Chakwanuka Nsona

Komana chayikalilahu dehi kwanuka vasi yamuBayibolu yimwakeña nankashi? Hadaha hivasi yayikundejaña, yayikwashaña kuleka kutoñojoka hayuma yatama, indi kwiji yimunakukeña nenu mulejiku muntu mukwawu. (Mas. 119:​11, 111) Talenu yuma yimu yinateli kuyikwasha kwanuka nsona.

• Zatishenu JW Library^® app. Sonekenu muJW Library nenu “Nsona Jinakeñesha,” nawa haniwu mutu hembelenuña nsona jejima jimunakukeña kwanuka.a

• Lamikenu nsona hanateli kuyipelela kuyimona. Sonekenu hachipapilu vasi yimukukeña kwanukaña, nawa yishenu hakuyipelelaña kuyimona mpinji yejima. Amakwawu ayilamikaña kwakwihi nachibanjilu chawu; amakwawu hachiisu chahafuliji. Amakwawu niwena akopaña oyu nsona, kuhiñahu ashaña mwevulu wunakopiwu hasikilini yahakompyuta hela hafoni yawu.

• Zatishenu tuyipapilu. Sonekenu mukanda wamuBayibolu, kapetulu nivasi hambadi yimu yachipapilu nawa mazu ekalahu yisonekenu hambadi yikwawu. Kuhiñahu, talenu hambadi yachipapilu himwasoneka mukanda wamuBayibolu nawa anukenu mazu adihu, hela talenu mbadi yikwawu himwasoneka mazu nawa anukenu mukanda wamuBayibolu hanafumi owu mazu.