Chakuhosha haKuhana Magazini

Kaposhi Kakutalila October–December

“Etu amavulu chatukalilaña kukundeja ibwambu detu wudi mukankati kakeni. Munakutoñojoka nenu twatela kwila ñahi? [Mulekenu yaakuli. Kuhiñahu tañenu Matewu 7:12.] Ichi chibaaba chinakulumbulula njila jitwatela kulondela jinashindameni hanshimbi yamuBayibolu nimazu itwatela kutondolwela kuhosha hakukwasha muntu wakata.” Hanjekenu hachibaaba chinatachikili hefu 10.

Awake! December

“Antu amavulu ehulaña nawu, ‘Neyi Nzambi wudi kwoku, muloñadi chabulilayi kumufumishahu Diyabolu?’ Anenu nawa mwadihulahu dehi lwihu lwamuchidiwu? [Mulekenu yaakuli.] Ichi chibaaba chidi hamafu 10 ni 11 chinakuli ilu lwihu kushindamena haBayibolu. Chinakutuleja cheñi chakekala ituña neyi Diyabolu anamufumishuhu dehi.” Tañenu Chimwekeshu 21:3, 4.

Kaposhi Kakutalila October–December

“Antaña niamabwambu hiyelukaña chuma chatela kwilawu hakukundeja anfwila niantuluwa hakwila omiki chineñuku. Kuduhu chuma chimunakutoñojoka chatela kuyikwasha abuleña kusweja kutiya wudi? [Mulekenu yakuli. Kuhiñahu tañenu Yishimu 17:17.] Ichi chibaaba chinakushimuna chitwatela kuzatisha kashinshi henohu kanda tuwani njila yakukwashilamu anafwishi hakwila omiki kukala kweneni kunayiholokeli.”

Awake! December

Mulejenu nsañu yidi hachipapilu chahewulu nawa mwihulenu nenu, “Awa malwihu mukuyakula nenudi? [Mulekenu yaakuli.] Nsona yakonkomwenaña antu kushakama mukuwunda. [Tañenu Yakoba 3:17.] Hanu dinu, muloñadi nsakililu chiyinakañenyi kunuñañesha antu? Komana nsakililu yamba kaleta kuwunda? Iyi magazini yinakulumbulula ñakwilu yanawa malwihu.”