Chakwila

Hakutachika Kudizisha Antu Bayibolu Mposu Yatachi muJuly

“Tunakukolesha antuñi netu kulonda atañeña maBayibolu awu. Ilaña antu amavulu atoñojokaña nawu Bayibolu yekala yakala kutiyishisha. Komana ninenu dichimwatoñojokaña? [Mulekenu yaakuli.] Talenu iyi magazini chiyinakuhosha.” Mulejenu mwiniitala chipapilu chakunyima chaKaposhi Kakutalila kaMay–June, nawa tañenu nsañu yidi heshina dalwihu lwatachi ninsona yimu yinatenuwu. Mwinkenu magazini nawa loñeshenu kulonda mwakafuntiluku nakuhanjeka halwihu lunalondeluhu.

Chanukishu: Ichi chimwenu mwatela kuchimwekesha hakuhumañana kwakuya mumudimu wamwiha haJuly 6.

Kaposhi Kakutalila May–June

“Antu amakwawu ehulaña ilu lwihu nawu, ‘Tweluka ñahi netu chalala Yesu amusañwili?’ Komana ninenu mwadihulahu dehi ilu lwihu? [Mulekenu yaakuli.] Talenu ñakwilu yanilu lwihu chiyalemena. [Tañenu 1 Akorinda 15:14.] Iyi magazini yinalumbululi chitweluka netu nsañu yakusañuka yalala.”

Awake! July

“Tunakuhempula antuñi netu kulonda tuhanjeki nawu hakukala kunakumonawu antu, yuma yatama. Antu amakwawu akeñaña kufumishahu yuma yatama kuhitila mukudikuñulula hatooka nakuhosha nawu hiyanakukeña yumoyuku. Komana mwatoñojokaña nenu antu elaña chumichi atweshaña kuhimpa yuma? [Mulekenu yaakuli.] Talenu chuma chahosha Bayibolu chikahimpa yuma chikupu hamaseki. [Tañenu Matewu 6:9, 10.] Iyi magazini yinakuhosha haniyi yuma.”

Nsañu Yayiwahi Yinafumi Kudi Nzambi

“Tunakuhempula yisaka yidi muchituñilu chenu kulonda tuhanjeki nawu nsañu yamuBayibolu yakuyikolesha. Antu amavulu itunahanjeki nawu ahayamaña muloña wetejelañayi Nzambi wukweti kukeña makabi mukaayi. Mwatoñojokaña nenu Nzambi wafuukwiluhu hakusambila nindi antu akabakaneña hamaseki?” Mulekenu yaakuli. Kuhiñahu bakulenu Kudiza 5, nawa tañenu nikuhanjeka maparakalafu ayedi akutachikilahu nijinsona jakukamika. Mwinkenu buloshuwa nawa loñeshenu kulonda mwakafunti nakuhanjeka lwihu lukwawu ludi munsona jatamuka.