Chakuhosha haKuhana Magazini

Kaposhi Kakutalila October–December

“Mpinji yikwawu antu elaña yuma yatama hamuloña wayuma yakutwamba yayilejañawu munsakililu yawu. Yumanyi yaleñelaña ayidimbeña? [Mulekenu yaakuli.] Talenu chuma chatulejaña Bayibolu. [Tañenu 1 Yowanu 4:1.] Ichi chibaaba chinakulumbulula nawu twatela kwesekeja yuma yitwakuhwelela nayuma yahosha Izu daNzambi.” Hoshenu hachibaaba chinatachikili hefu 29.

Awake! November

Tañenu 2 Timotewu 3:16. Kuhiñahu hoshenu nenu: “Komana munateli kwiteja nikutoñojoka nenu twatela kukuhwelela yuma yejima yahosha Bayibolu? [Mulekenu yaakuli.] Ichi chibaaba chinakushimuna neyi yuma yavumbujolawu ninsañu yakunyaka yendelaña hamu nayuma yahosha Bayibolu kutalisha hetuña daEgypt dakushankulu.” Hoshenu hachibaaba chinatachikili hefu 15.

Kaposhi Kakutalila October–December

[Hakushimwina kudi nvwali, hoshenu nenu] “Hela chakwila mwakamenaña chihandilu chawanyanenu, mwatela kwiluka nenu himwakashakamaña nawu mpinji yejima nakuyikiña mukukala kwejimaku. Mwatela kuyifumba ñahi henohu achidi mumakasenu? [Mulekenu yaakuli.] Iyi vasi yamuBayibolu yinakuhosha nawu munhoshelu nimuyililu, anvwali anateli kumwimbujola Yesu hakukwasha anyanawu eluki chakudihemba aweni.”—Tañenu Yowanu 13:15. Hoshenu hachibaaba chinatachikili hefu 18.

Awake! December

“Mweluka muloña waleñelaña antu anakaneña Krisimansi haDecember 25 chineli Bayibolu hiyashimuna mpinji yavwalikiliyi Yesuku? [Mulekenu yaakuli.] Kwesekeja namazu adi haniyi vasi, Yesu havwalika mumpinji yanvulaku. [Tañenu Luka 2:8.] Iyi magazini yinakushimuna kwafuma tushidikilu tukwawu twavula kwanakanawu haKrisimansi.”