AUGUST 5-11

YUMA YALEMA YAMWIZU DANZAMBI

1. Lejaku “Ikiñu Dinakwinza haÑovu” jaNzambi

(10 min.)

Davidi amukiñili kudi Yehova hadiñayi kansi (Ms 71:5; w99 9/1 18 ¶17)

Davidi wamweni Yehova chamukwashileñayi muwushinakaji windi (Ms 71:9; g04 10/8 23 ¶3)

Davidi wayikolesheli atwansi nanochu chayilejeliyi yuma yamweniyi (Ms 71:17, 18; w14 1/15 23 ¶4-5)

Chisaka chadiña mukupompa kwamulungu wunamani muchibalu chinakwila nawu “Yishina yaKudifukula kwaChisaka Kwamelela.” Anatambiki aisumbula akula dehi kukudifukula kwachisaka. Chisaka chinakutiyilila nakanañachima chinakuyilejawu nyevulu niyuma yamweniwu.

DIHULENU NENU, ‘Hinyi wunashimbuli muchipompelu chetu inatela kwihujola haKudifukula kwaChisaka kwamelela?’

2. Yuma Yalema yakuSpiritu

(10 min.)

Ms 72:8—Chikaninu chaYehova chamukaniniyi Abarahama chekala haKutachika 15:18 chashikijeweli ñahi hayuulileñayi Mwanta Solomoni? (it-1 768)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Ms 71:1-24 (th kudiza 5)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(3 min.) KWITALA NIITALA. Neyi muntu natachiki kuleta ntaadi, manishenu kuhanjeka munjila yayiwahi. (lmd kudiza 4 chikuma 5)

5. Funtilenuku

(4 min.) KUSHIMWINA WUNSAHU WAMUMPANJI. Twalekenuhu kuhanjeka nantaña imwahanjikeli nindi wajinokeleña kudiza Bayibolu. (lmd kudiza 8 chikuma 4)

6. Lumbululenu Yuma Yimwakuhwelela

(5 min.) Mpanji. ijwfq 49—Mutu: Muloñadi aYinsahu jaYehova Chahimpilañawu Yuma Yakuhwelelawu? (th kudiza 17)

CHATELA KUSHAKAMAWU AKAKRISTU

7. Yuma Yimunateli Kwila haKudifukula kwaChisaka

(15 min.) Kuhanjeka.

Chisaka chamwekeshawu hakusambila chinemani nawa chinakwimba kamina kaWanta.

Chisaka chinakutala progiramu ya JW Broadcasting.

Mwana wumu nakumwakula mama yindi hakuhilukamu kwaKudifukula kwaChisaka.

Kudifukula kwaChisaka kwamelela himpinji yayiwahi yatela kudizawu anyana “kufumba nikukonkomwena kwaYehova.” (Efw 6:4) Kudiza himudimu nahawu, ilaña kunateli kwikala kwakuwahi, sweje-e neyi anyana ekala nampwila yachalala chamuBayibolu. (Ywn 6:27; 1Pe 2:2) Hitulukenu muchikasha chinakwila nawu “Hakudifukula kwaChisaka” kulonda chiyikwashi enu anvwali kwiluka chimunateli kuloñesha Kudifukula kwaChisaka kwamelela kwakuwahi, kuhiñahu hanjekenu hanawa malwihu:

Njilanyi haniyi njila yimukukeña kuzatisha?

Ñakwilu yenu
Kudihu njila yimwazatishaña yazatikaña chiwahi?

Ñakwilu yenu

HAKUDIFUKULA KWACHISAKA

BAYIBOLU:

Tiyililenu kumazu akukwata dehi akutaña Bayibolu kwanowu mulungu, hela yitañenu nakudishilañena nezu datiyakana. Muntu wejima muchisaka wukutaña mazu amuntu anateniwu muBayibolu
Loñeshenu malwihu kushindamena hakutaña Bayibolu kwanowu mulungu. Lejenu muntu wejima muchisaka atondihu lwihu nawa asandujolihu. Kuhiñahu ashimuni yuma yinadiziwu
Ihulenu lwihu hela shimunenu chuma chinateli kumwekana, kuhiñahu sandujolenu yishina yamuBayibolu muNsona jaChatela Kushakamawu akaKristu yinateli kuzatishawu
Hemenu chibalu chansañu yamuBayibolu
Sonekenu makaadi hadi mavasi amuBayibolu amunowu mulungu, chidi neyi adi munsañu jikwawu A mubuloshuwa yaKeñenu Antu—Ilishenu Atumbanji, kuhiñahu esekenu kuhembela kumutu owu mavasi. Hitulukenu mumakaadi anyilungu yinafumiku
Dizenu chibalu chamukanda waMunateli Kwikala naMuzañalu Haya Nyaaka!
Yinkenu ejima muchisaka mudimu wakushimuna lipoti hayibaaba yahoshaña nawu “Malwihu amuBayibolu Anayakuli” hela “Bible Verses Explained,” neyi muya hanasonekiwu nawu CHADIZISHAÑA BAYIBOLU ha jw.org

KUPOMPA:

Loñeshenu chibalu chakupompa kwachipompelu
Loñeshenu nawa hitulukenu muñakwilu. Loñeshenu ñakwilu yayihi
Hitulukenu mutumina twaWanta
Hanjekenu nikuhituuka muyuma yimukahosha hakukolesha muntu henohu hela hanyima yakupompa
Hitulukilenu mumpanji yawatudizi hamu nachisaka chenu

MUMUDIMU WAKUSHIMWINA:

Loñeshenu chakushimwina kwitala niitala
Loñeshenu chakuhosha neyi munafuntiliku
Toñojokenu hachimunateli kushimwina wunsahu wamumpanji, nawa loñeshenu chakushimwina neyi munakuhanjeka hohu
Hanjekenu hayuma yimunakufwila kwila hakuzataku mudimu wakushimwina mumpinji yaChanukishu hela mpinji yakunooka kumudimu hela kushikola

YUMA YAKEÑEWAÑA MUCHISAKA:

Hanjekelenu chadimu chimunateli kwila hakukala kwamwekanahu dehi nihakukala kunateli kumwekana, chidi neyi kwakudiñija munsañu yamapolitiki, kuchinisha, kudiluka iyala namubanda hela kwanuka mafuku akunooka
Hitulukenu muyibalu yansañu nawa munateli kudihimpa, anyana ekala anvwali nawa anvwali ekala anyana. Anyana anateli kusandujola hamutu wansañu kuhiñahu ahanjekahu nawanvwali jawu

YUMA YIKWAWU YIMUNATELI KWILA:

Talenu nawa hanjekenu JW Broadcasting^® progilamu
Tañenu chibaaba hela talenu vidiyo ha jw.org, nawa hanjekenuhu
Hanjekenu hansañu yekala muyibaaba yinakwila nawu “Atwansi” hela “Anyana” yenu hanasonekeiwu nawu CHADIZISHAÑA BAYIBOLU ha jw.org
Hitulukenu munsañu yimwasonekeli hakupompa kweluña hela kwañinza
Shinshikenu hela sandujolenu hayileñaleña, nawa hanjekenu ochileñaleña chichinakuyidizisha hadi Yehova
Mumpinji mumpinji tambikenu muntu wacheñi, nawa mwihujolenu
Sonekenu nyidimu yakuspiritu yimunakufwila kuzata, nawa hanjekenu chimunateli kwilamu
Zatilenu hamu hakwila yuma yidi neyi kuleña mapu hela chati

Vumishenu VIDIYO Twalekenuhu Kuwahisha Kudifukula Kwenu Kwachisaka. Kuhiñahu ihulenu izaza nenu:

Iyala nateli kuwahisha ñahi kudifukula kwachisaka namwini kwindi neyi mwitala mwosi anyana?

Ñakwilu yenu

8. Kudiza Bayibolu haChipompelu

(30 min.) bt kape. 13 ¶17-24