Chakwila

Hakutachika Kudizisha Antu Bayibolu Mposu Yatachi muApril

“Munanu mafuku akala wejima wetu twamonaña ikezeñi daneñeshaña yisaka. Mwatoñojokaña nenu kudihi kutwatela kuwana wunlomboli wawuwahi watela kutukwasha kwikala namuzañalu muchisaka?” Mulekenu yaakuli. Kufumahu mwinkenu mwiniitala magazini yaKaposhi Kakutalila yaJanuary–March, nawa hanjekenu hamu nsañu yidi hamutu wanyanya wudi hefu 16 na 17 ninsona yimu yinatenuwu. Mwinkenu magazini nawa loñeshenu kulonda mwakafuntiluku nakwakula malwihu analondeluhu.

Kaposhi Kakutalila January–March

“Chineli antu amavulu amutenaña Nzambi Watwesha Yejima nawu wukweti kukeña, munateli kutiyishisha ñahi nhoshelu yakwila nawu ‘mpinji yakuhela’? [Mulekenu yaakuli. Kuhiñahu tañenu Mukwakutaŋisha 3:8.] Munateli kuhayama Bayibolu chiyazatisha izu dakwila nawu ‘kuhela’ munjila jashiyashana. [Hanjekenu yansañu yadi muparakalafu yatachi yidi heshina dakamutu kanyanya kadi hefu 15.] Ichi chibaaba chinakushimuna nawu kwekala yuma yikwawu yahelayi Nzambi. Chinakushimuna cheñi yuma yatela kwilayi muntu wakoñaña yuma yamuchidiwu hakwila nawu amukeñi kudi Nzambi.”

Awake! April

“Tunakushimwina yisaka. Komana munateli kwiteja nenu yisaka yinakumona kukala kwakuvulu makonu? [Mulekenu yaakuli.] Talenu yisaka yayivulu kuyawanaña kufumba kwakuwahi. [Tañenu Masamu 119:105.] Iyi magazini yinakushimuna yisaka yakuwanamu chiyashindaña kukala kwamonañawu kuhitila mukuzatisha nshimbi yamuBayibolu.”