Kuhituluka muShikola yaMudimu waTeokalatiki
Awa malwihu adi heshina akayihituluka hakupompa kwaShikola yaMudimu waTeokalatiki mumulungu wakutachika February 26, 2007. Nkoñi washikola wakalombola kuhitulukamu kwajiminiti 30 kushindamena hansañu yadiziluwu mujimpanji jamulungu waJanuary 1 kushika haFebruary 26, 2007, 2006. [Ilukenu nenu: Malwihu anabuli nyikanda yakutalishaku, mwatela kudisandujolela enu aweni kulonda muwani ñakwilu.—Talenu Nonkelenimo, mafu. 36-7.]
MWAKUHOSHELA
1. Mpinjinyi yitunateli kumwekesha chakuzatisha nsañu, nawa munjilanyi mutunateli kwilila mwenimu? [be-CW ifu 158 mapara. 2-4]
2. Muloñadi chichalemena kukwashaku amakwawu kumona kulema kwansañu yitunakushimuna nawa tunateli kwila ñahi mwenimu? [be-CW ifu 159 mapara. 3-4]
3. Muloñadi chichalemena kusakula mazu akuhosha? [be-CW ifu 160]
4. Chumanyi chatela kutukwashaku kuzatisha mazu ashiyashana chaloña? [be-CW ifu 161 mapara. 5-6; ifu 162 mapara. 1, 4]
5. Kuwahanyi kwekala mukuzatisha awutulayini yamumutu hela yakusoneka? [be-CW ifu 166 mapara. 1-3]
MPANJI NA. 1
6. Yumanyi yakeñekaña hakuloñesha mpanji yakutaña? [be-CW ifu 43 mapara. 2, 4]
7. Chumanyi chalema neyi tunakukeña kumwekesha kukeña kwaYehova kwayuma yayiwahi nikuhela yuma yatama? (Heb. 5:14) [w05-CW 1/1 ifu 9 para. 11]
8. Chumanyi chitwatela kwanuka neyi chakwila tutaña nsañu yimu muBayibolu yikuleta kujinoka neyi chakwila Nzambi welili mwawuñaji hela mwaloña? [w05-CW 2/1 ifu 24 para. 7]
9. Tunateli kwila ñahi neyi chakwila hadi kuzuñañana hakachi kanshimbi jaNzambi najawuntu? [w05-CW 4/15 ifu 12 para. 9
10. Indi Isaya wahosheli ñahi kutalisha haWanta kuhitila mudi Mesiya nihadi mukwakuyañahu dehi hambidi, Yowanu Mpapatishu? [si-CW ifu 123 para. 35]
KUTAÑA BAYIBOLU KWAMULUNGU NIMULUNGU
11. Indi “chifwiku” ‘niihina’ yinashimunuwu haIsaya 25:7 hiyumanyi?
12. Indi antu anateli ‘kumumona’ ‘nikumutiya’ ñahi Yehova? (Isa. 30:20, 21)
13. Dimu tahindi Ntwambi: Kulomba kwaHezekiya kwasonekawu haIsaya 38:3 kwadiña nankeñelu yakukeña kushakama yaaka yayivulu.
14. Indi aIsarela ateleli kukalakala ñahi neyi aYinsahu jaYehova, nawa munjilanyi mutwatela kuyimbujolela? (Isa. 43:10)
15. Kwesekeja nachakutalilahu chawuprofwetu chasonekawu haIsaya 52:11, 12, chumanyi chinakukeñeka ‘hakusenda yuma yaYehova’?