Kuwahisha Njila Jetu Jakushimwinamu​—Kushimwina kuzatisha Camera hela Intercom

CHICHALEMENA: Chineli jakutuñatuña jinakuyilaku hambidi niwubanji wunavuli, chinaleteshi kwikali macamera nimaintercom. Tunateli kutiya woma kuhanjeka namuntu itunakubula kumona ilaña yena nakutwimona. Iyi yuma yinalondelihu yikutukwasha kuzatisha maCamera nintercom chakadi kutiya woma.

YUMA YIMWATELA KWILA:

• Bayi mujinokañaku. Eni matala amavulu akweti macamera hela maintercom akeñaña kuhanjeka nanetu

• Mwatela kwanuka nenu macamera makwawu atachikaña kukwata nyevulu hela mazu henohu kanda mudondomweni nawa eni matala anateli kuyimona nikuyitiyilila chimweñila tuhu mulubanza

• Neyi mwiniitala yakula, hoshelenu haintercom hela hacamera neyi kwiji munakuhosha nindi mesu namesu. Tumbenu chimwemweta nawa zatishenuña makasa. Hoshenu yuma yoyimu yimwafuukula nenu mukuhosha neyi wedika. Neyi hadi kamela bayi muswina mukamwihi nakamelaku. Neyi mwiniitala nakwakula wanyi, bayi mushiya mazuku

• Hela chakwila munamanishi dehi kuhanjeka, mwatela kwanuka nenu mwiniitala nakuyimona hela nakutiya chimunakuhosha