CHATELA KUSHAKAMAWU AKWAKRISTU

Yumanyi Yimunateli Kudizila Kudi AkwaKristu Anashimbuli Muchalala?

Muyipompelu yetu tukweti antu anamuzatili Yehova yaaka yayivulu. Twatela kumushindamena Yehova neyi chocheliliwu wena. Tunateli kuyihula chadiña kuloñesha kwaYehova kunyima, kukala kunamoniwu nichinomikiwu nawukwashu waYehova. Tunateli kutambikahu wumu kwitala detu haKudifukula kwaChisaka.

Neyi munashimbuli muchalala, yilejenuña atwansi akwaKristu yuma yimwakuhwelela. Yakoba niYosefu alejeleña anyanawu yuma yayilililiyi Yehova. (Kut 48:21, 22; 50:24, 25) Chimwahitili mafuku Yehova wenkeli nyitu yayisaka mudimu wakudizisha anyanawu nyidimu yindi yañovu. (Kuh 4:9, 10; Ms 78:4-7) Makonu anvwali niantu amakwawu muchipompelu anateli kulejaku atwansi yuma yayiwahi yinamoniwu yinazatiyi Yehova mukuloñesha kwindi.

TALENU VIDIYO, KWIKALA ANUÑAÑANA NEYI MUDIMU WETU ANAWULEKESHI, NAWA AKULENU AWA MALWIHU:

Kasanji kaAustria kayikwashili ñahi amanakwetu mumatuña amakwawu mwalekesheliwu mudimu wetu?
Amanakwetu munawa matuña atwalekelihu ñahi kukolesha chikuhwelelu chawu?
Akwakushimwina amavulu muRomania afumini ñahi mukuloñesha kwaYehova nawa afuntili ñahi?
Iyi yuma yinakoleshi ñahi chikuhwelelu chenu?

Nyevulu: Nyevulu yamu vidiyo ya ‘Kwikala Anuñañana Neyi Mudimu Wetu Anawulekeshi.’ 1. Mapu yinakumwekesha matuña alekesheliwu mudimu wetu muEastern Europe. 2. Ikina dakupulinta nachu. 3. Amanakwetu amu Romania anakudikumbata. — Dizilenu yuma yayivulu kudi akwaKristu anashimbuli muchalala!