Twamusakililaña Nzambi niKristu haKusubuka Kudi Kumbidi

Kukalanyi kumwamonaña? Mukweti chisaka chimwahembaña? Mudi anvwali ajiki anakudikita kulonda muhembeña anyanenu? Mwayaña kushikola nawa ayisehaña kudi akwenu? Komana mwakatakataña hela munashinakaji? Antu ejima amonaña kukala. AkwaKristu amavulu anakumona kukala kwakuvulu hampinji yoyimu. Hela chochu, tweluka netu katataka atusubuli kuyihuñu yejima.—2Ko 4:16-18.

Chatundejaña hakwiluka netu Yehova weluka kukala kutwamonaña, wahamekaña hakashinshi ketu nichitomikaña nawa wakatukiswila kumbidi. (Yer 29:11, 12) Yesu niyena watukeña. Chitukuzataña nyidimu yanetu akwaKristu, natukani nindi: “Ami nukwikalaña nanenu.” (Mat 28:20) Neyi tutachika kutoñojoka hakusubuka kwakaleta waWanta waNzambi, tukwikala namuchima wakuchiñeja nawa tukuumikaña kukala kutunakumona.—Rom 8:19-21.

TALENU VIDIYO YINAKWILA NAWU, SHINSHIKENUÑA HADI YESU CHINAKWINZA MPEPELA YENENI!​—YUMA YIKATWILILA WANTA KUMBIDI NAWA AKULENU AWA MALWIHU:

• Antu adaambula ñahi kudi Nzambi, nawa chumanyi chafumamu?

• Yumanyi yikatambwilawu antu ashinshika kudi Yehova?

• Chumanyi chikaletesha iyi yuma kumwekana?

• Yumanyi yayiwahi yimunakufwila kumona mwituña dadiha?