Yakubidika
◼ Nyikanda yakuhana muMarch: Hanenu mukanda waChatañishaña Bayibolu nawa zatenu nañovu kulonda mutachiki kudiza kwaBayibolu. April niMay: Hanenu makopi enu aKaposhi Kakutalila niAwake!. Hampinji yimunakufuntila kudi antu amwekesheli mpwila, kubombelahu niantu awanikili kuChanukishu hela yidika yikwawu yateokalatiki ilaña hiyavula kwinza kuchipompeluku, fwilenu kuhana mukanda waChatañishaña Bayibolu, nachikonkwanyi chakukeña kutachika kudiza kwaBayibolu. June: hanenu mukanda wamuEnglishi Creator hela Nsansa Sha Lupwa.
◼ Yipompelu chiyatambwila Kaposhi Kakutalila niAwake! yayiha mwatela kuyinka akwakushimwina amuchipompelu makopi hohenohu. Ichi chikuyikwasha akwakushimwina kwiluka nsañu yidi mumagazini henohu kanda ayihani mumudimu wamwiha.
◼ Nkoñi wakutwaminina hela muntu mukwawu atondawu kudi yena watela kuchinda mali achipompelu akakweji waDecember, January, niFebruary. Neyi munakumishi dehi kuchinda mali, mwatela kubidika kuchipompelu hampinji yikukekala kubidika lipoti yamali.—Talenu fomu yaInstructions for Congregation Accounting (S-27).
◼ Kasanji kamutayi hikazatilaña hakusonekesha nyikanda kwamuntu himuntuku. Akwakushimwina atela kusonekesha nyikanda yawu kuhitila muchipompelu. Nkoñi wakutwaminina watela kuloñesha kulonda kwikaleña kubidika hakakweji nikakweji henohu chipompelu kanda chitemeshi woda yanyikanda yahakakweji kumutayi kulonda ejima anakukeña kutambula nyikanda yahalwawu amuleji mana kwetu wazatilaña kunyikanda. Chikuwaha neyi mukwilukila chadimu nyichidi yanyikanda yekala mukusonekesha kwadimena, dikwila nawu, atela kuyisonekesha hohu kuhitila muchipompelu neyi kudi antu anakuyikeña. Mwatela kutemesha fomu yaKusonekeshelahu nyikanda (S-14) hakakweji nikakweji chakubula kulaba.
◼ Yipompelu yatela kutachika kusonekesha mabound volume aWatchtower niAwake! achaaka cha 2006. Mabound volume akekala mwidimi daEnglish. Chiña neyi mabound volume adi kwoku nawa ayitemesha, neyi nehi yikamwekenaña handandanda yakuloñelahu yuma yachipompelu yakenza hanyima. Mabound volumes hiyuma yakusonekesha kwadimena.
◼ Nkoñi wanyikanda watela kwiluka nindi tumina twahamatepu 5-Album yaSing Praises On Cassette (csLsb-E) yakuzatisha hakupompa kwachipompelu kwosi kuyisonekesha. Ilaña mwatela kusonekesha 8-CD yatumina twaSing Praises on CD (cdsb-E). Hela chochu tukweti naambala yantesha yamatepu (#1-225) yitwatela kuhiñishamu. Neyi anamani dehi musitoku, kwosi kusonekesha cheñiku.