indi Yililu 13:51, 52 yinakumwekesha ñahi nawu atumbanji hiyetejeli ikañesha kuyineñeshaku? (Mat. 10:14; Yililu 18:6; 1 Petulu 4:14)
4. Tañaku Yililu 14:1-6, 19-28.
Indi nhoshelu yakwila nawu ‘hiyakuyikunjika kudi Yehova’ yatukwashaña ñahi kwikala akasunuka kukwakamena hampinji yitunakukwashaku amaha? (Yililu 14:21-23; 20:32; Yowanu 6:44)
5. Tañaku Yililu 16:1-5.
Indi kudikeñela kwaTimotewu kwakwiteja kumwalamisha kunakonkomweni ñahi hakulema kwakukeña kwila ‘yuma yejima hansañu yayiwahi’? (Yililu 16:3; 1 Kor. 9:23; 1 Tesa. 2:8)
6. Tañaku Yililu 18:1-11, 18-22.
Indi Yililu 18:9, 10 yinamwekeshi ñahi kutalisha hakudibombamu kwaYesu yomwenindi mukulombola mudimu wakushimwina, nawa ichi chinatwinki chikuhwelelu chamuchidinyi makonu? (Mat. 28:20)
Mpanji 111
1. Haniwu mwevulu, iwu kansi weyala wunakami hamaseki hinyi, nawa chumanyi chamumwekena?
2. Indi Pawulu nelidi chanamoniyi nindi kansi weyala nafwi?
3. Kudihi kunakuyawu aPawulu niTimotewu ninowu anakuyawu nawu hamu, nawa chumanyi chinamwekani chinemaniwu haMiletusa?
4. Indi kaprofwetu Agabusi namusoñamishi Pawulu nindidi, nawa chinamwekani ñahi neyi chochahosheliyi kaprofwetu?
Malwihu amakwawu:
1. Tañaku Yililu 20:7-38.
(a) Tukubula ñahi kwikala ‘abula muloña wamashi awantu ejima’ kwesekeja namazu aPawulu asonekawu haYililu 20:26, 27? (Ezek. 33:8; Yililu 18:6, 7)
(b) Muloñadi amaeluda chiyanateli ‘kukakelañawu kumazu alala’ neyi anakutañisha? (Yililu 20:17, 29, 30; Titusa 1:7-9; 2 Tim. 1:13)
2. Tañaku Yililu 26:24-32.
Indi Pawulu wazatishili ñahi wenimbu windi wawuRoma hakukalakala mudimu wakushimwina watambwiliyi kudi Yesu? (Yililu 9:15; 16:37, 38; 25:11, 12; 26:32; Luka 21:12, 13)
Mpanji 112
1. Chumanyi chinamwekani kuwatu mudi Pawulu chiwunahiti kukamwihi nachitutu chaKereta?
2. Indi Pawulu nayilejidi antu adi muwatu?
3. Indi watu wunabaloki ñahi muyibalu?
4. Indi nshimbinyi yinahaniyi mukulumpi wamashidika, nawa antu añahi anashiki kuchikumu chachiwahi?
5. Indi ijina dachitutu hiyanashikeneniwu achiteña nawudi, nawa chumanyi chinamumwekeni Pawulu chineli mpepela yiwudi?
Malwihu amakwawu:
1. Tañaku Yililu 27:1-44.
Indi chikuhwelelu chetu chamunsona yoloka yamuBayibolu achikoleshaña ñahi neyi tutaña hansañu yalwendu lwaPawulu lwakuya kuRoma? (Yililu 27:16-19, 27-32; Luka 1:3; 2 Tim. 3:16, 17)
2. Tañaku Yililu 28:1-14.
Neyi chakwila antu abula kwitiya akuMelita amutambwilili kapostolu Pawulu hamu nialundanindi ajiyili nawu “naluwi nankashi,” eniKristu atela kumwekesha chumanyi nawa sweje-e munjilanyi? (Yililu 28:1, 2; Heb. 13:1, 2; 1 Pet. 4:9)
Mpanji 113
1. Indi Pawulu washimwinaña kudi anyi, henohu wudi mukaleya muRoma?
2. Haniwu mwevulu, indi iwu mwenyi wudi kumesa hinyi, nawa chumanyi chinakumwililayi Pawulu?
3. Indi Epafwaditu hinyi, nawa chumanyi chinasendiyi hakufunta kuFwilipi?
4. Muloñadi Pawulu chinasonekeliyi mukanda kudi ibwambu dindi wamuchima Fwilemoni?
5. Indi Pawulu nelidi chiyanamumbiku, nawa chumanyi chinamumwekeni kumbidi?
6. Indi Yehova nazatishinyi hakusoneka nyikanda yakukumishaku yamuBayibolu, nawa mukanda waChimwekeshu washimunaña hachumanyi?
Malwihu amakwawu:
1. Tañaku Yililu 28:16-31 niAfwilipi 1:13.
Indi Pawulu wazatishili ñahi mpinji yindi henohu wudi mukaleya muRoma, nawa chikuhwelelu chindi chakola chakwashili ñahi chipompelu chawiniKristu? (Yililu 28:23, 30; Fwi. 1:14)
2. Tañaku Afwilipi 2:19-30.
Nhoshelwinyi yakusakilila yahosheliyi Pawulu kutalisha kudi Timotewu niEpafwaditu, nawa munjilanyi mutunateli kwimbujola chakutalilahu chaPawulu? (Fwi. 2:20, 22, 25, 29, 30; 1 Kor. 16:18; 1 Tesa. 5:12, 13)
3. Tañaku Fwilemoni 1-25.
(a) Kushindamena hachumanyi Pawulu hamukonkomweneniyi Fwilemoni kwila chachiwahi, nawa ichi chazatikaña ñahi neyi chakuyilombolaku amaeluda makonu? (Fwile. 9; 2 Kor. 8:8; Ŋal. 5:13)
(b) Indi nhoshelu yaPawulu yawanikaña haFwilemoni 13, 14 yinamwekeshi ñahi nawu Pawulu walemesheli chinleji chamuchima chawakwawu muchipompelu? (1 Kor. 8:7, 13; 10:31-33)
4. Tañaku 2 Timotewu 4:7-9.
Kufwana Pawulu, tunateli ñahi kwikala nachikuhwelelu netu Yehova wakatufweta neyi twikala nachikuhwelelu kushika nikunsa? (Mat. 24:13; Heb. 6:10)
Mpanji 114
1. Muloñadi Bayibolu chiyahoshelaña hadi atuwalu amwiwulu?
2. Indi ijina danjita yaNzambi yakazuñishayi antu atama hamaseki diyika, nawa nkeñelu yaniyi njita yankahi?
3. Kwesekeja naniwu mwevulu, Hinyi wukalombola muniyi njita, muloñadi chinavwaliliyi chibaaba, nawa mpoku yindi yakabali yinakulumbululadi?
4. Kufuta hanyima chanti, muMpanji 10 ni 15 ni 33, muloñadi chitukubulila kuhayamina netu Nzambi wakakisañana antu atama?
5. Indi Mpanji 36 ni 76 yinatuleji ñahi nawu Nzambi wakakisañana antu atama hela chakwila ahoshaña nawu adifukulaña kudi yena?
Malwihu amakwawu:
1. Tañaku Chimwekeshu 19:11-16.
(a) Indi Nyikanda yalumbululaña ñahi hatooka nawu Yesu Kristu diyi ñendeshi wakawalu wutooka? (Chim. 1:5; 3:14; 19:11; Isa. 11:4)
(b) Indi kombeka mahina aYesu mumashi kwelukishaña ñahi nawu mushindu windi wukawimwekesha nikuwimanisha? (Chimwekeshu 14:18-20; 19:13; Isa. 63:1-6)
(c) Anyi amakwawu iyanabombeliku kunjita oyu yinakumulondela Yesu hakawalu kindi katooka? (Chim. 12:7; 19:14; Mat. 25:31, 32)
Mpanji 115
1. Chihandilu chamuchidinyi chamwekeshaña Bayibolu chitwakadiluñisha muParadisa yahamaseki?
2. Indi Bayibolu yayishika nawudi ana akashakama muParadisa?
3. Mpinjinyi yikamonayi Yesu kwila nawu iku kuhimpa kwakuwahi kunamwekani?
4. Hampinji yadiñayi Yesu hamaseki, chumanyi cheliliyi hakumwekesha chuma chamba kelayi neyi Mwanta waWanta waNzambi?
5. Chumanyi Yesu hamu nawakwakuyula nindi mwiwulu chakamonawu hampinji yakayulañawu iseki henohu adi mwiwulu?
Malwihu amakwawu:
1. Tañaku Chimwekeshu 5:9, 10.
Muloñadi chitunateli kukuhwelela netu owu akayulaña iseki muyaaka Ikombakaji Dakuyula akekala akwakutiya wushona, anyanta niatupristu aluwi? (Efwes. 4:20-24; 1 Pet. 1:7; 3:8; 5:6-10)
2. Tañaku Chimwekeshu 14:1-3.
Chumanyi chinakumwekesha walala wakwila nawu ijina daTata nidamwana kaMukoku adisoneka hamahama awa 144, 000? (1 Kor. 3:23; 2 Tim. 2:19; Chim. 3:12)
Mpanji 116
Ochitwatela Kushakama Haya Nyaka
1. Chumanyi chitunateli kwiluka neyi tunakukeña kushakama haya nyaka?
2. Indi tunateli kudiza ñahi hadi Yehova Nzambi niYesu neyi chinamwekeshiyi kansi wamumbanda niamabwambu jindi hamwevulu?
3. Mukandanyi wukwawu yiwunamoni hamwevulu, nawa muloñadi chitunateli kuwitañila mpinji yejima?
4. Kubombela hakudiza hadi Yehova niYesu, yumanyi yikwawu yinakukeñeka hakutambwila wumi wahaya nyaka?
5. Chumanyi chitunateli kudiza kufuma haMpanji 69?
6. Indi chakutalilahu chachiwahi chakansi Samweli muMpanji 55 chinakumwekeshadi?
7. Munjilanyi mutunateli kulondela chakutalilahu chaYesu Kristu, nawa neyi tuchilondela, chumanyi chitukatwesha kwila kumpinji yakumbidi?
Malwihu amakwawu:
1. Tañaku Yowanu 17:3.
Indi Nyikanda yajila yamwekeshaña ñahi nawu kwiluka Yehova Nzambi niYesu Kristu kunabadiki hakuhembela hohu walala kumutu? (Mat. 7:21; Yak. 2:18-20; 1 Yowanu 2:17)
2. Tañaku Masamu 145:1-21.
(a) Indi nyiloñanyi yikwawu yayivulu yitukweti yitwatela kumuhamekela Yehova? (Mas. 145:8-11; Chim. 4:11)
(b) Munjilanyi mwanekaliliyi Yehova “muwahi kudi antu ejima,” nawa chumichi chikutuswija ñahi mpinji yejima kukamwihi nayena? (Mas. 145: 9; Mat. 5:43-45)
(c) Neyi Yehova twamukeña nankashi munyichima yetu, chikutwileñela kwilahu chumanyi? (Mas. 119:171, 172, 175; 145:11, 12, 21)