Kudiza 12

Kulemesha Wumi ni Mashi

Twatela kwikala namwenunyi yawumi? (1) kusulumuna? (1)

Akwa Kristu atela kumwekeshan̂ahi nawu akamena mapusu? (2)

Komana chekala chahen̂a kujiha anyama? (3)

Yililunyi yimu yamwekeshan̂a kubula kwikala nakalemesha kawumi? (4)

Hinshimbinyi yaNzambi hamulon̂a wamashi? (5)

Komana ochu chabombelan̂ahu nikusha mashi mumujimba? (6)

1. Yehova diyi insulu yawumi. Yuma yejima yawumi yikweti wumi wayu kufuma kudi Nzambi. (Masamu 36:9) Wumi wekala wajila kudi Nzambi. Hela wumi wamwana wuchidi mwivumu damamayindi wekala walema kudi Yehova. Kufukula nakujaha mukeki wuchidi mwivulu chekala chaluwa kudi Nzambi.—Kwidika 21:22, 23; Masamu 127:3.

2. Akwa Kristu alala akamenan̂a mapusu. Ahemban̂a nyotoka yawu nimatala awu chakubula wubanji. (Kuhituluka 22:8) Ambun̂a Nzambi hiyashan̂a wumi wawu muwubanji hamulon̂a wakuhema hela chizan̂alajiku. Hiyen̂ilan̂a mukuhema yisela yakukatisha akwawu kwakubula kwakamenaku. Atondwelelan̂a yisela yaletan̂a madombu.—Masamu 11:5; Yowanu 13:35.

3. Wumi wawanyama niwena wekala wajila kudi Nlen̂i. Mukwa Kristu watela kujiha nyama mukuwaninamu yakudya ni yakuvwala hela kudijikilila kunyison̂u ni wubanji. (Kutachika 3:21; 9:3; Kwidika 21:28) Ilan̂a chekala chaluwa kuyandisha anyama hela kuyijiha hamulon̂a wakuhema hela chizan̂alaji.—Yishimu 12:10.

4. Kunwa makanya, kubokota inteteli yadamba, nikunwa yitumbu muchizan̂alaji hijila yawakwaKristu wanyi. Yililu yamuchidiyi yaluwa mulon̂a (1) yatubalumunan̂a andun̂u jayu, (2) yakatishan̂a nyijimba yetu, nawa (3) yekala ya majilu. (Aroma 6:19; 12:1; 2 Akorinda 7:1) Chatesha kukala kuleka yaaku yeniyi. Ilan̂a twatela kuleka hakumuzan̂alesha Yehova.

5. Mashi niwena ekala ajila kudi Nzambi. Nzambi nindi wumi wudi mumashi. Komana chidi chaluwa kudya mashi. Chidi nawa chaluwa kudya mbiji yanyama anabuli kuvwisha mashi chiwahi. Neyi nyama wakushotomona hela wakudifwila muchikambu, hichinateli kumudyaku. Neyi wakutapa neyon̂a hela kuloza, chatela kumuvwisha mashi swayi swayi neyi owu nyama wakudya.—Kutachika 9:3, 4; Alevi 17:13, 14; Yililu 15:28, 29.

6. Komana chekala chaluwa kwiteja kwinka mashi mumujimba? Anukaku, Yehova waken̂a nindi tuleki mashi. Dikwila nawu hitwatela kwinka mashi munyijimba yetu munjila yidi yejimaku hela mashi awantu achen̂i hela mashi anetu aweni anahembiwu. (Yililu 21:25) Komana akwaKristu alala akwiteja wanyi kuyinka mashi munyijimba. Akwiitija njila jikwawu jakukilamu, jidi neyi kwinka munyijimba yuma yabula kwikala mashi. Anakuken̂a kwikala amomi, ilan̂a hiyanatwshi kweseka kupulusha wumi wawu hakumotoka nshimbi jaNzambiku.—Matewu 16:25.

[Mwevulu wudi hefu 25]

Kumutiyisha Nzambi kuwaha, twatela kutondwelela kwinka mashi munyijimba, yaaku yamajilu, ni wubanji wakubula kudakamena