Chikasha Chamalwihu

◼ Komana chachiwahi kusha nsañu hamu jikahoshewa muShikola yaMudimu waTeokalatiki nakuyihana kudi antu amakwawu?

Chetejewa kwila mwenimu neyi hinsañu yakuzatisha muchisaka chenu ninawamabwambu jenu antesha mwadikunda nawu nankashi. Hela chochu, nsañu yamuchidiwu bayi muyitandisha kudi antu amavulu hela kuyilandishaku, kuchina kufumpa nshimbi jacopyright.—Rom. 13:1.

Kutalisha hajimpanji jikwawu jamuShikola yaMudimu waTeokalatiki, ahanaña hohu mutu wampanji; kwosi nyikanda yakutalishaku yinashimunuwu mwakufumisha nsañu. Komana chachiwahi kumuloñeshela muntu nyikanda yeniyi hela kusha hamu nyikanda munafumi nsañu yatela kuzatishawu kudi muntu yanenkuwu mpanjoyu? Inehi. Hichikuwaha kusha hamu jiñakwilu jamalwihu aKuhituluka muShikola yaMudimu waTeokalatiki jakuzatisha antu amakwawuku, muloña hichikuyikwasha kwanuka yikuma yamanenuku. Anakuhana jimpanji mushikola atela kudisandujolela nsañu jawu aweni. Iyi hinjila yimu yalema yakudizilamu yinakuloñeshayi Yehova kuhitila mushikola kulonda kutukwashaku kuhosha ‘nedimi dawalejewaña.’—Isa. 50:4.