Tudi naKukooleka Kwakutuña niKuwahisha Matala aKudifukula Kwalala

Kwadiña mudimu weneni wakeñekeleña yuma yawuseya hakutuña tembeli muIsarela. Ilaña, aIsarela adiheni chikupu kuniwu mudimu. (1 Kush 29:2-9; 2 Kush 6:7, 8) Chamanini tembeli, mudimu wakuwahisha wazatiluwu aIsarela wamwekesheli nawu adiña awuspiritu hela nehi. (2 Any 22:3-6; 2 Kush 28:24; 29:3) Makonu, AkwaKristu azataña nañovu mumudimu wakutuña, wunyonji nikuwahisha Matala aWanta niMatala Amaneni aKupompela. Kuzatila hamu naYehova muniyi njila hikukooleka kweneni nawa himudimu wetu wajila.—Mas 127:1; Chi 7:15.

TUNATELI KUZATAKU KUHITILA . . .

• 

  Mukuzataku hanyima yakupompa. Neyi himukutweshaku, mwani wahishenu heluña dimunashakami.

• 

  Muzata mpinji yejima mudimu wawunyonji nikuwahisha Itala daWanta. Kuzata antu amavulu mudimu wapelaña nawa wazañaleshaña.—lv 92-93 18.

• 

  Mukuhana mali. Hela tuhu ‘tumali twanyanya tuyedi’ tumukuhana chakufuma hamuchima twamuzañaleshaña Yehova.—Mak 12:41-44.

• 

  Mukuzataku mudimu wakutuña nikutuñulula matala awanta mukudikeñela, neyi chinatwesheki. Munateli kuzata hela mweluka kutuña wanyi.