Wanenu Iluña Dadiwahi Kwakudizila

Komana mukukeña kudizilahu yuma yayivulu hakudiza nkawenu? Munateli kweseka kuzatisha iji njila jikuyikwasha kushaku maana hampinji yimunakudiza:

• Tondenu iluña dadiwahi: Neyi chinatwesheki, wanenu iluña dawunyonji nawa kudi chejeji. Munateli kushakama hadesiki hela kumesa, hela munateli kuwana iluña dadiwahi hanji.

• Keñenu iluña damwena chiwahi. Yesu walombeleña “hankunku yakucha” nawa wayileña “kwakankawindi.” (Maku 1:35) Neyi mukutwesha wanyi kuwana iluña kumunateli kwikala nkawenu, munateli kuleja chisaka chenu hela akwenu mumwashakaminaña eluki mpinji yimwadizaña kulonda ayishileñaku mpinji.

• Shenuku muchima. Bayi mwiteja yuma yidi yejima kuyiluwañeshaku. Neyi munakuzatisha foni hela tabuleti, shenu hakwila mubuleña kutambwila nsañu yikuletesha muluwankani. Neyi mutoñojoka nenu kudi yuma yimwatela kuzatilahu, yisonekenu hambadi kulonda muyizatilihu mpinji yacheñi. Neyi munamoni nenu munaleki kushaku muchima kuyuma yimunakudiza, imanenuku chanti muhitiku mpepela hela mudolojoli.