Chikasha Chalwihu

◼ Komana anvwali ejima ayedi atela kusoneka mpinji yakudiza kwachisaka kwamafuku ejima?

Hela chakwila atata jawantu akweti mudimu weneni ‘wakulela nakuyibabesha nikuyikonkomwena anyana mudi Mwanta,’ anvwali ejima ayedi akweti mudimu wakufumba anyanawu. (Efwes. 6:4) Bayibolu yakolesha anyana nawu: “Eyi mwanami, tiya mwakufumbañayi tata yeyi, bayi wuleka nshimbi jamama yeyuku.” (Yish. 1:8) Njila yimu yalema yafumbilañamu anvwali hikudiza kwaBayibolu kwachisaka.

Hakusambila, nvwali wadiña nakulombola kudiza kwachisaka nawanyana abula kupapatishewa diyi wadiña nakusoneka mawola, chili anvwali ejima ayedi adiña nakudizisha. Ilaña ichi anahimpi. Neyi anvwali ejima ayedi anakuzatila hamu hakudiza kwachisaka nawanyana, dikwila nawu wejima wawu akusoneka ora yimu hohu hamulungu nimulungu neyi mpinji yamumudimu wamwiha. Hela chochu, anvwali azatishaña mawola amavulu kubadika haora yimu mulungu nimulungu hakudizisha anyana. Anvwali ejima ayedi akeñekaña kutwalekahu kuzata nañovu hakudizisha anyana. (Kuhit. 6:6-9) Hela chochu, lipoti yamumudimu wamwiha yakakweji nikakweji yatela kumwekesha chikupu yuma yimunakuzata mumudimu wakushimwina. Dichi dinu, himwatela kuchinda kubadika haora yimu hamulunguku, chili munakulombola kudiza kubadika haora yimu, munakulombola kakavulu mumulungu, hela mwadizaña nawanyana ejima. Nvwali wumu hohu diyi watela kusoneka kudiza kwaBayibolu kwachisaka nikusoneka kufuntilahu kumu mulungu nimulungu kwalombweluwu.