Ndandanda yaKupompa kwaMudimu

Mulungu Wakutachika June 9

Kamina 121

Jimin. 10: Kubidika kwahachipompelu chenu. Kuzatisha jinjila jidi hefu 4 hela jinjila jikwawu jinesekani neluña denu, mwekeshenu chakuhana Kaposhi Kakutalila kaJuly 1 niAwake! yaJune.

Jimin. 20: Chakuloñesha kulonda Kulombola Kudiza kwaBayibolu. Mpanji yikufuma muMudimu Wetu waWanta waChibemba waAugust 2004, hefu 1. Hakukumisha mpanji, mwekeshenu chimwenu chinakumwekesha mukwakushimwina wunakudiloñesha swayi-swayi kulombola kudiza kwaBayibolu. Mwekeshenu cheñi mukwakushimwina mukwawu wunakudiloñesha kuhitila mukutala chakuzatisha jinjila jashimunawu muMudimu Wetu waWanta.

Jimin. 15: “Shimwinenu Chakadi Kuleka”a Neyi mpinji yidi kwoku, ilenu izaza dihoshi hansona yinatenuwu chakutena.

Kamina 201

Mulungu Wakutachika June 16

Kamina 90

Jimin. 10: Kubidika kwahachipompelu chenu. Yakubidika yakufumisha muMudimu Wetu waWanta. Lejenu izaza dikasendi Kaposhi Kakutalila kaJuly 1 niAwake! yaJuly haKupompa kwaMudimu mulungu wunakwinza nawa akadiloñeshi kulonda kuhanjeka hajinjila jakuhaninamu magazini jatelela mwiluña denu.

Jimin. 15: Shimunenu Kulema kwaNsañu Yayiwahi. Mpanji nikuhanjeka nezaza kushindamena hamukanda wa Isukulu lya Butumikishi, ifu 159. Ilenu izaza dihoshi nsañu yakatataka yinakwakamenawu antu mwiluña dakushimwinamu. Yihulenu ashimuni jinjila mutwatela kuhanjekela nawantu kutalisha hakwakamena kwamuchidiwu mumpanji yetu.

Jimin. 20: “Komana Chisaka Chenu Chinadiloñeshi Kapuluka?”b Neyi mpinji yidi kwoku, ilenu izaza dihoshi hansona yinatenuwu chakutena.

Kamina 54

Mulungu Wakutachika June 23

Kamina 140

Jimin. 10: Kubidika kwahachipompelu chenu. Tañenu lipoti yamali nimazu akusakilila akufuma kukasanji kamutayi. Tenenu nyikanda yakuhana muJuly nawa mwekeshenu chimwenu chimu.

Jimin. 20: Chihandilu chaMuzañalu Kuhitila muwuPayiniya waMpinji Yejima. Mpanji yikufuma muKaposhi Kakutalila kaChibemba kaJanuary 15, 2008, hamafu 17-19. Neyi mudi nawapayiniya ampinji yejima, munateli kwihula wamuha niwunazati yaaka yayivulu. Yihulenu ashimuna muzañalu wuyakwetuwu muchihandilu chawu kuhitila mukuzata mudimu wawupayiniya wampinji yejima.

Jimin. 15: Diloñeshenu Kulonda Kuhana Magazini Yayiha. Kuhanjeka nezaza. Hanyima yakuhoshahu chantesha hayuma yidi muKaposhi Kakutalila kaJuly 1 niAwake! yaJuly, ihulenu izaza dishimuni chibaba chinateli kukokola antu amwiluña dakushimwinamu nimuloña wuchikuletela ikoku. Ihulenu izaza dishimuni yikuma yidi muchibaba yinafuukuluwu kuzatisha. Lwihwinyi lwatela kwihulawu hakwila nawu atachiki kuhanjeka? Nsonanyi yidi muchibaba yatela kutañewa? Kuzatisha jinjila jidi muMudimu Wetu waWanta hela jinjila jinatenuwu mwizaza, mwekeshenu chimwatela kuhana magazini ejima.

Kamina 82

Mulungu Wakutachika June 30

Kamina 97

Jimin. 10: Kubidika kwahachipompelu chenu. Yanukishenu ejima ahani malipoti amudimu wamwiha aJune.

Jimin. 20: Chakuwahisha Wuswa Wetu waKuhanjeka. Mpanji nikuhanjeka nezaza yikufuma mumukanda wa Isukulu lya Butumikishi, kufuma hamafu 62, parakalafu 4, nakushika hakumina ifu 64. Zatishenu nsañu kwesekeja neluña denu dakushimwinamu. Mukwihihisha ihujolenu mukwakushimwina welukawu nawu wekala nawuswa wakukokola antu hakutachika kuhanjeka neyi nakushimwina kwitala nikwitala hela kushimwina kwamumpanji.

Jimin. 15: Komana Munakwanuka? Kuhanjeka nezaza kushindamena muKaposhi Kakutalila kaChibemba kaApril 15, 2008, ifu 29.

Kamina 179

Mulungu Wakutachika July 7

Kamina 125

Jimin. 10: Kubidika kwahachipompelu chenu.

Jimin. 15: Kukankila kwahenu.

Jimin. 20: “Chimwatela Kwila Neyi Mwiniitala naKuhosha Idimi daCheñi.”c Akuyihana kudi nkoñi wamudimu. Neyi himukuhanjeka haparakalafu 2, lejenu chipompelu hamazanvu hela yipompelu yazatishaña idimi dacheñi anakushimwina mwiluña dodimu nadashimwinañamu chipompelu. Shimunenu ntanjikilu yidi yejima yimukweti hakukwasha mazanvu hela yipompelu yazatishaña idimi dacheñi kulonda kutiyañana hakuzata mudimu wakushimwina.

Kamina 188

[Tumazu twaheshina]