CHIBALU 8
Yuma Yashimwineñahu Dekulu muBayibolu Yamwekanaña
Bayibolu hiyahoshaña hansañu yalala yayuma yamwekeni kunyuma hohuku, ilaña yahoshaña nihayuma yikamwekana kumbidi. Antu hiyanatweshi kushimuna jakumbidiku. Dimuloña waweni wutwelukila netu Bayibolu yafuma kudi Nzambi. Indi Bayibolu yahoshaña nawudi kutalisha kumpinji yakumbidi?
Yahoshaña hanjita yeneni yaNzambi. Muniyi njita, Nzambi wukafumishahu kutama kwejima hamaseki niantu atama, ilaña wukakiña antu amukalakelaña. Yesu Kristu, mwanta waNzambi, wukamona kwila nindi, ambuña Nzambi anakudiluñisha kuwunda nimuzañalu, nawa nindi hiyakakataña cheñi hela kufwaku.
Twatela kutiya muzañalu nanochu Nzambi chakelishayi paradisa yayiha heseki, netuku? Ilaña twatela kwilahu chuma chimu neyi tunakukeña netu tukashakami muniyi paradisa. Mumpanji yakukumishaku yaniwu mukanda tukudiza chitwatela kwila hakwila nawu tukadiluñishi yuma yayiwahi oyu Nzambi yahembelayi antu amukalakelaña. Dichi tañaku CHIBALU 8 kulonda wiluki yuma yakumbidi yashimwinañahu dekulu muBayibolu.