Chakwila

Hakutachika Kudizisha Antu Bayibolu Mposu Yatachi muJanuary

“Tunakukeña kwiluka chimwatoñojokaña. Mweluka nenu Nzambi ijina dindi hinyi? [Mulekenu yaakuli.] Talenu nsañu yitwatañaña ahanu.” Mwinkenu mwiniitala Kaposhi Kakutalila kaJanuary-February, yenu hachibaaba chidi hachipapilu chakunyima, nawa tañilenu hamu nsañu yidi heshina dakamutu kanyanya katachi ninsona yinatenuwu. Mwinkenu magazini nawa loñeshenu kulonda mwakafuntiluku nakwakula lwihu lunalondeluhu.

Kaposhi Kakutalila January–February

“Antu amavulu ahoshaña hakukuma kwakaayi. Komana munakutoñojoka nenu twatela kuchiina kukuma kwakaayi? [Mulekenu yaakuli.] Kwesekeja naniyi nsañu, kukekala antu amakwawu akapuluka. [Tañenu 1 Yowanu 2:17.] Iyi magazini yinakuhosha hañakwilu yamuBayibolu yiwana kutalisha hamalwihu avula kwihulawu antu hakukuma kwakaayi.”

Awake! January

“Tunakushimwina kulonda tukwashi yisaka. Komana munakutoñojoka nenu chalema neyi yisaka yizatishaña awa mazu aYesu? [Tañenu Yililu 20:35b. Kuhiñahu mulekenu yaakuli.] Kudizisha anyana kulonda abuleña kudikeña aweni kwakala mukanu kaayi mudi antu asweja kudikeña aweni. Chinu chibaaba chinakuhanjeka hanjila jajiwahi jatela kuzatishawu anvwali hakukulisha anyanawu kulonda akeñeña akwawu.”