Kuwahisha Njila Jetu Jakushimwinamu—Kwakamena Antu
Kwalemenadi: Yesu wakameneneña antu ejima hamuntu hamuntu, nawa wayikeñeli. Chakutalilahu, hampinji yimu Yesu chelukiliyi nindi ona iyala wadiña njika matu nakutiya nsonyi, wamufumishili hezaza nakumutwala hambadi, hakumuuka. (Maku 7:31-35) Wayakameneneña atumbanji twindi kuhitila mukwiluka hakumina ñovu jawu nikubula kuyileja nsañu yayivulu. (Yow. 16:12) Nihampinji yayiliyi mwiwulu, Yesu watwalekahu kwakamena antu. (2 Tim. 4:17) Chineli tudi atumbanji twaYesu, twatela kumwimbujola. (1 Pet. 2:21; 1 Yow. 3:16, 18) Kubombelahu, hakwila tuzateña chiwahi mudimu wakushimwina twatela kumwekesha kukeña kudi mwiniitala, kwiluka kukala kukwetiyi, yuma yakeñayi niyuma yakamenañayi. Wukutiyilila nakanañachima neyi yeluka nindi tunayi hohu wanyi nakushimwina hela kushiya nyikandaku ilaña tunakumwekesha nawu twamwakamenaña.
Esekenu Kuzatisha Iyi Njila Mukanu Kakweji:
Hakudifuukula kwachisaka hela hampinji yimunakushimwina, hitulukenu muyuma yimunateli kwila hakuhimpa nsañu yimunaloñeshi kulonda muhoshi nsañu yinakwakamenayi mwiniitala.
Hakuhumañana kwakuya mumudimu wamwiha, manakwetu wunakulombola watela kuhanjeka hela kumwekesha njila yakwakamena antu.