KUDIZA 14

Amabwambu zha Nzambi Atondolwelaña Yuma Yatama

Satana wakokolaña antu kulonda eleña yuma yatama. Muntu wukukeña kwikala ibwambu daNzambi watela kuhela yuma yahelayi Yehova. (Masamu 97:10) Iyi diyi yuma yimu yatondolwelañawu amabwambu zhaNzambi:

Nshidi zhawuvumbi. “Kwila wuvumbi, chizhila.” (Kwidika 20:14) Kuhumañana kweyala na mumbanda henohu maluwi kanda nichena chaluwa.—1 Akorinda 6:18.

Kusheta. “Akwakusheta . . . hiyamba kaswana wanta waNzambiku.”—1 AKorinda 6:10.

Kuzhaha muntu, Kufumisha ivumu. “Kuzhaha muntu, chinzhila.”—Kwidika 20:13.

Wukombi. “Kwiya, chinzhila.”—Kwidika 20:15.

Kutwamba. Yehova wahela “idimi datwambaña.”—Yishimu 6:17.

Madombu ni Kuzuwa. “[Yehova] ‘wahela’ muntu wakeña madombu.” (Masamu 11:5) “Nyidimu yachisemwa [yabombelamu] . . . madombu.”—Añalija 5:19, 20.

Yisela yalwisu. “Bayi mudibomba [na]muntu . . . mukwalwisuku.”—1 Akorinda 5:11.

Kuhelañana kwa Nyichidi Nekowa. “Keñenu ayilumbu zhenu, ninawa ayikabishaña, yilombelenu.”—Matewu 5:43, 44.

Yuma yatulezhañayi Nzambi yatuheteshaña. Hichekala chaswayi mpinji yezhima kutondolwela yuma yatamaku. Kuhitila mu wukwashu waYehova niayinsahu zhindi, wunatweshi kutondolwela yuma yahelayi Nzambi.—Isaya 48:17; Afwilipi 4:13; Aheberu 10:24, 25.