Munjilanyi Mutunateli kutiyilila Kudi Nzambi?

Nzambi wahoshaña nanetu kuhitila muBayibolu. 2 Timotewu 3:16

Nzambi walala walejeli amayala kulonda asoneki yitoñojoka yindi mumukanda wumu wonenewa. Mukanda weniwu hiBayibolu. Muniwu mukanda mudi nsañu yalema yakeñañayi Nzambi nindi muyiluki.

Nzambi weluka yuma yatela kutukwasha, nawa diyi Nsulu yamaana ejima. Neyi mutiyilila chinakuhoshayi mukwikala namaana chikupu.—Yishimu 1:5.

Nzambi nakukeña antu ejima hamaseki nindi atañeña Bayibolu. Anayisoneki mumadimi amavulu.

Neyi munakukeña kutiya chinakuhoshayi Nzambi, mwatela kutaña Bayibolu nikwiluka chiyinakuhosha.

Antu mukaayi kejima anakutiya. Matewu 28:19

A Yinsahu jaYehova akuyikwasha kulonda mwiluki chahoshaña Bayibolu.

Atañishaña chalala hadi Nzambi mwahita iseki dejima.

Hiyakuyifwetesha mali hakwila nawu ayidizishi chalala chamuBayiboluku. Munateli cheñi kudiza hadi Nzambi Hetala daWanta dawaYinsahu jaYehova didi kwakwihi nakumwashakamaña.