Chakwila

Hakutachika Kudizisha Antu Bayibolu Mposu Yatachi muOctober

“Antu amavulu akuhwelela nawu Bayibolu himukanda mwekala maana awantu. Indenu mwatoñojokañahu nenudi? [Mulekenu yaakuli, kuhiñahu tañenu 2 Petulu 1:19-21.] Wuprofwetu washimunawu hatooka to-o muBayibolu watuleñelaña kukuhwelela chikupu netu ayonena. Chibaaba chamuchitanu nachiyedi chidi muyinu magazini chinakushimuna wuprofwetu wukwawu wamuBayibolu washikijewa dehi.” Mwinkenu magazini nawa loñeshenu kulonda mwakafuntiluku mwakamwekeshi chakudiza Bayibolu.

Kaposhi Kakutalila July-September

“Mumatuña amavulu antu atoñojokaña nawu anateli kuhanjeka nawantaña jawu afwa dehi. Munakutoñojoka nenu kwila chumichi chatama? [Mulekenu yaakuli.] Shinshikenu Nzambi chahoshayi haniyi nsañu. [Tañenu Kuhituluka 18:10-12a.] Ichi chibaaba chinakumwekesha nawu neyi twiluka nsañu yalala yahosha chekalawu afu hitukufwa mumuhetu wakutudimbaku.” Bakulenu chibaaba chidi hefu 10 nawa mwinkenu magazini.

Awake! October

“Anvwali amavulu akeñaña anyanawu atañi chikupu. Komana munakutoñojoka nenu atwansi anakumanisha mashikola mafuku anu adiloñeshaña kulonda ashindi kukala kwamuchihandilu? [Mulekenu yaakuli.] Talenu Bayibolu chiyahosha kutalisha hakulema kwakuheta maana. [Tañenu Mukwakutaŋisha 7:12.] Ayinu magazini yinakushimuna njila jitanu jajiwahi jikukwasha anyana kuzata chiwahi hashikola.”