Ndandanda yaMulungu waApril 27
MULUNGU WAKUTACHIKA APRIL 27
Kamina 1 niKulomba
Kudiza Bayibolu haChipompelu:
cf kape. 12 ¶8-14 (Jimin. 30)
Shikola Yawakwakushimwina:
Kutaña Bayibolu: 1 Samweli 26-31 (Jimin. 8)
Kuhituluka muShikola Yawakwakushimwina (Jimin. 20)
Kupompa kwaMudimu:
Mutu Wamukakweji: Endenuña neyi akwamaana ‘nakuzatisha chiwahi mpinji yenu.’—Efwes. 5:15, 16.
Jimin. 7: Ihulenuña Malwihu Kulonda Mutañisheña Chiwahi. Kuhanjeka kufuma mumukanda waNonkelenimo mafu 239. Mukwihihisha mwekeshenu chimwenu chimu hela yiyedi kuzatisha nsañu yidi mumukanda.
Jimin. 10: Shinshikenu Yuma Yasweja Kulema. (Fwi. 1:10) Ihujolenu mutu wachisaka wumu hela ayedi azataña mpinji yejima mwiha hela chakwila azataña mpinji yejima mudimu wakumujimba hela adi nayisaka. Chumanyi chayikwashaña kushimwina hela chakwila adi nanyidimu yayivulu? Kushimwina mpinji yejima kunayikwashi ñahi niyisaka yawu?
Jimin. 13: “Zatishenu Ñovu Yezu daNzambi muMudimu Wenu Wakushimwina.” Kuhanjeka. Kuhiñahu, mwekeshenu chimwenu chayibalu yiyedi yayihi. Chatachi, mukwakushimwina nakuhana buloshuwa yaNsañu Yayiwahi kudi mwiniitala kuhitila mukuhosha mazu ahembelayi kumutu ekala ha 2 Timotewu 3:16, 17, chakadi kutaña muBayibolu. Chamuchiyedi, mukwakushimwina hakuhana cheñi buloshuwa, haniyi mpinji hakutaña nsona muBayibolu. Ilenu izaza dishimuni chimwenu chamuchiyedi chichinateli kuzatikila chiwahi.
Kamina 124 niKulomba