Yehova Atwinka Chamwinu

29 Muntu watachi wakuspiritu Nzambi yalen̄eliyi wadin̄i neyi wedi weyala kudi yena.

Nzambi wamuken̄a nankashi nawa wukamuzatisha hakunon̄esha antu atama nakupulwisha ovwahila.—Yowanu 3:16, 36

30 Yehova watemesheli Mwanindi kulonda kusemuka hanu hamaseki. Amutumbili izhina nawu Yesu. Mama yindi izhina wadin̄i Mariya.—Luka 1:30-35

31 Chakuliliyi Yesu watan̄ishili yuma yayivulu yayiwahi. Watan̄ishili nindi Yehova hohu diyi Nzambi walala.—Maku 12:29, 30

Yesu wahosheli nindi twatela kudifukula hohu kudi Yehova.—Matewu 4:10; Yowanu 4:23, 24

Nawa watan̄ishili antu hazha Wanta wa Yehova.—Luka 17:20, 21

32 Yesu wokili akata nikwila yuma yayivulu yayiwahi. Helili yuma yatamaku.—Yililu 10:38; 1 Petulu 2:21, 22

Ochu atwamwini n̄ahi kufuma ku nshidi na kufwa?

33 Wateleli kuhana mulambu kudi Nzambi hakwamwina antu amawahi. Hanyaka, Nzambi walezheli antu kuhana nyilambu yawanyama hamulon̄a wa nshidi zhawu.—Aheberu 7:25, 27

34 Yesu hahanini mulambu wawanyamaku. Wadiheni yomweni kwikala mulambu wanetu.—Matewu 20:28; Aheberu 10:12

Wuneluki mulon̄a?