Kudiza 15

Kukwashan̂a Amakwawu Kwila Mwayila Kuken̂a kwaNzambi

Mulon̂anyi wakulejelaku amakwawu yiwunakudiza? (1)

Hinyi owu iwukulejaku nsan̂u yayiwahi? (2)

Nendelu yeyi yikwambukila n̂ahi amakwawu? (2)

Mpinjinyi watela kwendela hamu nachipompelu mukushimwina? (3)

1. Hayinu mpiji wunadizi dehi yuma yayivulu yayiwahi kufuma muBayibolu. Iku kwiluka kwatela kukulombola kuwana yililu ya wini Kristu. (Aefwesesa 4:22-24) Kwiluka oku kudi kwalema hakwila eyi wukaheti wumi wahaya nyaka. (Yowanu 17:3) Hela chochu, amakwawu nawa anakuken̂a kutiya nsan̂u yayiwahi kulonda niwena nawa akahandi. Akwa Kristu alala ejima atela kushimuna wunsahu kudi amakwawu. Hikukambija kwa Nzambi.—Aroma 10:10; 1 Akorinda 9:16; 1 Timotewu 4:16.

2. Watela kutachika kulejan̂aku owu adikwakwihi neyi yuma yayiwahi oyu wunakudiza. Yilejiku akwachisaka cheyi, amabwambu, akwenu ahashikola, ni imwazatan̂a nawu. Hampinji yiwukwila mwenomu, ikalaku na luwi ni kuwunda. (2 Timotewu 2:24, 25) Anukaku neyi antu kakavulu atalan̂a hayilwilu yamuntu kuhita hanochu chatiyan̂awu kuyinakuhoshayi. Nanochu n̂endelu yeyi yinatweshi kukokola amakwawu kutiyilila kumazu iwunakuyileja.—Matewu 5:16; 1 Petulu 3:1, 2, 16.

3. Mukuhita kwa mpinji, wambakashikila hakutachika kushimwinan̂a hamu nachipompelu chahenu chawa Yinsahu ja Yehova. Ichi chidi chalema nankashi mukunun̂uluka kweyi. (Matewu 24:14) Owu muzan̂alu neyi chakwila wukatwesha kukwashaku muntu wumu kwikala kambun̂a Yehova ni kuheta wumi wahaya nyaka!—1 Atesalonika 2:19, 20.