Zatishenu Mukanda waMunateli Kwikala Namuzañalu Haya Nyaaka! Mukwashi Antu Amukuhweleli Chikupu Yehova niYesu

Hakwila amuzañaleshi Nzambi atudizi atela kwikala nachikuhwelelu chakola. (Heb 11:6) Tukuyishika hamuchima neyi tuzatisha mukanda waMunateli Kwikala Namuzañalu Haya Nyaaka! Mudi jinsona hadi yikuma, nsañu yatiyakana, malwihu, mavidiyo ninyevulu yayiwahi yikukwasha atudizi. Neyi tukwasha atudizi kwikala nayilwilu yawakakristu nawa ekala nawubwambu wakola naNzambi dikwila nawu tunakutuña nayuma yambulaña kuha nakesi.—1Ko 3:12-15.

Antu amakwawu atoñojokaña nawu hiyakutwesha kwikala ibwambu daNzambi wakamwekanañaku. Dichi twatela kuyikwasha, amukeñi chikupu Yehova nikumukuhwelela.

TALENU VIDIYO “YAZATISHENU MUKANDA “WAMUNATELI KWIKALA NAMUZAÑALU HAYA NYAAKA!” MUKWASHI ANTU AMUKUHWELELI YEHOVA” NAWA AKULENU AWA MALWIHU:

• Tuneluki ñahi netu muhela waloñesha chiwahi?

• Wazatisha ñahi chiwahi malwihu ahambadi kulonda yamukwashi kadizi kushimuna chinakutoñojokayi hansona yaIsaya 41:10, 13?

• Indi vidiyo ninsona jamukwasha ñahi kadizi?

Antu amavulu eluka wanyi mwatalisha ifutu danyiloña, hela kwiluka nawu hichawana chayinkayi Nzambi. (Ñal 2:20) Dichi, twatela kuyikwasha kulonda akuhweleli ifutu danyiloña dahaniniyi Yesu.

TALENU VIDIYO “YAZATISHENU MUKANDA WAMUNATELI KWIKALA NAMUZAÑALU HAYA NYAAKA!” MUKWASHI ANTU AMUKUHWELELI YESU!” NAWA AKULENU AWA MALWIHU:

• Tukuhosheladi netu iwu manakwetu waloñesha chiwahi?

• Wazatisha ñahi chibalu ‘chaIlukilenuhu Nsañu Yikwawu’ kulonda yamukwashi kadizi?

• Muloñadi kumulombelaku kadizi chikwalemena?