Ndandanda yaKupompa kwaMudimu

Mulungu Wakutachika February 11

Kamina 168

Jimini. 10: Kubidika kwahachipompelu chenu. Kuzatisha jinjila jidi hefu 8 hela jinjila jikwawu jinesekani neluña denu, mwekeshenu chakuhana Kaposhi Kakutalila kaMarch 1 niAwake! yaFebruary.

Jimini. 15: Komana Munateli Kuzatila Kudi Kukankila Kweneni? Mpanji nikuhanjeka nezaza kushindamena haKaposhi Kakutalila kaChibemba kaJuly 15, 2003 ifu 20. Bombelenuhu mazu adi mumukanda waAbaiteyanya, ifu 111, parakalafu 1, nakushika kwiifu 112, parakalafu 1. Ihujolenu mukwihihisha wudi wejima wayili nakuzatila kwiluña kwekala kukankila kweneni. Kukalanyi kuyamwenuwu nawa akwimanishili ñahi? Nkiswinyi jiyatambwililuwu? Neyi kudi mpinji hitulukenu mumukanda wuyasonekeleleli yipompelu yejima haJanuary 4, 2008.

Jimini. 20: Kwashenu Amaha Kuyilaku Hambidi Hamu Neyi Akwakushimwina. Mazu akutachikilahu hiyatela kubadika haminiti yimuku, tachikenu kuhanjeka kuhitila mukuzatisha Kaposhi Kakutalila kaChibemba kaDecember 1, 2005 ifu 31, kuzatisha malwihu adi muchibaba chakudizamu. Hanyima yakuhanjeka parakalafu 18, mwekeshenu chimwenu chinakumwekesha mwiniitala wunakutadika nsañu yinakuhoshayi mukwakushimwina wamuha wunakuzata namukwakushimwina wakuluka yitembi. Mukwakushimwina wamuha hanamushiki hamuchimaku nawa mwiniitala hakuketwisha mpanji. Hanyima yakumushiya mwiniitala, mukwakushimwina wakuluka yitembi hakumuhameka mukwakushimwina wamuha hañovu jindi, kufumahu hakumuleja chatela kuzatishayi mukanda waUkupelulula hakwakula muntu watela kuketwisha mpanji kumpinji yakumbidi.

Kamina 50

Mulungu Wakutachika February 18

Kamina 17

Jimini. 10: Kubidika kwahachipompelu chenu. Kubidika kwakufumisha muMudimu Wetu waWanta.

Jimini. 10: Kukankila kwahenu.

Jimini. 25: “Wunsahu Wunakumwekesha Chikuhwelelu Chakola!”a Yikuhanewa nankoñi wamudimu. Kunkululenu kuhitila mukuhituluka chiwahi muyuma yakoñeli chipompelu muchaaka chamudimu chinamani.

Kamina 194

Mulungu Wakutachika February 25

Kamina 81

Jimini. 10: Kubidika kwahachipompelu chenu. Yanukishenu akwakushimwina ahani malipoti amudimu wamwiha aFebruary. Tañenu lipoti yamali nimazu akusakilila akufuma kukasanji kamutayi. Mwekeshenu chakuzatisha chipapilu chakutambikilahu antu kuChanukishu hakutambika antu amuchisaka hela ntuñi nenu.

Jimini. 20: “Kuhameka haKwanakana Ifutu daNyiloña.”b Neyi kudi mpinji, lejenu izaza kuhoshahu hajinsona jinatenuwu.

Jimini. 15: Diloñeshenu Kulonda Kuhana Magazini Yayiha. Kuhanjeka nezaza. Hanyima yakuhoshahu chantesha hayuma yidi muKaposhi Kakutalila kaMarch niAwake! yaMarch ihulenu izaza ashimuni chibaba chinateli kukokola antu amwiluña dakushimwina nimuloña wuchikuletela ikoku. Ihulenu izaza dishimuni yikuma yidi muchibaba yinafuukuluwu kuzatisha. Lwihwinyi lwatela kwihulawu hakwila nawu atachiki kuhanjeka? Nsonanyi yidi muchibaba yatela kutañewa? Kuzatisha iji njila, mwekeshenu chakuhana Kaposhi Kakutalila kaMarch 1 niAwake! yaMarch.

Kamina 119

Mulungu Wakutachika March 3

Kamina 223

Jimini. 10: Kubidika kwahachipompelu chenu. Hitulukenu muyikuma yamaneni kufuma muchikasha chinakwila nawu, “Yuma Yimwatela Kwanuka haChanukishu.”

Jimini. 20: Komana Munateli Kutachika Kudiza kwaBayibolu muMarch? Kuhanjeka nezaza. Mukakweji kaMarch tukahanaña mukanda waChatañishaña Bayibolu nachikonkwanyi chakutachika kudiza kwaBayibolu. Hitulukenu mujimbadi jimu jadimena jidi muniwu mukanda. Hanjekenu hachimwatela kuhana mukanda waChatañishaña Bayibolu hakufuntila kudi muntu wamwekesheli mpwila hampinji yimwamushililili chipapilu chakutambikilahu antu kuChanukishu, hakufuntilaku hanyima yakumushila magazini, nihampinji yimukawihanaña kwitala nikwitala mumudimu wakushimwina hanyima yaMarch 22. (Talenu km-LD 8/07 ifu 3; km-CW 3/06 ifu 1, para. 3; km-CW 1/06 mafu 3-6.) Mwekeshenu chimwenu chimu hela yiyedi.

Jimini. 15: Zatishenu Bayibolu Hakwakula Malwihu. Mpanji nikuhanjeka nezaza kushindamena hamukanda waIsukulu lya Butumikishi, mafu 143-4. Bombelenuhu chimwenu chachihi chinakumwekesha mukwakushimwina anehuluwu lwihu lwehulañawu nankashi munodu iluña dakushimwina nawa nazatishi Bayibolu hakwakula.

Kamina 145

[Tumazu twaheshina]