Chakwila

Hakutachika Kudizisha Antu Bayibolu Mposu Yatachi muJanuary

“Tunenzi nakuhempula antuñinetu hakampinji kantesha. Antu amavulu itunahanjeki nawu anakuhosha nawu chuma chakala chikupu kuumika hikufwisha muntu iwakeña. Komana ninenu dichimwatiyaña? [Mulekenu yaakuli.] Awa mazu adi aha ankoleshaña.” Mulejenu nsañu yidi kuchipapilu chakunyima chaKaposhi Kakutalila kaNovember–December, nawa tañilenu hamu nsañu yidi heshina dalwihu lwatachi ninsona yimu yinatenuwu. Mwinkenu magazini nawa loñeshenu kulonda mwakafuntiluku nakuhanjeka halwihu lunalondeluhu.

Kaposhi Kakutalila November–December

“Tunayendeli muloña antu amavulu muchituñilu chetu ehulaña muloña wetejelayi Nzambi makabi. Komana ninenu mwadihulahu dehi haniyi nsañu? [Mulekenu yaakuli.] Twazañalalaña hakwiluka yikaninu yamuBayibolu yahosha nawu hikwakekala nawa cheñi kuneña hela kudilaku. [Tañenu Chimwekeshu 21:4.] Iyi magazini yinakushimuna yuma yitanu yalema yatukwashaña kwiluka muloña wunaswejeli makabi. Yinakushimuna cheñi Bayibolu chiyahosha hadi Nzambi chamba kamanishayi makabi.”

Awake! January

“Munateli kwiteja nenu yisaka yayivulu yinakumona kukala kweneni makonu? [Mulekenu yaakuli.] Ichi chishimu chamuBayibolu chatuleja yuma yatela kwila yisaka kulonda yikoleshi antu ejima amuchisaka chawu. [Tañenu Yishimu 24:3.] Antu amavulu eluka nawu muBayibolu dimu mwafumaña maana alala. Yinu magazini yinakuhosha haWebu sayiti yayiwahi chikupu yashindamena haBayibolu yinaloñeshuwu yikweti nsañu yatela kukwasha yisaka.”