DECEMBER 30, 2024–JANUARY 5, 2025

YUMA YALEMA YAMWIZU DANZAMBI

AIsarela anakukuñwija namuzañalu tidiku yayivulu yinamuniwu. — AIsarela afumini muwunkoli anakumuna namuzañalu muloña Yehova nayikiswili hachazatiliwu nañovu

1. Akuwili naMadilu, ilaña Amunini naMuzañalu

(10 min.)

AIsarela azañaleli chayisubwiliwu muwuduñu muBabiloni nakufuntisha kudifukula kwakadi majilu (Ms 126:1-3)

Ana afuntili kuYudeya hadaha adiilili muloña wanyidimu yakola yawaniniwu kwenakuna (Ms 126:5; w04 6/1 16 ¶10)

Antu atwalekelihu kuzata nawa ayikiswilili (Ms 126:6; w21.11 24 ¶17; w01 7/15 18-19 ¶13-14; talenu wudi hakava)

AIsarela anakuzata nañovu kulonda adimi. Wumu nakutumba mbutu iku mukwawu nakudima napulawu.

LWIHU LWAKUTOÑOJOKAHU: Hanyima yakutupulwisha kukanu kaayi kakakulu haAmagedoni, kukalanyi kutwakamona namudimu weneni wakutuñulula? Yumanyi yayiwahi yakafumamu?

2. Yuma Yalema yakuSpiritu

(10 min.)

Ms 124:2-5—Komana twatela kumukuhwelela Yehova kutwamwina neyi cheliliyi namuza waIsarela? (cl 73 ¶15)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Ms 124:1–126:6 (th kudiza 5)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(3 min.) KUSHIMWINA KUDI ANTU AMAVULU. (lmd kudiza 3 chikuma 5)

5. Funtilenuku

(4 min.) KWITALA NIITALA. Himwenjiliku katachi, wajinokeleña neyi chakwila watela kukuhwelela Bayibolu hela nehi. (lmd kudiza 9 chikuma 5)

6. Kwilisha Atumbanji

(5 min.) lff kudiza 16 ntachikilu nichikuma 1-3 (lmd kudiza 11 chikuma 3)

CHATELA KUSHAKAMAWU AKAKRISTU

7. Zañalelenuña muYikaninu yaNzambi

(15 min.) Kuhanjeka.

Yehova washikijili yikaninu yindi kudi antu jindi adiña muwunkoli muBabiloni. Wayamwinini nikuyuuka kuspiritu. (Isa 33:24) Wayikiñili wena niayimuna awu kudi anyitupa niayisumi amakwawu avulili kufuma tuhu mpinji yayiliwu. (Isa 65:25) Atiyileña kuwaha kushakama mumatala awu nikuda mumaha awu. (Isa 65:21) Nzambi wakiswilili nyidimu yawu nawa ahandili yaaka yayivulu.—Isa 65:22, 23.

Kachibalu kanafumi muvidiyo yinakwila nawu “Zañalelenu muYikaninu yaNzambi yaKuleta Kuwunda—Kachibalu.” Nyevulu: 1. Amanakwetu niahela nakudiluñisha kudila hamu hanji. 2. Iluña dadiwahi dajimpidi Niisaña. 3. Kaprofwetu Danyeli anasañuliwu nakwenda mwisaña. 4. Adisumbula anamupakatilimu mwanawu anasañuliwu. 5. Nyikaabu niyisakola. 6. Menji.

Vumishenu VIDIYO Zañalelenu muYikaninu yaNzambi yaKuleta Kuwunda—Kachibalu. Kuhiñahu ihulenu izaza nenu:

Munjilanyi mutunakumwena netu iwu wuprofwetu kushikijewa makonu?

Ñakwilu yenu
Wakashikijewa ñahi mwituña dadiha?

Ñakwilu yenu
Wuprofwetwinyi wumwachiñejaña kushikijewa?

Ñakwilu yenu

8. Kudiza Bayibolu haChipompelu

(30 min.) bt kape. 20 ¶8-12, chikasha chidi hefu 161