Hinyi Wakulen̄eli?

1 Nzambi walen̄eli nimawulu nimaseki.—Kutachika 1:1

2 Nzambi wukweti izhina. Izhina dindi diyi Yehova.—Masamu 83:18

Yehova washakama mwiwulu. Hi spiritu. Hiwunatweshi kumumonaku.—Isaya 66:1; Yowanu 1:18; 4:24

3 Yehova Nzambi walen̄eli an̄elu amavulu mwiwulu. Niwena hiaspiritu. Wezhima wawu adin̄i amawahi. Kunyaka, kamunakamu avwalilen̄a nyizhimba ya wuntu kulonda kuyimona kudi antu.—Aheberu 1:7

4 Yehova walen̄eli anyama kunyaka-oyo, henohu kanda alen̄i muntu.—Kutachika 1:25

5 Yehova nawa walen̄eli iyala wezhina da Adama nin̄odindi wezhina da Evu.—Kutachika 1:27

Nzambi wayishili mwitempa dalubanzhi, hela muparadisa. Wamulen̄eleli Adama n̄odindi wumu hohu. Iyala wateleli kushakama nan̄odindi wumu hohu.—Kutachika 2:8, 21, 22, 24

6 Muntu hi wumi.—Kutachika 2:7

7 Anyama hi mawumi.—Kutachika 1:24