Yihita yaYileñaleña yakuSpiritu

Bayibolu yatwilejaña nawu kwekala antu amavulu akuspiritu. Yehova yomweni hispiritu.—Yowanu 4:24; 2 Akorinda 3:17, 18.

Hampinji yimu Yehova wadiña nkawindi mukuleña kwejima. Kufumahu watachikili kuleña antu akuspiritu atenañawu nawu añelu. Akweti ñovu nankashi nawa akweti maana kubadika antu. Yehova waleñeli añelu amavulu; kambuña Nzambi Danyeli wamweni yihita yawañelu muchimwenu.—Danyeli 7:10; Aheberu 1:7.

Nzambi waleñeli añelu henohu kanda yaleñi iseki. (Yoba 38:4-7) Kwosi añelu ashakaminuhu hela kufwila hamaseki.