Yakubidika
◼ Nyikanda yakuhana muFebruary: Hanenu mukanda waPalameni Kuli Yehova. Neyi chipompelu hichikweti iwu mukandaku, zatishenu mukanda waUkusokolola hela mukanda wukwawu wanyaka wunashimbuli musitoku. March: Hanenu mukanda waChatañishaña Bayibolu nawa shenuku ñovu yayeni yakutachika kudiza kwaBayibolu. April niMay: Hanenu makopi enu aKaposhi Kakutalila niAwake!. Hampinji yimunakufuntila kudi antu amwekesheli mpwila, kubombelahu niantu awanikili kuChanukishu hela yidika yikwawu yateokalatiki ilaña hiyavula kwinza kuchipompeluku, fwilenu kuhana mukanda waChatañishaña Bayibolu, nachikonkwanyi chakukeña kutachika kudiza kwaBayibolu.
◼ Ansoneki ayipompelu atela kwiluka chikupu nawu akweti mukanda wakutondelahu apayiniya (S-202) wawapayiniya ampinji yejima amuchipompelu. Neyi hiyakwetiku, atela kuleja kasanji kamutayi kuhitila mukusoneka.
◼ Nkoñi wakutwaminina watela kwihula nsoneki haniyi yuma yinalondeluhu: Kudihu akwakushimwina anafumi muchipompelu katataka? Komana munayileji aeluda akuchipompelu chachiha kunayi akwakushimwina hakwila nawu ayitambwili nakuyikwasha kudi amana kwetu akuna kuchipompelu? Kudihu akwakushimwina anenzi muchipompelu chenu katataka? Komana nsoneki wahanjeka dehi nansoneki wakuchipompelu kuyafumawu? Indi chasonekewa chawakwakushimwina achitemesha dehi?
◼ Nsoneki ninkoñi wamudimu atela kuhituluka mumudimu wawapayiniya ampinji yejima. Neyi kudi amakwawu anakukañanya kushikija maora akeñekaña, aeluda atela kuloñesha kulonda ayikwashiku. Hitulukenu munyikanda yahamwaka S-201, mwiluki mwakwilila.
◼ Mpanji yadimena yawantu amavulu yachilaaka chaChanukishu ya 2007 yikekala namutu wunakwila nawu, “Munateli Kwikala Akiñewa Mukanu Kaayi kaMakabi.” Yakubidika yinadifwaniku talenu muMudimu wetu waWanta waOctober 2006.
◼ Kufuma muJuly 2007 yibaba yaKaposhi Kakutalila niAwake! yahajitepu muEnglishi akayilekesha. Kusonekesha kwakatataka kudi mumafayilo akakwijima hanoyu mpinji. Mwani talenu ifu dawansoneki yamagazini kulonda mumoni yuma yinatanjikiwu yimwatela kusonekesha kuhitila muchipompelu. Ichi hichanukishu chakwila nawu mukuhita kwamafuku chinakumwekana neyi matepu amuyisanji nimatepu ajividiyo akuyiketwishaña chovu-chovu, nakuhiñishamu CD-ROM nimaDVD.
◼ Hakufwila kukeheshaku mali akutwala nachu nyikanda nikwiluka neyi yinashiki kuyipompelu, njila yakutuminamu nyikanda kuzatisha nyotoka yaSosayiti ayishiluku. Iyi njila cheñi yekala yakutwalilamu nyikanda kuyipompelu, hela chochu, hiyekala yakutuminamu nyikanda kujikampani nimashikolaku. Nyikanda yamuchidiwu mwatela kuyitemeshela kuhitila munjila yayikulu yaposita ofesi.
◼ Watch Tower Society yaleka dehi kuzatisha keyala yaposita ofesi yaBox 21598, Kitwe. Keyala yetu yekala Box 33459, Lusaka 10101.
◼ Nyikanda yayiha yidihu:
Palameni Kuli Yehova—muKaondi