Ndandanda yaKupompa kwaMudimu

Mulungu Wakutachika June 11

Kamina 153

Jimin. 10: Kubidika kwahachipompelu chenu. Kuzatisha jinjila jidi hefu 4 hela jinjila jikwawu jinesekani neluña denu, mwekeshenu chakuhana Kaposhi Kakutalila kaJuly 1 niAwake! yaJune.

Jimin. 15: Antañishi Ezu daNzambi Adiloñesha Chikupu. Mpanji kushindamena haKaposhi Kakutalila kachiBemba kaFebruary 15, 2002, mafu 24-8. EniKristu amakwawu ajinokaña kutachika kudiza Bayibolu nawakwakukeña kwakuwahi muloña atoñojokaña nawu hiyashikahu kulombola kudizaku. Hela chochu, Yehova watukwashaña kwikala akwakukalakala kuhitila Mwizu dindi, spiritu yindi yajila, nimukuloñesha kwindi. Chikonkwanyi chetu hichidi chakuhana nyikanda hohuku. Chikonkwanyi chetu chekala chakudizisha antu. (Mat. 28:19, 20) Koleshenu akwakushimwina kutoñojoka chikupu hayikonkwanyi yakutachika kudiza kwaBayibolu.

Jimin. 20: Ilenu Yuma Yejima Kulonda Kulemesha Nzambi. Mpanji nikuhanjeka nezaza kushindamena hamukanda waAbaiteyanya Ukucita Ukufwaya kwa kwa Yehova, kapetulu 13.

Kamina 144 nikulomba kwamakumishilu.

Mulungu Wakutachika June 18

Kamina 217

Jimin. 10: Kubidika kwahachipompelu chenu. Kubidika kwakufumisha muMudimu Wetu waWanta.

Jimin. 15: Chiwunateli Kwikala naMuzañalu. Kuhanjeka nezaza kushindamena haKaposhi Kakutalila, kaJanuary 1, 2007, mafu 4-7.

Jimin. 20: “Tudi naMuzañalu waKuzata Chikupu muMudimu waYehova!”a Neyi mpinji yidi kwoku, ilenu izaza dihoshi hansona yinatenuwu chakutena.

Kamina 82 nikulomba kwamakumishilu.

Mulungu Wakutachika June 25

Kamina 15

Jimin. 10: Kubidika kwahachipompelu chenu. Tañenu lipoti yamali nimazu akusakilila kufuma kukasanji kamutayi hayawaana yatemesheli chipompelu chenu. Kuzatisha jinjila jidi hefu 4 hela jinjila jikwawu jinateleli iluña denu, mwekeshenu chimwatela kuhana Kaposhi Kakutalila kaJuly 1 niAwake! yaJuly.

Jimin. 15: Kukankila kwahenu.

Jimin. 20: “Komana Munateli Kwiñila ‘muChenzelu chaNyidimu Cheneni’?”b Mukwihihisha ihulenu payiniya wampinji yejima wumu hela ayedi. Yumanyi yahimpiluwu hakwila atweshi kuzataku wupayiniya wampinji yejima? Nkiswinyi yinatambwiliwu?

Kamina 138 nikulomba kwamakumishilu.

Mulungu Wakutachika July 2

Kamina 208

Jimin. 10: Kubidika kwahachipompelu chenu. Yanukishenu akwakushimwina ahani malipoti amudimu wamwiha aJune. Tenenu nyikanda yakuhana muJuly, nawa mwekeshenu chimwenu.

Jimin. 15: Wunsahu wamuMpanji—Njila Yalema yaKushimwinamu Nsañu Yayiwahi. Kuhanjeka nezaza kushindamena hamukanda waAbaiteyanya Ukucita Ukufwaya kwa kwa Yehova, mafu 101-2. Tenenuhu jinjila jimu jajiwahi jakushimwina wunsahu wamumpanji. Ihulenu izaza dishimuni yakuhumañana yakukolesha yawaniniwu hampinji yadiñawu nakushimwina wunsahu wamumpanji.

Jimin. 20: “Twalekenuhu ‘Kusoña Nyikabu Yayivulu.’”c Neyi himukuhanjeka haparakalafu 4, bombelenuhu mazu adi hachikasha chinakwila nawu “Chakusoña Nyikabu naKumika,” muKaposhi Kakutalila kachiBemba kaFebruary 1, 2003, ifu 21.

Kamina 69 nikulomba kwamakumishilu.

[Tumazu twaheshina]