Fwikijenuña Yuma Yamwekeni Yekala muBayibolu

MuBayibolu mwekala nsañu yayivulu yahosha hayuma yamwekeni yatudizishaña yuma yalema. Neyi tufwikijaña iyi yuma yamwekeni, chikutukwasha kutiyishisha nsañu yitunakutaña nawa tukuhetelamu chikupu. Talenu njila jinateli kuyikwasha kufwikija yuma yashimunawu muBayibolu yamwekeni.

• Tañenuña nezu datiyakana. Kutaña Bayibolu nezu datiyakana kunateli kuyikwasha kufwikija chiwahi chadiña yuma yamwekeni. Neyi chisaka chenu chinakutañila hamu Bayibolu, munateli kufwikija chiwahi yuma yamwekeni neyi mwila iwu yataña mazu ahosheli muntu wacheñi, iwu mazu ahosheli muntu wacheñi.

• Fwikijenuña yuma yamwekeni. Fwilenu kwiluka chatoñojokeleñayi nikutiya muntu imunakutañahu. Chakutalilahu, dihulenu nenu: ‘Muloñadi iwu muntu chahosheleliyi hela kwila yuma muniyi njila? Neyi iyami, nadi kutoñojokaña hela kutiya ñahi?’

• Funjekenu nyevulu. Kufunjeka nyevulu yansañu yimunakutaña muBayibolu kunateli kuyikwasha kufwikija nikwanuka chiwahi nsañu yamwekeni, hela chakwila nyevulu yimukufunjeka yikuwaha wanyi.