Kudiza 14

Ochadilon̂eshawu Ayinsahu ja Yehova

Ayinsahu ja Yehova amunanu mafuku atachikili mpinjinyi? (1)

Kupompa kwa wAyinsahu ja Yehova kwekala n̂ahi? (2)

Indi mali azatishan̂awu ayiwanan̂a kudihi? (3)

Hinyi watwamininan̂a mu chipompelu chimunachimu? (4)

Kupompanyi kwa maneni kwekalan̂aku nyaaka yejima? (5)

Mudimunyi wazatan̂awu ha chishina ni hamutayi wamatala anyidimu? (6)

1. Ayinsahu ja Yehova amunanu mafuku atachikili mu ma 1870. Hatachi, ayitenenen̂a nawu Atumbanji twa Bayibolu. Ilan̂a mu 1931 aswanini ijina damuNsona Ayinsahu ja Yehova. (Isaya 43:10) Kulon̂esha kunakuli kutachika na wantu antesha kushika kuyihita yawa Yinsahu, anakushimwina kuhita hamatuna 230.

2. Muyipompelu yayivulu yawAyinsahu ja Yehova apompan̂a mampampa kasatu mulungu hi mulungu. Tunakutambiki kwinza nakuwanikaku. (Aheberu 10:24, 25) Mu Bayilolu dimwafuman̂a yuma yatan̂ishan̂awu. Kupompa kwejima akutachikan̂a ni kukumisha nakulomba. “Tumina twawuspritu” nitwena nawa atwimban̂a mumuzan̂alu hakupompa kwakuvulu. (Aefwesesa 5:18, 19) Kwin̂ila kwa wana, nawa kosi kufwetesha.—Matewu 10:8.

3. Yipompelu yayivula yapompelan̂a mu Matala aWanta. Kakavulu awa ekala matala apela atun̂awu kudi Ayinsahu adihana mukudiken̂ela. Wukawana wanyi yifwikija, nyisalaba, hela yuma yadifwana neyi yeniyi heTala daWanta. Mali azatishan̂awu ayiwanan̂a kuhitila muwana wakudiken̂ela. Kudi ejima owu anakuken̂a kuhana wana, kwekala Chikasha chakushamu.—2 Akorinda 9:7.

4. Muyipompelu yejima mwekala akulumpi, hela akwakutala akwawu. Diwu atwamininan̂a mukutan̂isha muchipompelu. (1 Timotewu 3:1-7; 5:17) Ayikwashan̂aku kudi ankon̂i akakuzatila. (1 Timotewu 3:8-10, 12, 13) Awa amayala hiyatumbakana kuhita chipompelu chejimaku. (2 Akorinda 1:24) Hiyayinka nkumbu yadimenaku. (Matewu 23:8-10) Hiyavwala yakuvwala yambukaku nawakwawuku. Helatuhu kuyifweta hiyayifwetan̂a hanyidimu yawuku. Akulumpi mukudiken̂ela atalan̂a hawuzwen̂i waku spiritu wa chipompelu. Akundejan̂a ni kutwaminina mumpinji yakukaba.—Yakoba 5:14-16; 1 Petulu 5:2, 3.

5. Ayinsahu ja Yehova nawa ekalan̂a na kupompa kwa maneni hela kukun̂uluka nyaka yejima. Hampinji yeniyi yipompelu yayivulu apompan̂a ku programu wadimena wakufundisha kwa Bayibolu. Kupapatishewa kwa watumbanji amaha kwekalan̂aku mumpinji yejima haniku kupompa hela kukun̂uluka.—Matewu 3:13-17; 28:19, 20.

6. Chishina chakayi chawa Yinsahu ja Yehova chekala mu New York. Kuna dikwekala Izaza Datwamininan̂a, izaza dawakulumpi ashilimuka atalan̂a hayipompelu mwahita kayi kejima. Kwekala nawa nyitayi yamatala anyidimu kuhita ha 100 mwahita kayi. Hanawa malun̂a, akwakudiken̂ela akwashan̂a kusoneka ni kutemesha nyikanda ya Bayibolu. Kudi nawa kutwaminina mukulon̂esha mudimu wakushimwina. Mulonanyi wukubulila kufuukula kuhempula mutayi wetala danyidimu wakwakwihi?