Yakubidika

◼ Nyikanda yakuhana muSeptember: Neyi chabidikiluwu muMudimu Wetu waWanta waAugust 2008. October: Hanenu Kaposhi Kakutalila niAwake! Neyi muntu namwekeshi mpwila, mwinkenu nawa hanjekenu nindi tilakiti yinakwila nawu Komana Munakukeña Kwilukilahu Nsañu Yayivulu yamuBayibolu? kulonda kutachika kudiza Bayibolu. Cheñi munateli kuhana mukanda wa Icaba Inkaama ku Nsansa sha Lupwa. Mwani zatenu nañovu kulonda muzatishi iyi nyikanda mumudimu wamwiha munaka kakweji. November: Nyilungu yiyedi yakutachikilahu manishenu kampeni yadimena yakuhana tilakiti. Nyilungu yiyedi yinashaluku hanenu mukanda waChumanyi Chacheni Chatañishaña Bayibolu? Mwani zatenu nañovu kulonda mutachiki kudiza kwaBayibolu. December: Hanenu mukanda waUmuntu Wakulisha Uwabalile Abako Uwa Mweo. Neyi antu ahosha nawu akweti anyana yinkenu mukanda waSambilileni Kuli Kasambilisha Mukalamba.

◼ Chineli November wukweti jimposu jitanu ninyilungu yitanu, chikuwaha kuzataku wupayiniya wakukwasha.

◼ Mpanji yadimena yachilaaka chaChanukishu cha 2009 yakekalaku mumulungu waApril 20, 2009. Mutu wampanji akawubidika kumbidi. Yipompelu yikendelawu kudi nkoñi wañinza hela yikapompaña kupompa kwañinza hela kwefuku dadimena kunsa yanowu mulungu yakekala naniyi mpanji yadimena mulungu wukalondelahu. Kwosi chipompelu chatela kuhana mpanji yadimena henohu mulungu waApril 20 kanda wushiki.

◼ Yipompelu yatela kutachika kusonekesha mabound volume aWatchtower niAwake! achaaka cha 2008, Watch Tower Publications Index 2008, niWatchtower Library—2008 Edition haCD-ROM nakusonekesha kukalondelahu. Mwani ilukenu nenu Watchtower Library—2008 Edition ayiloñeshela hohu antu amuchipompelu nawa ayitemeshelaña hohu kuhitila muchipompelu. Akwakushimwina azatishaña chikupu Watchtower Library nawa aleka dehi kuzatisha mabound volume atela kutoñojokahu chikupu neyi chakwila atela kusonekesha mabound volume hela nehi.

◼ Vinyu yahaChanukishu: Yipompelu yamunyikala yatela kuwoda vinyu yoyinu mpinji. Temeshenu Fomu yaKutemeshelahu Yawaana (S-20) yacheñi hamu namali. Sonekenu chiwahi nenu “MALI AVINYU” hamufunda wacheñi. BAYI mutemesha mukanda hela Literature Request Form (S-14), chiña S-20 hohu. Neyi kufweta mali nehi, hiyakayitemeshela vinyuku. Chikasha chajimililita 500 chidi nawuseya wa K10,000.00. Ifuku dakukumisha kuwoda hiifuku daDecember 31, 2008. Vinyu akayitemesha muFebruary 2009.

◼ Muntu atondawu kudi nkoñi wakutwaminina watela kuchinda mali achipompelu akakweji kaJune, July, niAugust. Himwatela kuzatisha muntu yowumu hakuchinda maluku. Neyi munakumishi dehi kuchinda, mwatela kubidika kuchipompelu hampinji yikukekala kubidika lipoti yamali.—Talenu Nshimbi yakulondela haKuchinda Mali aChipompelu (S-27).

◼ Nsona yaChaaka cha 2009 akatemeshela yipompelu yasonekesheli nawa yatambwilili Nsona yaChaaka cha 2008. Hela chochu, yipompelu yayiha yinatuñuwu hanyima yaSeptember 1 niyipompelu yabulili kusonekesha nawa yabulili kutambwila Nsona yaChaaka cha 2008 yatela kusonekesha. Nsona yaChaaka yikekalaku muChichewa, Chitonga, muChibemba, English, Kaondi, Lunda, Luvale, Silozi, Swahili nimuChitumbuka. Iyi yuma ayipulintilaña kukampani kacheñi, dichi twatela kuhana yawaana kulonda kuhiñisha hamali akazatishawu, chidi neyi K3,000 hachipapilu chimu chaNsona yaChaaka. Yipompelu yatela kusha muyipompelu Nsona yaChaaka cha 2009 yayiha haJanuary 1, 2009.

◼ Mpinji jikwawu kasanji kamutayi katambwilaña Literature Request Forms (S-14) niCongregation Requests Forms (M-202) hakubula kusoneka ijina daChipompelu ninaambala. Munsañu yamuchidiwu chakalaña kutemesha yuma yimunakukeña. Tunakuyanukisha netu Nsoneki watela kwiluka chikupu nindi wunsahu wejima wudi hohu hampinji yakufwachika nikutemesha fomu.

◼ Tukweti mabuloshuwa amavulu musitoku aChumanyi Chakeñañayi Nzambi mumadimi amboka-mboka, dichi tunakuleja yipompelu kusonekesha awa mabuloshuwa nikuyizatisha.

◼ Compact Disc yayiha yiduhu:

Live With Jehovah’s Day in Mind (cdjd)—English

◼ Kaposhi Kakutalila niAwake! jamuEnglish anajishi dehi haWeb site www.pr418.com. Amavulu akeñaña kufumisha magazini amazu akukwata haIntaneti henohu kanda ayinki haCD hela haMP3 nakuyitemesha muyipompelu. Akwakushimwina elaña mwenimu anayikoleshi kujima woda yawu yajiCD hela jiMP3 nankoñi wamagazini.

◼ MP3 yayiha yiduhu yakufumisha haIntaneti www.pr418.com:

Live With Jehovah’s Day in Mind—English

(Azatishaña iPod atela kusakula fayilu yaM4B (AAC) yikweti nyevulu yatupetulu twejima). Ilukenu nenu: Himwatela kuyisonekeshaku. Hela chakwila kuloñesha kwafwetaña hakufumisha nsañu yeniyi haIntaneti, njila yeniyi yapela wuseya kubadika kutuña nikutemesha madisc aweni.