DECEMBER 23-29
ISAMU 119:121-176
Kamina 31 niKulomba | Mazu Akutachikila (1 min.)
1. Chakutondolwela Kuneña-neña Kwabula Kutelela
(10 min.)
Keñenu Nshimbi jaNzambi (Ms 119:127; w18.06 17 ¶5-6)
Helenu yuma yatama (Ms 119:128; w93 4/15 17 ¶12)
Mutiyililenu Yehova, nawa tondolwelenuña kwila yuma yelaña “antu abula kwiluka” (Ms 119:130, 133; Yis 22:3)
DIHULENU NENU, ‘Yumanyi yinatela kuhimpa hakwila nikeñi nshimbi jaNzambi hela hakwila niheli yuma yatama?’
2. Yuma Yalema yakuSpiritu
(10 min.)
Ms 119:160—Kwesekeja naniyi vasi, chumanyi chitwatela kwiluka? (w23.01 2 ¶2)
Yumanyi yalema yakuspiritu yimwawana mukutaña Bayibolu onu mulungu yimukutuleja?
3. Kutaña Bayibolu
(4 min.) Ms 119:121-152 (th kudiza 2)
4. Tachikenu Kuhanjeka
(3 min.) KWITALA NIITALA. (lmd kudiza 1 chikuma 5)
5. Funtilenuku
(4 min.) KWITALA NIITALA. Mulejenu muntu chakuwana nsañu yinakeñiyi ha jw.org. (lmd kudiza 8 chikuma 3)
6. Kwilisha Atumbanji
(5 min.) Hanjekenu nakadizi wenu wabulaña kwinza nakupompa mpinji yejima. (lmd kudiza 12 chikuma 4)
Kamina 121
7. Bayi Mwiteja Mali Ayileteleña Chineñiku
(15 min.) Kuhanjeka.
Antu akeña mali “anadipwiki yihuñu yayivulu nzwa-a nikwishinadi.” (1Ti 6:9, 10) Iyi yuma yinalondelihu diyihuñu yitunateli kumona neyi chakwila tufwilaña mali nakuyileka atuyuuleña muwumi wetu.
Tukuswina wanyi kwakwihi naYehova.—Mat 6:24
Twakamonahu wanyi yuma yitukweti netu yinavuli.—Mkw 5:10
Chikatukalilaña kufuma kuyuma yatama, munabombeli nikutwamba, wukombi, nikubula kwikala ashinshika. (Yis 28:20) Neyi twila chuma chatama tukudinkaña nyiloña, kuditamishila ijina nawa Nzambi wukuleka kututiya kuwaha
Tañenu AHeberu 13:5, nawa hanjekenu hanawa malwihu:
Chumanyi chinateli kutukwasha hakwila tubuleña kutatashana muloña wakusweja kukeña mali, nawa muloñadi?
Hela chakwila hitwasweja kukeña maliku, tukukabakanaña muyitoñojoka neyi chakwila tunakuyizatisha chatama.
Vumishenu vidiyo YANYEVULU YAKUFUNJEKA Chakuzatisha Chiwahi Mali Enu. Kuhiñahu ihulenu izaza nenu:
Muloñadi chitwatela kufukwila chadimu chitukazatisha mali, nawa tunateli kwila ñahi mwenimu?
Chawahiladi kuhembahu kadali hambadi?
Kuwahanyi kwekala mukubula kwikala nanyikudi?
8. Kudiza Bayibolu haChipompelu
(30 min.) bt kape. 20 ¶1-7, nintachikilu yachibalu 7