Ndandanda yaKupompa kwaMudimu

Mulungu Wakutachika September 8

Kamina 204

Jimin. 10: Kubidika kwahachipompelu chenu. Ihulenu izaza dishimuni yibaba yamagazini amaha yaleteli ikoku mwiluña denu dakushimwinamu. Yihulenu ashimuni malwihu nijinsona jazatishiluwu hakuhosha hayibaba. Mwekeshenu chakuhana magazini ejima.

Jimin. 15: Kwashenu Atudizi aBayibolu Kwikala Antañishi. Mpanji kufuma muKaposhi Kakutalila kaFebruary 1, 2007, mafu 13-14, maparakalafu 14-20. Bombelenuhu chimwenu chachihi chinakumwekesha mukwakushimwina nakumulumbulwila kadizi wamuha mpanji yawantu amavulu nikudiza kwaKaposhi Kakutalila nawa nakumutambika kuwanikaku.

Jimin. 20: Chakuumika Chaambu muMudimu Wetu waKushimwina. Mpanji akuyihana kudi eluda, kufuma munsañu yasonekawu yinakushimuna chaambu chichinateli kuluwañesha mudimu wetu wakushimwina. Lumbululenu chitwatela kumanisha chaambu chamuchidiwu. Mpinji yikwawu yililu yetu yitwamwekeshaña mumudimu wakushimwina nihampinji yitwazataña nyidimu yikwawu yamuchihandilu yinateli kuleñela antu atumonaña kuleka chaambu nikuyikwasha kulonda atiyilili nsañu yalala. Dichi, chekala chalema nankashi kwiluka nhoshelu niyililu yetu mpinji yejima. (1 Pet. 2:12; 3:1, 2) Shimunenu yakuhumañana yantesha yamwiluña denu hela yasonekawu yinakumwekesha chakumanisha chaambu.

Kamina 127

Mulungu Wakutachika September 15

Kamina 94

Jimin. 10: Kubidika kwahachipompelu chenu. Yakubidika yakufumisha muMudimu Wetu waWanta.

Jimin. 20: Indi Chaaka Chinamani Twazatili Ñahi? Mpanji nikuhanjeka nezaza akuyihana kudi nkoñi wamudimu hela eluda mukwawu washikahu. Hitulukenu mumudimu wazatili chipompelu chaaka chamudimu chinamani, shimunenu hohu yuma yayiwahi yimwazatili. Yihamekenu chikupu. Lejelenu chadimu mukwakushimwina wumu hela ayedi ashimuni yakuhumañana yayiwahi yamwenuwu. Shimunenu chuma chimu hela yiyedi yinakukeñeka kuzatilahu chipompelu chaaka chinakwinza nawa tenenuhu njila jajiwahi jatela kuzatisha hakuyilaku hambidi.

Jimin. 15: Kutaña Kwetu kwaBayibolu. Mpanji yikufuma mumukanda waDifukulenu Kudi Nzambi, hamafu 26-27, maparakalafu 8-10.

Kamina 51

Mulungu Wakutachika September 22

Kamina 104

Jimin. 10: Kubidika kwahachipompelu chenu. Tañenu lipoti yamali nimazu akusakilila. Hanjekenu hamukanda wunafumi kukasanji kamutayi wudi hefu 1.

Jimin. 20: Tata Yeyi Wamonaña Kumbadi Wakakwinka Wufwetu Weyi. Mpanji kufuma muKaposhi Kakutalila kaFebruary 1, 2007, mafu 21-22, maparakalafu 8-13.

Jimin. 15: Diloñeshenu Kuhana Kaposhi Kakutalila kaOctober 1 niOctober Awake! Hoshenu chantesha hayuma yidi mumagazini, nawa ihulenu izaza dishimuni yibaba yinateli kukokola chikupu antu mwiluña dakushimwina. Malwihwinyi nijinsona jatela kuzatishawu hakuhosha hayibaba? Mwekeshenu chakuzatisha njila yidi muMudimu Wetu waWanta. Ilenu eluda wumu yamwekeshi mukwihihisha njila yinaloñeshiyi kushindamena hachibaba chinateleli mwiluña denu.

Kamina 190

Mulungu Wakutachika September 29

Kamina 45

Jimin. 10: Kubidika kwahachipompelu chenu. Yanukishenu ejima ahani malipoti amudimu wamwiha aSeptember. Loñeshenu chadimu mukwakushimwina wumu hela ayedi ashimuni yakuhumañana yakukolesha yawaninuwu hakushimwina kwamumpanji hampinji yakupompa kwankambi, hakunooka hela hampinji yikwawu yatukweji twanooña.

Jimin. 15: Kukankila kwahenu.

Jimin. 20: “Kampeni Yadimena Yakuhana Tilakiti Kutachika haOctober 20–November 16!”a Neyi tilakiti yidi koku, hanenu yimu yimu mwizaza. Hitulukenu mukwihihisha nsañu yidi matilakiti neyi himukuhanjeka parakalafu 2. Neyi himukuhanjeka parakalafu 4, mwekeshenu chakuhana tilakiti. Neyi himukuhanjeka parakalafu 5, mwekeshenu chimwenu chinakumwekesha mukwakushimwina nakuzatisha tilakiti hakutachika kudiza kwaBayibolu hakufuntilaku.

Kamina 9

Mulungu Wakutachika October 6

Kamina 15

Jimin. 10: Kubidika kwahachipompelu chenu.

Jimin. 15: Chikasha Chalwihu. Kuhanjeka nezaza. Bombelenuhu mazu adi muKaposhi Kakutalila kaChibemba kaJune 15, 2005, mafu 20-22, maparakalafu 10-16.

Jimin. 20: “Dizishenu Amakwawu Kumukeña Yehova.”b Neyi mpinji yidi koku, ilenu izaza dihoshi hansona yinatenuwu.

Kamina 132

[Tumazu twaheshina]