Kuleña Nyevul Kukuyikwasha Kwanuka

Hadaha, kufwana etu amavulu, chayikalilaña nankashi kwanuka yuma yimunadizi. Ilaña chaswayi kwanuka yuma yayivulu yatañishileñayi Yesu muloña kakavulu wazatishileña yakutalilahu. Munateli kuyifwikija chiyamwekeneña, nawa chumichi chayikwashaña kuyanuka. Munjila yoyimu, munateli kwanuka yuma yayivulu yimunakudiza neyi mufwikijaña nyevulu yayuma yimunakudiza. Munateli kwila ñahi mwenimu? Kuhitila mukuleña nyevulu hampinji yimunakudiza.

Antu aleñaña nyevulu yayuma yayiha yinakudizawu, avulaña kwanuka chachiwahi oyu yuma. Iyi njila bayi neyi yayikwashaña hohu kwanuka mazuku, ilaña niyikuma yamaneni yidi munoyu nsañu. Hiyaleñaña nyevulu yasweja kuwahaku, ilaña yapela nawa yaswayi kuleña. Nawa wunsahu wamwekesha hatooka nawu sweje-e antu anakuli dehi, iyi njila yazatikaña chiwahi nankashi kudi wena.

Mpinji yikwawu yimwakekala nakudiza nkawenu, mwakeseki kuleña nyevulu yayuma yimunadizi. Mwakahayama hakumona yuma yimunadizi yimwakatwesha kwanuka!