Indi Bayibolu Yahoshaña Nawudi?
Kukekalahu wuñaji walala hanu hamaseki?
Mukwakula nenudi?
Eña
Inehi
Hekwawu
Chahoshaña Bayibolu
“Neluki nami Yehova wukumuhakwila muntu wamona yihuñu nsañu yindi, wakamuhakwila mulanda muloña windi wutooka.” (Masamu 140:12) Wanta waNzambi wukaleta wuñanji walala hamaseki.
Yumanyi yikwawu yitwadizaña muBayibolu?
Nzambi nakumona wuñanji waheña wudiku makonu nawa wakawolola.—Mukwakutañisha 5:8.
Wuñanji waNambi wukaleta kuwunda nikukiñewa hanu hamaseki.—Isaya 32:16-18.
Komana Nzambi wamonaña nindi kudi antu amu abadika akwawu?
Antu amakwawu akuhwelela nawu Nzambi wakiswila hela kushiña antu amu, ilaña antu amakwawu niwena akuhwelela nawu Nzambi wamonaña antu ejima nindi ekala chochimu. Munakutoñojokahu nenudi?
Chahoshaña Bayibolu
“Nzambi hakweti chaambuku, ilaña munyuza yejima, muntu wamutiyaña woma nawa welaña yuma yaloña, amutambwilaña kudi yena.” (Yilwilu 10:34, 35) Nzambi wamonaña antu ejima nindi kwosi wabadika.
Yumanyi yikwawu yitwadizaña muBayibolu?
Bayibolu yikweti “nsañu yayiwahi” yatela kutiya “akwanyuza yejima, akwanyichidi yejima, akwamadimi ejima niantu ejima.”—Chimwekeshu 14:6.