CHIBALU 8

Indi Kufwa kwaYesu Kunayikwashi Ñahi?

Yesu watufwilili nindi tukahandi. Yowanu 3:16

awa ambanda anakutala mwijamu daYesu ilaña mwosi

Chimwahitili mafuku asatu kufuma hafwiliyi Yesu, ambanda amakwawu ayili nakutala kwijamu, kuwana kwawashi. Yehova wamusañwili Yesu.

Yesu namwekani kudi apostolu indi, nkumininaku nayi mwiwulu

Kufumahu, Yesu wamwekeni kudi apostolu indi.

Yehova wamusañwili Yesu nakwikala chileñaleña chakuspiritu wabulaña kufwa nawa wukweti ñovu. Atumbanji twaYesu amumweni chayileñayi mwiwulu.

Nzambi wamusañwili Yesu nawa wamwinkeli ñovu yakwikala Mwanta waWanta waNzambi. Danyeli 7:13, 14

Yesu wudi hetanda dindi daWanta nawa nakuyuula antu muparadisa hamaseki

Yesu waheni wumi windi kulonda yakuuli nachu antu. (Matewu 20:28) Kuhitila munidi ifutu, Nzambi watwiteja kuheta wumi wahaya nyaka.

Yehova wamutondeli Yesu nindi yekali Mwanta wukayuula iseki dejima. Wakayuula hamu nawa 144,000 antu ashinshika asañulañawu neyi anafwi nakuya mwiwulu. Yesu nawa 144,000 atuña nfulumendi yaloña yamwiwulu, Wanta waNzambi.—Chimwekeshu 14:1-3.

Wanta waNzambi wakabalumuna iseki kwikala paradisa. Hikwakekala cheñi njita, wubanji, wuzweñi ninzalaku. Antu akazañalala nankashi.—Masamu 145:16.