KUDIZA 8

Ayilumbu zha Nzambi Hiyanyi?

Satana Diyabolu diyi chilumbu muneni waNzambi. Hichileñaleña chakuspiritu chadikañili naYehova. Satana watwalekañahu kuzuñesha Nzambi nikuleta kukala kweneni hadi antu. Satana himbanzhi. Satana hintwambi nawa himbanzhi.—Yowanu 8:44.

Yileñaleña yikwawu yakuspiritu yadibombeli na Satana hakudikaña kudi Nzambi. Bayibolu yayitenaña nawu ademoni. Ademoni hiyayilumbu zhawantu neyi chochekalayi Satana. Atiyaña kuwaha kukatisha antu. (Matewu 9:32, 33; 12:22) Yehova wakazhilumuna Satana hamu niademoni zhindi haya nyaka. Akweti hohu mpinji yantesha yakukabisha antu.—Chimwekeshu 12:12.

Neyi wunakukeña kwikala ibwambu daNzambi, bayi wukoñaña yuma yinakukeñayi Satana nindi wileñaku. Satana niademoni amuhela Yehova. Hiya yilumbu zhaNzambi, nawa anakukeña nineyi wikali chilumbu chaNzambi. Watela kusakulahu yiwunakukeña kuzañalesha—Satana hela Yehova. Neyi wunakukeña wumi wahaya nyaka, chiña wutondihu kwila mwaya kukeña kwa Nzambi. Satana wukweti tuzhiindilu twatuvulu nizhinzhila zhakudimbilamu antu. Antu amavulu ayidimba kudi Satana.—Chimwekeshu 12:9.